Tag: وزیر ریلوے شیخ رشید

اسلام آباد: وزیراعظم عمران خان کو وزیر ریلوے شیخ رشید احمد نے ریلوے ملازمین کا ریلیف فنڈ کے لیے ایک دن کی تنخواہ کاچیک پیش کیا۔

تفصیلات کے مطابق وفاقی دارالحکومت اسلام آباد میں وزیراعظم عمران خان سے وفاقی وزیر ریلوے نے ملاقات کی۔ شیخ رشید احمد نے وزیراعظم کو ریلوے ملازمین کی جانب سے ایک دن کی تنخواہ 5 کروڑ 1 لاکھ 85 ہزار کا چیک کرونا ریلیف فنڈ کے لیے دیا۔

اس موقع پر شیخ رشید احمد کا کہنا تھا کہ ریلویز کی جانب سے چمن کے لیے 30 کوچز پر مشتمل ٹرین بھجوا دی ہے،ٹرین میں 500 افراد کی آئسولیشن کا انتظام ہے۔

وفاقی وزیر ریلوے نے کہا کہ 500 افراد کے لیے ٹرین تفتان بھیجنے کو تیار ہیں،طبی مقاصد کے لیے میڈیکل کوچز کو خصوصی طور پر تیار کیا گیا ہے۔ شیخ رشید احمد نے وزیراعظم عمران خان کو راولپنڈی میں اسپتالوں، تاجروں اور مزدوروں کی صورت حال سے آگاہ کیا۔

کوشش ہے لوگوں کو ان کے ٹکٹس گھروں تک پہنچائیں: شیخ رشید

یاد رہے کہ گزشتہ روز وفاقی وزیر ریلوے شیخ رشید کا کہنا تھا کہ این ڈی ایم اے کو ضرورت پڑی تو ٹرینیں بارڈرز پر بھیجنے کو تیار ہیں۔

راولپنڈی: پنجاب میں سڑکوں پر شدید دھند کے باعث ریلوے نے عوام کو نہایت کام یابی سے سہولت پہنچانے میں اہم کردار ادا کیا ہے۔

تفصیلات کے مطابق پنجاب میں دھند کے باعث کئی ہفتوں سے مرکزی شاہراہیں بند کی جا رہی ہیں، جس کے باعث عوام کو نقل و حرکت میں شدید رکاوٹ درپیش ہے، تاہم پاکستان ریلوے نے مسلسل ٹرینوں کے ذریعے عوام کو سہولت یاب کیا۔

اس سلسلے میں وفاقی وزیر ریلوے شیخ رشید نے ایک تازہ ویڈیو بیان میں کہا ہے کہ سڑکوں پر دھند کی وجہ سے ریلوے پر مسافروں کا انحصار بڑھ گیا ہے، شدید دھند میں بھی روز 138 ٹرینیں عوام کے اعتماد پر پورا اتر رہی ہیں، ہم نے کرسمس اسپیشل ٹرین کو 10 جنوری تک جاری رکھنے کا بھی فیصلہ کیا ہے۔

شیخ رشید نے بتایا کہ انھوں نے وزیر اعظم عمران خان سے ایک درخواست بھی کی ہے جو ریلوے ملازمین کے گریڈ سے متعلق ہے، انھوں نے کہا کہ ہم ریلوے کے اپنے وسائل سے ایک سے 16 کے ملازمین کا گریڈ بڑھانا چاہتے ہیں۔ وزیر ریلوے نے ریلوے کے عارضی ملازمین کے سلسلے میں بھی بیان دیتے ہوئے کہا کہ عدلتی فیصلے کے بعد ریلوے کے تمام ٹی ایل اے (ٹیمپوریری لیبر ایمپلائیز) ملازمین کو کنفرم کر دیا جائے گا۔

یاد رہے کہ اگست کے اختتام پر شیخ رشید احمد نے کہا تھا کہ کابینہ اجلاس میں وزیر اعظم پاکستان عمران خان نے ریلوے کے ٹی ایل اے ملازمین سے متعلق فیصلے کا اختیار دیا تھا، جس کے بعد انھوں نے ان ملازمین کو مستقل کرنے کا فیصلہ کیا تھا۔

اسلام آباد: وزارتِ ریلوے نے ریلوے کے تمام اسپتالوں کو اپ گریڈ کرنے کا فیصلہ کر لیا ہے۔

تفصیلات کے مطابق وفاقی وزیر برائے ریلوے شیخ رشید احمد نے ریلوے اسپتالوں کی اپ گریڈیشن سے متعلق مشاورت شروع کر دی۔ وفاقی وزیر نے اس سلسلے میں وزیر اعظم کے معاون خصوصی ڈاکٹر ظفر مرزا سے ملاقات کی۔

اس ملاقات میں ریلوے کے اسپتالوں میں سہولتیں بڑھانے پر مشاورت کی گئی، اور وزارت ریلوے کی جانب سے معاونت پر تبادلۂ خیال کیا گیا۔

یاد رہے کہ شیخ رشید نے موجودہ حکومت میں ریلوے وزارت سنبھالتے ہی عندیہ دیا تھا کہ ریلوے کے اسپتالوں اور اسکولوں کی نج کاری کے لیے ہم تیار ہیں۔

یہ بھی پڑھیں:  ریلوے اسپورٹس کی گرانٹ 5 کروڑ، 4 نئی ٹرینیں چلانے کا اعلان

پانچ دن قبل شیخ رشید نے لاہور میں ریلوے ہیڈکوارٹرز میں منعقدہ اجلاس کی صدارت کرتے ہوئے اعلان کیا کہ ریلوے اسپورٹس کی گرانٹ 5 کروڑ کی جا رہی ہے، انھوں نے کہا کہ آیندہ سال اسپورٹس گرانٹ 10 کروڑ روپے کر دی جائے گی، ریل کی نوکریوں میں کھلاڑیوں کا کوٹہ ہوگا، کھلاڑیوں کی تقرریاں میرٹ پر کی جائیں گی۔

انھوں نے تقریب میں کہا کہ نئے سال میرا ہدف ہے کہ فریٹ اور ٹریک پر کام کیا جائے، اور ریلوے کی زمینیں استعمال میں لائی جائیں، مسافروں کے لیے اسٹیشن اور سہولتوں کو مزید بہتر بنایا جائے، 4 نئی ٹرینیں چلانے اور 4 نئی فریٹ ٹرینوں کی پیش کش بھی کرنے جا رہے ہیں، 7 ٹرینیں نجی سیکٹرز کو دینے جا رہے ہیں، جب کہ ایم ایل ون کا اس شان سے افتتاح کریں گے کہ میرے بعد بھی یاد رہے گا۔

اسلام آباد: ریلوے وزیر شیخ رشید نے اپوزیشن جماعت پیپلز پارٹی کی حکومت کے خلاف تحریک کے اعلان پر رد عمل دیتے ہوئے کہا ہے کہ ہم مقابلے کے لیے تیار ہیں۔

تفصیلات کے مطابق شیخ رشید کا کہنا تھا کہ تحریک چلانا ہر پارٹی کا حق ہے لیکن یہ آزمائے ہوئے اور دو نمبر لوگ ہیں، آصف زرداری چاہتے ہیں کہ ان کے ساتھ بھی شہباز شریف والا فارمولا ہو۔

ریلوے وزیر نے کہا کہ شریف خاندان اور آصف زرداری کی سیاست کا خاتمہ ہو چکا ہے، آج ن لیگ کی سیاست کا جنازہ نکل جانا ہے، ان کو کچھ نہیں ملنے والا، زرداری سے متعلق ن لیگ کے بیانیے کی بھی نفی ہو گئی۔

شیخ رشید نے کہا کہ آج گھی، تیل ان ہی چوروں اور ڈاکوؤں کی وجہ سے مہنگا ہوا ہے، سب ایک ہی ٹوکری میں جمع ہو گئے ہیں، یہ عمران خان کے لیے اچھا ہے۔

یہ بھی پڑھیں:  اپوزیشن جماعتیں اکھٹی ہو رہی ہیں، ملکی معاملات پر بات چیت ہوگی: حمزہ شہباز

انھوں نے جے یو آئی ف کے سربراہ پر بھی تنقید کی، کہا کہ دیکھنا ہے مولانا کتنے مولوی لانے میں کام یاب ہوتے ہیں۔

واضح رہے کہ آج پی پی چیئرمین بلاول بھٹو کی جانب سے اپوزیشن رہنماؤں کے اعزاز میں افطار ڈنر دیا گیا ہے، جس کے بعد سیاسی ماحول میں خاصی ہل چل پیدا ہو گئی ہے۔

پنجاب اسمبلی میں قائد حزب اختلاف حمزہ شہباز نے کہا ہے کہ اپوزیشن جماعتیں آج اکٹھی ہو رہی ہیں، ملکی معاملات پر بات چیت ہوگی۔

لاہور: وزیر ریلوے شیخ رشید احمد نے کہا ہے کہ 1800 کلو میٹر ڈبل ٹریک بنائیں گے، ریلوے پھاٹک ختم ہو جائیں گے، یہ پاکستان کی تاریخ کا بہت بڑا واقعہ ہوگا۔

ان خیالات کا اظہار انھوں نے لاہور میں پریس کانفرنس کرتے ہوئے کیا، شیخ رشید کا کہنا تھا کہ ریلوے کی نج کاری نہیں ہو رہی ہے، ایسی باتیں فضول ہیں، 30 سال ریلوے میں بہت مضبوط لوگ رہے۔

شیخ رشید نے کہا کہ ہم نے اخراجات میں کوئی اضافہ نہیں کیا، اس سال ایک ارب کا اسکریپ فروخت کیا ہے، وزیر اعظم عمران خان 15 مئی کو سرسید ایکسپریس کا افتتاح کریں گے۔

[bs-quote quote=”میں روزے میں ہوں اور آپ لوگ پھر مجھے بلاول کی طرف لے جا رہے ہیں، پورے رمضان بلاول کے خلاف بات نہیں ہوگی۔” style=”style-8″ align=”left” author_name=”شیخ رشید”][/bs-quote]

وزیر ریلوے نے کہا کہ کل ریلوے ملازمین کو میری طرف سے لاہور میں افطاری ہے، نواز شریف نے جتنے لوگ جمع کیے اس سے 4 گنا زیادہ میری افطار پارٹی میں تھے۔

شیخ رشید کا کہنا تھا کہ آئی ایم ایف سے معاہدہ آج یا کل کی بات ہے، حکومت نے پوری کوشش کی کہ عام آدمی پر دباؤ نہ آئے، وزیر اعظم نے پیر کو شام ساڑھے 5 بجے میٹنگ بلائی ہے، پیر کو کابینہ ایمنسٹی اسکیم پر بات کرے گی، اسد عمر جلد دوبارہ کابینہ کا حصہ ہوں گے، وہ نا تجربہ کار آدمی نہیں ہیں، غلط الزام نہ لگایا جائے۔

بلاول بھٹو سے متعلق سوال پر انھوں نے کہا کہ میں روزے میں ہوں اور آپ لوگ پھر مجھے بلاول کی طرف لے جا رہے ہیں، پورے رمضان بلاول کے خلاف بات نہیں ہوگی، محترمہ بے نظیر کا کیس سننے بیٹا تک نہیں گیا۔

شیخ رشید کا کہنا تھا کہ جہانگیر ترین ایل بی ڈبلیو ہو چکے، ریفرنس بھی ان کے خلاف جا چکا، جہانگیر ترین بہت کام کے آدمی ہیں لیکن وہ ضائع ہو چکے ہیں۔

اسلام آباد: وفاقی وزیر ریلوے شیخ رشید احمد نے مسیحی بھائیوں کو ایسٹر کی مبارک باد دیتے ہوئے کہا کہ ہم مسیحی بھائیوں کو زیادہ سے زیادہ نوکریاں دینا چاہتے ہیں۔

تفصیلات کے مطابق وزیر ریلوے شیخ رشید نے ایسٹر کے موقع پر اسلام آباد میں منعقدہ ایک تقریب سے خطاب کرتے ہوئے کہا ہم مسیحی بھائیوں کو زیادہ سے زیادہ نوکریاں دینا چاہتے ہیں۔

شیخ رشید کا کہنا تھا کہ اقلیتی برادری تشدد کی فضا ختم کرنے کے لیے کردار ادا کرے، کم زور کو طاقت ور بنانا میری زندگی کا مشن ہے، مسیحی بھائیوں کی خدمت کے لیے ہر لمحہ حاضر ہوں۔

ریلوے وزیر نے کہا کہ محکمہ ریلوے میں بھی 2 سے 300 مسیحی کام کر رہے ہیں، خواہش ہے مسیحی نوجوانوں کو زیادہ سے زیادہ نوکریاں دوں، راولپنڈی میں ایک ہزار مسیحیوں کو نوکریاں دوں گا۔

قبل ازیں، وزیر ریلوے شیخ رشید احمد نے سری لنکا میں پیش آنے والے دہشت گردی کے اندوہ ناک واقعات کی بھی مذمت کی۔

یہ بھی پڑھیں:  سری لنکا دھماکے، پاکستان کا لاشوں کی شناخت کے لیے فرانزک ٹیم بھیجنے کا فیصلہ

واضح رہے کہ سری لنکا میں ایسٹر کے موقع پر 3 گرجا گھروں اور چار ہوٹلوں میں یکے بعد دیگرےآٹھ دھماکے ہوئے، جس کے نتیجے میں 200 سے زائد افراد ہلاک جب کہ سینکڑوں زخمی ہو گئے ہیں۔

خیال رہے کہ سری لنکا دھماکوں میں تین خواتین سمیت 4 پاکستانی بھی زخمی ہوئے ہیں۔