Tag: وفاقی وزیرخزانہ محمد اورنگزیب

واشنگٹن : وفاقی وزیرخزانہ محمد اورنگزیب سے نائب امریکی وزیر خارجہ ڈونلڈ لو کی ملاقات میں اقتصادی شراکت داری کو بڑھانےکی ضروروت پر زوردیا گیا۔

تفصیلات کے مطابق وفاقی وزیرخزانہ محمد اورنگزیب سے نائب امریکی وزیر خارجہ ڈونلڈ لو کی ملاقات ہوئی ، اس حوالے سے اعلامیے مین کہا کہ ڈونلڈ لو نے ورلڈ بینک ہیڈ کوارٹرز میں وفد کے ہمراہ وفاقی وزیر خزانہ سے ملاقات کی، ملاقات میں نائب معاون وزیر الزبتھ ہورسٹ، سفیر مسعود خان اور دیگر بھی شریک ہوئے۔

ملاقات میں پاک امریکا تعلقات کو مضبوط بنانے کےعزم کا اظہار کیا گیا اور متبادل توانائی، زراعت، موسمیاتی تبدیلی اور ٹیک انڈسٹری کے حوالے سے تبادلہ خیال کیا گیا ساتھ ہی فریقین نے اقتصادی شراکت داری کو بڑھانے پر زور دیا۔

امریکی وفد کو پاکستانی اصلاحاتی ایجنڈے سے آگاہ کیا گیا، اصلاحاتی ایجنڈے میں ٹیکس نیٹ بڑھانے، توانائی کے شعبےمیں بہتری اور نجکاری شامل ہے۔

آئی ٹی، زراعت اور معدنیات میں امریکی سرمایہ کاری کیلئے مواقع کی نشاندہی کی گئی، وفاقی وزیر خزانہ نے کہا کہ یو ایس آئی ڈی ایف سی اور ایگزم بینک کے ساتھ ملکر کام کریں گے۔

دوسری جانب اسسٹنٹ سکریٹری مسٹر ڈونالڈ لو اور پرنسپل ڈپٹی اسسٹنٹ سکریٹری آف یو ایس اسٹیٹ ڈپارٹمنٹ مسز الزبتھ ہورسٹ کی واشنگٹن میں پاکستانی وزیر خزانہ سے ملاقات ہوئی۔

ایک اعلامیہ کے مطابق ملاقات میں پاک امریکہ تعلقات کو مضبوط بنانے کے لیے مختلف امور پر بات چیت کی گئی اور ملاقات میں متبادل توانائی کے ذرائع، زراعت اور موسمیاتی تبدیلی پر تبادلہ خیال کیا گیا۔

ملاقات میں اقتصادی شراکت داری کو اپ گریڈ کرنے پر بھی زور دیا گیا، وزیر خزانہ نے ملاقات میں پاکستان کے اصلاحاتی ایجنڈے کے بارے میں بریفنگ دیتے ہوئے کہا پاکستان ڈیجیٹلائزیشن کے ذریعے ٹیکس کی بنیاد کو وسیع کرنا چاہتا ہے، توانائی کے شعبے اصلاحات اور نقصانات میں کمی کی جامع حکمت عملی تیار کی گئی ہے۔

ان کا کہنا تھا کہ سرکاری اداروں کی نجکاری کے عمل کو تیز کرنا چاہتے ہیں، امریکی سرمایہ کار آئی ٹی، زراعت اور معدنیات میں سرمایہ کاری کے مواقع میں دلچسپی لے سکتے ہیں، پاکستان یو ایس انٹرنیشنل ڈویلپمنٹ فنانس کارپوریشن اور ایگزم بینک کے ساتھ مل کر کام کرے گا۔

واشنگٹن : وفاقی وزیرخزانہ محمد اورنگزیب کا کہنا ہے کہ پاکستان آئی ایم ایف سے فوری معاہدہ چاہتا ہے، امید ہے جلد نیا معاہدہ ہوجائے گا۔

تفصیلات کے مطابق واشنگٹن میں وفاقی وزیرخزانہ محمداورنگزیب نے امریکی تھنک ٹینک سے گفتگو کرتے ہوئے کہا کہ حکومت نے ابھی آئی ایم ایف کے ساتھ بات چیت کا آغاز کیا ہے اور اس پروگرام کی شکلوں پر اتفاق اور عمل درآمد ہونا باقی ہے۔

وفاقی وزیرخزانہ کا کہنا تھا کہ حکومت آئی ایم ایف کے ایک بڑے بیل آؤٹ پیکج کو جلد از جلد حتمی شکل دینے کی کوشش کر رہی ہے تاکہ پاکستان کی معیشت کو بحال کیا جا سکے، امید ہے جلد نیا معاہدہ ہوجائے گا۔

محمداورنگزیب نے بتایا کہ ایف بی آر اور ٹیکس کلیکشن نظام میں ضروری اصلاحات کی جارہی ہیں، زیادہ سے زیادہ لوگوں کو ٹیکس نیٹ میں لانے کی ضرورت ہے۔

ان کا کہنا تھا کہ پاکستان آمد پر آئی ایم ایف مشن سے مذاکرات تعمیری رہے، معاشی پالیسیوں میں تسلسل ضروری ہے، ہمیں اسٹرکچرل اصلاحات کے لیے 2 سے 3 سال لگیں گے۔

وفاقی وزیرخزانہ نے کہا کہ ٹیکس نظام میں ٹیکنالوجی کےاستعمال پرغور جاری ہے، ٹیکس نظام میں شفافیت کیلئے ڈیجیٹیلائزیشن ضروری ہے، ہمیں اپنے اخراجات کوکم کرناہوگا۔

محمداورنگزیب کا کہنا تھا کہ انفرااسٹرکچرکی بہتری کیلئے کچھ صوبوں نےبہترین کام کیا، پبلک پرائیویٹ منصوبوں سے استحکام لایا جاسکتا ہے، ہمیں پہلے سے موجود پالیسیوں پرعملدرآمد کرانا ہے۔

انھوں نے زور دیا کہ ہمیں ون ونڈوآپریشن فعال کرنا ہے اور غیرملکی اورمقامی سرمایہ کاری کیلئےسازگاری ماحول پیداکرناہوگا،آئی ٹی اورزراعت کےشعبے میں بے پناہ صلاحیت موجود ہے۔