Tag: وزیر تعلیم سندھ

کراچی: وزیر تعلیم سندھ سعید غنی کا کہنا ہے کہ یکم جون سے اسکول کھولنے کے حق میں نہیں ہیں۔

اے آر وائی نیوز کی رپورٹ کے مطابق صوبائی وزیر تعلیم سعید غنی نے میڈیا سے گفتگو کرتے ہوئے کہا کہ ہم یکم جون سے اسکول کھولنے کے حق میں نہیں، اسکولوں سے متعلق جلد اجلاس ہوگا جس میں صورت حال کا جائزہ لیں گے۔

سعید غنی نے کہا کہ شہروں میں ٹرانسپورٹ کھولنے سے متعلق کوئی راستہ نکالنے کی کوشش کریں گے، جو کارخانے بند ہیں انہیں بند ہی رکھا جائے گا، بڑے شاپنگ مال بھی بند رہیں گے۔

صوبائی وزیر تعلیم نے کہا کہ بلوچستان حکومت نے تشویش کا اظہار کیا اور لاک ڈاؤن میں مزید توسیع بھی کی۔

انہوں ںے کہا کہ وفاقی حکومت نے مارکیٹس اور مالز کھولنے کی مخالفت کی ہے، اس معاملے پر سیاسی پوائنٹ اسکورنگ نہیں کرنی چاہئے، کرونا وائرس کا پی ٹی آئی یا پیپلزپارٹی سے تعلق نہیں۔

سعید غنی نے کہا کہ ایکسپورٹ فیکٹریز کو وفاق کے کہنے پر کھولنے کی اجازت دی، جو فیصلے وفاق کرتا ہے ہم بھی وہی کررہے ہیں، ہم پورے ملک میں ایک پالیسی کے حامی ہیں، وفاق کو لیڈ کرنا چاہئے ہم فیصلوں پر عملدرآمد کریں گے۔

خیال رہے کہ ملک بھر میں کورونا وائرس سے متاثرہ افراد کی تعداد 22 ہزار سے تجاوز کرچکی ہے جب کہ 526 افراد ہلاک ہوچکے ہیں۔

کراچی: وزیر تعلیم سندھ سعید غنی کا کہنا ہے کہ سندھ حکومت نے12سال میں سب سے زیادہ اسپتال بنائے۔

تفصیلات کے مطابق اے آروائی نیوز کے پروگرام آف دی ریکارڈ میں صوبائی وزیر تعلیم سعید غنی نے کہا کہ کرونا وبا کی صورت حال ہم سے غیرمعمولی اقدامات چاہتی ہے۔

وزیر تعلیم سندھ کا کہنا تھا کہ سندھ حکومت نے 12 سال میں سب سے زیادہ اسپتال بنائے،پی پی حکومت نے اندرون سندھ 3 اسٹیٹ آف دی آرٹ اسپتال بنائے۔

انہوں نے کہا کہ تمام صوبوں کی نسبت سندھ حکومت سب سے بہترین اقدامات کر رہی ہے،ایک صوبہ سارے صوبوں سے بہتر میکنزم بنا کر راشن تقسیم کر رہا ہے،دوسرےصوبوں کی بجائے سندھ حکومت سےسوال پوچھے جا رہے ہیں۔

سندھ میں کورونا سے اموات کی تعداد61 ہوگئی

اس سے قبل وزیراعلیٰ سندھ مراد علی شاہ کا کہنا تھا کہ آج 227 نئے کیس سامنے آئے ہیں اور 5 مریض زندگی کی بازی ہارگئے، جس کے بعد صوبے میں کرونا وائرس سے مرنے والے افراد کی تعداد 61 ہوگئی۔

وزیراعلیٰ سندھ کا کہنا تھا کہ نئے کیسز میں 65 کراچی کے ضلع جنوبی، 31 وسطی، 28 ضلع شرقی، 23 کورنگی اور5 غربی میں ہیں جبکہ خیرپور میں 35، جیکب آبادمیں 8، ٹنڈومحمد خان میں 8کیس، حیدرآباد میں 7 ، شہید بینظیرآبادمیں 6، کشمور میں4، میرپورخاص اور لاڑکانہ میں2،2 اور بدین میں ایک کیس سامنے آیا۔

کراچی: وزیر تعلیم سندھ سعید غنی کا کہنا ہے کہ سفید پوش افراد کے لیے رات کے اندھیرے میں راشن پہنچا دیتے ہیں۔

تفصیلات کے مطابق صوبائی وزیر تعلیم سعید غنی نے میڈیا سے گفتگو کرتے ہوئے کہا کہ سندھ حکومت نے فیصلہ کیا ہے وفاق سے مل کر لوگوں کے ریلیف میں حصہ ڈالیں گے۔

سعید غنی کا کہنا تھا کہ بلاول بھٹو کی ہدایت پر پی پی رہنما اپنے طور پر امداد تقسیم کر رہے ہیں، وزیراعلیٰ سندھ کی ہدایت تھی پارٹی کے لوگ راشن خاموشی سے دیں۔

انہوں نے کہا کہ زکوة کی مد میں سندھ حکومت نے 60 کروڑ روپے ریلیز کیے، سندھ حکومت نے 6 ہزار فی خاندان زکوة تقسیم کی، زکوة کی مد میں 6 ہزار روپے منتقل ہوچکے اور مستحقین نے نکال بھی لیے۔

سعید غنی کا کہنا تھا کہ تاثر دیا گیا کہ سندھ حکومت نے کچھ نہیں کیا،36فلاحی تنظیموں کے ذریعے 2 لاکھ 15ہزار خاندانوں میں راشن تقسیم کیا، سندھ حکومت نے 1ارب 8 کروڑ روپے راشن کی مد میں ریلیز کیے ہیں۔

وزیر تعلیم سندھ نے کہا کہ 1 ارب 8 کروڑ سے ساڑھے 5 لاکھ خاندانوں کو راشن دیں گے، کمیٹیز کو واضح ہدایات دی ہیں سب کو جمع کر کے راشن تقسیم نہ کریں، سفید پوش افراد کے لیے رات کے اندھیرے میں راشن پہنچا دیتے ہیں۔

کراچی: وزیر تعلیم سندھ نے نجی اسکولوں کی من مانی کے خلاف کارروائی کا فیصلہ کر لیا، انھوں نے کہا کہ پیر سے ہدایات پر عمل نہ کرنے والے اسکولوں کے خلاف کریک ڈاؤن شروع کر دیں گے۔

تفصیلات کے مطابق وزیر تعلیم سندھ سردار شاہ نے نجی اسکولوں کی من مانی کے خلاف پیر سے بھرپور کارروائی شروع کرنے کا فیصلہ کر لیا ہے۔

وزیر تعلیم نے میڈیا سے گفتگو کرتے ہوئے کہا کہ عدالتی فیصلے کے مطابق اسکول فیسوں پر عمل کیا جائے، کچھ اسکول ایسے ہیں جو ہدایت پر عمل نہیں کر رہے ہیں۔

سردار شاہ کا کہنا تھا کہ جن نجی اسکولوں میں سندھی مضمون نہیں پڑھایا جائے گا ان کے خلاف بھی کارروائی ہوگی۔

یہ بھی پڑھیں:  نجی اسکولوں کو جوناور  جولائی کی فیس ایک ساتھ وصول کرنے سے روک دیا گیا

انھوں نے کہا کہ اسکولوں کو 2 نوٹس بھیجے جائیں گے، اس کے بعد اسکولوں کی رجسٹریشن معطل کر دیں گے، پیر سے بھرپور کریک ڈاؤن شروع کر دیں گے۔

یاد رہے کہ 8 اپریل کو سندھ ہائی کورٹ نے نجی اسکولوں کو ایک ماہ سے زائد پیشگی فیس لینے سے روک دیا تھا، عدالت نے دو دو تین تین مہینے کی اکٹھی فیس مانگنے پر برہمی کا اظہار کرتے ہوئے کہا تھا آپ لوگ تو ٹیکس کے محکمے سے بھی آگے نکل گئے ہیں، ابھی نرمی سے کام لے رہے ہیں سختی پر مجبور نہ کریں۔