Tag: وفاقی وزیراطلاعات فوادچوہدری

اسلام آباد : وفاقی وزیراطلاعات فوادچوہدری کا کہنا ہے کہ پاکستان امریکاچین تناؤکم کرنے کیلئے کردارادا کرنے کو تیار ہے ، تاہم افغانستان کے حوالے سے کسی کواپنی سرزمین استعمال نہیں کرنے دیں گے۔

تفصیلات کے مطابق وفاقی وزیراطلاعات فوادچوہدری نے پاکستان،امریکاتعلقات اورافغانستان پرگفتگو کرتے ہوئے کہا ہے کہ امریکاسےتجارت اپنے طریقے سے کرنا چاہتےہیں اور امریکاچین تناؤکم کرنےکیلئےپاکستان کرداراداکرنےکوتیارہے، امریکاچین تعلقات میں بہتری سےپوری دنیامیں بہتری آئےگی۔

وفاقی وزیراطلاعات کا کہنا تھا کہ افغان صورتحال کےحل میں وہاں کےتمام متحرک دھڑےشامل ہوں، وزیراعظم نےکہاامریکاکواپنی سرزمین استعمال ہونےنہیں دیں گے، پاکستان اورافغان بارڈر پر 90فیصد باڑ لگا چکے ہیں۔

فواد چوہدری نے مزید کہا کہ ہم نےافغان طالبان کوامریکاکیساتھ بات کرنےپرآمادہ کیا، افغانستان میں استحکام پاکستان کیلئےکارآمدہے،ہم اپنی سرزمین کوکسی کے خلاف استعمال ہونےنہیں دیں گے۔

ان کا کہنا تھا کہ وزیراعظم کےانٹرویونے امریکاکیساتھ نئی جہت کا تعین کیاہے، وزیراعظم نے بھارت سےتعلقات پرامید کا اظہارکیاہے، تاہم افغانستان کے حوالے سے کسی کواپنی سرزمین استعمال نہیں کرنے دیں گے۔

اسلام آباد : وفاقی وزیراطلاعات فوادچوہدری کا کہنا ہے کہ وزیراعظم نےایران،سعودی عرب تنازع کےخاتمےکی خواہش کااظہارکیاہے، ایران کےساتھ مذاکرات کےبارےمیں سعودی ولی عہد کے حالیہ بیان کےحوالے سے وزیراعظم اپنا کردار ادا کریں گے۔

تفصیلات کے مطابق وفاقی وزیراطلاعات فوادچوہدری نے سعودی ٹی وی چینل سے گفتگو کرتے ہوئے کہا وزیراعظم عمران خان کاسعودی عرب کایہ تیسرا دورہ ہوگا، وزیراعظم کےسعودی قیادت کےساتھ اچھےذاتی تعلقات ہیں، یہ تعلقات باہمی محبت اوربھائی چارےکےرشتےپرمبنی ہیں۔

فوادچوہدری کا کہنا تھا کہ دورے کے دوران وزیراعظم اقتصادی شراکت داری کےبارےمیں گفتگوکریں گے، ہم مسئلہ کشمیرسےمتعلق سعودی قیادت کی  جانب دیکھ رہے ہیں، سعودی عرب مسئلہ کشمیرکےحل میں اہم کرداراداکرسکتاہے۔

وفاقی وزیر نے کہا کہ وزیراعظم نےایران،سعودی عرب تنازع کےخاتمےکی خواہش کااظہارکیاہے، ممالک کوایک دوسرےکی خودمختاری کااحترام کرنا چاہیے ، ایران کےساتھ مذاکرات کےبارےمیں سعودی ولی عہد نےبیان دیا، حالیہ بیان کےحوالے سے وزیراعظم اپنا کردار ادا کریں گے۔

ان کا کہنا تھا کہ ہم اسلامی دنیاکےلیےسعودی قیادت کی خدمات کوتسلیم کرتےہیں ، جانناچاہیں گےایران سعودی عرب گفت وشنید پاکستان کس طرح آسان بناسکتاہے، دونوں ممالک کے درمیان دیرینہ اور تاریخی دفاعی تعلقات ہیں۔