ARYNews.tv | Urdu – Har Lamha Bakhabar

Tag: وزیر داخلہ

  • اسلام آباد میں ریسکیو 1122 سروسز شروع کرنے کا اعلان

    اسلام آباد میں ریسکیو 1122 سروسز شروع کرنے کا اعلان

    اسلام آباد: وفاقی دارالحکومت اسلام آباد میں ریسکیو 1122 سروسز شروع کرنے کا اعلان کردیا گیا، وزیر داخلہ شیخ رشید کا کہنا ہے کہ ریسکیو 1122 میں فائر بریگیڈ، ایمبولینس اور دیگر ایمرجنسی سروسز شامل ہوں گی۔

    تفصیلات کے مطابق وزیر داخلہ شیخ رشید احمد نے اسلام آباد فائر بریگیڈ سروس کے دورے کے دوران وفاقی دارالحکومت میں ریسکیو 1122 سروس شروع کرنے کا اعلان کیا۔

    وزیر داخلہ کا کہنا تھا کہ ریسکیو 1122 سروس کا آغاز اسی ماہ کیا جائے گا، پنجاب کی طرز پر اسلام آباد میں ریسکیو سروس کا آغاز کیا جارہا ہے، ریسکیو 1122 میں فائر بریگیڈ، ایمبولینس اور دیگر ایمرجنسی سروسز شامل ہوں گی۔

    انہوں نے کہا کہ ریسکیو 1122 سروس میں ابتدائی طور پر 20 گاڑیاں شامل ہوں گی، دوسرے مرحلے میں گاڑیوں کی تعداد کو بڑھا کر 40 کیا جائے گا۔

    شیخ رشید کا کہنا تھا کہ دارالحکومت اسلام آباد کو محفوظ ترین شہر بنایا جا رہا ہے، اسلام آباد میں بلند عمارتیں بننے سے ایمرجنسی سروسز پر مزید بوجھ پڑے گا۔ فائر سروس اور دیگر ایمرجنسی سروسز کو اپ گریڈ کرنے کی فوری ضرورت ہے۔

    وزیر داخلہ نے آگ بجھانے، ایمرجنسی ہینڈلنگ اور مشقوں کا معائنہ بھی کیا۔

  • وزیر داخلہ کا طور خم بارڈر کا دورہ

    وزیر داخلہ کا طور خم بارڈر کا دورہ

    خیبر: وفاقی وزیر داخلہ نے پاک افغان بارڈر طور خم کا دورہ کیا، اس موقع پر ان کا کہنا تھا کہ پاکستان نے امن کی خاطر کلیدی کردار ادا کیا ہے۔

    تفصیلات کے مطابق وفاقی وزیر داخلہ شیخ رشید پاک افغان بارڈر طور خم پہنچ گئے، شیخ رشید نے امن و امان کی صورتحال پر اعلیٰ حکام سے مشاورت کی۔

    اس موقع پر میڈیا سے گفتگو کرتے ہوئے شیخ رشید کا کہنا تھا کہ نادرا اور ایف سی نے زبردست انتظامات کیے ہیں، طور خم بارڈر پر مہاجروں کا کوئی کیمپ نہیں۔ چمن بارڈر پر بھی جاؤں گا۔

    شیخ رشید کا کہنا تھا کہ ہندوستان کو بہت بڑی شکست ہوئی ہے، 40 سال سے افغان عوام امتحان سے گزر رہے ہیں، یہ خطہ بدلنے جا رہا ہے۔ عمران خان نے کہا ہے ہماری زمین کسی کے خلاف استعمال نہیں ہوگی، افغانستان میں استحکام اور ترقی سے ہماری ترقی وابستہ ہے۔

    انہوں نے کہا کہ 4 ہزار لوگ افغانستان سے پاکستان آئے ہیں، دنیا افغانستان کے مسائل کو سمجھے۔ توقع کرتے ہیں افغان سرزمین پاکستان کے خلاف استعمال نہیں ہوگی۔ انخلا کے بعد آنے والے 10 ہزار میں سے 9 ہزار افراد واپس جا چکے ہیں۔

    وزیر داخلہ کا کہنا تھا کہ پاکستان نے امن کی خاطر کلیدی کردار ادا کیا ہے، افغانستان کے ساتھ بارڈر پر 92 فیصد باڑھ لگ چکی ہے۔ ایران کے ساتھ بارڈر پر 48 فیصد باڑھ مکمل ہوچکی ہے۔

    انہوں نے کہا کہ ڈی جی آئی ایس آئی کے افغانستان جانے پر بھارتی میڈیا واویلا مچا رہا ہے، کیا امریکا، برطانیہ اور دیگر ممالک کے لوگ افغانستان نہیں گئے۔ افغانستان میں جو کچھ ہوا اس پر این ڈی ایس اور را کے چہرے لٹکے ہوئے تھے، این ڈی ایس اور را کو ذلت اور رسوائی کا سامنا کرنا پڑا ہے۔

  • شیخ رشید کا جلسہ اور آتش بازی منسوخ کرنے کا اعلان

    شیخ رشید کا جلسہ اور آتش بازی منسوخ کرنے کا اعلان

    اسلام آباد: وفاقی وزیر داخلہ شیخ رشید نے 13 اگست کو جلسہ منسوخ کرنے کا اعلان کر دیا۔

    تفصیلات کے مطابق آج اسلام آباد میں نیوز کانفرنس کرتے ہوئے شیخ رشید نے لال حویلی میں جلسہ اور آتش بازی منسوخ کرنے کا اعلان کر دیا۔

    شیخ رشید نے کہا این سی او سی کی ایس او پیز پر عمل درآمد کریں، علمائے کرام سے بھی گزارش ہے، این سی او سی رولز کا احترام کریں، قانون کی خلاف ورزی پر قانون کا اطلاق ہوگا، آج اسلام آباد کے لیے مزید 2 ہزار پولیس جوانوں کی ڈیمانڈ کر رہے ہیں۔

    وزیر داخلہ کا کہنا تھا اپوزیشن کو سمجھ نہیں آ رہی آئندہ 6 ماہ میں خطے کے حالات کیا ہونے والے ہیں، انڈیا، اسرائیل اور این ڈی ایس مل کر ہمارے خلاف، اس ملک کے امن و امان کے ساتھ کھیلنا چاہتے ہیں، ملک میں جو بھی دہشت گردی ہو رہی ہے اس کے پیچھے این ڈی ایس، را اور اسرائیل ہے۔

    ایک سوال کے جواب میں انھوں نے کہا ان کی چینی سفیر سے اس ہفتے میں دو تفصیلی ملاقاتیں ہوئی ہیں، سی پیک پر کسی رکاوٹ کو کسی قیمت پر قبول نہیں کیا جائے گا، نیز پاکستان کی قوم سی پیک اور کشمیریوں کی جدوجہد کے ساتھ کھڑی ہے۔

    شیخ رشید نے کہا ملک میں انتشار پھیلانے والے منہ کے بل گریں گے ، داسو واقعے کی تحقیقات مکمل ہو چکیں، اعلان وزیر خارجہ کریں گے، چین اور پاکستان کی دوستی ہمالیہ سے بلند ہے، سی پیک کے لیے پوری قوم یک زبان ہے۔

    وزیر داخلہ نے نواز شریف سے متعلق سوال پر کہا، ان کے پاس دو ہی آپشن ہیں، وہ یا اپیل کریں یا سیاسی پناہ لیں، بھٹو کو پھانسی ہوئی تو چڑیا نہیں پھڑکی تھی، اس سے بڑا تو کوئی لیڈر نہیں، لیڈر تو وہی ہوتا ہے جو ملک میں جیتا اور مرتا ہے۔

  • پہلے کسی سفیر کے اہل خانہ کا پرائیویٹ ٹیکسی میں جانے کا واقعہ پیش نہیں آیا: وزیر داخلہ

    پہلے کسی سفیر کے اہل خانہ کا پرائیویٹ ٹیکسی میں جانے کا واقعہ پیش نہیں آیا: وزیر داخلہ

    اسلام آباد: وزیر داخلہ شیخ رشید احمد نے کہا ہے کہ افغان سفیر کی بیٹی نے خود ٹیکسی ہائر کی تھی، یہ کل کا واقعہ ہے، تاہم پہلے کسی سفیر کے اہل خانہ کا پرائیویٹ ٹیکسی میں جانے کا واقعہ پیش نہیں آیا۔

    تفصیلات کے مطابق گزشتہ روز اسلام آباد میں افغان سفیر کی بیٹی کے مبینہ اغوا اور تشدد کے واقعے پر وزیر داخلہ نے کہا ہے کہ افغان سفیر کی بیٹی کے بیان کے مطابق پہلی ٹیکسی میں اس پر تشدد ہوا تھا، تاہم قانونی کارروائی افغان سفیر کی بیٹی کے تحریری بیان پر کی جائے گی، ابھی انھوں نے کوئی تحریری بیان نہیں دیا۔

    شیخ رشید نے کہا جس ٹیکسی میں سفیر کی بیٹی پر تشدد ہوا، اس کی تلاش جاری ہے، تاہم دوسرے ٹیکسی ڈرائیور کو ٹریس کر لیا گیا ہے، اس ڈرائیور نے افغان سفیر کی بیٹی کی مدد کی تھی، جس پر انھوں نے ٹیکسی ڈرائیور کو 500 روپے انعام بھی دیا۔

    وزیر داخلہ نے بتایا کہ افغان سفیر کی بیٹی کے مطابق تشدد کرنے والا ٹیکسی ڈرائیور ایمبیسی کارڈ بھی لے گیا ہے، لڑکی کے پاس موبائل فون بھی نہیں تھا، پہلے بتایا گیا کہ ٹیکسی موبائل سے بک کرائی لیکن بعد میں پتا چلا کہ فون گھر پر تھا، پہلے کسی سفیر کے اہل خانہ کا پرائیویٹ ٹیکسی میں جانے کا واقعہ پیش نہیں آیا۔

    افغان سفیر کی بیٹی کا مبینہ اغوا، وزیر اعظم کی 48 گھنٹوں میں حقائق سامنے لانے کی ہدایت

    شیخ رشید کا کہنا تھا کہ افسران کو بھیجا جا چکا ہے، اور واقعےکی تحقیقات جاری ہیں، واقعے کا فی الحال کوئی دوسرا پہلو نظر نہیں آتا۔

    واضح رہے کہ اسلام آباد میں افغان سفیر کی بیٹی کے مبینہ اغوا اور بدسلوکی کے واقعے پر وزیر اعظم عمران خان نے نوٹس لے کر وزیر داخلہ شیخ رشید کو واقعے میں ملوث افراد کو 48 گھنٹے میں گرفتار کرنے کی ہدایت کر دی ہے۔

  • ایم کیو ایم پاکستان کا وفاقی وزیر داخلہ سے کراچی کے مسئلے پر بڑا مطالبہ

    ایم کیو ایم پاکستان کا وفاقی وزیر داخلہ سے کراچی کے مسئلے پر بڑا مطالبہ

    کراچی: ایم کیو ایم پاکستان نے وفاقی وزیر داخلہ شیخ رشید سے کراچی کے مسئلے پر مطالبہ کیا ہے کہ پولیس کو حدود سے تجاوز سے روکا جائے۔

    تفصیلات کے مطابق متحدہ قومی موومنٹ پاکستان نے الزام لگایا ہے کہ سندھ حکومت کرونا ایس او پیز کی آڑ میں شہریوں کی عزت نفس مجروح کر رہی ہے، اور شہریوں کے حقوق پامال کیے جا رہے ہیں۔

    ایم کیو ایم کے اراکین اسمبلی نے کراچی کے دو روزہ دورے پر آئے وفاقی وزیر داخلہ شیخ رشید احمد سے مطالبہ کیا ہے کہ وہ پولیس کو حدود سے تجاوز اور قانون کی دھجیاں بکھیرنے سے روکیں۔

    ایم کیو ایم پاکستان نے کراچی کو پولیس اسٹیٹ میں تبدیل کرنے کی شدید الفاظ میں مذمت کی، اراکین کا کہنا ہے کہ شب 8 بجے کے بعد کراچی کی سڑکوں پر پولیس کی لوٹ مار عروج پر ہوتی ہے، خواتین اور بزرگ شہریوں سے بھی ہتک آمیز رویہ رکھا جاتا ہے۔

    سندھ میں گورنر راج سے متعلق شیخ رشید احمد کا اہم بیان

    ایم کیو ایم کا مؤقف ہے کہ سندھ کی متعصب حکومت کرونا ایس او پیز کے بارے میں شعور اور آگاہی کی مہم چلانے میں بری طرح ناکام ہو چکی ہے، ایم کیو ایم نے دعویٰ کیا کہ پولیس بھتہ لے کر بند دوکانیں کھلواتی ہے، یہ عمل بھی رکنا چاہیے اور شہریوں کی عزت نفس کا خیال رکھا جائے۔

    اراکین کا کہنا ہے کہ دعوے کیے جا رہے تھے کہ ویکسینیشن سینٹرز 24 گھنٹے کھلے رہیں گے، لیکن یہ بات مشاہدے میں آئی ہے کہ کرونا ویکسینیشن سینٹرز چھٹیوں میں بند نظر آئے اور بد نظمی کا شکار رہے۔

  • شہباز شریف کا نام تاحال ای سی ایل میں نہیں ڈالا گیا: وزیر داخلہ

    شہباز شریف کا نام تاحال ای سی ایل میں نہیں ڈالا گیا: وزیر داخلہ

    اسلام آباد: وزیر داخلہ شیخ رشید احمد نے کہا ہے کہ شہباز شریف کا نام تاحال ای سی ایل میں نہیں ڈالا گیا۔

    تفصیلات کے مطابق وزیر داخلہ نے اپنے ایک بیان میں کہا ہے کہ شہباز شریف کا نام ایگزٹ کنٹرول لسٹ میں ڈالے جانے کے لیے سمری وفاقی کابینہ سے وزارت داخلہ کو تاحال موصول نہیں ہوئی۔

    شیخ رشید کا کہنا تھا کہ اس سلسلے میں پیر یا منگل کو سمری وزارت داخلہ کو موصول ہو سکتی ہے۔

    انھوں نے کہا اس کیس میں پہلے ہی 14 افراد کے نام ای سی ایل میں شامل ہیں، شہباز شریف کے خاندان کے 5 ملزم مفرور ہیں، جب کہ شہباز شریف خود گارنٹر ہیں نواز شریف کے۔

    شیخ رشید کا کہنا تھا شہباز شریف سیدھا لندن نہیں جا رہے تھے، انھوں نے 15 دن قطر میں قرنطینہ کے بعد یو کے جانا تھا، ہمارے پاس ان کی کوئی میڈیکل رپورٹ نہیں آئی، جو سمری پیش کی گئی تھی اس پر فیصلہ قانون اور داخلہ کی وزارت کرے گی، یہ فیصلہ آئین اور قانون کے مطابق ہوگا۔

    شہباز شریف قطر نہ جا سکے، ایئر لائن نے آف لوڈ کر دیا

    یاد رہے کہ 8 مئی کو میاں شہباز شریف قطر نہ جا سکے تھے، وفاقی تحقیقاتی ادارے کی جانب سے روکے جانے پر انھیں ایئر لائن نے آف لوڈ کر دیا تھا۔ شہباز شریف کو آف لوڈ کرنے کے معاملے پر گزشتہ روز مسلم لیگ ن نے لاہور ہائی کورٹ سے رجوع کرنے کا فیصلہ کیا تھا۔

    ذرائع کا کہنا تھا کہ مسلم لیگ ن نے وکلا سے مشاورت مکمل کر لی ہے، ن لیگ حکومت کے خلاف توہین عدالت کی پٹیشن داخل کرے گی، جس میں وزارت داخلہ اور ایف آئی اے کو فریق بنایا جائے گا۔

    درخواست میں ن لیگ کی جانب سے یہ مؤقف اختیار کیا گیا کہ لاہور ہائی کورٹ نے علاج کے لیے بیرون ملک جانے کی اجازت دی لیکن ہائی کورٹ کی اجاز ت کے باوجود جان بوجھ کر شہباز شریف کو سفر سے روکا گیا۔

  • وزیر داخلہ سرکاری دورے پر قطر پہنچ گئے

    وزیر داخلہ سرکاری دورے پر قطر پہنچ گئے

    اسلام آباد: وزیر داخلہ شیخ رشید احمد 2 روزہ سرکاری دورے پر قطر پہنچ گئے ہیں۔

    تفصیلات کے مطابق وزیر داخلہ شیخ رشید سرکاری دورے پر قطر پہنچ گئے، پاکستان کے سفیر نے دوحہ انٹرنیشنل ایئر پورٹ پر وزیر داخلہ کا استقبال کیا۔

    شیخ رشید 15 سے 17 مارچ منعقد ہونے والی بین الاقوامی ملی پول قطر نمائش میں شرکت کریں گے، وہ نمائش سے خطاب بھی کریں گے، اور بین الاقوامی نمائش میں پاکستانی اسٹال کا خصوصی دورہ کریں گے۔

    وزیر داخلہ شیخ رشید قطر کے وزیر اعظم سے ملاقات بھی کریں گے، اور پاک قطر دو طرفہ تعلقات کے فروغ کے لیے وفود کی سربراہی کریں گے۔

    دورے کے دوران دونوں ممالک کے مابین تجارت کے فروغ اور قطر میں پاکستانی مین پاور بڑھانے سے متعلق مذاکرات ہوں گے، جب کہ شیخ رشید امیر قطر کے لیے وزیر اعظم پاکستان کا خصوصی مراسلہ بھی پہنچائیں گے۔

    نیول چیف کا اہم دورہ قطر

    یاد رہے کہ 9 مارچ کو پاک بحریہ کے سربراہ ایڈمرل امجد نیازی نے بھی قطر کا سرکاری دورہ کیا تھا، اس موقع پر نیول چیف کو روایتی انداز میں گارڈ آف آنر پیش کیا گیا، نیول چیف نے کمانڈر قطر امیری ایئر فورس سے ملاقات میں دو طرفہ دفاعی تعاون کے فروغ پر تبادلہ خیال کیا تھا۔

  • مدارس کے بچوں کی جلسوں میں شرکت، وزیر اعظم نے وزیر داخلہ کو اہم ٹاسک سونپ دیا

    مدارس کے بچوں کی جلسوں میں شرکت، وزیر اعظم نے وزیر داخلہ کو اہم ٹاسک سونپ دیا

    اسلام آباد: وزیر اعظم عمران خان نے وزیر داخلہ شیخ رشید کو اہم ٹاسک سونپتے ہوئے ہدایت کی ہے کہ مدارس کے بچوں کو پی ڈی ایم احتجاج میں شرکت سے روکا جائے۔

    اے آر وائی نیوز کے مطابق شیخ رشید نے وزیر اعظم سے ملاقات کی ہے، جس میں پی ڈی ایم کے جلسوں میں مدارس کے بچوں کی شرکت کے حوالے سے عمران خان کی جانب سے انھیں خصوصی ٹاسک سونپا گیا ہے۔

    وزیر اعظم نے شیخ رشید کو ہدایت کی کہ مدارس کے بچوں کو پاکستان ڈیموکریٹک موومنٹ کے جلسوں میں شرکت سے روکا جائے، اس سلسلے میں وزیر داخلہ شیخ رشید کل علمائے کرام کے ساتھ ملاقات کریں گے۔

    وزیر داخلہ کی جانب سے ملاقات میں علمائے کرام کو حکومتی ترجیحات سے متعلق اعتماد میں لیا جائے گا۔

    ملاقات میں وزیر اعظم عمران خان نے کہا کہ ہم مذہب کی آڑ میں کسی کو سیاسی مفادات حاصل نہیں کرنے دیں گے، عوام کی جان و مال کا تحفظ حکومت کی ذمہ داری ہے، جسے ہم نبھائیں گے۔

    امن وامان کے حوالے سے کوئی سمجھوتا نہیں کیا جائے گا، وزیر اعظم

    دریں اثنا، وزیر داخلہ شیخ رشید نے کل اہم اجلاس طلب کر لیا، جس میں امن و امان کی صورت حال کا جائزہ لیا جائے گا، اجلاس میں علمائے کرام سے مذاکرات کا لائحہ عمل بھی بنایا جائے گا۔

    آج وزیر اعظم عمران خان کی زیر صدارت امن و امان سے متعلق بھی ایک اجلاس ہوا، جس میں وزیر داخلہ شیخ رشید سمیت دیگر وزرا نے شرکت کی، عمران خان نے ہدایت کی کہ وزرات داخلہ امن و امان کی بہتری یقینی بنائے، امن و امان کے حوالے سے کوئی سمجھوتا نہیں کیا جائے گا۔

    اس سے قبل وزیر اعظم نے اپوزیشن جماعتوں کے جلسے جلوسوں کے دوران امن و امان کی صورت حال کی نگرانی کے لیے ایک کمیٹی بھی تشکیل دی تھی، وفاقی وزیر داخلہ شیخ رشید اس کمیٹی کے کنونیئر ہیں جب کہ وزیر قانون فروغ نسیم، وزیر دفاع پرویز خٹک، وزیر تعلیم شفقت محمود اور وزیر منصوبہ بندی اسد عمر کمیٹی میں شامل ہیں۔

  • صوبہ پنجاب کے ایک اور شہر میں پناہ گاہ قائم

    صوبہ پنجاب کے ایک اور شہر میں پناہ گاہ قائم

    ننکانہ صاحب: صوبہ پنجاب کے شہر ننکانہ صاحب میں پناہ گاہ کا افتتاح کردیا گیا، وزیر داخلہ اعجاز احمد شاہ کا کہنا ہے کہ مریضوں اور لواحقین کو ہر ممکن بہترین سہولیات فراہم کی جائیں گی۔

    تفصیلات کے مطابق وزیر داخلہ اعجاز احمد شاہ نے ڈی ایچ کیو اسپتال میں شیلٹر ہوم کا افتتاح کر دیا، 2 منزلہ شیلٹر ہوم میں 100 افراد کے رہنے کی گنجائش ہے۔

    اس موقع پر اعجاز احمد شاہ کا کہنا تھا کہ ڈی ایچ کیو اسپتال میں پناہ گاہ صدقہ جاریہ ہے، مریضوں اور لواحقین کو ہر ممکن بہترین سہولیات فراہم کی جائیں گی۔

    انہوں نے کہا کہ ننکانہ صاحب کو ماڈل ضلع بنائیں گے، بھرپور صفائی مہم چلائی جائے گی۔ غلہ اورسبزی منڈی کو شہر سے باہر منتقل کیا جائے گا۔

    وزیر داخلہ کا مزید کہنا تھا کہ عید الاضحیٰ اور محرم الحرام میں زیادہ احتیاط کی ضرورت ہے، محرم الحرام میں ایس او پیز پر سختی سے عمل درآمد کروائیں گے۔

    کچھ عرصے قبل وزیر اعظم عمران خان کی ہدایت پر پناہ گاہوں سے مستفید افراد کا کمپیوٹرائزڈ ڈیٹا بیس بنانے کا فیصلہ کیا گیا تھا، اس سلسلے میں وزیر اعظم عمران خان نے فوکل پرسن برائے پناہ گاہ نسیم الرحمٰن کو ٹاسک سونپا تھا۔

    فوکل پرسن نسیم الرحمٰن کا کہنا تھا کہ ڈیٹ ابیس سے پتہ چل سکے گا کہ کن اضلاع میں غربت کی شرح زیادہ ہے، پہلی بار ریاست غریب طبقے کی ذمہ داری لے رہی ہے۔

    انہوں نے کہا تھا کہ آئندہ سال مزید 1 ہزار پناہ گاہیں بنانے کا منصوبہ زیر غور ہے، پاکستان کو انصاف پسند اور فلاحی ریاست بنانا وزیر اعظم کا وژن ہے۔

  • وزیر اعظم عمران خان سے وزیر داخلہ اعجاز احمد شاہ کی ملاقات

    وزیر اعظم عمران خان سے وزیر داخلہ اعجاز احمد شاہ کی ملاقات

    اسلام آباد: وزیراعظم عمران خان نے وزیر داخلہ اعجاز احمد شاہ کو ایس او پیز عملدرآمد سے متعلق انتظامات یقینی بنانے کی ہدایت کی ہے۔

    تفصیلات کے مطابق وزیراعظم عمران خان سے وزیر داخلہ اعجاز احمد شاہ نے ملاقات کی جس میں عید پر مرتب ایس او پیز پر عملدآمد سے متعلق انتظامات پر تبادلہ خیال کیا گیا۔

    وزیرداخلہ نے ایس او پیز پر عملدرآمد کے حوالے سے دورہ لاہور،پشاور سے آگاہ کیا۔اعجاز احمد شاہ نے صوبائی حکام سے ملاقاتوں سے متعلق وزیراعظم کو بریف کیا۔انہوں نے وزیراعظم کو کوئٹہ اور کراچی کے آئندہ دوروں کے حوالے سے بھی بریفنگ دی۔

    اس موقع پر وزیراعظم پاکستان نے وزیر داخلہ اعجاز احمد شاہ کو ایس او پیز عملدرآمد سے متعلق انتظامات یقینی بنانے کی ہدایت کی ہے۔

    یاد رہے کہ گزشتہ ماہ وزیراعظم عمران خان سے وزیر داخلہ اعجاز احمد شاہ نے ملاقات کی تھی جس میں انہوں نے وزیراعظم کو بتایا تھا کہ نیشنل انٹرنل سیکیورٹی کی جانب سے نیشنل ایکشن پلان کا احیا کیا گیا، ماہرین پر مشتمل 14 رکنی اعلیٰ سطح کمیٹیاں تشکیل دی گئی ہیں جو مختلف امور سے متعلق ایک ماہ میں اپنی سفارشات پیش کریں گی۔

    وزیراعظم پاکستان کو بتایا گیا کہ ملک میں سرمایہ کاری اور سیاحت کے فروغ کے لیے 175 ممالک کے لیے الیکٹرانک ویزہ متعارف کرایا گیا جس سے پاکستانی ویزے کا حصول نہایت سہل ہوگیا ہے۔