Tag: وفاقی مذہبی امور

  • وفاقی وزیر مذہبی امورحج ادائیگی کے بعد وطن واپس پہنچ گئے

    وفاقی وزیر مذہبی امورحج ادائیگی کے بعد وطن واپس پہنچ گئے

    راولپنڈی : وفاقی وزیر مذہی امور سردار یوسف حج کی ادائیگی کے بعد راولپنڈی پہنچ گئے ہیں۔وطن واپسی کے بعد ان کا کہنا تھا کہ اس سال ایک لاکھ 43 ہزارپاکستانیوں نے فریضہ حج اداکیا ہے۔

    تفصیلات کےمطابق وفاقی مذہبی امور سردار یوسف نے کہا کہ حاجیوں کےلیےسعودی حکومت کےتعاون سے بہترین انتظامات کیےگئےتھےاور ان کی جانب سے کسی قسم کی شکایت نہیں ملیں۔آئندہ سال حج پالیسی کےلیے باقاعدہ ایکٹ بنائیں گے۔

    وزیرمذہبی امورکا کہنا تھا کہ اب تک 17 ہزارحاجی فریضہ حج کی ادائیگی کےوطن واپس پہنچ چکےہیں،باقی حاجیوں کی واپسی کا سلسلہ جاری ہے۔حج فلائیٹس میں تاخیر کو قطعی برداشت نہیں کریں گے۔

    آخر میں ان کا کہنا تھا کہ آئندہ جن ایئرلائنز کی پروازوں میں تاخیرہوگی انہیں جرمانہ کیاجائےگااور ساتھ انہوں نے یہ بھی کہا کہ آئندہ سال منیٰ اورعرفات میں حاجیوں کےلیے تین وقت کا کھانا فراہم کریں گے۔

    مزید پڑھیں: بہترین حج انتظامات پر خادم حرمین شریفین کو مبارکباد پیش کرتے ہیں، سردار یوسف

    یاد رہے کہ گزشتہ دنوں سردار محمد یوسف نے سعودی وزیر مذہبی امور الشیخ صالح آل الشیخکا شکریہ ادا کرتے ہوئے بہترین حج انتظامات پر خادم حرمین شریفین شاہ سلمان بن عبدالعزيز اور سعودی حکومت کو خراج تحسین پیش کیاتھا ۔

  • حکومت اور مفتی پوپلزئی کے درمیان چاند دیکھنے کے معاملات طے پاگئے

    حکومت اور مفتی پوپلزئی کے درمیان چاند دیکھنے کے معاملات طے پاگئے

    اسلام آباد : حکومت پاکستان اورجامع مسجد قاسم علی کی انتظامیہ  میں رمضان المبارک کا چاند دیکھنے کے حوالے سے مشاورت کے بعد اتفاق ہوگیا ہے۔

    تفصیلات کے مطابق وفاقی وزیر برائے مذہبی امور سردار محمد یوسف نے جامع مسجد قاسم علی کے مفتی شہاب الدین سے پوپلزئی سے ہونے والی ملاقات کے بعد پریس کانفرنس کرتے ہوئے کہا ہے کہ ’’اس مسئلے کو حل کرنے کے لیے یہ فیصلہ کیا گیا ہے کہ رویت ہلال کمیٹی کے اجلاس میں مسجد قاسم علی کا ایک نمائندہ موجود ہوگا‘‘۔

    انہوں نے مزید کہا کہ اس مسجد میں چاند دیکھنے کی روایت 200 سال سے قائم ہے، اس بار ایک ہی دن روزہ اور عید کے حوالے سے حکومت نے فیصلہ کیا ہے کہ اجلاس میں مسجد قاسم علی کی جانب سے موصول ہونے والی چاند کی شہادتوں کی بھی تصدیق کی جائے گی۔

    وفاقی مذہبی امور نے بتایا کہ آج کی ملاقات میں مفتی صاحب نے چاند دیکھنے کے حوالے سے تجاویز دی ہیں، آج کی ملاقات کا اصل مقصد ملک میں ایک ہی دن عید اور رمضان کے مسئلے کو حل کرنا تھا۔

    انہوں نے مزید کہا کہ اس بار رویت ہلال کی جانب سے چاند نظر آنے یا آنے کے اعلان سے قبل مفتی پوپلزئی کی جانب سے دی گئی شہادتوں کا بھی جائزہ لیا جائے گا، کیونکہ حکومت پاکستان اس تنازعے کو ختم کرنے کے لیے نہایت سنجیدہ اقدامات کررہی ہے۔

    واضح رہے کہ مفتی شہاب الدین کی سربراہی میں مسجد قاسم علی  کی جانب سے ہرسال رمضان اور عید کے حوالے سے ایک روز قبل چاند دیکھنے کا دعویٰ کرکے ایک روز قبل عید اور روزے کا اعلان کیا جاتا ہے۔

    خیبرپختونخواہ کے علاقے پشاور اور اس کے گردونواح میں رہنے والے افراد اس اعلان کی پیروی کرتے ہیں، اسی وجہ  سے عرصہ دراز سے ملک میں دو عیدیں اورایک دن قبل روزہ رکھا جاتاہے۔

  • اس بار ملک بھر میں ایک ہی دن عید منانے کا فیصلہ

    اس بار ملک بھر میں ایک ہی دن عید منانے کا فیصلہ

    اسلام آباد: وفاقی وزیر مذہبی امور کی جانب سے اعلان کیا گیا ہے کہ اس سال الگ الگ عیدیں منانے کے بجائے ملک بھر میں یکساں دن عید منائی جائے گی۔

    تفصیلات کے مطابق وزارتِ مذہبی امور نے ملک کے چاروں صوبوں میں ایک ہی دن عید منانے کا فیصلہ کیا ہے، اس سلسلے میں وفاقی مذہبی امور پیر حسنات شاہ پشاورمیں قاسم خان مسجد کے پیش امام مفتی شہاب الدین پوپلزئی سے بھی ملاقات کریں گے۔

    یاد رہے اس سے قبل ہر سال ملک میں شوال کے چاند نکلنے پر اختلاف رہا ہے،جس کے باعث ملک بھر دو عیدیں منائی جاتی تھیں،تاہم اس بار ملکی اور ملی اتحاد کو مضبوط کرنے کے لیے پورے ملک میں ایک ہی دن عید منانے کا فیصلہ کیا گیا ہے، جس کے لیے وفاقی وزیر مذہبی امور کافی متحرک نظر آرہے ہیں۔

    اگر وفاقی وزیر برائے مذہبی امور اپنے ارادہ میں کامیاب ہو جاتے ہیں،توملک میں ایک احسن روایت قائم ہو جائے گی اورکراچی سے کشمور تک پورا ملک ایک ہی روز رمضان کے فیوض سمیٹنا شروع کرے گا اور ایک ہی روز عید کی خوشیاں منائے گا۔