Tag: وزیر ریلوے

فیصل آباد: وزیر ریلوے شیخ رشید احمد نے کہا ہے کہ میری دعا ہے کہ اللہ تعالیٰ عمران خان کو کامیاب کرے، آؤ مل کر سچ کا ساتھ دیں، عمران خان کو آپ کے ساتھ کی ضرورت ہے۔

تفصیلات کے مطابق وزیر ریلوے شیخ رشید احمد نے میڈیا سے گفتگو کرتے ہوئے کہا کہ وزیراعظم عمران خان عوام کے لیے بہت محنت کررہے ہیں، آج پاکستان کی معیشت کو عمران خان دن رات ٹھیک کررہے ہیں۔

شیخ رشید نے کہا کہ میں دو نمبر وزیر نہیں، کافی سال وزیر رہا ہوں، عمران خان جیسا شخص نہیں دیکھا، ہمیں ملک کے لیے ساتھ کھڑا ہونا ہوگا، عمران خان کا ساتھ دینا ہوگا۔

وزیر ریلوے نے کہا کہ ملک ایک بہت بڑے امتحان سے گزر رہا ہے، پاکستان معاشی طور پر بہت کمزور ہے، آئندہ دو سے تین ماہ بوجھ پڑے گا، ہمارے پاس پیسوں کی کمی ہے جو کما رہے ہیں وہی لگا رہے ہیں۔

مزید پڑھیں: شہبازشریف اسپیکر کے قدموں میں گرا ہوا ہے کہ شیخ رشید پی اے سی میں نہ آئے، شیخ رشید

انہوں نے کہا کہ میں نمبر ون سے دوستی کرتا ہوں اور نمبر ون سے دشمنی کرتا ہوں، یہ لوگ 40 سال سے حکمرانی کرتے آرہے ہیں، وزیراعظم عمران خان کو 40 دن تو دیں۔

شیخ رشید نے کہا کہ فریال تالپور ہو یا کوئی بھی ان کو آئینہ نظر آرہا ہے، جس ادارے کو دیکھو وہاں کرپشن نظر آتی ہے، چالیس سال سے نواز شریف اور آصف علی زرداری پاکستان کو لوٹ رہے ہیں۔

واضح رہے کہ شیخ رشید احمد کا کہنا تھا کہ عمران خان نے ملک دیوالیہ ہونے سے بچالیا ہے، ماضی کے وزرائے اعظم کو صرف قرض لینے کی فکر رہتی تھی، عمران خان کی دوستی اور محبت میں خاموش ہوں۔

اسلام آباد: وفاقی وزیر ریلوے شیخ رشید احمد نے شہباز شریف کو چیئرمین پی اے سی بنائے جانے کے خلاف عدالت سے رجوع کرنے کا اعلان کردیا۔

تفصیلات کے مطابق اسلام آباد میں میڈیا سے گفتگو کرتے ہوئے وفاقی وزیر ریلوے شیخ رشید احمد کا کہنا تھا کہ شہباز شریف چور، ڈاکو، لٹیرے اور بے ایمان ہیں، شہباز شریف کو پبلک اکاؤنٹ کمیٹی کا چیئرمین بنانے کے خلاف ہوں، عمران خان نے بنایا تب بھی عدالت جاؤں گا۔

شیخ رشید نے کہا کہ بلے کو دودھ کی رکھوالی دینے سے بہتر ہے احتساب ہی بند کردیں، چور ہی چوروں کا احتساب کرنے جارہے ہیں۔

انہوں نے کہا کہ قوم کی دولت کو لوٹنے والے حکومت کا خرچہ کروا رہے ہیں، جب بھی کوئی چور لٹیرا جیل جاتا ہے تو وہ بیمار ہوجاتا ہے، موجودہ پبلک اکاؤنٹس کمیٹی کو غیرآئینی سمجھتا ہوں۔

مزید پڑھیں: شہباز شریف کو کیسے چیئرمین پی اے سی بنایا گیا، عدالت جانے کا سوچ رہا ہوں: شیخ رشید

شیخ رشید نے کہا کہ چور لٹیروں کے لیے ڈاکٹروں نے بیان دیا ان کو کھلی فضا میں رکھو، اسحاق ڈار سابق وزیراعظم کے جہاز میں فرار ہوئے تو آصف زرداری بھی جا سکتے ہیں۔

ریلوے کی زمینوں کی لیز کے حوالے سے ان کا کہنا تھا کہ چیف جسٹس نے حکم دیا کہ ریلوے زمین فروخت نہیں کرسکتی، ریلوے اراضی لیز پر پانچ سال سے زیادہ نہیں دے سکتے، رائل پام کلب کیس کا فیصلہ جسٹس عظمت سعید شیخ کریں گے۔

خیال رہے کہ گزشتہ ہفتے شیخ رشید احمد کا کہنا تھا کہ ایک سال میں 20 نئی ٹرینیں چلائیں گے، غریب کے لیے سستا اور امیر کے لیے مہنگا ٹکٹ ہوگا۔

اسلام آباد: وزیر ریلوے شیخ رشید نے کہا ہے کہ العزیزیہ کیس میں سپریم کورٹ لے کر گیا تھا، یہ میرا کیس تھا.

ان خیالات کا اظہار انھوں نے میڈیا سے گفتگو کرتے ہوئے کیا. وزیر ریلوے نے کہا کہ یقین ہے کہ احتساب کاعمل تیزترہوگا، سال 2019 تاریخی اور فیصلہ کن ثابت ہوگا. بھل صفائی ہوجائے گی۔

ان کا کہنا تھا کہ آج کے کیس سے عوام نے بڑی امیدیں لگائی تھیں، اس فیصلے تک پہنچنے میں دو ڈھائی سال لگے ہیں، نواز شریف کو منی ٹریل کا ثبوت دینے کا مکمل وقت دیا گیا، اسمبلی میں ٹی او آر طے نہیں ہوئے، تو معاملہ سپریم کورٹ چلا گیا.

[bs-quote quote=”سال 2019 تاریخی اور فیصلہ کن ثابت ہوگا. بھل صفائی ہوجائے گی” style=”style-7″ align=”left” author_name=”شیخ رشید”][/bs-quote]

انھوں نے کہا کہ کیسز میں موجود حکومت یا عمران خان کا کوئی ہاتھ نہیں، لڑائی کے دوران یہ این آر او مانگ لیتے ہیں، دو دن انہوں نے شورمچایا کہ اسلام آباد میں طوفان آر رہا ہے، ٹوئٹس کرنے والوں‌ پر بہار آ گئی، اب لاتعداد ٹوئٹس نظر آئیں گے.

شیخ‌ رشید نے کہا کہ اکرم شیخ نےعدالت میں کہا کہ کلائنٹ سے مشورہ کر کے قطری خط ساتھ لگا رہا ہوں، خواجہ حارث نےغیرذمہ دارانہ طریقے سے کیس لڑا، کیس لڑنے سے متعلق آصف زرداری سے سبق لے لیتے.

انھوں نے کہا کہ ملک پر بحران کا وقت ہے، اس میں قومی ذمہ داری کا ثبوت دیا جائے، شاہد خاقان عباسی کہتے ہیں کہ عدلیہ پریقین رکھتے ہیں فیصلہ نہیں مانتے، کیس کو کیس سمجھ کر لڑنا چاہیے، سیاست نہیں کرنی چاہیے.

انھوں نے کہا کہ اپنے کیسوں کی نفی نوازشریف نے خود کی، شہبازشریف کو چیئرمین پی اے سی بنانے کا حامی نہیں، شہبازشریف مذاکرات کے بڑے فن کار ہیں، یہ اخباروں کو بلا بلا کربیان دیتے ہیں، جو ڈان لیکس بن جاتے ہیں.

[bs-quote quote=”غیرذمہ دارانہ طریقے سے کیس لڑا، کیس لڑنے سے متعلق آصف زرداری سے سبق لے لیتے” style=”style-7″ align=”left” author_name=”شیخ رشید”][/bs-quote]

انھوں کا مزید کہنا تھا کہ المیہ ہے کہ ملک میں ون مین سیاست ہوتی رہی، لیکن اب اس کا خاتمہ ہوگیا، ملک کی بد نصیبی ہے، جس کو سر کا تاج بناتے ہیں وہ سر جھکانے پرتل جاتا ہے، عدالت میں پروجیکٹرپردکھایا، تو فریال صاحبہ نے کوئی جگہ نہیں چھوڑی، لاڑکانہ، نواب شاہ، شہداد اپور، بے نظیر آباد میں ساری بے نامی زمین ہے.

ان کا کہنا تھا کہ یہ لوگ معاشی دہشت گرد ہیں،ملک کودونوں ہاتھوں سے لوٹا، چورمتحد ہوں گے ، تو جن افراد نے جمہوریت کو مضبوط کیا، وہ مایوس ہوں گے آج پریس کانفرنس مقصد نہیں تھی، لیکن شاہدخاقان کی گفتگوسےدکھ ہوا، پٹری کے اس طرف یا اس طرف جو بھی چور ہے، وہ نہیں بچ پائے گا.

پشاور: وفاقی وزیر ریلوے شیخ رشید نے کہا ہے کہ ریل چلےگی تو پاکستان کی معیشت مضبوط ہوگی.

ان خیالات کا اظہار  انھوں نے پشاور  میں پریس کانفرنس کرتے ہوئے کیا. ان کا کہنا تھا کہ دنیا کی تاریخ میں 100 دن کے اندر 20 ٹرینیں چلائیں.

ان کا کہنا تھا کہ عمران خان نےجو ذمے داری دی ہے، اسے نبھائیں گے، ریلوے 15 فریٹ ٹرینیں چلائے گی، انگریز جہاں ٹریک چھوڑ کر گیا تھا، آج بھی وہیں ہیں، یہ بدقسمتی ہے.

شیخ رشید کا کہنا ہے کہ گوادر  دنیا کی 6 بڑی گہرے پانی والی بندگاہوں میں شامل ہے، جہاں ایک وقت میں 186 جہازلنگر انداز ہو سکتے ہیں۔

انھوں نے کہا کہ تین ماہ میں 20 فی صد مسافر وں کی تعداد بڑھ گئی ہے، مشکل وقت سے گزر رہے ہیں، لیکن حالات بدلنے کا یقین ہے، پشاورجلال آباد ٹرین کے لئے فیزیبلیٹی بنانےکا ٹھیکہ دے دیا ہے.

مزید پڑھیں: تبدیلی ٹرین کے انجن خریدنا نہیں ٹریک اور سفری سہولتیں دینا ہے: شیخ رشید

انھوں نے مزید کہا کہ مارچ سے دو نان اسٹاپ وی وی آئی پی ٹرین چلائیں گے، پیسے دگنے لیں گے، جنوری تک تمام ٹکٹیں بک ہیں،ایمرجنسی ٹرین چلانےکی کوشش کررہے ہیں.

یاد رہے کہ آج وزیر ریلوے نے اسلام آباد میں میڈیا سے گفتگو کرتے ہوئے کہا تھا کہ وفاقی وزیر ریلوے شیخ رشید کا کہنا ہے کہ ٹریک کے 70 سال کے ڈھانچے کو تبدیل کریں گے۔ تبدیلی انجن خریدنا نہیں ٹریک اور سفری سہولتیں دینا ہے۔