Tag: وسیم اختر

کراچی: میئرکراچی وسیم اختر نے عمارت گرنے کے واقعے پر گہرے دکھ کا اظہار کرتے ہوئے کہا ہے کہ کراچی کے علاقے گلبہار میں عمارت گرنے کا واقعہ بہت بڑا ہے۔

اے آر وائی نیوز کے مطابق مئیر کراچی نے وزیراعلیٰ سندھ سے عمارت گرنے کا نوٹس لینے کا مطالبہ کرتے ہوئے کہا کہ ایس بی سی اے اور دیگر ادارے کہاں ہیں؟ غیرقانونی تعمیرات کے لیے اجازت دی جارہی ہے۔

انہوں نے کہا کہ بہت ہوگیا بہت پیسے کمالیے اب ایس بی سی اے کے خلاف ایکشن لیا جائے، ضرورت پڑی تو متاثرین کے لیے متبادل رہائش کا انتظام کریں گے، جو لوگ ملبے میں پھنسے یا لاپتہ ہیں ان کی فہرست بنا رہے ہیں۔

کراچی میں 3 منزلہ رہائشی عمارت منہدم، 14 افراد جاں بحق، 35 زخمی

ان کا مزید کہنا تھا کہ عمارت گرنے کے واقعے میں اب تک 13افراد جاں بحق ہوچکے ہیں، کریکٹر مدد سے ملبے میں پھنسے افراد کی تلاش کا کام کیا جارہا ہے۔

خیال رہے کہ شہر قائد کے علاقے رضویہ سوسائٹی میں رہائشی عمارت گرنے سے 14 افراد جاں بحق اور 35 سے زائد زخمی ہوگئے جبکہ متعدد مکین تاحال ملبے تلے دبے ہوئے ہیں، تنگ گلیوں کے باعث امدادی کاموں میں ریسکیو ٹیموں شدید مشکلات کا سامنا ہے۔

کراچی: میئر کراچی وسیم اختر کا کہنا ہے کہ مالی وسائل کی وجہ سے عباسی شہید اسپتال میں مسائل ہیں، اسپتال بند نہیں کرسکتے ہم نے ہمت نہیں ہاری۔

تفصیلات کے مطابق لانڈھی کورنگی زو روشن پاکستان پروگرام میں نئےمچھلی گھر کا میئر کراچی وسیم اختر اور سابق کرکٹر یونس خان نے افتتاح کیا۔

اس موقع پر میڈیا سے گفتگو کرتے ہوئے وسیم اختر کا کہنا تھا کہ مچھلی گھر کو دوبارہ صحیح حالت میں لایا گیا ہے، فنڈز تو نہ ہونے کے برابر ہیں، نہیں مل رہے، ہم ترجیح دیکھتے ہوئے فنڈ استعمال کرتے ہیں۔

میئر کراچی نے کہا کہ لانڈھی کورنگی کا علاقہ بڑی مشکل سے بنایا ہے، مالی وسائل کی وجہ سے عباسی شہید اسپتال میں مسائل ہیں، اسپتال بند نہیں کرسکتے ہم نے ہمت نہیں ہاری۔

وسیم اختر نے کہا کہ سندھ حکومت نے موقع کا فائدہ اٹھا کر شہر کے ادارے کو ایس بی سی اے بنا دیا، لاڑکانہ کی اتھارٹی الگ ہونی چاہیے تھے۔ انہوں نے کہا کہ کراچی کی عوام دیکھے کس طرح کراچی کو تقسیم کیا جا رہا ہے، کراچی کے ٹیکس کی بندر بانٹ اتھارٹیاں بناکر کی جا رہی ہے۔

کراچی: میئر کراچی وسیم اختر کا کہنا ہے کہ کراچی کی بہتری کے لیے ہر دروازے پرگیا ہوں، بنا اختیارات کے ہم نے کچھ نا کچھ ڈلیور کیا۔

تفصیلات کے مطابق کراچی میں میئر کراچی وسیم اختر نے آل سٹی تاجر اتحاد کانفرنس سے خطاب کرتے ہوئے کہا کہ کراچی کی بلدیاتی صورت حال سے سب واقف ہیں۔

وسیم اختر کا کہنا تھا کہ کراچی کی بہتری کے لیے ہر دروازے پرگیا ہوں، جیل سے نکل کر سیدھا وزیراعلی سندھ کے پاس گیا کہ مل کر کام کرتے ہیں۔ انہوں نے کہا کہ بڑے تاجر تو اسلام آباد جا کرمسائل حل کروا لیتے ہیں، بلدیاتی مسائل کا زیادہ شکار چھوٹے تاجر ہیں۔

میئر کراچی نے کہا کہ نچلی سطح تک اختیارات کی منتقلی چاہتے ہیں، بنا اختیارات کے ہم نے کچھ نا کچھ ڈلیور کیا۔ انہوں نے کہا کہ عدالتیں بھی شہرکی ترقی چاہتی ہیں، ججز نے وزیراعلیٰ سے پوچھا میئر کیسے شہر چلائے تمام اختیارات آپکے پاس ہیں؟

وسیم اختر کا کہنا تھا کہ گڈاپ،لیاری کو نئے اضلاع بنانے کی ہم مخالفت کریں گے، عدالت نے کراچی ماسٹر پلان کا کہا توانہوں نے سندھ ماسٹر پلان اتھارٹی بنا دی، کراچی کا 1200 ارب روپیہ ملتا ہے آخر جاتا کہاں ہے؟

کراچی : میئر کراچی وسیم اختر کا کہنا ہے کہ تجاوزات کی جگہ کو لیز کیسے کیاگیا، تجاوزات پر حکومت سندھ برابر کی ذمے دار ہے۔

تفصیلات کے مطابق میئر کراچی وسیم اختر نے کہا کہ سپریم کورٹ کا فیصلہ ہے سرکلر ریلوے پر قبضہ کلیئر کرنا ہے، جہاں لوگ رہ رہے ہیں ان کو حکومت سندھ ان کو متبادل جگہ دیں۔

وسیم اختر کا کہنا تھا کہ جنہوں نے گھر بنائیں ہیں تو سندھ حکومت نے کیسے گھر بننے دیا، تجاوزات کی جگہ کو لیز کیسے کیاگیا، تجاوزات پر حکومت سندھ برابر کی ذمے دار ہے۔

میئر کراچی کا مزید کہنا تھا کہ یوسی چیئرمین کی ذمےداری ہے کہ کام کا معیار خود دیکھیں، اگرمیئر اپنے طور پرمسائل کو دیکھ رہا ہے توتعریف کرنی چاہیے۔

پیپلزپارٹی نے بلدیاتی اداروں کو مفلوج بنا دیا ہے، وسیم اختر

یاد رہے کہ رواں ماہ 3 فروری کو میئر کراچی وسیم اختر کا کہنا تھا کہ پیپلزپارٹی نے بلدیاتی اداروں کو مفلوج بنا دیا ہے، بیانات سے بری ہوا جاسکتا ہے نہ ہی ذمے داریوں سے آزاد ہوا جا سکتا ہے۔

وسیم اختر کا کہنا تھا کہ عوام تمام باتوں کاحساب لیں گے، پی ایف سی ایوارڈ جاری کیا جائے، یقین ہے وزیراعلیٰ سندھ ہماری تجاویز پر مثبت انداز میں سوچیں گے۔

کراچی: گورنر سندھ عمران اسماعیل کا کہنا ہے کہ میئر کراچی وسیم اختر کو با اختیار کر دیا جائے تو شہر کے کافی مسائل حل ہوجائیں گے۔

تفصیلات کے مطابق گورنرسندھ عمران اسماعیل نے جناح اسپتال میں میڈیا سے گفتگو کرتے ہوئے کہا کہ وزیراعظم نے حکومتی ارکان وصوبوں کو بے گھر افراد کی مدد کی ہدایت کی۔

عمران اسماعیل نے کہا کہ وزیراعظم کے حکم پر کمبل، گرم کپڑے، تکیے، بنیادی اشیا فراہم کر رہے ہیں، انشااللہ پورے سندھ میں یہ عمل کیا جائے گا، تمام صوبوں کے اراکین اس میں حصہ لیں گے۔

انہوں نے کہا کہ جناح اسپتال میں سب سے زیادہ ڈاگ بائیٹ کیسز رپورٹ ہوتے ہیں، جنگلی کتوں کی بڑھتی ہوئی تعداد پر قابو پانے کے لیے اقدامات کیے جائیں۔

گورنر سندھ نے کہا کہ اینٹی ریبیز ویکسین کی تعداد اب بھی کم ہے، پورا کرنے لیے کے اقدامات کریں گے، کتوں کی تعداد پرقابو نہ پایا گیا تو مزید جانیں خطرے میں پڑ جائیں گی۔

عمران اسماعیل نے کہا کہ ڈاکٹرظفر مرزا کہتے ہیں صوبہ رابطہ کرے گا تو ان کی مدد کی جائے گی، سندھ حکومت کراچی کے معاملات سدھارنا چاہے تو سدھار سکتی ہے۔

گورنر سندھ عمران اسماعیل کا کہنا ہے کہ میئر کراچی وسیم اختر کو با اختیار کر دیا جائے تو شہر کے کافی مسائل حل ہوجائیں گے۔