Tag: وزیر خارجہ

اسلام آباد: وزیر خارجہ شاہ محمود قریشی نے کہا ہے کہ چین سے کشیدگی کا ذمہ دار خود بھارت ہے۔

تفصیلات کے مطابق وزیر خارجہ شاہ محمودقریشی کی زیرصدارت مشاورتی کونسل برائے امور خارجہ کا اجلاس ہوا جس میں اسد عمر، معید یوسف،سیکرٹری خارجہ، سابقہ خارجہ سیکریٹریز، سفرا، ماہرین بین الاقوامی تعلقات سمیت وزارت خارجہ کے سینئر حکام نے شرکت کی۔اجلاس میں خطے میں امن وامان کی مجموعی صورتحال پر تفصیلی مشاورت کی گئی۔

اس موقع پر شاہ محمود قریشی کا کہنا تھا کہ پاکستان خطےمیں امن واستحکام کاخواہاں ہے،بھارت کی ہندتوا پالیسیوں نے خطے کے امن وامان کو داؤ پر لگا دیا۔

وزیر خارجہ نے کہا کہ بھارت نے مذاکرات کی تجویزکوپس پشت ڈال کرمتنازع علاقےمیں تعمیرات کیں،چین سے کشیدگی کا ذمہ دار خود بھارت ہے،مودی حکومت کی جنونیت کے باعث افسران سمیت 20 فوجی ہلاک ہوچکے ہیں۔

شاہ محمود قریشی کا کہنا تھا کہ بھارت مقبوضہ کشمیر کے 80 لاکھ نہتے مظلوموں کواستبداد کا نشانہ بنا رہا ہے۔

وزیر خارجہ نے مزید کہا کہ بھارت کی جانب سے ایل او سی کی خلاف ورزیوں کا سلسلہ مسلسل جاری ہے،معصوم شہریوں کو نشانہ بنانا عالمی قوانین کی صریحاً خلاف ورزی ہے،بھارت کا جارحانہ رویہ عالمی برادری کی فوری توجہ کا متقاضی ہے۔

اسلام آباد: وزیر خارجہ شاہ محمود قریشی نے کہا ہے کہ اسرائیل کو تسلیم کیا نہ کریں گے، ہم دو ریاستی حل کے حامی ہیں۔

تفصیلات کے مطابق وزیرخارجہ شاہ محمودقریشی نے قومی اسمبلی کے اجلاس میں اظہار خیال کرتے ہوئے کہا کہ کہا جا رہا تھا پاکستان کہیں اسرائیل کو تسلیم کرنے تو نہیں جا رہا۔انہوں نے کہا کہ میں واضح طور پر کہتا ہوں پاکستان اسرائیل کو تسلیم نہیں کر رہا۔

شاہ محمود قریشی کا کہنا تھا کہ فلسطین پر ہماری حکومت کا وہی مؤقف ہے جو دیگر حکومتوں کا تھا،کسی کے دباؤ میں آکر ہرگز اپنی پالیسی پرنظر ثانی نہیں کر رہے۔انہوں نے اجلاس کے دوران بتایا کہ فلسطین پر ہمارا وہی مؤقف ہے جو پاکستان کا مؤقف ہے،ہم دو ریاستی نظریے کےکل بھی حمایتی تھے آج بھی ہیں۔

کشمیر سے متعلق وزیر خارجہ کا کہنا تھا کہ مقبوضہ کشمیر پر ہمارا مؤقف ایک ہی ہے،پاکستان بھارت کے 5 اگست کے اقدام کو تسلیم نہیں کرتا۔

یاد رہے کہ گزشتہ روز وزیر خارجہ شاہ محمود قریشی نے بھارتی وزیر دفاع کے من گھڑت بیان کو مسترد کرتے ہوئے کہا تھا کہ جتنا کشمیری آج بھارت سرکار سے متنفر ہے اتنا پچھلی 7 دہائیوں میں نہیں تھا۔

ملتان: کرونا ریلیف ٹائیگر فورس کو یونین کونسل سطح پر متحرک کرنے کے فیصلے کے بعد وزیر خارجہ شاہ محمود قریشی اپنے حلقے کی یو سیز میں ٹائیگر فورس میدان میں اتارنے میں کامیاب ہو گئے۔

اے آر وائی نیوز کے مطابق ملتان میں شاہ محمود قریشی کے حلقے کی گلی محلوں میں ٹائیگر فورس عوام کی مدد کے لیے تیار ہو گئی، شاہ محمود نے اس سلسلے میں 30 یونین کونسلز میں ٹائیگر فورس کے 6 ہزار ممبرز کو تربیت دی۔

شاہ محمود قریشی کی طرف سے ٹائیگر فورس کو گروپس میں تربیت دی گئی، انھوں نے ٹائیگر فورس سے کہیں ویڈیو لنک تو کہیں براہ راست خطاب کیا، فورس کے جوانوں کو یوٹیلیٹی اسٹورز، احساس مراکز، مارکیٹس، اسپتالوں، مساجد سمیت ہجوم والی ہر جگہ پر ڈیوٹی کی تربیت دی گئی۔

ٹائیگر فورس کو اس بات کی تربیت دی گئی کہ کرونا سے خود کیسے بچیں اور لوگوں کو کیسے بچائیں، شاہ محمود قریشی کا کہنا تھا کہ ٹائیگر فورس اسمارٹ لاک ڈاؤن میں ضرورت مندوں کی مدد کریں گے۔

کرونا چیلنج: وزارت خارجہ میں جدید ٹیکنالوجی کے استعمال کو فروغ دینے کا فیصلہ

وزیر خارجہ نے ٹائیگر فورس سے آن لائن خطاب میں قومی خدمت کو شعار بنانے کی ہدایت کی اور کہا وزیر اعظم کے وژن کے مطابق ٹائیگر فورس انسانیت کی خدمت میں لگ جائیں، آپ کا انتخاب انسانیت کی خدمت کے لیے ہے، میں آپ کے ساتھ ہوں۔

شاہ محمود نے کہا ٹائیگر فورس کی رہنمائی اور احتیاطی تدابیر کے ذریعے کرونا کو شکست دیں، مشکل کی گھڑی میں قوم کو ٹائیگر فورس کی مدد کی ضرورت ہے، زین قریشی نے بھی حلقے میں 5 ہزار ٹائیگر فورس کی تربیت کی، میرے اور زین قریشی کے حلقے میں 11 ہزار لوگوں کی خدمت پر مامور ہیں۔

لاہور: وزیراعلیٰ پنجاب سردار عثمان بزدار نے کہا ہے کہ ماضی کے حکمرانوں نے جنوبی پنجاب کے عوام کے حقوق پر ڈاکا ڈالا۔

تفصیلات کے مطابق لاہور میں وزیراعلیٰ پنجاب عثمان بزدار سے وزیر خارجہ شاہ محمود قریشی نے ملاقات کی جس میں جنوبی پنجاب سیکرٹریٹ کے قیام پر ہونے والی پیشرفت پر تبادلہ خیال کیا گیا۔

اس موقع پر وزیراعلیٰ پنجاب کا کہنا تھا کہ جنوبی پنجاب سیکرٹریٹ جلد فعال ہو جائےگا،بہاولپور، ملتان میں ایڈیشنل چیف سیکرٹری اور اے آئی جی تعینات ہوں گے، ایڈیشنل چیف سیکرٹری ، اے آئی جی کی تعیناتی کے لیے پوسٹوں کی منظوری دے دی۔

عثمان بزدار نے کہا کہ ماضی کے حکمرانوں نے جنوبی پنجاب کے عوام کے حقوق پر ڈاکا ڈالا،سابق حکمرانوں نے جنوبی پنجاب کے فنڈ اپنے حلقوں میں لگائے،ترقیاتی فنڈز کی غیر منصفانہ تقسیم کا باب بند کر دیا گیا ہے۔

دوسری جانب وزیر خارجہ شاہ محمود قریشی کا کہنا تھا کہ جنوبی پنجاب سیکرٹریٹ سے عوامی مسائل نچلی سطح پر حل ہوں گے۔

اس سے قبل وزیراعظم عمران خان کی زیرصدارت اجلاس ہوا تھا جس میں وزیراعظم نے لوکل باڈیز کے نظام کو جلد از جلدفعال کرنے کی ہدایت دیتے ہوئے کہا تھا کہ مقامی حکومتوں کے الیکشن کے انتظامات مکمل کیے جائیں۔

ملتان: وزیر خارجہ شاہ محمود قریشی نے کہا ہے کہ اس وقت پوری قوم کرونا کے ایک کڑے امتحان سے گزر رہی ہے۔

تفصیلات کے مطابق ٹائیگرزفورس کو فعال بنانے کے لیے وزیر خارجہ شاہ محمود قریشی متحرک ہوگئے۔انہوں نے اپنے حلقے این اے 156 سے کرونا بچاؤ مہم کا آغاز کر دیا۔

وزیر خارجہ نے ٹائیگرز فورس رضا کاروں سے بذریعہ ویڈیو لنک پر خطاب کرتے ہوئے کہا کہ ملک بھر کے نوجوانوں نے وزیر اعظم کی اپیل پر لبیک کہا،نوجوان پی ٹی آئی کا اثاثہ ہیں جنہوں نے ملک وقوم کی خدمت کا بیڑا اٹھایا۔

شاہ محمود قریشی کا کہنا تھا کہ اس وقت پوری قوم کرونا کے ایک کڑے امتحان سے گزر رہی ہے،ہم نے مل کر بحیثیت قوم اس عالمی وبا سے لڑنا اور شکست دینا ہے۔

انہوں نے کہا کہ غریب ،سفید پوش طبقہ معاشی سرگرمیاں معطل ہونے پر محدود ہو کر رہ گیا،ان کو رازداری کے ساتھ راشن پہنچانا آپ کی ذمہ داری ہے،اس سارے ریلیف مشن کی خود نگرانی کروں گا،آپ مجھے قدم قدم پر اپنے ساتھ مصروف عمل پائیں گے۔

اسلام آباد: وزیر خارجہ شاہ محمود قریشی نے کہا ہے کہ مقبوضہ کشمیر کے80 لاکھ شہری 10 ماہ سے بھارتی استبداد کا سامنا کر رہے ہیں۔

تفصیلات کے مطابق وزیر خارجہ کی زیر صدارت سابق خارجہ سیکریٹریز کا مشاورتی اجلاس ہوا جس میں کرونا صورتحال،معاشی مضمرات، مقبوضہ کشمیر میں بھارتی جارحیت پر تبادلہ خیال کیا گیا۔

اجلاس سے خطاب کرتے ہوئے شاہ محمود قریشی نے کہا کہ کرونا ایک عالمی وبائی چیلنج ہے،پاکستان جیسی ترقی معیشتوں پر وبا کےاثرات شدید نوعیت کے ہیں،وزیر اعظم کی ڈیٹ ایلیف تجویز کو عالمی پذیرائی مل رہی ہے۔

وزیر خارجہ کا کہنا تھا کہ مقبوضہ کشمیر کے80 لاکھ شہری 10 ماہ سے بھارتی استبداد کا سامنا کر رہے ہیں،کرونا وبا کے بعد مظلوم کشمیری دہرا لاک ڈاؤن بھگت رہے ہیں۔

انہوں نے کہا کہ بھارت کی جانب سے ایل اوسی کی خلاف ورزیوں کا سلسلہ جاری ہے،بھارت دانستہ طور پر خطے کا امن و امان تہہ و بالا کرنا چاہتا ہے،عالمی برادری کوبھارت کے جارحانہ رویے کا فوری نوٹس لینا چاہیے،بھارتی اقدامات عالمی قوانین کی صریحاً خلاف ورزی ہیں۔

بھارتی فوج کے جعلی مقابلوں میں کشمیریوں کے قتل پر پاکستان کی شدید مذمت

یاد رہے کہ دو جون کو ترجمان دفتر خارجہ عائشہ فاروقی کا کہنا تھا کہ پاکستان کو مقبوضہ کشمیر میں جعلی مقابلوں میں کشمیری نوجوانوں کے قتل پر شدید تشویش ہے۔