کراچی : مفت سولر سسٹم دینے کی اسکیم شروع ہونے کے حوالے سے عوام کے لیے بڑی خوشخبری آگئی۔
تفصیلات کے مطابق وزیر توانائی سندھ ناصر حسین شاہ نے بجلی فراہمی کی افتتاحی تقریب سے خطاب کرتے ہوئے کہا کہ کوشش ہےجوسہولیات ہیں وہ ہرجگہ پہنچائی جائے۔
صوبائی وزیر کا کہنا تھا کہ 2 لاکھ سولر سسٹم کی تقسیم شروع ہوچکی ہے ، 5لاکھ سولر سسٹم دینے کی اسکیم رواں سال شروع ہوگی، جہاں بجلی نہیں پہنچی وہاں سولر فراہم کیے جائیں گے۔
مزید پڑھیں: صوبائی حکومت نے مزید 5 لاکھ سولر پینلز کیلیے منظوری دے دی
انھوں نے کہا کہ بلاول بھٹو زرداری کا وژن ہے کہ ہر ایک کو بجلی دی جائے،ایک سولر پارک بن رہا ہے، لوگوں کو بجلی فراہم کرنا اولین ترجیح ہے، ہر گاؤں تک بجلی پہنچائیں گے۔
اس موقع پر پیپلزپارٹی کے رکن قومی اسمبلی شاہدہ رحمانی، منگھوپیر ٹاؤن کے چیئرمین نواز علی بروہی سمیت پیپلزپارٹی کے دیگر رہنما بھی موجود تھے۔
