Tag: وزیر صحت پنجاب

لاہور: وزیر صحت پنجاب ڈاکٹر یاسمین راشد نے انسداد پولیو سے متعلق ایک اہم اجلاس کی صدارت کرتے ہوئے لاہور میں دوبارہ مہم شروع کرنے کا حکم دے دیا ہے۔

تفصیلات کے مطابق لاہور میں وزیر صحت پنجاب کی زیر صدارت انسداد پولیو مہم سے متعلق اجلاس منعقد ہوا، اجلاس میں یاسمین راشد نے لاہور میں دوبارہ انسداد پولیو مہم شروع کرنے کا حکم دیا۔

پنجاب کی وزیر صحت کا کہنا تھا کہ لاہور کے وہ علاقے جو پولیو وائرس سے متاثرہ ہیں، ان میں انسداد پولیو مہم رواں ماہ مئی میں دوبارہ شروع کی جائے گی۔

ڈاکٹر یاسمین راشد نے اجلاس میں انسداد پولیو مہم کے اعداد و شمار کا جائزہ لیا، انھوں نے کہا پنجاب بھر میں حالیہ انسداد پولیو مہم میں مثبت نتائج حاصل کیے گئے ہیں۔

یہ بھی پڑھیں:  لاہور میں ایک اور پولیو کیس کی تصدیق

وزیر صحت کا کہنا تھا کہ انسداد پولیو مہم میں لیڈی ہیلتھ ورکرز نے کلیدی کردار ادا کیا، اب لاہور کی متاثرہ یوسیز میں مؤثر انسداد پولیو مہم چلائی جائے گی۔

یاد رہے کہ 2 مئی کو صوبہ پنجاب کے دارالحکومت لاہور میں پولیو کا ایک اور کیس سامنے آیا تھا، رواں برس یہ لاہور میں ریکارڈ ہونے والا تیسرا پولیو کیس تھا جب کہ ملک بھر میں مجموعی پولیو کیسز کی تعداد 10 ہو چکی ہے۔

قومی انسداد پولیو پروگرام نے بتایا تھا کہ لاہور کے علاقے اقبال ٹاؤن کے 2 سالہ بچے میں پولیو وائرس کی تصدیق ہوئی ہے۔

لاہور: ملکی حالات کے پیش نظر پنجاب بھر کے تمام اسپتالوں میں ایمرجنسی نافذ کردی گئی ہے۔

تفصیلات کے مطابق ملکی حالات کے پیش نظر پنجاب بھر کے تمام اسپتالوں میں ایمرجنسی نافذ کردی گئی ہے، تمام اضلاع کے سی ای اوز، ڈسٹرکٹ اور تحصیل ہیڈ کوارٹرز اسپتالوں کے میڈیکل سپرنٹنڈنٹس کو ہدایات جاری کردی گئی ہیں۔

[bs-quote quote=”پوری قوم موجودہ حالات میں پاک فوج کے ساتھ کھڑی ہے” style=”style-8″ align=”left” author_name=”یاسمین راشد”][/bs-quote]

صوبائی وزیر صحت پنجاب یاسمین راشد نے کہا ہے کہ تمام اسپتالوں کی ایمرجنسیز میں ٹراما اور برننگ ادویات وافر مقدار میں دستیاب ہونی چاہئیں، جان بچانے والی ادویات میں کسی قسم کی کمی واقع نہ ہو۔

یاسمین راشد نے کہا کہ پنجاب کے تمام اسپتالوں میں اسپیشلسٹس، ڈاکٹرز، نرسز، پیرا میڈکس ودیگر اسٹاف کی چھٹیاں تاحکم ثانی بند رہیں گی، تمام ڈاکٹرز تاحکم ثانی 24 گھنٹے آن کال پر دستیاب رہیں گے۔

مزید پڑھیں: وزیراعظم عمران خان کی بھارت کوایک بار پھر مذاکرات کی پیشکش

نمائندہ اے آر وائی نیوز کے مطابق وزیر صحت نے تمام آپریشن تھیٹرز، لیبز فعال جبکہ دیگر طبی آلات 24 گھنٹے دستیاب رکھنے کا حکم دیا ہے۔

یاسمین راشد نے کہا کہ پوری قوم موجودہ حالات میں پاک فوج کے ساتھ کھڑی ہے۔

لاہور: سابق وزیرِ اعظم نواز شریف کی صاحب زادی مریم نواز کی آمد پر اسپتال کے دروازے بند کرنے پر ایم ایس جناح اسپتال سے جواب طلب کر لیا گیا۔

تفصیلات کے مطابق دو دن قبل نواز شریف سے ملنے کے لیے ان کی صاحب زادی مریم جناح اسپتال آئیں تو دروازے بند کر دیے گئے جس کی وجہ سے مریضوں اور ان کے تیمارداروں کو سخت مشکلات کا سامنا کرنا پڑا۔

وزیرِ صحت پنجاب یاسمین راشد نے اسپتال انتظامیہ سے سوال کیا کہ دروازے بند ہونے سے مریضوں کو پریشانی کا سامنا کیوں کرنا پڑا؟

یاسمین راشد نے اسپتال انتظامیہ کی سخت سرزنش کرتے ہوئے کہا کہ مریم نواز کی جناح اسپتال آمد پر اسپتال کے دروازے کھلے رہنے چاہئیں۔

انھوں نے کہا کہ ہمارے لیے جناح اسپتال میں نواز شریف سمیت تمام مریض برابر ہیں، کسی بھی قسم کی موومنٹ کے دوران اسپتال کے دروازے بند نہیں ہوں گے، نہ یہ رویہ برداشت ہو گا۔

یہ بھی پڑھیں:  مریم نواز کی جناح اسپتال آمد، سر پرکیمرہ لگ گیا، راستے بند مریض پریشان

یاد رہے کہ دو دن قبل مریم نواز کی لاہور کے جناح اسپتال آمد تیمارداروں کے لیے زحمت بن گئی تھی، انھوں نے اسپتال میں والد کی عیادت کی، واپسی پر اسپتال کی راہ داریاں بند کرا دی گئی تھیں، جس کی وجہ سے مریض اور تیماردار رُل گئے تھے۔

مریم نواز اپنے والد سے ملنے کے بعد جب جناح اسپتال سے روانہ ہوئیں تو سیکورٹی کے سخت انتظامات کیے گئے تھے، اس موقع پر اسپتال کے مختلف وارڈز کے راستے بند کردیے گئے۔

لاہور: کوٹ لکھپت جیل کے قیدی سابق وزیرِ اعظم نواز شریف کے لیے جناح اسپتال لاہور کا نجی وارڈ سب جیل قرار دے دیا گیا۔

تفصیلات کے مطابق دل کی بیماری میں مبتلا نواز شریف کو علاج کے لیے جناح اسپتال لاہور منتقل کرنے کے سلسلے میں اسپتال کے نجی وارڈ کو سب جیل کا درجہ دے دیا گیا ہے۔

اسپتال میں جیل کے 6 افسران اور ملازمین کی تعیناتی کا نوٹیفکیشن بھی جاری کر دیا گیا۔

[bs-quote quote=”نواز شریف اسپتال نہیں جانا چاہتے تھے، یہ بتایا جائے کہ اسپتال اس نہج پر کس نے پہنچائے؟ ” style=”style-8″ align=”left” color=”#dd3333″ author_name=”یاسمین راشد” author_job=”صوبائی وزیرِ صحت”][/bs-quote]

ذرایع کا کہنا ہے کہ انچارج سب جیل اسسٹنٹ سپرنٹنڈنٹ امین صادق ڈیوٹی پر مامور کر دیے گئے ہیں، افسران و ملازمین سیکورٹی سمیت دیگر امور سے اعلیٰ حکام کو آگاہ کریں گے۔

دریں اثنا وزیرِ صحت پنجاب یاسمین راشد نے جناح اسپتال کے حوالے سے کہا کہ یہ کوئی لندن نہیں ہے، یہاں کوئی زخمی بھارتی فوجی بھی آئے گا تو علاج پہلی ذمہ داری ہوگی۔

یاسمین راشد کا کہنا تھا کہ نواز شریف کو دل کے مرض کے ساتھ ساتھ دیگر مسائل بھی لا حق ہیں، اس لیے انھیں ملٹی ڈسپلن اسپتال میں رکھا گیا، انھیں دل کے اسپتال منتقل کرنا چاہتے تھے لیکن وہ جیل جانے کی ضد کر گئے۔

یہ بھی پڑھیں:  نواز شریف کو کوئی خطرناک بیماری نہیں: ڈاکٹر عارف تجمل

وزیر صحت نے مزید کہا کہ نواز شریف کارڈیالوجی جانا چاہتے ہیں تو ایک لمحے میں بھیج دیں گے، مریم نواز اسپتال کے حوالے سے بیان تو دیتی ہیں مگر یہ نہیں بتاتیں کہ اسپتال اس نہج تک کس نے پہنچائے، نواز شریف کی فیملی سے پوچھا گیا ہے کہ کیا سہولیات چاہئیں۔

یاسمین راشد نے کہا ’میں نے بھی تو 4 بچوں کو پاکستان کے اسپتالوں میں جنم دیا ہے۔‘