Tag: وزیر خارجہ بلاول بھٹو

اسلام آباد: امریکی وزیر خارجہ انٹونی بلنکن نے پاکستان کے وزیر خارجہ بلاول بھٹو زرداری سے فون پر رابطہ کیا ہے۔

تفصیلات کے مطابق امریکی وزیر خارجہ انٹونی بلنکن نے اپنے پاکستانی ہم منصب سے فون پر رابطہ کیا اور نتیجہ خیز پاک امریکا شراکت داری کا اعادہ کیا، بلنکن نے کہا کہ پاکستان کی اقتصادی کامیابی امریکا کی اولین ترجیح ہے۔

انھوں نے کہا امریکا تکنیکی، ترقیاتی اقدامات، تجارتی اور سرمایہ کاری تعلقات کے ذریعے پاکستان کے ساتھ رابطے جاری رکھے گا۔ انھوں نے عالمی مالیاتی فنڈ کی جانب سے پاکستان کی حمایت کے پروگرام کی منظوری کا بھی خیر مقدم کیا۔

امریکی وزیر خارجہ نے زور دیا کہ جمہوری اصول اور قانون کی حکمرانی کا احترام پاکستان اور امریکا کے تعلقات میں مرکزی حیثیت رکھتے ہیں، پاکستانی عوام نے دہشت گرد حملوں سے زبردست نقصان اٹھایا ہے اور دہشت گردی کے خلاف پاکستان کے ساتھ شراکت داری جاری رکھیں گے۔

دونوں رہنماؤں نے یوکرین روس جنگ کے غیر مستحکم اثرات کے ساتھ ساتھ پرامن اور مستحکم افغانستان میں امریکا اور پاکستان کے مشترکہ مفادات پر بھی تبادلہ خیال کیا۔

اسلام آباد : وزیر خارجہ بلاول بھٹو بھارت پہنچ گئے ،جہاں وہ شنگھائی تعاون تنظیم وزرائے خارجہ اجلاس میں شرکت کریں گے۔

تفصیلات کے مطابق وزیرخارجہ بلاول بھٹو بھارت کے شہر گوا پہنچ گئے، پاکستان ایئر فورس کے خصوصی طیارے میں وزیر خارجہ بھارت پہنچے، ان کے ہمراہ وزارت خارجہ سینئر افسران بھی ہیں۔

بلاول بھٹو وزیر خارجہ بھارتی ہم منصب ڈاکٹر سبرامینیم جے شنکرکی دعوت پر شنگھائی تعاون تنظیم وزرائے خارجہ اجلاس میں شرکت کریں گے۔

بھارت کی جانب سے بلاول بھٹو کے طیارے کوخصوصی طورپرفضائی حدود استعمال کرنے کی اجازت دی گئی ہے۔

یاد رہے وزیرخارجہ نے گوا میں شنگھائی تنظیم اجلاس میں شرکت سے قبل سیاسی رہنماؤں سے مشاورت کی اور سربراہ جےیوآئی مولانا فضل الرحمان کو اجلاس میں شرکت سے متعلق اعتماد میں لیا۔

بلاول بھٹو نے امیرجماعت اسلامی سراج الحق،بی این پی کے سربراہ سرداراختر مینگل، ایم کیو ایم کے کنوینر خالدمقبول صدیقی اور نیشنل پارٹی کے رہنما طاہربزنجو سے مشاورت کی۔

ذرائع نے کہا کہ آصف زرداری نے بلاول بھٹو کودورہ بھارت کیلئے اہم مشورے بھی دیئے۔

اسلام آباد : وزیر خارجہ بلاول بھٹو کا کہنا ہے کہ میرے بھارت جانے سے واضح ہے پاکستان ایس سی او کو کتنی اہمیت دیتا ہے۔

تفصیلات کے مطابق وزیر خارجہ بلاول بھٹو زرداری نے دورہ بھارت سے قبل اہم ویڈیو پیغام میں کہا کہ آج بھارت کےشہر گوا جا رہا ہوں جہاں پاکستانی وفدکی قیادت کروں گا، میرے بھارت جانے سے واضح ہے پاکستان ایس سی او کو کتنی اہمیت دیتا ہے۔

بلاول بھٹو کا کہنا تھا کہ ایس سی اورکن ممالک کےوزرائےخارجہ سےدوطرفہ تعلقات پربات کرناچاہوں گا۔

خیال رہے وزیر خارجہ بلاول بھٹو آج شنگھائی تعاون تنظیم کے اجلاس میں شرکت کے لئے بھارت جا رہے ہیں، وزیر خارجہ خصوصی طیارے پر کراچی سے گوا جائیں گے۔

بلاول بھٹو کے ہمراہ وزارت خارجہ سینئر افسران بھی جائیں گے، بلاول بھٹو کے طیارے کوخصوصی طورپرفضائی حدود استعمال کرنے کی اجازت دی گئی ہے۔

دورہ بھارت پروزیرخارجہ بلاول بھٹو نے سیاسی رہنماؤں سےمشاورت مکمل کی جبکہ آصف زرداری نے بلاول بھٹو کودورہ بھارت کیلئے اہم مشورے بھی دیئے۔

اسلام آباد : پاکستان چین میں ہونے والی بیلٹ اینڈروڈسمٹ میں شمولیت کیلئے پُرامید ہے، بلاول بھٹو کا کہنا ہے کہ چین پاکستان تعلقات کے بارے میں مثبت ہوں۔

تفصیلات کے مطابق پاکستان اور ہنگری چین میں ہونے والی بیلٹ اینڈروڈسمٹ میں شمولیت کیلئے پُرامید ہے۔

اس حوالے سے وزیر خارجہ بلاول بھٹو نے کہا کہ اس سے فریم ورک میں تعاون کرنے والے تمام ممالک کو فائدہ ہوتا ہے۔

بلاول بھٹو کا کہنا تھا کہ چین پاکستان تعلقات کے بارے میں مثبت ہوں، پاکستان کےپاس چین اقتصادی راہداری ہے ، جس نے وقت کے ساتھ ساتھ بہت زیادہ ترقی کی ہے۔

وزیر خارجہ نے کہا کہ مستقبل میں ہم ملکرمزید تعلقات بہتر کرنے کا ارادہ رکھتے ہیں۔

اسلام آباد : ترجمان دفتر خارجہ کا کہنا ہے کہ وزیرخارجہ بلاول بھٹو بھارت کا دورہ کریں گے یا نہیں، اس حوالے سے فیصلے سے آگاہ کیا جائے گا۔

تفصیلات کے مطابق ترجمان دفتر خارجہ ممتاز زہرہ بلوچ نے میڈیا بریفنگ میں کہا کہ وزیر خارجہ کے شنگھائی تعاون تنظیم کے بھارت میں اجلاس میں شرکت کافیصلہ نہیں ہوا، وزیرخارجہ بلاول بھٹو بھارت کا دورہ کریں گے یانہیں، فیصلے سے آگاہ کیا جائے گا۔

ترجمان دفتر خارجہ کا کہنا تھا کہ آزاد کشمیر کبھی بھارت کا حصہ نہیں بن سکتا، بھارت کومقبوضہ کشمیر سے غیر قانونی قبضہ چھوڑنا ہوگا۔

ممتاز زہرہ بلوچ نے کہا کہ بھارت مقبوضہ کشمیر میں قابض فوج کےذریعےظلم کررہاہے، کشمیر بین الاقوامی متنازع علاقہ ہے۔

پاکستانی ترجمان نے پیغام دیا کہ بھارتی رہنما سیاسی عزائم کیلئےبین الاقوامی تنازعات پر گفتگو سے پرہیز کریں۔

انھوں نے بتایا کہ پاکستان ایشیا پیسیفک میں ہونے والی گروپ بندی کو دیکھ رہا ہے، دنیا کو بھارت کی پڑوسی ممالک میں دہشت گردی کروانے کو دیکھنا چاہیے۔

ترجمان دفتر خارجہ نے کہا کہ بھارت پڑوسی ممالک بالخصوص پاکستان میں دہشت گردی کروانے کا بڑا ذریعہ ہے اور بھارت پاکستان میں دہشت گردی میں ملوث ہے، جس کے ناقابل تردید شواہد ہیں۔