وزیر اعلیٰ پنجاب پرویز الٰہی کے صاحب زادے مونس الٰہی نے کہا کہ اپنی گھبراہٹ میں ن لیگ، پی ڈی ایم احمقانہ حرکت کربیٹھی ہے۔
مونس الٰہی نے گورنر کی جانب سے وزیر اعلیٰ کو ڈی نوٹیفائی کرنے پر ٹوئٹ میں کہا کہ کل رات کو کمال کر دیا ہے کمال کرنے والوں نے۔
انہوں نے کہا کہ گورنرپنجاب نے سی ایم کو کہنا تھا کہ اعتماد کا ووٹ لو، اعتماد کا ووٹ اسپیکر پنجاب اسمبلی نے کروانا تھا لیکن اپنی گھبراہٹ میں ن لیگ، پی ڈی ایم احمقانہ حرکت کربیٹھی ہے۔
کل رات کو کمال کر دیا ہے کمال کرنے والوں نے۔ گورنر پنجاب نے سی ایم کو کہنا تھا کہ اعتماد کا ووٹ لو۔ اعتماد کا ووٹ سپیکر پنجاب اسمبلی نے کروانا تھا۔ اپنی گھبراہٹ میں ن لیگ اور پی ڈی ایم احمقانہ حرکت کر بیٹھے ہیں ۔ اب دوبارہ Faletti’s Hotel میں ککڑی کو منتخب کروائیں گے؟؟
— Moonis Elahi (@MoonisElahi6) December 23, 2022
وزیر اعلیٰ پنجاب پرویز الٰہی کے صاحب زادے مونس الٰہی نے مزید کہا کہ اب دوبارہ ہوٹل میں ککڑی کو منتخب کروائیں گے؟۔
واضح رہے کہ رات گئے گورنر پنجاب بلیغ الرحمٰن نے وزیراعلیٰ چوہدری پرویز الہٰی کو ڈی نوٹیفائی کردیا تھا اور اس کا نوٹیفکیشن بھی جاری کر دیا گیا تھا۔
وزیراعلیٰ پرویز الہٰی نے گورنر کے اس اقدام کو غیر قانونی اور غیر آئینی قرار دیتے ہوئے مسترد کردیا تھا اور کہا تھا کہ وہ اب بھی وزیراعلیٰ ہیں اور کابینہ بھی برقرار ہے۔
یہ بھی پڑھیں: وزیراعلی پرویز الہٰی نے گورنر کا نوٹیفکیشن مسترد کردیا
رات گئے ہی وزیراعلیٰ کی زیر صدارت ان کی رہائشگاہ پر اجلاس ہوا تھا جسمیں اسپیکر پنجاب اسمبلی، ایڈووکیٹ جنرل سمیت دیگر نے شرکت کی تھی اور اقدام کو عدالت میں چلینج کرنے کا فیصلہ کیا تھا اور رات ہی پرویز الہٰی کے وکلا نے پٹیشن بھی تیار کرلی تھی۔
