Tag: وزیر مملکت برائے داخلہ

اسلام آباد: وزیر مملکت برائے داخلہ شہریار آفریدی نے کہا کہ ملک کی بدنامی کا باعث بننے والی تنظیموں کو نشان عبرت بنایا جائے گا، آئین اور قانون پر کسی قسم کا سمجھوتہ نہیں کیا جائے گا۔

تفصیلات کے مطابق وزیر مملکت برائے داخلہ شہریار آفریدی نے نیوز کانفرنس کرتے ہوئے کہا کہ وزیراعظم کی ہدایت پر معاون خصوصی زلفی بخاری کے ہمراہ کوئٹہ گئے تھے، مذاکرات کے بعد ہزارہ کمیونٹی نے دھرنا ختم کرنے پر اتفاق کیا، ہزارہ برادری کے ساتھ جو بھی زیادتیاں ہوئیں ان کا الزالہ کیا جائے گا۔

شہریار آفریدی نے کہا کہ شہریوں کی جان و مال کی حفاظت کی ذمہ داری ریاست کی ہے، نیشنل ایکشن پلان پر عمل درآمد کے لیے پرعزم ہیں، نیشنل ایکشن پلان پر ماہرین پر مشتمل کمیٹی تشکیل دی گئی ہے، عملی اقدامات یقینی بنائے جائیں گے۔

انہوں نے کہا کہ ایسے اقدامات کیے جارہے ہیں کہ کسی کو قانون ہاتھ میں لینے کی جرأت نہیں ہوگی، بلوچستان کے عوام میں حب الوطنی کا مثالی جذبہ پایا جاتا ہے۔

مزید پڑھیں: کالعدم تنظیموں کے خلاف ایکشن میں تمام اداروں، اپوزیشن کو آن بورڈ لیا: شہریار آفریدی

وزیر مملکت برائے داخلہ نے کہا کہ ہمارے لیے ہر شہری قابل احترام ہے، تحفظ کی فراہمی ریاست کی ذمہ داری ہے، نئے پاکستان میں کسی سے امتیازی سلوک روا نہیں رکھا جائے گا۔

شہریار آفریدی نے کہا کہ ماضی کی حکومتوں کی ناقص پالیسیوں کے باعث ملکی اقدار تک داؤ پر لگا دیا گیا، ملک کے مثبت تشخص کے لیے موجودہ حکومت نے انقلابی اقدامات اٹھائے ہیں۔

انہوں نے کہا کہ خارجہ پالیسی میں اصلاحات کے ساتھ نئی ویزا پالیسی متعارف کرائی، ہم نے اپنے کردار اور اقدار سے دنیا پر ثابت کرنا ہے کہ ہم ایک مہذب قوم ہیں، نوجوان نسل کو پیغام ہے کہ وہ غیرملکی مہمانوں کو عزت دیں۔

کوہاٹ: وزیر مملکت برائے داخلہ شہریار آفریدی نے کہا ہے کہ بھارت کو واضح پیغام دینا چاہتے ہیں کہ ہماری امن کی خواہش کو کمزوری نہ سمجھا جائے۔

تفصیلات کے مطابق وزیر مملکت برائے داخلہ شہریار آفریدی نے کوہاٹ میں تقریب سے خطاب کرتے ہوئے کہا کہ کسی سے ڈکٹیشن نہیں لیں گے، بھارت ہماری امن کی خواہش کو کمزوری نہ سمجھے، بھارت سمیت ہمسایہ ممالک سے برابری کی سطح پر تعلقات چاہتے ہیں۔

شہریار آفریدی نے کہا کہ ہمارے دروازے دنیا بھر کی مہمان نوازی کے لیے کھلے ہیں، دنیا کو باور کرائیں گے پاکستان میں امن بحال ہوچکا ہے، پاکستان ایک امن پسند ملک ہے۔

وزیر مملکت برائے داخلہ نے کہا کہ قبائلی عوام کے مسائل حل کریں گے، موجودہ حکومت قبائلی عوام کو گلے لگا رہی ہے۔

مزید پڑھیں: کالعدم تنظیموں کے خلاف ایکشن میں تمام اداروں، اپوزیشن کو آن بورڈ لیا: شہریار آفریدی

شہریار آفریدی کا کہنا تھا کہ دہشت گردی اور شدت پسندی کا کوئی مذہب نہیں ہوتا، فرقہ واریت پھیلانے والے ملک دشمن ہے، پاکستان کے تمام ادارے اور پورا ملک ایک پیچ پر ہیں۔

واضح رہے کہ چند روز قبل شہریار آفریدی کا کہنا تھا کہ کوئی دشمن ہمیں ڈکٹیٹ نہیں کرسکتا، ایف اے ٹی ایف ایکشن کسی ڈکٹیشن پر نہیں، اپنی آئندہ نسلوں کے لیے کررہے ہیں۔

ان کا کہنا تھا کہ نیشنل ایکشن پلان قومی سیکورٹی کے لیے ایک قدم ہے، اس میں موجود کمیٹیوں میں علمائے کرام بھی شامل ہیں، امن کے بغیر ہم کبھی بھی اپنا مقصد حاصل نہیں کر سکتے۔

اسلام آباد: پاکستان میں کالعدم تنظیموں کے خلاف باقاعدہ کارروائی شروع کر دی گئی ہے، وزارتِ داخلہ کے ایکشن کے تحت کالعدم تنظیموں کے 44 ارکان زیرِ حراست لے لیے گئے۔

تفصیلات کے مطابق وزیرِ مملکت برائے داخلہ شہریار آفریدی اور سیکریٹری داخلہ نے پریس کانفرنس کرتے ہوئے کہا کہ وزارتِ داخلہ نے کالعدم تنظیموں کے خلاف ایکشن کا آغاز کر دیا ہے، کالعدم تنظیموں کے 44 ارکان حراست میں لیے گئے۔

[bs-quote quote=”کالعدم تنظیموں کے خلاف بلا امتیاز کارروائی جاری رہے گی۔” style=”style-8″ align=”left” author_name=”شہریار آفریدی”][/bs-quote]

زیرِ حراست لیے گئے ارکان میں مفتی عبدالرؤف اور حماد اظہر بھی شامل ہیں۔

سیکریٹری داخلہ کا کہنا ہے کہ کارروائی این اے سی (نیشنل ایکشن کمیٹی) کے فیصلوں کی روشنی میں جاری رہے گی، جنھیں حراست میں لیا گیا ان کے خلاف تحقیقات کی جائیں گی۔

سیکریٹری داخلہ نے مزید کہا کہ تحقیقات میں کچھ ثابت ہوا تو کارروائی کی جائے گی، ہمارا ایکشن 2 ہفتے تک جاری رہے گا، مزید ثبوت ملے تو کسی کو بھی اپنی تحویل میں لے سکتے ہیں۔

یہ بھی پڑھیں:  پاکستان کا کالعدم تنظیموں‌ کے حوالے سے اہم قدم

شہریار آفریدی نے کہا کہ ہم نہیں چاہتے کہ پاکستان پر باہر سے الزام تراشیاں ہوتی رہیں، پاک سرزمین کسی کے خلاف استعمال نہیں ہوگی، کوئی دوسرا ملک بھی دخل اندازی نہیں کر سکے گا۔

وزیرِ مملکت برائے داخلہ نے کہا کہ کالعدم تنظیموں کے خلاف بلا امتیاز کارروائی جاری رہے گی، نئے پاکستان میں قانون کی بالا دستی کا عزم کیا ہوا ہے۔

اسلام آباد: وزیر مملکت برائے داخلہ شہریار آفریدی نے کہا ہے کہ جب تک اکٹھے نہیں ہوں گے دشمن ہم پر حملہ کرتا رہے گا، منشیات جیسی لعنت سے چھٹکارے کے لیے سب کو ساتھ لے کر چلنا ہے، وزیراعظم مجھ سے روزانہ رپورٹ طلب کرتے ہیں۔

تفصیلات کے مطابق اسلام آباد کو منششیات سے پاک کرنے کے حوالے سے آگاہی سیمینار کا انعقاد کیا گیا جس میں وزیر مملکت برائے داخلہ شہریار آفریدی، چیف کمشنر، آئی جی پولیس، اے این حکام ودیگر شریک ہوئے۔

چیف کمشنر اسلام آباد نے آگاہی سیمینار سے خطاب کرتے ہوئے کہا کہ جب ذمہ داری سنبھالی تو کہا شہر کو ڈرگ فری بنانا ہے۔

شہریار آفریدی نے کہا کہ منشیات فری اسلام آباد کی تقریب ہے اچھی ٹیم ملی ہے جس کی مدد سے منشیات کا خاتمہ کرسکتے ہیں، ایسا زمانہ بھی تھا وفات پر چالیس دن تک ٹی وی ریڈیو نہیں لگتا تھا، اس وقت ایک درد، احساس، جذبات ہوتے تھے والدین بچوں کے عیب پر پردے ڈالتے ہیں، ہمیں احساس کرنا ہوگا سمجھنا ہوگا۔

مزید پڑھیں: کوئی کتنا بڑا ہو اُسے مثال بنادیں گے، شہریار آفریدی

وزیر مملکت برائے داخلہ نے کہا کہ صرف اسلام آباد ہی نہیں پوری دنیا کے لیے مثال بنانی ہے، ایک ماں سے پوچھیں جس کے سامنے روز اس کا بیٹا مرتا ہے، دنیا کو بتانا ہے ہم نے ملک کے لیے کئی قربانیاں دی ہیں۔

انہوں نے کہا کہ ہم ان بچوں کو مدرسے بھیجتے ہیں جن کا کوئی وارث نہیں ہوتا ہے اب یہ حکومت ان بچوں کی حفاظت اور ذمہ داری لے گی۔

وزیر مملکت برائے داخلہ کا کہنا تھا کہ ہماری کسی سے کوئی ذاتی رنجس نہیں اور نہ ہی حکومت انتقامی سیاست پر یقین رکھتی ہے، ریاستی قانون پر ہر صورت عمل درآمد کرایا جائے گا۔

اسلام آباد: وزیر مملکت داخلہ شہریار آفریدی نے کہا ہے کہ ناراض بھائیوں کو دونوں ہاتھوں سے گلے لگائیں گے، منطور پشتین ہتھیار ڈال دیں خود گلے لگاؤں گا۔

ان خیالات کا اظہار انہوں نے انٹرنیشنل اسٹوڈنٹ کنونشن سے خطاب کرتے ہوئے کیا، وزیر مملکت برائے داخلہ شہریار آفریدی نے کہا کہ ریاست کے خلاف جانے والوں کے خلاف بھرپور کارروائی ہوگی، انتہا پسندی کسی صورت برداشت نہیں کی جائے گی۔

شہریار آفریدی نے کہا کہ پاکستان قومی سلامتی پر کبھی سمجھوتہ نہیں کرے گا، پاکستان کے دشمن نوجوانوں کو نشانہ بنارہے ہیں، دشمن نوجوانوں کو رنگ و نسل کی بنیاد پر تقسیم کرنا چاہتا ہے۔

انہوں نے کہا کہ کرتارپور بارڈر کھولنا امن اور انسانیت کی لازوال داستان ہے، وزیراعظم نے بڑے مگرمچھوں پر ہاتھ ڈالنے کی ہدایت کی، گلگت بلتستان کی محرومیاں دور کریں گے، جنوبی پنجاب کو محرومیاں دینے والوں کو کٹہرے میں لائیں گے۔

مزید پڑھیں: پاکستان تمام انسانیت کے لیے سب سے بڑی جنگ لڑ رہا ہے: شہریار آفریدی

واضح رہے کہ وزیر مملکت شہریار آفریدی کا کہنا تھا کہ ہم نے اقوام عالم کو اپنی قربانیوں کو باور کروانا ہے پاکستان تمام انسانیت کے لیے سب سے بڑی جنگ لڑ رہا ہے۔

شہریار آفریدی کا کہنا تھا کہ نیا پاکستان کا وژن سب کے لیے ہے، شراکت داروں کو عزت دینی ہے۔ مدرسے میں تمام سہولتیں دینا ریاست کی ذمے داری ہے۔

وزیر مملکت کا کہنا تھا کہ مشینوں کے ذریعے دنیا پر کنٹرول کے لیے زور دیا گیا۔ انسانی زندگی کا انحصار اللہ کے بعد ماحول پر ہے۔ انسانوں پر پیسہ لگے، انسانوں کا سوچا جائے گا تو سب بہتر ہوگا۔