پاکستان شوبز انڈسٹری کی خوبرو اداکارہ وشما فاطمہ اپنے اداکار شوہر سبحان اعوان پر شک کرتی ہیں یا نہیں، ایک شو کے دوران انھوں نے بتادیا۔
ایک پروگرام کے دوران اداکار میاں بیوی کی جوڑی کو مدعو کیا گیا تھا، اس دوران میزبانوں میں سے ایک شخص نے ان سے ازراہِ مذاق پوچھ لیا کہ کیا وہ اپنے شوہر اداکار سبحان پر شک کرتی ہیں؟ جس کے جواب میں وشما نے کہا کہ نہیں وہ شک نہیں کرتیں۔
وشما نے بتایا کہ میں نے جن ایک دو لڑکیوں کے بارے میں سبحان کو کہا ہے اسے یقین سے ثابت بھی کیا ہے۔ میں نے انھیں ایک دو لڑکیوں کے بارے میں کہا کہ دیکھو یہ کیا کررہی ہیں تاہم انھوں نے ان لڑکیوں کے نام بتانے سے انکار کردیا۔
اداکارہ نے بتایا کہ میں نے اپنے شوہر کو چند لڑکیوں کے بارے میں بتایا کہ یہ لمٹ کراس کررہی ہیں اور جان بوجھ کر ایسا کررہی ہیں تو آپ خیال کریں اور بعد میں یہ بات صحیح بھی ثابت ہوئی۔
اس دوران میزبان نے سبحان سے پوچھا کہ کیا ایسا ہی تھا تو انھوں نے برجستہ جواب دیا کہ اگر انھوں نے کہا ہے تو بس ایسا ہے۔
واضح رہے کہ اس سے قبل اداکارہ وشما فاطمہ نے شادی کی پہلی سالگرہ پر شوہر سبحان اعوان کے نام پیغام جاری کیا تھا۔
فوٹو اور ویڈیو شیئرنگ ایپ انسٹاگرام پر وشما فاطمہ نے سبحان احمد کے ساتھ تصاویر شیئر کی تھیں جس میں انھیں خوشگوار موڈ میں پوز دیتے ہوئے دیکھا جاسکتا ہے۔
وشما فاطمہ نے کیپشن میں لکھا کہ ’محبت، دوستی اور مسلسل تعاون کا ایک سال مکمل۔‘ انھوں نے پوسٹ شیئر کرتے ہوئے ہیش ٹیگ ’وشما سبحان کی شادی کی سالگرہ۔‘ کا بھی استعمال کیا۔
خیال رہے کہ اداکارہ سوشل میڈیا پر کافی متحرک رہتی ہیں اور گاہے بگاہے اپنی تصاویر شیئر کرتی رہتی ہیں جسے ان کے مداح بھی پسند کرتے ہیں۔
واضح رہے کہ وشما فاطمہ نے اے آر وائی ڈیجیٹل کے ڈرامہ سیریل ’مجھے پیار ہوا تھا‘ میں منفی کردار نبھایا تھا، ڈرامے کی دیگر کاسٹ میں وہاج علی، ہانیہ عامر ودیگر شامل تھے۔
