کوئٹہ : وزیر داخلہ بلوچستان میر ضیا لانگو کا کہنا ہے کہ شاری بلوچ اور ماہل بلوچ جیسی خواتین ہمدردی کی مستحق نہیں۔
تفصیلات کے مطابق وزیر داخلہ بلوچستان میر ضیا لانگو نے ویڈیو بیان میں کہا ہے کہ عوام کوامن وامان فراہم کرناحکومت،ریاستی اداروں کی ذمہ داری ہے، کچھ دنوں سے تھریٹس تھیں،جن میں خودکش بمبار آنے کی اطلاعات تھیں۔
میر ضیا لانگو کا کہنا تھا کہ خواتین خودکش حملہ آور کی بھی اطلاع تھی لیکن اداروں کوکہاتھادہشتگردی کے منصوبے کو ناکام بنائیں۔
وزیرداخلہ بلوچستان نے کہا کہ اس سے پہلے شاری بلوچ خودکش حملہ کرچکی، جس کے پیچھےبہت سےلوگ کھڑےہوگئے ، ایسی خواتین ہمدردی کی مستحق نہیں۔
ان کا کہنا تھا کہ کسی کی ماں بہن کوگرفتارکرناہمیں اچھانہیں لگتاہے لیکن جوقانون توڑےگاتواس کےخلاف ایکشن ہوگا۔
میر ضیا لانگو نے اپیل کی کہ تنظیمیں بھی خواتین کو دہشت گردی کیلئے استعمال نہ کریں۔
