لاہور: وزیر خوراک پنجاب عبدالعلیم خان کا کہنا ہے کہ پنجاب سےگندم دوسرے صوبوں میں اسمگل نہیں ہونے دیں گے۔
تفصیلات کے مطابق لاہور میں سینئر صوبائی وزیر عبدالعلیم خان کی زیرصدارت محکمہ خوارا کا پہلا بریفنگ اجلاس ہوا جس میں پنجاب کے سیکریٹری خوراک وقاص علی محمود نے محکمہ خوراک پر تفصیلی بریفنگ دی۔
صوبائی سیکریٹری خوراک نے بریفنگ کے دوران بتایا کہ صوبے میں گندم کی خریداری شروع ہوچکی ہے اور بنا کسی روک ٹوک کے باردانہ فراہم کیا گیا ہے۔
اس موقع پر وزیر خوراک پنجاب لکا کہنا تھا کہ صوبے میں گندم کی بین الاضلاعی نقل وحمل پر پابندی نہیں ہونی چاہیے۔ انہوں نے واضح کیا کہ پنجاب سےگندم دوسرے صوبوں میں اسمگل نہیں ہونے دیں گے۔
عبدالعلیم خان نے کہا کہ گندم کی خریداری کا 45 لاکھ ٹن کا ہدف ہر حال میں پورا ہوگا، گندم کی خریداری پر ایک فیصد بھی سمجھوتہ نہیں کریں گے۔ وزیر خوراک پنجاب کا مزید کہنا تھا کہ گندم کی خریداری کے ہدف میں اضافہ تو ہوسکتا ہے لیکن کمی ہرگز نہیں ہوسکتی۔
عبدالعلیم خان نے پنجاب کابینہ میں شمولیت کا حلف اٹھالیا
یاد رہے کہ گزشتہ روز تحریک انصاف کے رہنما عبدالعلیم خان نے صوبائی وزیر کی حیثیت سے اٹھایا تھا۔
