ARYNews.tv | Urdu – Har Lamha Bakhabar

Tag: وفاقی وزیرداخلہ

  • غیر ملکی شہریوں کی سیکیورٹی کیلئے اسپیشل پروٹیکشن فورس بنانے کا فیصلہ

    غیر ملکی شہریوں کی سیکیورٹی کیلئے اسپیشل پروٹیکشن فورس بنانے کا فیصلہ

    اسلام آباد: وفاقی وزیر داخلہ محسن نقوی نے غیر ملکی شہریوں کی سیکیورٹی کیلئے اسپیشل پروٹیکشن فورس بنانے کا فیصلہ کرلیا۔

    تفصیلات کے مطابق وفاقی وزیر داخلہ محسن نقوی کی زیر صدارت اسلام آباد میں امن وامان سےمتعلق اجلاس ہوا۔

    آئی جی اسلام آباد پولیس علی ناصر رضوی کی امن و امان پربریفنگ دی ، وفاقی وزیرداخلہ نے غیرملکی شہریوں کی فول پروف سیکیورٹی یقینی بنانے کی ہدایت کردی۔

    اسلام آباد میں غیر ملکی شہریوں کی سیکیورٹی کیلئے اسپیشل پروٹیکشن فورس بنانے کا فیصلہ کرلیا، محسن نقوی نے کہا کہ ریڈ زون سمیت تمام اہم دفاتر، مقامات کی سیکیورٹی پرخصوصی توجہ دی جائے۔

    وزیرداخلہ نے منشیات کی خریدوفروخت میں ملوث گینگزکیخلاف کریک ڈاؤن کی ہدایت کرتے ہوئے کہا کہ جدید ٹیکنالوجی کے ذریعے گینگز کو قانون کی گرفت میں لایا جائے، تعلیمی اداروں کےباہر منشیات فروخت کسی صورت برداشت نہیں۔

    وفاقی وزیر نے مزید کہا کہ بھکاری مافیا اور پیشہ ور بھکاریوں کے خلاف بھی مؤثر کارروائی کی جائے۔

    وزیرداخلہ نے ایف آئی آر کے اندراج کو 100 فیصد یقینی بنانے کی ہدایت کرتے ہوئے کہا کہ ایف آئی آر کا اندراج نہ کرنا یا تاخیر کسی طور قبول نہیں، ایف آئی آر درج نہ کرنے پر متعلقہ پولیس افسر کیخلاف کارروائی ہو گی۔

    وفاقی وزیرداخلہ نے اسلام آباد پولیس کے پروموشن کیسز فوری نمٹانے کی ہدایت کرتے ہوئے کہا کہ ترقی ملازم کا حق ہے جو اسے وقت پر ملنی چاہیے، پروموشن سے پولیس فورس کے مورال میں بہتری آئے گی۔

    ان کا کہنا تھا کہ اسلام آباد پولیس میں تمام خالی اسامیوں پر بھرتیاں کی جائیں اور اسلام آبادپولیس کی تنخواہیں پنجاب پولیس کےبرابرکی جائیں گی۔

  • وفاقی وزیرداخلہ اعجاز احمد شاہ نےعہدے کا چارج سنبھال لیا

    وفاقی وزیرداخلہ اعجاز احمد شاہ نےعہدے کا چارج سنبھال لیا

    اسلام آباد: بریگیڈئیر ریٹائرڈ اعجاز شاہ نے وزارت داخلہ کا چارج سنبھال لیا، گذشتہ روز وزیراعظم عمران خان نے وفاقی وزیرداخلہ کا قملدان سونپا تھا، اس سے قبل یہ عہدہ شہریار آفریدی کے پاس تھا۔

    تفصیلات کے مطابق وزیرداخلہ اعجاز شاہ وزارت داخلہ کے دفتر پہنچے تو سیکریٹری اعظم سلیمان نےاستقبال کیا،جس کے بعد انھوں نے اپنی ذمہ داریاں سنبھال لیں۔

    یاد رہے گزشتہ روز وزیراعظم عمران خان کی وفاقہ کابینہ بڑی تبدیلیاں کرتے ہوئے وزیرمملکت برائے داخلہ شہریار آفریدی کو عہدے سے ہٹاتے ہوئے وزارت داخلہ کا قلمدان اعجاز شاہ کو سونپا تھا جبکہ اسد عمر کی جگہ ڈاکٹر حفیظ شیخ مشیر خزانہ بنا دیا تھا۔

    مزید پڑھیں : وفاقی کابینہ میں بڑی تبدیلیاں، کئی وزرا کے قلم دان تبدیل

    فواد چوہدری سے وزیراطلاعات واپس لے کر سائنس اور ٹیکنالوجی کی وزارت دے دی گئی جبکہ وزارت پالیمانی امور اعظم سواتی کے سپرد اور ڈاکٹر فردوس عاشق اعوان اطلاعات کی مشیر بنا دی گئیں تھیں۔

    خیال رہے چند عرصے قبل ہی حکومت نے بریگیڈیئر (ر) اعجاز شاہ کو بطور وفاقی وزیر برائے پارلیمانی امور تعینات کیا تھا، جس پر پیپلز پارٹی کی جانب سے شدید تنقید کی گئی۔

    خیال رہےبریگیڈیئر(ر)اعجازشاہ ننکانہ صاحب سےرکن قومی اسمبلی منتخب ہوئے اور پرویزمشرف دورمیں آئی بی کےڈائریکٹر رہ چکے ہیں جبکہ بے نظیر بھٹو نے شہادت سے قبل اپنے خط میں خود کو نقصان پہنچنے کی صورت میں‌ جن افراد کو شامل تفتیش کرنے کی کا مطالبہ کیا تھا، ان میں اعجاز شاہ کا نام بھی شامل تھا۔

  • ملک میں داعش موجود نہیں، کچھ لوگ داعش کانام استعمال کررہے ہیں، وفاقی وزیرداخلہ

    ملک میں داعش موجود نہیں، کچھ لوگ داعش کانام استعمال کررہے ہیں، وفاقی وزیرداخلہ

    اسلام آباد: وفاقی وزیرداخلہ چوہدری نثار کا کہناہے کہ سابقہ حکومت نے مولانا عبدالعزیز کے خلاف آٹھ کیسز ختم کئے۔

    میڈیا سے بات  کرتے ہوئے وفاقی وزیر داخلہ چوہدری نثار علی خان کا کہنا تھا کہ کوئی بھی قانون توڑے گا تو اس کیخلاف بھرپورکارروائی ہوگی، مولانا عبدالعزیز پر آٹھ کیس پچھلی حکومت میں ختم ہوئے ، چوہدری نثار نے کہا کہ مولانا عبدالعزیز کو جمعہ کا خطبہ دینے سے میں نے روکا تھا۔

    داعش کے حوالے سے وفاقی وزیر داخلہ چوہدری نثار کا کہنا تھا کہ داعش ایک مشرق وسطی اور شمالی افریقاکی تنظیم ہے، داعش کی براہ راست پاکستان میں تنظیم نہیں ہے، پاکستان میں کچھ لوگ داعش کانام استعمال کررہےہیں، ان کا کہنا تھا کہ ایجنسیاں تصدیق کررہی ہیں کہ ملک میں داعش موجود نہیں اگر ہے تونشاندہی کی جائے۔

    انہوں نے بتا یا کہ پاکستان میں 45سے زیادہ مختلف سوچ اور ایجنڈے کی دہشت گرد تنظیمیں اپنے مکروہ کاموں میں مصروف ہیں جو کہ ختم ہونے کے بعد پھر سر اٹھا لیتی ہیں ،ان میں سے کئی لوگ اپنی تنظیمیں چھوڑ کر داعش کا نام استعمال کر کے کارروائیاں کر رہے ہیں۔حقیقی اعتبار سے یہ داعش نہیں بلکہ وہ عناصر ہیں جو پہلے سے ہی پاکستان میں دہشت گردی کی کارروائیاں کر رہے ہیں ۔

    وزیر داخلہ چوہدری نثار کہتے ہیں انہیں علم نہیں تھا کہ ان کی بیٹی کو سیف گیمز میں شامل کیا گیا ہے، وزیرداخلہ کا کہنا تھا کہ گھروالوں نے قائل کیا تو بیٹی کو بھارت سیف گیمز میں بھیج دیا۔

     

  • آئندہ دنوں میں مزید پانچ سو دہشتگردوں کو پھانسی دی جائے گی، چوہدری نثار

    آئندہ دنوں میں مزید پانچ سو دہشتگردوں کو پھانسی دی جائے گی، چوہدری نثار

    اسلام آباد: وفاقی وزیرداخلہ چوہدری نثار کہتے ہیں کہ آئندہ دنوں میں مزید پانچ سو دہشتگردوں کو پھانسی دی جائے گی۔

    وفاقی وزیر داخلہ چوہدری نثار نے قوم کو بتایا ہے کہ آئندہ دنوں میں پانچ سو دہشتگردوں کو تختہ دار پر لٹکایا جا رہا ہے۔ ساتھ یہ انکشاف بھی کر دیا کہ پھانسی کی سزا پر عمل درآمد پر عائد پابندی ختم کرنے کا فیصلہ سانحہ پشاور سے سو اٹھارہ دن پہلے ہی کیا جا چکا تھا۔

    چوہدری نثار کہتے ہیں پشاور میں کور کمانڈر کی رہائش گاہ پر جو اجلاس ہوا اس میں آرمی چیف نے درخواست کی تھی کہ ڈیتھ وارنٹ جاری ہونے کے بعد کا وقت کم کیا جائے اور اس کو مان لیا گیا ہے۔ وفاقی وزیرداخلہ چوہدری نثار نے دہشت گردی سے نمٹنے کیلئےقوم سے متحرک ہونے کی اپیل بھی کی ہے۔

    چوہدری نثار کہتے ہیں کہ دہشت گرد سانحہ پشاور جیسے حملے کی منصوبہ بندی کر رہے ہیں۔ چوہدری نثار نے خبردار کیا کہ دہشت گرد غیر رجسٹرڈ موبائل سمز استعمال کررہے ہیں، انھوں نے کہا کہ موبائل کمپنیاں سمز کے اجرا کیلئے احتیاط برتیں۔

    چوہدری نثار نے بتایا پاک فوج اسلامی فوج ہے جو خواتین اور بچوں کو نشانہ نہیں بناتی۔

  • سکھر: ڈاکٹر خالد محمود سومرو قاتلانہ حملے میں جاں بحق، الطاف حسین کی مذمت

    سکھر: ڈاکٹر خالد محمود سومرو قاتلانہ حملے میں جاں بحق، الطاف حسین کی مذمت

    سکھر: جمعیت علماء اسلام سندھ کے رہنما ڈاکٹر خالد محمود سومرو قاتلانہ حملے میں جاں بحق ہوگئے ہے۔ ایم کیو ایم کے قائد کی جانب سے واقعے کی شدید الفاظ میں مذمت کی گئی ہے۔

    پولیس ذرائع کے مطابق جے یو آئی ف کے رہنما خالد محمودسومرو نمازفجر کی ادائیگی کے بعد مسجد سے باہر نکلے تو نامعلوم کار سواروں نے افراد نے ان پر گولیاں برسادیں اور موقع سے فرار ہو گئے۔ خالدمحمودسومرو زخموں کی تاب نہ لاتے ہوئے موقع پر ہی خالق حقیقی سے جا ملے۔

    ان کے جسد خاکی کوسکھر میں اسپتال منتقل کیا گیا جہاں سےاسے لاڑکانہ منتقل کیا جائیگا۔ لاڑکانہ سے تعلق رکھنے والے خالدمحمودسومرو گزشتہ روز جےیوآئی کے کنونشن میں شرکت کیلئے سکھر آئے تھے۔ خالد محمود سابق سینیٹر اور جے یو آئی کے سندھ کے سیکٹری جنرل تھے۔

    ادھر متحدہ قومی موومنٹ کے قائدالطاف حسین نے سکھرکے علاقے کھوسہ گوٹھ میں جمعیت علمائے اسلام (ف)سندھ کے سیکریٹری جنرل خالدمحمود کو فائرنگ کرکے قتل کرنے کی سخت الفاظ میں مذمت کی ہے اورواقعے کوسندھ کے حالات خراب کرنے کی سازش قرار دیا ہے۔

    اپنے ایک بیان میں الطا ف حسین نے خالدمحمودکے تمام سوگوارلواحقین،جمعیت علمائے اسلام (ف)کے سربراہ مولانافضل الرحمن اورجے یوآئی کی قیادت و ایک ایک کارکن سے دلی تعزیت وہمدردی کااظہارکرتے ہوئے انہیں صبرکی تلقین کی اورکہا کہ دکھ اورافسوس کی اس گھڑی میں ایم کیوایم ان کے ساتھ ہے۔

    الطا ف حسین  نے وزیراعظم، وفاقی وزیرداخلہ اور وزیراعلیٰ سندھ سے مطالبہ کیا ہے کہ سکھرمیں جے یوآئی (ف)سندھ کے سیکریٹری جنرل خالدمحمودکے بہیمانہ قتل کاسنجیدگی سے نوٹس لیاجائے اورقتل کی واردات میں ملوث دہشت گردوں کوگرفتارکرکے سندھ کے خلاف سازش کوبے نقاب کیا جائے۔

  • وفاقی وزیرداخلہ آج طالبان مذاکراتی کمیٹی سے ملاقات کریں گے

    وفاقی وزیرداخلہ آج طالبان مذاکراتی کمیٹی سے ملاقات کریں گے

    nisar

  • پرویزمشرف خودکوبچانے کیلئےفوج کانام استعمال کررہےہیں، چوہدری نثار

    پرویزمشرف خودکوبچانے کیلئےفوج کانام استعمال کررہےہیں، چوہدری نثار

    وفاقی وزیرداخلہ چوہدری نثار کاکہناہے دہشت گردی کے خلاف قوم اورادارے متحدہیں مذاکرات کے حوالے سے جلدپیشرفت ہوگی، پرویزمشرف خود کوبچانے کیلئےفوج کانام استعمال کررہے ہیں۔

    راولپنڈی میں ریجنل پاسپورٹ آفس کی افتتاحی تقریب سے خطاب کرتے ہوئے وفاقی وزیرداخلہ چوہدی نثار کاکہناتھا شمالی وزیرستان میں کوئی آپریشن نہیں ہورہا،مذاکرات پہلی ترجیح ہیں چند روز میں مزید پیش رفت ہوگی، مذاکرات کیلئےٹیم تشکیل دی جاچکی ہے۔

    چوہدری نثار چوہدری نثار کاکہنا تھا قومی سلامتی پالیسی کامسودہ تیارہے جلد کابینہ کے سامنے پیش کریں گے۔۔چوہدری نثار کا کہنا تھا پرویزمشرف نے اپنے دورمیں فوج کانام غلط استعمال کیا،اور اب وہ خود کوبچانےکیلئےفوج کانام استعمال کررہےہیں۔

    چوہدری نثارکا کہنا تھا حکومت پرتنقید کرنے والے گزشتہ پانچ سال کاموجودہ چھ ماہ سے موازنہ کریں، چوہدری نثار چوہدری نثار نے مہنگائی سےمتعلق چوہدری شجاعت کابیان مثبت قرار دیا، کراچی میں امن وامان کے حوالے سے وفاقی وزیرداخلہ کا کہنا تھا اسٹریٹ کرائم روکنے کے لیے رینجرز کو صوبائی حکومت کی مشاورت سے مزید اختیارات دیناچاہتے ہیں۔ 

  • وفاقی وزیرداخلہ چوہدری نثارعلی خان کی وزیراعلی بلوچستان سے ملاقات

    وفاقی وزیرداخلہ چوہدری نثارعلی خان کی وزیراعلی بلوچستان سے ملاقات

    وفاقی وزیرداخلہ چوہدری نثارعلی خان کاکہناتھا کہ وفاقی حکومت بلوچستان حکومت کو امن وامان کی صورتحال کوبہتربنانے،صوبے میں افہام وتفہیم اورترقیاتی عمل کوتیز کرنے کے حوالے سے وسائل اوراعانت فراہم کرے گی۔

    بلوچستان میں ہونیوالے بلدیاتی انتخابات کے کامیاب انعقاد پردونوں رہنمائوں نے اسے صوبے کے مستقبل کی سیاست کیلئے نیک شگون قراردیا۔ دونوں جانب سے سیاسی سطح پرمزاکرات ،مفاہمتی عمل جاری رکھنے پراتفاق کیاگیا۔

  • چہلم کے موقع پرحساس مقامات کافضائی جائزہ لیا جائے، چوہدری نثار

    چہلم کے موقع پرحساس مقامات کافضائی جائزہ لیا جائے، چوہدری نثار

    اسلام آباد:وفاقی وزیرداخلہ کی زیرصدارت سیکورٹی پر ہونیوالے اجلاس میں وفاقی وزیرداخلہ نے سخت سکیورٹی کے احکامات جاری کردیئے ہیں۔

    اجلاس سے خطاب کرتے ہوئےچوہدری نثارعلی خان کا کہنا تھا کہ چہلم کے موقع پرحساس مقامات کافضائی جائزہ لیا جائے،انھوں نے کہاکہ فوج کسی بھی صورتحال سے نمٹنے کیلئے تیاررہے گی۔

    چوہدری نثارعلی خان کاکہناتھا کہ امن وامان کی صورتحال کوچیلنج کرنے والوں سے آہنی ہاتھوں سے نمٹا جائے ۔انھوں نے کہا کہ انٹیلی جنس ادارے اورنیم فوجی دستے صوبوں کوبھرپورتعاون فراہم کررہے ہیں۔

  • قومی اسمبلی میں چوہدری نثار کو تماشے کالفظ مہنگا پڑ گیا

    قومی اسمبلی میں چوہدری نثار کو تماشے کالفظ مہنگا پڑ گیا

     چوہدری نثار کےتحریک انصاف کےکردار کو تما شا کہنے پر اپوزیشن نے اجلاس سے بائیکاٹ کر دیا۔ چوہدری نثار نے تحریک انصاف کےپارلیمنٹ سےباہرکےکردار کو تما شا کہا۔

    وفاقی وزیرداخلہ چوہدری نثار نے نادرا اور انگوٹھوں کے نشانات کی تصدیق کے سلگتے معاملے پر قومی اسمبلی میں وضاحت کی، ایوان میں خطاب میں وزیرداخلہ نے کہا نادرا قانونی طور پر وزارت داخلہ کا ماتحت ہے، نادرا کو الیکشن کمیشن کے ماتحت کرنے کی کوئی تجویز نہیں دی۔ 

    چوہدری نثار کہتے ہیں ایک جماعت نے انگوٹھوں کی تصدیق کے معاملے پر تماشا لگا یا ہوا ہے، وزیرداخلہ نے کہا انگوٹھو ں کی تصدیق سے متعلق اپوزیشن جو چاہتی ہے اس کے لیے تیار ہیں۔ 

    وزیرداخلہ نے کہا تحقیقات کی جائےمقناطیسی سیاہی ہرپولنگ اسٹیشن پرفراہم کی گئی،مقناطیسی سیاہی فراہم نہ کرنےوالوں کوکٹہرے میں لایاجائے، قومی اسمبلی میں خطاب کے دوران اپوزیشن لیڈر خورشید شاہ نے حکومت کو تنقید کا نشانہ بناتے ہوئے کہا کہ اپوزیشن مڈٹرم انتخابات نہیں چاہتی، ملک کے بڑے مسائل کا حل تلاش کیا جائے۔ اپوزیشن لیڈر کہتے ہیں مسائل کے حل کیلئے حکومت کی حمایت جاری رکھیں گے۔