Tag: وفاقی حکومت

اسلام آباد (21 جولائی 2025): اسلام آباد ہائیکورٹ نے عافیہ صدیقی کیس میں وفاقی حکومت کو توہین عدالت کا نوٹس جاری کر دیا ہے۔

اے آر وائی نیوز کے مطابق اسلام آباد ہائیکورٹ امریکی جیل میں قید عافیہ صدیقی کی رہائی اور وطن واپسی کیس میں تحریری حکم نامہ جاری کرتے ہوئے وفاقی حکومت کو توہین عدالت کا نوٹس جاری کر دیا ہے۔

ہائیکورٹ کے جسٹس سردار اعجاز اسحاق نے 3 صفحات پر شتمل تحریری حکم نامہ جاری کیا۔ عدالت نے وزیراعظم شہباز شریف، وزرا اور کابینہ ممبران کو توہین عدالت کا نوٹس جاری کرتے ہوئے وفاقی حکومت کو دو ہفتے میں جواب جمع کرانے کا حکم دیا ہے۔

اسلام آباد ہائیکورٹ کے تحریری حکم نامہ میں کہا گیا ہے کہ وفاقی حکومت نے عدالتی حکم کے باوجود وجوہات جمع نہیں کرائیں۔ عدالت کے پاس توہین عدالت نوٹس جاری کرنے کے سوا کوئی آپشن نہیں بچا تھا۔

اس سے قبل اسلام آباد ہائیکورٹ نے وفاقی کابینہ کو توہین عدالت کا شوکاز نوٹس بھی جاری کیا تھا۔

واضح رہے کہ اسلام آباد ہائیکورٹ میں زیر سماعت عافیہ صدیقی رہائی اور وطن واپسی کیس میں وفاقی حکومت نے امریکی عدالت میں کیس میں معاونت اور فریق بننے سے انکار کر دیا تھا۔

وفاقی حکومت کے اس فیصلے پر اسلام آباد ہائیکورٹ نے امریکی عدالت میں معاونت سے انکار کی وجوہات پر رپورٹ طلب کر لی تھی اور جسٹس سردار نے کہا تھا کہ اگر رپورٹ پیش نہ کی گئی تو پوری کابینہ کو طلب کروں گا۔ عدالت صرف کابینہ نہیں بلکہ وزیر اعظم کےخلاف بھی کارروائی کرےگی۔ عدالت نے جون میں عدالت نے جواب طلب کیا تھا۔

وفاقی حکومت نے اسلام آباد ہائیکورٹ کے حکم کو سپریم کورٹ میں چیلنج کر دیا تھا۔

واضح رہے کہ عافیہ صدیقی کو امریکی عدالت نے 86 سال کی سزا کا حکم دیا تھا اور وہ امریکا کی بدنام زمانہ جیل گوانتا ناموبے میں قید کے اذیت ناک دن کاٹ رہی ہیں۔

https://urdu.arynews.tv/mushtaq-ahmed-khan-on-aafia-siddiqui-case/

وفاقی حکومت نے بجلی کی قیمت میں کمی کے لیے بڑا قدم اٹھا لیا ہے اور صوبائی الیکٹریسٹی ڈیوٹی کو ختم کرنے کا فیصلہ کیا ہے۔

اے آر وائی نیوز کے مطابق وزیراعظم شہباز شریف اور وفاقی وزیر پاور ڈویژن اویس لغاری متعدد بار عوام کو بجلی کی قیمت میں جلد کمی کی خوشخبری سنا چکے ہیں۔ تاہم اب اس حوالے سے وفاقی حکومت نے بڑا قدم اٹھا لیا ہے اور بجلی کی قیمت میں کمی کے لیے صوبائی الیکٹریسٹی ڈیوٹی ختم کرنے کا فیصلہ کیا ہے۔

اس سلسلے میں وفاقی وزیر پاور ڈویژن اویس لغاری نے تمام صوبائی وزرائے اعلیٰ کو خطوط لکھے ہیں اور صوبائی حکومتوں سے الیکٹریسٹی ڈیوٹی کے خاتمے کے لیے تعاون کی درخواست کی ہے۔

وفاقی وزیر نے اپنے خط میں کہا ہے کہ بجلی کے زائد نرخ پہلے ہی عوام کے لیے بوجھ بنے ہوئے ہیں۔ اس لیے بجلی کے بلوں کو آسان اور شفاف بنانے کی کوششیں جاری ہیں اور غیر متعلقہ چارجز کو بجلی بلوں سے نکالنے کے لیے اقدامات جاری ہیں۔ اسی سلسلے میں وفاقی حکومت نے جولائی 2025 سے بجلی کے بلوں میں سے الیکٹرک ختم کرنے کا فیصلہ کیا ہے۔

وفاقی وزیر نے اپنے خطوط میں وزرائے اعلیٰ کو متبادل ریونیو کلیکشن کا نظام وضع کرنے کی تجویز دی ہے۔

اویس لغاری نے کہا کہ وفاقی حکومت چاہتی ہے کہ صارفین کو صرف بجلی کے اصل نرخ ادا کرنے چاہئیں۔ اسی لیے بجلی کے نرخ کم کرنے کے لیے اصلاحات پر عمل پیرا ہے۔

سستی بجلی کیسے بنائی جا سکتی ہے؟ جاننے کے لیے کلک کریں

واضح رہے کہ پاکستان کا شمار ان ممالک میں ہوتا ہے جہاں بجلی کا ٹیرف سب سے مہنگا ہے۔ وفاقی حکومت نے بجلی کی قیمت کم کرنے کے لیے گزشتہ سال آئی پی پیز سے بات چیت کا سلسلہ شروع کیا، جس کے مثبت نتائج بھی برآمد ہوئے اور کئی آئی پی پیز بجلی کی قیمت کم کرنے پر آمادہ ہوئیں۔

وزیر خزانہ محمد اورنگزیب نے بھی ایک تقریب میں جلد بجلی سستی ہونے اور آئی پی پیز سے معاملات خوش اسلوبی سے طے ہونے کی نوید سنائی تھی۔

وفاقی حکومت نے بجٹ سے قبل مذاکرات میں بجلی سستی کرنےکا پلان آئی ایم ایف سے شیئر کیا تھا اور بتایا تھا کہ حکومت کیپٹو پاور لیوی سے بجلی سستی کرنے کا منصوبہ بنا رہی ہے۔

https://urdu.arynews.tv/federal-govt-shares-plan-to-make-electricity-cheaper-with-imf/

وفاقی حکومت نے عیدالاضحیٰ پر چار روزہ تعطیلات کا باضابطہ نوٹیفکیشن جاری کردیا ہے جس کے مطابق جمعہ 6 جون سے پیر 9 جون تک چھٹیاں ہوں گی۔

پاکستان بھر میں عیدالاضحیٰ کا تہوار ہفتہ 7 جون کو مذہبی جوش وجذبے کے ساتھ منایا جائے گا۔ وفاقی حکومت نے عیدالاضحیٰ کے موقع پر چار روزہ تعطیلات کا اعلان کیا ہے۔

وزیراعظم شہباز شریف نے گزشتہ دنوں عیدالاضحیٰ کے لیے چار روزہ تعطیلات کی منظوری دی تھی جس کا آج کیبنٹ ڈویژن نے باضابطہ نوٹیفکیشن جاری کر دیا ہے۔

وفاقی حکومت کے ساتھ پاکستان کے تین صوبوں سندھ، پنجاب اور خیبر پختونخوا نے بھی 6 سے 9 جون تک عیدالاضحیٰ کی تعطیلات کا اعلان کیا ہے۔ تاہم صوبہ بلوچستان نے 5 سے 8 جون تک تعطیلات کا اعلان کیا ہے اور اس کا باضابطہ نوٹیفکیشن بھی جاری کر دیا ہے۔

دریں اثنا رواں برس مناسک حج کا آغاز بدھ 4 جون سے ہوگا جب کہ حج کا رکن اعظم وقوف عرفات جمعرات 5 جون کو ادا کیا جائے گا۔ سعودی عرب اور خلیجی ممالک میں جمعہ 6 جون کو عیدالاضحیٰ منائی جائے گی۔

سعودی عرب اور یو اے ای میں جمعرات 5 جون سے اتوار 8 جون تک چار روزہ عید تعطیلات ہوں گی۔

قطر میں پانچ 9 ذی الحج سے 13 ذی الحج تک پانچ روزہ تعطیلات ہوں گی۔ بنگلہ دیش میں عیدالاضحیٰ پر 10 روزہ طویل تعطیلات کا اعلان کیا گیا ہے۔

واضح رہے کہ دنیا بھر میں مسلمان عیدالاضحیٰ پر سنت ابراہیمی کی پیروی کرتے ہوئے اللہ کی راہ میں جانوروں کی قربانی پیش کرتے ہیں۔ تاہم ایک اسلامی ملک کے سربراہ نے اپنے عوام سے رواں برس عیدالاضحیٰ پر قربانی نہ کرنے کی اپیل کی ہے۔

https://urdu.arynews.tv/head-of-an-islamic-country-appeals-to-the-public-not-to-sacrifice-on-eid-al-adha/