اسلام آباد : وزیر مملکت عائشہ غوث پاشا کا کہنا ہے کہ آئندہ بجٹ ٹیکس فری نہیں دے سکتے، آئندہ بجٹ میں خسارے اور مہنگائی کاتوازن قائم کرنا ہوگا۔
تفصیلات کے مطابق وزیر مملکت عائشہ غوث پاشا نے میڈیا سے گفتگو کرتے ہوئے کہا کہ آئندہ بجٹ میں مہنگائی کنٹرول کرنا بڑا چیلنج ہے، آئندہ بجٹ ٹیکس فری نہیں دے سکتے۔
وزیرمملکت کا کہنا تھا کہ آئندہ بجٹ میں خسارےاورمہنگائی کاتوازن قائم کرنا ہوگا، ٹیکس آمدن نہ بڑھائی تو خسارہ بے قابو ہوجائے گا۔
عائشہ غوث پاشا نے کہا کہ معیشت میں اتنا بگاڑ ہے یکایک سب ٹھیک نہیں ہوسکتا، معیشت کا بگاڑ ٹھیک کرنے میں مزید کئی ماہ لگیں گے۔
انھوں نے بتایا کہ پنجاب اور کےپی کی نگران حکومت معاشی کارکردگی بہترنہیں، دونوں صوبوں میں نگران حکومت مہنگائی کیخلاف ایکشن میں سست ہیں۔
وزیرمملکت نے کہا کہ پنجاب ،کے پی نگراں حکومتیں ذخیرہ اندوزوں کیخلاف کارروائیاں نہیں کر رہی، حکومتوں کی ناجائزمنافع خوری اور پرائس مانیٹرنگ میں ناقص کارکردگی ہے۔
