Tag: وزیر مملکت برائے ریونیو

اسلام آباد: وزیر مملکت برائے ریونیو حماد اظہر نے قومی اسمبلی میں شہباز شریف پر تنقید کرتے ہوئے کہا کہ ایوان میں بیٹھے ہٹ مین نے ملک کو لوٹا ہے۔

تفصیلات کے مطابق وزیر مملکت برائے ریونیو حماد اظہر نے شہباز کی تقریر پر ردعمل دیتے ہوئے کہا کہ اب ملک ٹی ٹی اور بے نامی اکاؤنٹس پر نہیں چل سکتا۔

حماد اظہر اپوزیشن لیڈر شہباز شریف کے سوال پر برہم ہوگئے، سوال اٹھاتے ہوئے کہا کہ کیا سابق دورمیں لیا گیا قرض بے نامی اکاؤنٹس میں چلا گیا، بتایا جائے گزشتہ حکومت دس ارب ڈالر کے زرمبادلہ کے ذخائر کہاں گئے۔

[bs-quote quote=” مسلم لیگ ن کی حکومت نے گردشی قرض  بڑھا دیا” style=”style-8″ align=”left” author_name=”حماد اظہر” author_job=”وزیر مملکت برائے ریونیو”][/bs-quote]

وزیر مملکت برائے ریونیو کا کہنا تھا کہ مسلم لیگ ن کی حکومت نے گردشی قرض بڑھا دیا، اب یہ ملک بے نامی اکاؤںٹ اور ٹی ٹیز پر نہیں چلے گا۔

حماد اظہر کے خطاب پر اپوزیشن کی طرف سے بھی شدید نعرے بازی کی گئی اور ایوان مچھلی بازار کا منظر پیش کرنے لگا۔

اسپیکر قومی اسمبلی اسد قیصر اراکین کو خاموش کراتے رہے اور کٹوتی کی تحاریک پر ووٹنگ چلتی رہی، ووٹنگ کے دوران گنتی کرائی گئی جس میں اپوزیشن کی طرف سے پیش کی گئیں تحاریک کثرت رائے سے مسترد کردی گئیں۔

پاور ڈویژن کے لیے 26 کروڑ 60 لاکھ روپے کے مطالبہ زر پر کٹوتی کی تحریک پر ایوان میں ووٹنگ کے دوران اپوزیشن کو ایک بار پھر شکست کا سامنا کرنا پڑا حکومت کٹوتی کی تحریک کے خلاف اپوزیشن حق میں ہے۔

ووٹنگ کے بعد گنتی کرائی گئی تو حکومت کو 169 اور اپوزیشن کو 143 ووٹ ملے۔

اسلام آباد: وزیر مملکت برائے ریونیو حماد اظہر نے کہا ہے کہ پیپلزپارٹی اپنے دور میں سب سے زیادہ آئی ایم ایف کے پاس گئی، سب سے زیادہ مہنگائی پیپلزپارٹی دور میں تھی۔

تفصیلات کے مطابق وزیر مملکت برائے ریونیو حماد اظہر نے بلاول بھٹو کی تقریر پر ردعمل دیتے ہوئے کہا کہ آج زرداری جونیئر نے روایتی مزاحیہ انداز میں تقریر کی، زرداری حکومت نے 5 سال میں 5 وزیر خزانہ بدلے۔

انہوں نے کہا کہ بلاول نے کہا ہم باہر سے گورنر اسٹیٹ بینک لائے، بھٹو اپنے دور میں یعقوب حسین کو باہر سے پاکستان کام کرنے لائے، رضا باقر پاکستانی ہیں، ان کے پاس اور کوئی شہریت نہیں ہے۔

حماد اظہر نے کہا کہ زرداری جونیئر نے مہنگائی کے حوالے سے باتیں کیں، چند ماہ پہلے انکشاف ہوا کہ ان کے گھر کا راشن بھی جعلی اکاؤنٹ سے آتا ہے، ان سے ہضم نہیں ہورہا صاف ستھری کابینہ نیا پاکستان بنا رہی ہے۔

 مزید پڑھیں: لگ رہا ہے آئی ایم ایف ہی آئی ایم ایف سے مذاکرات کرے گا، بلاول بھٹو

وزیر مملکت برائے ریونیو نے کہا کہ جو بھی ڈیل ہوگی سینیٹ کمیٹی اور فنانس کے سامنے رکھیں گے، حکومت چاہتی ہے ایوان پر امن طریقے سے چلایا جائے۔

حماد اظہر نے کہا کہ جب بھی اپوزیشن احتجاج کرتی ہے تو ایک مک مکا سامنے آجاتا ہے، خواجہ آصف نے اسپیکر ڈائس پر چڑھ کر بدتمیزی سے اسپیکر کو مخاطب کیا۔

واضح رہے کہ بلاول بھٹو نے قومی اسمبلی میں تقریر کرتے ہوئے کہا تھا کہ لگ رہا ہے کہ آئی ایم ایف ہی آئی ایم ایف سے مذاکرات کرے گا، پاکستان کے وزیر خزانہ، گورنر اسٹیٹ بینک اور چیئرمین ایف بی آر بھی آئی ایم ایف کی مرضی سی لگایا گیا۔

بلاول بھٹو کا کہنا تھا کہ حکومت عالمی مالیاتی فنڈ سے معاہدہ کیوں چھپا رہی ہے، اگر معاہدہ پارلیمنٹ سے پاس نہیں کرایا گیا تو تسلیم نہیں کریں گے۔

اسلام آباد: وزیر مملکت برائے ریونیو حماد اظہر نے کہا ہے کہ گزشتہ حکومت نے معیشت کا بیڑا غرق کیا، ماضی کی حکومتیں جو کرکے گئیں اس کے اثرات ہم بھگت رہے ہیں، مشکلات جلد ختم ہوجائیں گی۔

تفصیلات کے مطابق وزیر مملکت برائے ریونیو حماد اظہر نے پریس کانفرنس کرتے ہوئے کہا کہ اسحاق ڈار نے معیشت سے متعلق غلط اعداد و شمار پیش کیے، ن لیگ کی حکومت کو موجودہ خساروں کا سامنا نہیں تھا، مہنگائی میں اضافہ روپے کی قدر میں کمی سے ہوا۔

حماد اظہر نے کہا کہ گزشتہ حکومت کا بگاڑ بہت زیادہ تھا، نکلنے میں وقت لگے گا، ہماری پالیسیاں پرانے بگاڑ سے متاثر ہورہی ہیں، اسحاق ڈار صرف قوم سے نہیں کابینہ سے بھی جھوٹ بولتے تھے۔

انہوں نے کہا کہ زرداری، اومنی اور حمزہ شہباز کیس میں کوئی فرق نہیں ہے، حمزہ شہباز اپنے کیسز سے توجہ ہٹانے کے لیے ایسی باتیں کررہے ہیں، یہ جتنا مرضی رو لیں، این آر او نہیں ملے گا۔

مزید پڑھیں: سابقہ ادوار میں پاکستان کی معیشت کو تباہ کیا گیا: حماد اظہر

وزیر مملکت نے کہا کہ ن لیگ کے آخری 7 ماہ میں روپے کی قدر 17 فیصد کم ہوئی، اسٹاک مارکیٹ میں کمی کا رجحان گزشتہ دور حکومت سے شروع ہوا، پی ٹی آئی کے دور میں زرمبادلہ کے ذخائر میں اضافہ ہوا۔

حماد اظہر نے کہا کہ میاں صاحب راتوں رات نظریاتی ہوگئے ہیں، مولانا فضل الرحمان اور آصف زرداری بھی مل رہے ہیں، ن لیگ، پی پی، مولانا صاحب کی ملاقاتیں دراصل مفادات کے لیے ہیں۔

انہوں نے کہا کہ معیشت کے تین فیز ہیں، پہلا فیز دیوالیہ سے بچانا تھا جس میں کامیاب ہوئے، معیشت کے استحکام کا فیز ڈیڑھ سال تک چلے گا۔

اسلام آباد: وفاقی کابینہ نے اسمگل شدہ موبائل فونز کی روک تھام کے لیے نئی پالیسی تشکیل دے دی۔

وزیر مملکت برائے ریونیو حماد اظہر کے مطابق وفاقی کابینہ نے یہ فیصلہ کیا ہے کہ یکم دسمبر کے بعد بغیر کسٹم ڈیوٹی ادا کیے فروخت کیے جانے والے موبائل فون پی ٹی اے کی جانب سے تیس دن کے وقفے سے بند کردئیے جائیں گے، یکم دسمبر سے پہلے فروخت کیے گئے فون پر اسکا اطلاق نہیں ہوگا اور ان کو کسی رجسٹریشن کی ضرورت نہیں ہوگی۔

حماد اظہر نے کہا کہ بیرون ملک سے ذاتی استعمال کے لیے فون لانے والے افراد ہر سال ایک فون بغیر ڈیوٹی کے لاسکیں گے اور مجموعی طور پر ایک سال میں پانچ فون لانے کی اجازت ہوگی تاہم اگر پاکستان میں قیام 30 دن سے زیادہ کا ہو تو ان چار فونز پر کسٹم ڈیوٹی ادا کرنی ہوگی۔

وزیر مملکت برائے ریونیو کے مطابق وفاقی کابینہ نے اس بات کی منظوری دے دی ہے کہ نئے اور استعمال شدہ موبائل فون کی درآمد پر پالیسی میں نرمی کی جائے، استعمال شدہ فون کی درآمد پر پابندی اُٹھانے کا بھی فیصلہ کیا گیا ہے، اگر وہ ماڈل پی ٹی اے کے منظور شدہ ہوں اور ان پر کسٹم ڈیوٹی ادا کیے جائیں۔

مزید پڑھیں: اسمگل شدہ موبائل فونز 31 دسمبر کے بعد بلاک کردیے جائیں گے، فواد چوہدری

قبل ازیں پی ٹی اے کی جانب سے صارفین کو متنبہ کیا جاچکا ہے کہ وہ نیا موبائل فون خریدنے کے بعد اس کی رجسٹریشن ضرور کروائیں بصورت دیگر اسے بلاک کردیا جائے گا۔

یاد رہے کہ دو روز قبل یعنی 23 نومبر کو حکومت نے اعلان کیا تھا کہ 31 دسمبر کے بعد اسمگل شدہ موبائل فون بلاک کردئیے جائیں گے جبکہ فواد چوہدری نے وضاحت پیش کرتے ہوئے کہا تھا کہ پاکستان میں پہلے سے موجود موبائل فونز بلاک نہیں کیے جائیں گے۔