کراچی: مئیر کراچی وسیم اختر کا کہناہے کہ کراچی ڈیولپمنٹ پلان پرتوجہ دیں گےتوکراچی آپریشن کی ضرورت نہیں پڑے گی۔

تفصیلات کےمطابق کراچی میں سندھ اسمبلی کےباہر میڈیا سے گفتگوکرتے ہوئے میئر کراچی وسیم اختر کا کہناتھاکہ سندھ اسمبلی آکر اچھا لگا ہے،اسمبلی سےیادیں وابستہ ہیں۔

میئر کراچی کا کہناتھا کہ اسمبلی آمد پر اسپیکر سندھ اسمبلی نے خوش آمدید کیا اور اجرک اور ٹوپی پہنائی جس پر میں ان کا شکرگزار ہوں۔انہوں نے کہا کہ اسپیکر سندھ اسمبلی سے ملاقات میں کراچی سمیت سندھ بھر کےمعاملات پر بھی بات چیت ہوئی۔

وسیم اختر کا کہناتھا ڈیولپمنٹ پلان پرتوجہ دیں گےتوکراچی آپریشن کی ضرورت نہیں پڑےگی۔انہوں نے کہا کہ ساری سیاسی جماعتوں کے ساتھ مل کر شہر کے مسائل حل کریں گے۔

میئر کراچی کا کہناتھا کہ کراچی میں انفرااسٹرکچرتباہ،پانی کی عدم فراہمی کےمسائل ہیں۔انہوں نے کہا کہ 5 ماہ پہلے کراچی کا پہلا مسئلہ کچرا اٹھانا تھا۔

انہوں نے کہا کہ میں ہارڈلائنرہوں مگرکراچی کے لیے ہوں۔اس کے علاوہ انہوں نے حکومت سے درخواست کی کہ وہ لوکل گورنمنٹ کو اختیارات دیں تاکہ عوام کی جانب سے منتخب کیے گئے نمائندے عوام کے بنیادی مسائل کوحل کرنےکے لیے کام کرسکیں۔

کراچی :انسداد دہشت گردی کی عدالت نے ایم کیو ایم پاکستان کے رہنما اور میئر کراچی وسیم اختر کی 2مقدمات میں ضمانت منظور کرلی۔

تفصیلات کے مطابق انسداد دہشت گردی عدالت میں ایم کیو ایم بانی کی اشتعال انگیز تقریر میں سہولت کاری کے حوالے سے وسیم اختر پر قائم 2مقدمات کی سماعت ہوئی۔

وسیم اختر کےوکیل خواجہ نوید نے عدالت میں دلائل دیتے ہوئے کہا کہ وسیم اختر پر اشتعال انگیز تقاریر میں سہولت کاری کا الزام ہے لیکن جس تقریرکے حوالے سے ان کے خلاف ایف آئی آر درج ہے وہاں وسیم اختر موجود نہیں تھے۔

خواجہ نوید نے عدالت میں موقف اختیار کیا کہ میرے موکل کے خلاف بے بنیاد اور جھوٹے مقدمات ہیں لہذا انہیں ضمانت دی جائے۔عدالت نے وسیم اختر کی دومقدمات میں ایک ایک لاکھ روپے کی ضمانت منظور کرلی ہے۔

وسیم اختر کا کہنا تھا کہ میرے خلاف ہر واقعے پر 2،2 مقدمات قائم کر رکھے ہیں،مجھ پر 7 ایف آئی آرز ایک جیسی دفعات کے تحت ہیں اور اسی واقعہ کی ایک اور ایف آئی آر میں ضمانت بھی دی جا چکی ہے۔

ذرائع کا کہنا ہے کہ وسیم اختر پر اشتعال انگیز تقاریر میں سہولت کاری کے حوالے سے مختلف تھانوں میں 39 مقدمات درج کیے گئے تھے جن میں سے 36مقدمات میں انہوں نے ضمانت کروائی ہوئی ہے اور آج مزید2 مقدمات میں بھی ان کی درخواست ضمانت منظور کر لی گئی ہے۔

واضح رہے کہ اب میئر کراچی وسیم اختر پردہشت گردوں کے علاج معالجے میں معاونت کا ایک مقدمہ ہے جس میں ان کی ضمانت ہوناباقی ہے۔

کراچی : شہرقائدکے میئر اور ایم کیوایم رہنماوسیم اخترنےکہاہے کہ فوج کو یقین دلاتا ہوں کہ کراچی کے عوام فوج کےشانہ بشانہ کھڑے ہیں۔

تفصیلات کےمطابق کراچی میں دوران پیشی عدالت کے احاطے میں میڈیا سے بات کرتے ہوئے وسیم اخترنے کہا کہ ملک میں انسداد دہشت گردی کی دفعات کا غلط استعمال کیا جا رہا ہے۔

وسیم اختر نے چیف جسٹس سندھ ہائی کورٹ اورججز سے درخواست ہے کہ دہشت گردی ایکٹ کے غیرضروری استعمال کو روکا جائے۔

کراچی کے میئر کا کہنا تھا کہ بلدیاتی الیکشن کرانے میں 9 ماہ لگے اور گزشتہ 71 دنوں سے انہیں بلاوجہ بند رکھا ہوا ہے،انہوں نے کہا کہ عوام کے وسیع ترمفاد میں میرٹ پرضمانت پررہا کیا جائے۔

وسیم اختر نے کہا کہ موجودہ صورتحال میں ہم اپنی پاک فوج اورراحیل شریف کے ساتھ ہیں،بھارت اورمودی کو باور کرانا چاہتے ہیں کہ ناپاک عزائم نیست نابود کردیں گے،کراچی کے عوام آرمی چیف اور پاک فوج کے ساتھ ہیں۔

واضح رہے کہ جے آئی ٹی میں متحدہ کے بانی کو دہشت گرد قرار دینے سے متعلق بیان پر وسیم اختر نے کہا کہ انہوں نے جو بیان دیا ہے وہ ریکارڈ کا حصہ ہے۔