Tag: وزیر دفاع خواجہ آصف

اسلام آباد : وزیر دفاع خواجہ آصف کا کہنا ہے کہ وزیر اعظم شہباز شریف آج قوم سے خطاب میں خوشخبری سنائیں گے۔

تفصیلات کے مطابق وزیر دفاع خواجہ آصف نے سوشل میڈیا پلیٹ فارم پر پیغام میں کہا وزیر اعظم شہباز شریف آج قوم سے خطاب میں خوشخبری سنائیں گے، ان کا خطاب دو ہزار بائیس سے اب تک کی محنت کا ثمر اور اللہ کے کرم کا نتیجہ ہوگا۔

خواجہ آصف کا کہنا تھا کہ مسلم لیگ نون اور اتحادی قومی خدمت کو اپنا فرض اولین سمجھتے ہیں، ان شا اللہ تعمیر و ترقی اور معاشی بحالی کا یہ سفر جاری رہے گا۔

مزید پڑھیں : وزیر اعظم کی جانب سے کل بجلی سستی ہونے کا اعلان متوقع ہے

خیال رہے وزیراعظم شہباز شریف آج قوم سے خطاب میں بجلی سستی کرنے کا اعلان کریں گے، آئی پی پیز نظر ثانی معاہدوں کے بعد بجلی کی قیمت کم کی جا رہی ہے، نظرثانی معاہدوں سے تین ہزارارب روپےسےزائد کی بچت ہوگی۔

ذرائع نے بتایا ہے بچت انتیس پاور پلانٹس کی تین سے بیس سالہ مدت کےدرمیان ہوگی۔ وزیراعظم اپنے خطاب میں پاور سیکٹرکی اصلاحات سےمتعلق بھی اہم اعلان کریں گے۔ اس کے علاوہ بجلی کے بنیادی ٹیرف میں ایک روپیہ فی یونٹ کمی بھی ہو گی، جس کی منظوری آئی ایم ایف سے لی جا چکی ہے۔

وزیر دفاع خواجہ آصف نے کہا ہے کہ فیض حمید کا ریٹائرمنٹ کے بعد بھی سیاسی واقعات میں ہاتھ تھا، فیض حمید باز آنے والے نہیں تھے۔

نجی چینل کے پروگرام میں گفتگو کرتے ہوئے وفاقی وزیر دفاع خواجہ آصف کا کہنا تھا کہ جو سیاسی واقعات ہوئے ان میں فیض حمید کا ہاتھ ضرورہوگا، فیض حمید باز آنے والے نہیں تھے، 9 مئی واقعات میں مداخلت کی بات درست ہے تو یہ تنہا فیض حمید کا کام نہیں ہوگا۔

وفاقی وزیردفاع نے کہا کہ 9 مئی کے حالات و واقعات فیض حمید کی طرف اشارہ کررہے ہیں، فیض حمید کی کئی سالوں سے سیاست میں مداخلت رہی ہے، فوج کا اندرونی احتساب کا نظام بہت مؤثر ہے۔

فیض حمید پر اگر 9 مئی کے واقعات کا الزام درست ہے تو یہ کام ان کا اکیلے کا نہیں ہوگا، وہ 9 مئی واقعات میں تھوڑی بہت لاجسٹک ضرور فراہم کررہے ہوں گے۔

انھوں نے کہا کہ فیض حمید اپنے سازشوں کا تجربہ 9 مئی واقعات میں ضرور دے رہے ہوں گے، ان پر اگر 9 مئی کا الزام درست ہے تو اہداف کا تعین ضرور کیا ہوگا۔

خواجہ آصف کا مزید کہنا تھا کہ یقین سے نہیں کہہ سکتا لیکن 9 مئی کے واقعات میں انگلی فیض حمید کی طرف اشارہ کرتی ہے۔

انھوں نے کہا کہ قمر جاوید باجوہ کے سسر اور فیض حمید کے سسر بہت قریبی ساتھی تھے، قمر جاوید اور فیض ایک دوسرے کے بہت قریب تھے، 2013 سے سازشیں تیارہوئی تھی، 2016 میں قمر باجوہ نےعہدہ سنبھالا، انکے عہدہ سنبھالنے کے بعد سازشوں پرعملدرآمد شروع کیا گیا۔

وزیر دفاع نے کہا کہ کچھ مقامات پر میرے ذریعے بھی رابطہ کیا گیا اور آفرز کی گئیں، جنرل اعجاز امجد کے گھر پر میری فیض حمید کیساتھ میٹنگ ہوئی تھی،

خواجہ آصف نے بتایا کہ فیض حمید نے کہا اب ہم بانی پی ٹی آئی سے تنگ آگئے ہیں، فیض نے پوچھا کہ آپ اپنی قیادت کا کیا پیغام لائے ہیں، میں نے فیص حمید کو بتایا کہ ہم قمر باجوہ کو توسیع کا ووٹ دے دینگے۔

انھوں نے کہا کہ فیض حمید نے پیغام رسانی بہت کی، بڑی قسمیں اٹھائی تھیں، میں اس وقت بیان نہیں کرسکتا انھوں نے کس قسم کی قسمیں اٹھائیں، فیض نے کہا میرے سرپر ہاتھ رکھیں، آرمی چیف بننے کی خواہش تھی۔

وفاقی وزیر نے کہا کہ بہت آپشنزدی گئی تھیں، قمر باجوہ نے آخری 3، 4 دن تک فیض کو بھی چھوڑ دیا تھا، باجوہ نے کہا کہ فیض حمید کو آرمی چیف نہیں بنانا تو 3، 2 اور نام دیے گئے تھے۔

اسلام آباسد : وزیر دفاع خواجہ آصف نے خبردار کیا کہ افغان سرزمین سے ٹی ٹی پی مسلسل حملہ آور ہے، ضرورت پڑی تو پاکستان افغانستان میں ٹی ٹی پی کے ٹھکانوں کو نشانہ بناسکتا ہے۔

تفصیلات کے مطابق وزیر دفاع خواجہ آصف نے وائس آف امریکا کو انٹرویو دیتے ہوئے کہا کہ افغان سرزمین سے ٹی ٹی پی مسلسل حملہ آور ہے، زیادہ دیر تک برداشت نہیں کرسکتے، ضرورت پڑی تو پاکستان افغانستان میں ٹی ٹی پی کے ٹھکانوں کو نشانہ بناسکتا ہے۔

خواجہ آصف کا کہنا تھا کہ میرا تاثر ہے افغان طالبان بھی ٹی ٹی پی سے جان چھڑاناچاہتے ہیں ، دورہ کابل میں افغان طالبان سےبات کی تھی کہ افغان سر زمین سے پاکستان پر حملے برقرار رہے تو ہمیں اقدامات کرنے پڑیں گے ، افغان طالبان نے ہماری بات کا بہت اچھے طریقے سے جواب دیا۔

وزیر دفاع نے کہا کہ پاکستان دہشت گردی کیخلاف جنگ میں حصہ بننے کے غلط فیصلوں سےنقصان اٹھاررہاہے ، امریکا سے اس معاملے پر بات کرنےکی کوئی منطق نہیں ہے۔

انھوں نے بتایا کہ امریکا نے 16سال افغانستان میں جو کیا وہ سب جانتےہیں، ہم دہشت گردی کی لعنت سے خود نمٹ سکتے ہیں، پہلے بھی ہم نے دہشت گردی کےخطرے کا خود ہی مقابلہ کیا ہے۔

خواجہ آصف نے کہا کہ ہماری عسکری انتظامیہ اخراجات میں کمی کر رہی ہے فوجی انتطامیہ مسلسل اس بارے میں جائزہ لے رہی ہے کہ کہاں چیزیں موخر کی جاسکتی ہیں لیکن کچھ اہم ضروریات ہوتی ہیں ان کو کم یا ختم نہیں کیا جاسکتا ۔

الیکشن کے حوالے سے سوال پر وزیر دفاع کا کہنا تھا کہ میں100فیصد یقین سےکہہ سکتاہوں آئندہ انتخابات شفاف ہوں گے، عوام کی رائےاور فیصلے میں مداخلت نہیں ہوگی۔