Tag: وفاقی حکومت

اسلام آباد: وفاقی وزیرمنصوبہ بندی اسد عمر نے کہا ہے کہ وفاقی حکومت جون تک تمام صوبوں کو ایک ہزار آئی سی یو بیڈز فراہم کرے گی، اس سلسلے میں صوبوں سے مشاورت کی جائے گی۔

تفصیلات کے مطابق پریس کانفرنس کرتے ہوئے وفاقی وزیر اسد عمر کا کہنا تھا کہ کرونا کے بڑھتے کیسز کے باعث اسپتالوں پر دباؤ بڑھ رہا ہے، جولائی میں ٹیسٹنگ استعداد کار میں مزید اضافہ کیا جائے گا، صحت کے نظام میں صوبوں سے تعاون کیا جارہا ہے، پچھلے ایک ہفتے میں 250 وینٹی لیٹرز تقسیم کئے گئے۔

انہوں نے کہا کہ پنجاب کو 72، سندھ اور خیبرپختونخوا میں 52،52 وینٹی لیٹرز دیے گئے، وفاقی حکومت جون تک ایک ہزار آئی سی یو بیڈز فراہم کرے گی، اسلام آباد، جی بی اور آزادکشمیر کو بھی وینٹی لیٹرز فراہم کیے گئے۔

حفاظتی سامان ان اسپتالوں میں دیا گیا جہاں 5 سے کم وینٹی لیٹرز ہیں: علی زیدی

ملک میں بڑھتے کرونا کیسز کے پیش نظر وفاق اور صوبوں کے درمیان تعاون کو مزید بڑھایا جارہا ہے، حالیہ دنوں وفاقی حکومت نے کرونا مریضوں کے لیے تمام صوبوں کے اسپتالوں کو وینٹی لیٹرز فراہم کیے۔

تاہم اب خصوصی طور پر آئی سی یو بیڈز صوبوں کو دیے جائیں گے، حکومت حکمت عملی تیار کررہی ہے۔

کراچی: وزیراعلیٰ سندھ مراد علی شاہ نے وفاقی حکومت سے درخواست کی ہے کہ تاجروں کو بلاسود قرضے دیے جائیں۔

تفصیلات کے مطابق کراچی میں وزیراعلیٰ سندھ مراد علی شاہ نے کہا کہ کل ہم نے 2217 ٹیسٹ کیے،ان ٹیسٹ میں 138 نئے مریض سامنے آئے،صوبے میں مریضوں کی کل تعداد 2355 ہوگئی ہے۔

مراد علی شاہ کا کہنا تھا کہ کل ایک مریض دنیا سے رخصت ہوا،سندھ میں کرونا سے جاں بحق مریضوں کی تعداد 48 ہوگئی۔انہوں نے بتایا کہ ساؤتھ اور ایسٹ کی گنجان آبادیوں میں کیسز بڑھنا تشویش ناک ہے۔

وزیراعلیٰ سندھ نے کہا کہ آج کھارادر، لیاری اور بہار کالونی میں زیادہ کیسز آئے ہیں،ہم کچی آبادیوں میں ٹیسٹ بڑھا رہے ہیں،عوام جب تک سماجی دوری نہیں اپنائےگی یہ مرض پھیلتا جائےگا۔

انہوں نے کہا کہ کل11 صحت یاب مریضوں کوگھر بھیجاگیا،سندھ میں صحت یاب ہونے والے مریضوں کی تعداد 592 ہوگئی۔

مراد علی شاہ نے وفاقی حکومت سے درخواست کی کہ تاجروں کو بلاسود قرضے دیے جائیں،بلاسود،طویل دورانیے کے قرضوں سے چھوٹے تاجروں کے مسائل حل ہوں گے۔

پاکستان میں کرونا وائرس سے مزید 8 اموات، ، تعداد143تک پہنچ گئی

واضح رہے کہ پاکستان میں کرونا سے مزید 8 افراد جان کی بازی ہار گئے ، جس کے بعد اموات کی تعداد 143 تک جا پہنچی ہے جبکہ کرونا کے تصدیق شدہ کیسز کی تعداد 7ہزار481 ہوگئی۔

کراچی: وزیراعلیٰ سندھ مراد علی شاہ کا کہنا ہے کہ وفاقی حکومت ایک ہفتےمزید لاک ڈاؤن رکھے تو حالات قابو میں آسکتے ہیں۔

تفصیلات کے مطابق وزیراعلیٰ سندھ مراد علی شاہ نے سینئرصحافیوں سے ملاقات کے دوران کہا کہ 14اپریل کے بعد لاک ڈاؤن ایک ہفتے مزید بڑھانا چاہتے ہیں۔

مراد علی شاہ کا کہنا تھا کہ سندھ حکومت چاہتی ہے تمام صوبوں میں یکساں اقدامات ہوں،لاک ڈاؤن کے حوالے سے حتمی فیصلہ سندھ کابینہ کرے گی۔

انہوں نے کہا کہ ہر چیز کے ایس او پیز بنائے جا رہے ہیں،صنعتوں، فیکٹریوں سے متعلق بھی ایس او پیز بنائے جا رہے ہیں،فیکٹریوں کو کھولا گیا تو کم سے کم ملازمین کے ساتھ کام کیا جائے۔

وزیراعلیٰ سندھ کا کہنا تھا کہ صوبے میں اچانک بندشیں ختم نہیں کریں گے، بتدریج کھولیں گے،شاپنگ سینٹر فی الحال نہیں کھول رہے، بزنس کمیونٹی کی جانب سے دباؤ ہے، چھوٹے تاجروں سے سپورٹ ملی۔

مراد علی شاہ نے کہا کہ تعمیراتی شعبے کو کام کرنے کی اجازت دینے سے وبا پھیلنے کے امکانات ہیں،وفاقی حکومت ایک ہفتے مزید لاک ڈاؤن رکھے تو حالات قابومیں آسکتے ہیں۔

انہوں نے مزید کہا کہ راشن تقسیم کے طریقہ کار سے وبا پھیلنے کے بہت امکانات ہیں،امداد ملنے کی جگہ پر ہزاروں افراد پہنچ رہے ہیں۔