Tag: وسیم خان

لاہور: پاکستان کرکٹ بورڈ (پی سی بی) کے چیف ایگزیکٹو وسیم خان کا کہنا ہے کہ دنیا تسلیم کررہی ہے کہ پاکستان کھیلوں کے لیے محفوظ ملک ہے۔

اے آر وائی نیوز کی رپورٹ کے مطابق چیف ایگزیکٹو پی سی بی وسیم خان نے میڈیا سے گفتگو کرتے ہوئے کہا کہ خوشی ہے انگلینڈ کرکٹ ٹیم اکتوبر 2021 میں پاکستان کا دورہ کرے گی، یہ انگلینڈ کرکٹ ٹیم کا 16 سال بعد پاکستان کا پہلا دورہ ہوگا۔

وسیم خان نے کہا کہ انگلینڈ کے دورہ پاکستان کو حتمی شکل دینے کے لیے گزشتہ سال سے کام کررہے تھے، انگلینڈ اینڈ ویلز کرکٹ بورڈ کے چیف ایگزیکٹو کی پاکستان آمد اسی سلسلے کی کڑی تھی۔

چیف ایگزیکٹو پی سی بی کا کہنا ہے کہ انگلینڈ کرکٹ ٹیم کی پاکستان آمد سے شائقین کرکٹ بہت خوش ہوں گے۔

Delighted Wasim Khan talks through the process that resulted in the ECB confirming England's first tour to Pakistan in 16 years.#HarHaalMainCricet pic.twitter.com/KWQgVIV7LI

— Pakistan Cricket (@TheRealPCB) November 18, 2020

مزید پڑھیں: انگلینڈ کرکٹ بورڈ نے دورہ پاکستان کا اعلان کر دیا

واضح رہے کہ اس سے قبل انگلینڈ کرکٹ بورڈ نے دورہ پاکستان کا اعلان کیا تھا، انگلش ٹیم آئندہ سال 12 اکتوبر کو پاکستان پہنچے گی۔

انگلش ٹیم 2 ٹی ٹوئنٹی میچز کے لیے پاکستان کا دورہ کرے گی، دونوں میچز 2021 میں 14،15 اکتوبر کو کراچی کے نیشنل اسٹیڈیم میں کھیلے جائیں گے۔

خیال رہے کہ انگلش ٹیم کو جنوری 2021 میں پاکستان کا دورہ کرنا تھا تاہم دورہ کے اخراجات اور کھلاڑیوں کی عدم دستیابی پر دورہ اکتوبر تک ملتوی کردیا گیا تھا۔

لاہور: چیف ایگزیکٹو پاکستان کرکٹ بورڈ(پی سی بی) وسیم خان نے کہا ہے کہ دورہ انگلینڈ کے لیے کھلاڑیوں کی حفاظت پر کوئی سمجھوتہ نہیں ہوگا، ایس او پیز تیار کررہے ہیں۔

تفصیلات کے مطابق چیف ایگزیکٹو پی سی بی کا اےآر وائی نیوز سے خصوصی گفتگو کرتے ہوئے کہنا تھا کہ پاکستان کرکٹ بورڈ نے 5سالہ پلان کو مؤثر بنانے کے لیے مانیٹرنگ سسٹم بنایا ہے، 5سالہ پلان پر عمل درآمد کی ہرماہ مانیٹرنگ ہوگی، پلان پر کوتا ہی برتنے والوں کا احتساب بھی ہوگا۔

انہوں نے کہا کہ ہائی پرفارمنس سینٹر میں کھلاڑیوں اور سابق کرکٹرز کو ساتھ لے کر چل رہے ہیں، دورہ انگلینڈ کے لیے کھلاڑیوں کی حفاظت پر کوئی سمجھوتہ نہیں ہوگا۔

وسیم خان کا کہنا تھا کہ انگلینڈ کا دورہ کرنے کا اصولی فیصلہ ہوچکا ہے، پی سی بی اور ای سی بی دورے کے لیے ایس اوپیز تیار کررہے ہیں، گورننگ بورڈ اجلاس کے ایجنڈے کو حتمی شکل دی جارہی ہے۔

قومی ٹیم کی 28 جون کو انگلینڈ روانگی متوقع

خیال رہے کہ 28جون کو قومی کرکٹ ٹیم کی انگلینڈ روانگی ممکن ہے، انگلش بورڈ کا جیٹ طیارہ 26 جون کو پہنچنے گا، حتمی شیڈول آئندہ ایک 2روز میں انگلش بورڈ جاری کرے گا۔ 22 جون کو کھلاڑیوں کے کروناٹیسٹ لاہور،کراچی، اسلام آباد اور پشاور میں ہوں گے۔ پاکستان اور انگلینڈ کے درمیان پہلا ٹیسٹ میچ 5 اگست کو مانچسٹر میں کھیلا جائے گا۔

قومی ٹیم دوسرا، تیسرا ٹیسٹ اور ٹی ٹوینٹی سیریز ساؤتھمپٹن میں کھیلے گی۔ دونوں ٹیموں کے درمیان ٹی ٹوینٹی سیریز 28 اگست سے یکم ستمبر تک کھیلی جائے گی۔

لاہور: پاکستان کرکٹ بورڈ (پی سی بی) کے چیف ایگزیکٹو وسیم خان کا کہنا ہے کہ کرونا کے باعث کرکٹ کی دنیا پر گہرے اثرات مرتب ہوئے ہیں۔

تفصیلات کے مطابق پی سی بی کے چیف ایگزیکٹو وسیم خان نے کہا ہے کہ آئی سی سی چیف ایگزیکٹو کی جمعرات کو شیڈول میٹنگ انتہائی اہم ہے، اجلاس میں پی سی بی کی جانب سے موجودہ حالات میں بنائی گئی حکمت عملی سے آئی سی سی کو آگاہ کیا جائے گا۔

وسیم خان نے کہا کہ آئی سی سی اجلاس میں باہمی سیریز اور مالی امور پر بات چیت ہوگی۔

انہوں نے کہا کہ کرونا کے باعث کرکٹ کی دنیا پر گہرے اثرات مرتب ہوئے ہیں، وائرس کا مقابلہ مل کر کرنا ہوگا، کرکٹ کو اس وقت اتحاد کی ضرورت ہے۔

مزید پڑھیں: پی ایس ایل کے بقیہ میچز کب ہوسکتے ہیں؟ وسیم خان نے بتا دیا

واضح رہے کہ کرونا وائرس کے کیسز کی تعداد بڑھنے کے باعث پی ایس ایل فائیو کے سیمی فائنلز اور فائنلز میچز کو ملتوی کردیا گیا تھا۔

وسیم خان کا کہنا تھا کہ پی ایس ایل میچز ملتوی کرنےکا فیصلہ کھلاڑیوں، آفیشلز کا تحفظ کرنا ہے، پی ایس ایل کو مکمل کرانے کیلئے ہم نے بہت اقدامات کئے میچ بھی کم کئے اور پی ایس ایل سے منسلک تمام لوگوں کےتحفظ کیلئے اقدامات کئے۔

ان کا کہنا تھا کہ فرنچائزز کی مشاورت سے فیصلہ کریں گے کہ سیمی فائنل ہوں یا پرانا فارمیٹ رکھا جائے، بقیہ میچز نومبر میں کھیلے جاسکتے ہیں۔

لاہور: قومی ٹیم کے نومنتخب ہیڈ کوچ اور چیف سلیکٹر مصباح الحق نے کہا ہے کہ ٹیم سلیکشن میں چیف سلیکٹر کی رائے اور فائنل الیون کپتانی کی ہونی چاہئے۔

تفصیلات کے مطابق قومی کرکٹ ٹیم کے ہیڈ کوچ اور چیف سلیکٹر منتخب ہونے کے بعد مصباح الحق نے پریس بریفنگ میں کہا کہ پاکستان کرکٹ کو اوپر لے جانے کے لیے کام کروں گا، دو اہم ذمہ داریاں دی گئی ہیں جنہیں نبھانے کی کوشش کروں گا۔

مصباح الحق نے کہا کہ جب بھی اسٹریٹیجی ہوتی ہے وہ وسائل پر مبنی ہوتی ہے، سمت ہمیشہ ہیڈ کوچ طے کرتا ہے، وقار یونس کے ساتھ بہت کام کیا ہے اور میرے ان سے اچھے ورکنگ تعلقات ہیں، ہمیں پتا ہے پیشہ وارانہ کام کیسے کرنا ہے۔

چیف سلیکٹر کا کہنا ہے کہ ڈائریکشن ہیڈ کوچ دیتا ہے، ایک دوسرے کی ڈومین میں نہیں جائیں گے، غلطیوں کو ماننے کا حوصلہ ہونا چاہئے، کوشش ہوگی ایسی ٹیم ہو جو اٹیکنگ کرکٹ کھیلے۔

قومی ٹیم کے ہیڈ کوچ نے کہا کہ بولنگ کوچ کے لیے وقار اور وسیم بھائی سے اچھا کوئی آپشن شاید نہیں تھا، طویل کرکٹ کھیلی، تنقید برائے تنقید کو کیسے ہینڈل کیا سب نے دیکھا، دستیاب وسائل پر ہی حکمت عملی بنائی جاتی ہے۔

The concept of a head coach also being a chief selector is an innovative one and a new introduction to our system. But, while the PCB has further empowered Misbah, it has also put more responsibility on his shoulders: CEO PCB, Wasim Khan

MORE 🔽 https://t.co/dlN8MggeUZ pic.twitter.com/qT3GyaEQ2w

— Pakistan Cricket (@TheRealPCB) September 4, 2019

مصباح الحق نے کہا کہ 17 سال کرکٹ کھیلی ہے سب نے دیکھا تنقید کو کیسے ہینڈل کیا، جس نے گراؤنڈ میں کھلانا ہے اس کو پورا مینڈیٹ ملنا چاہئے، کوچ اور چیف سلیکٹر کو کپتان کی رائے کو اہمیت دینا چاہئے۔

مصباح ’’رائٹ پرسن ہیں‘‘ ایم ڈی پی سی بی وسیم خان

ایم ڈی پی سی بی وسیم خان نے کہا کہ مصباح الحق کو موقع ملنا چاہئے، وہ قومی کرکٹ کو آگے لے جانے کے لیے رائٹ پرسن ہیں، کہا جاتا ہے ڈومیسٹک میں کئی کھلاڑی پرفارم کرتے ہیں چانس نہیں ملتا، ڈومیسٹک کے 6 کوچز کھلاڑیوں سے متعلق مصباح کو معلومات دیں گے۔

وسیم خان کا کہنا ہے کہ 6 کوچز کی معلومات ملنے کے بعد مصباح کے لیے کھلاڑی کو منتخب کرنا آسان ہوگا، مصباح ہیڈ کوچ اور چیف سلیکٹر ہیں، ان پر پریشر ہے، ان کو تنخواہ کم کیوں دیں گے دہری ذمہ داری ہے تنخواہ بھی زیادہ ہی ہے۔

انہوں نے کہا کہ بین الاقوامی مقابلے ہورہے ہیں، ہمارے لیے پاکستان کی کامیابی بہت ضروری ہے، ہم مصباح الحق کی کارکردگی کو ریویو کریں گے، ان کی 56 گیندوں پر سنچری یاد رکھیں، موقع کی مناسبت کو دیکھتے ہیں۔

وسیم خان نے کہا کہ 2020-21 میں اہم ایونٹس ہیں، مصباح کے تجربے سے فائدہ ہوگا، ان کا بہترین تجربہ ہے، ہم نے فیصلہ کیا انہیں موقع ملنا چاہئے۔