Tag: وزیر اعلیٰ سندھ سید مراد علی شاہ

کراچی : سندھ کے نئے اور متحرک وزیراعلیٰ سندھ سید مراد علی شاہ نے آج کراچی میں سندھ سائیکلنگ ریس ٹورنامنٹ کا افتتاح کردیا ہے

تفصیلات کے مطابق وزیراعلیٰ سندھ نے آج علی الصبح کمشنر ہاؤس کراچی کے سامنے سندھ سائیکلنگ ریس کاافتتاح کر تے ہوئے کہا کہ کھیل اور تفریح صحت مند معاشرے کی علامت ہوتے ہیں

اس لیے سندھ حکومت اس حوالے سے کی گئی ہر سرگرمی کو نہ صرف سراہے گی بلکہ پوری طرح سےحوصلہ افزائی بھی کرے گی انہوں سندھ سائکلنگ ریس کی انتظامیہ کو ہر ممکن تعاون کی یقین دہانی بھی کرائی

بعد ازاں وزیر اعلیٰ سندھ ٹھٹھہ کے لیے روانہ ہو گئے جہاں راستے میں انہوں نے ملیر کالابورڈ پر زیر تعمیر پل پر جاری کام کا معائنہ کیا اور عملے کو ہدایات دیں جب کہ قائد آباد پل کے نیچے ٹریفک جام پر وہ گاڑی سے باہر نکل آئے اور اعلیٰ حکام کو پل کے نیچے اور اطراف قائم غیر قانونی تعمیرات کو ختم کرانے کا حکم دیا تا کہ ٹریفک کی روانی متاثر نہ ہو۔

کراچی : وزیراعلیٰ سندھ مراد علی شاہ کی زیر صدارت ہونے والے صوبائی کابینہ کے اجلاس میں مدارس کی رجسٹریشن کا بل تیارکرلیا ہے جسے منظوری کے لیے اسمبلی میں پیش کیا جائے گا۔

تفصیلات کے مطابق وزیر اعلیٰ سندھ مراد علی شاہ کی زیر صدارت صوبائی کابینہ کا اجلاس صبح 10بجے شروع ہوا،اجلاس میں کئی اہم امور پر تبادلہ خیال کیا گیا جب کہ امن و امان اورموثرانتظامی امور کے حوالے سے ضروری اور اہم قانونی مسودے منظور کیے گئے۔

ذرائع کے مطابق اجلاس کے دوران آئی جی سندھ اے ڈی خواجہ نے مدارس کی رجسٹریشن سے متعلق وزیر اعلیٰ سندھ کو بریفنگ دی جس کے بعد صوبائی مشیر برائے قانون کی جانب سے مدارس کی رجسٹریشن کا مسودہ پیش کیا گیا۔

وزیراعلیٰ کے ترجمان کے مطابق کابینہ نے مدارس کی رجسٹریشن کے بل کی منظوری دیدی بل میں چند ترامیم کی جائیں گی اور 15دنوں میں مسودے کو اسمبلی میں پیش کردیا جائے گا۔

سندھ کابینہ نے مدارس کی رجسٹریشن کے علاوہ سوشل بل ترمیمی آرڈیننس ،ٹرانسپرنسی اور اطلاعات تک رسائی کا مسودہ قانون بھی منظور کر لیا ہے اجلاس میں سوشل ویلفیئر و ٹرانسپرنسی سمیت دیگر مسودات قانون کی بھی منظوری دی گئی۔

اجلاس کے بعد سندھ حکومت کے مشیر اطلاعات مولا بخش چانڈیو نے قانونی مشیر وہاب مرتضیٰ کے ہمراہ میڈیا سے بات کرتے ہوئے قانونی مسودے کی تفصیلات سے آگاہ کیا،اُن کا کہنا تھا کہ مدارس دین کے ترویج اور معاشرے کے اصلاح احوال کے لیے اہم کردار ادا کر رہے ہیں۔

مدارس کی انتظامیہ کومدارس کی رجسٹریشن کے حوالے سے بنائے گئے قانونی مسودے سے کوئی خطرہ لاحق نہیں ہونا چاہیے یہ مسودہ نیشنل ایکشن پلان میں طے گئے متفقہ نکات کا حصہ ہے جسے اہل علم حضرات کی رضامندی حاصل ہے۔

کراچی: وزیراعلیٰ سندھ حسبِ معمول علی الصبح سندھ سیکریٹیریٹ پہنچ گئے جہاں وہ دو اہم اجلاسوں کی صدارت کریں گے۔

ذرائع کے مطابق وزیراعلیٰ سندھ کی زیر صدارت پہلا اجلاس صوبے بھر میں سڑکوں کی نا گفتہ بہ حالت اور توڑ پھوڑ کی درستگی کے لیے بنائی گئی اسکیموں کے متعلق ہوگا جس میں وزیر بلدیات سمیت سیکرٹری بلدیات و کمشنرز بھی شرکت کریں گے۔

واضح رہے سندھ کے بجٹ برائے مالی سال 2016-2017 میں سڑکوں کی تعمیر کے لیے 22.4 ارب روپے مختص کیے گئے تھے جن سے شاہین کمپلیکس فلائی اوور، یو بی ایل اسپورٹ کمپلیکس فلائی اوور، اسٹار گیٹ انڈر پاس، شاہراہ قائدین سے طارق روڈ تک،این ای ڈی یونیورسٹی سے صفورہ تک،اور حسن اسکوئر سے نیپا تک شاہراہوں کی تعمیر شامل ہے۔

جب کہ دوسرا اجلاس صوبے بھر میں ڈاکٹرز اورادویات کی کمی سے متعلق ہوگا،اس حوالے سے وزیر اعلیٰ سندھ کو رہورٹ موصول ہوئی ہے کہ دیہی علاقوں میں صحت کا شعبہ ذبوں حالی کا شکار ہے اورکوئی ڈاکٹر دیہی علاقوں کے ڈسٹرکٹ اسپتالوں میں خدمات انجام نہیں دینا چاہتا اس کے علاوہ سندھ بھر میں صوبائی حکومت کے زیر انتظام چلنے والے صحت کے مراکزمیں سہلویات کا فقدان بھی ہے۔

واضح رہے اٹھارہویں ترمیم کے بعد سے جو محکمے صوبے کو تفویض کیے گئے‌تھے‌اُن میں صحت کا شعبہ تھا تا ہم اب جناح اسپتال کراچی سمیت دیگر وفاقی سطح پر چلنے والے اسپتالوں کی انتظامی اور مالی اختیارات کی صوبے کو منتقلی تا حال زیر بحث ہی ہے۔