Tag: وفاقی وزیر اطلاعات فواد چوہدری

اسلام آباد: وفاقی وزیرِ اطلاعات فواد چوہدری نے کہا ہے کہ انھیں قانون کی طالبہ خدیجہ صدیقی کی جدوجہد پر بہت خوشی ہوئی ہے۔

تفصیلات کے مطابق فواد چوہدری نے سماجی رابطوں کی ویب سائٹ ٹویٹر پر اپنے پیغام میں اپنے حق کے لیے عدالتی جنگ لڑنے والی قانون کی طالبہ کی جدوجہد پر خوشی کا اظہار کیا ہے۔

[bs-quote quote=”فواد چوہدری نے انصاف کی جنگ لڑنے والی خدیجہ صدیقی کو ’دی فائٹر‘ قرار دے دیا۔” style=”style-7″ align=”left” color=”#dd3333″][/bs-quote]

وزیرِ اطلاعات نے لکھا کہ خدیجہ صدیقی نے اپنے عزم سے پاکستانی خواتین کا سر فخر سے بلند کر دیا ہے۔

وفاقی وزیرِ اطلاعات فواد چوہدری نے انصاف کی جنگ لڑنے والی خدیجہ صدیقی کو ’دی فائٹر‘ قرار دے دیا۔

فواد چوہدری نے خدیجہ صدیقی کے وکیل حسن نیازی کے کردار کو بھی سراہا، لکھا ’مقدمے کو منطقی انجام تک پہنچانے پر حسن نیازی تعریف کے مستحق ہیں۔‘

So happy for #KhadijaTheFighter she made Pak women proud by her resilience…. @HniaziISF desrves Kudoos for supporting the cause till conclusion….. 👍👍 https://t.co/ZMIt5TbCia

— Ch Fawad Hussain (@fawadchaudhry) January 23, 2019

خیال رہے کہ گزشتہ روز خدیجہ صدیقی حملہ کیس میں سپریم کورٹ نے ہائی کورٹ کا فیصلہ کالعدم قرار دیتے ہوئے ملزم شاہ حسین کو گرفتار کرنے کا حکم دیا اور 5 سال قید کی سزا کا فیصلہ بھی برقرار رکھا۔

مئی 2016 میں قانون کی طالبہ خدیجہ صدیقی پر شاہ حسین نے خنجر کے 23 وار کیے تھے، جس سے وہ شدید زخمی ہوگئی تھیں۔ جوڈیشیل مجسٹریٹ نے مجرم کو 7 سال قید کی سزا سنائی تھی۔

یہ بھی پڑھیں:  خدیجہ کیس: سپریم کورٹ کا ملزم شاہ حسین کوگرفتار کرنے کا حکم، 5سال قید کی سزا برقرار

ملزم نے مجسٹریٹ کورٹ کی سزا کے خلاف سیشن کورٹ میں اپیل دائر کی، جس نے سزا کم کر کے 5 سال کر دی، بعد ازاں لاہور ہائی کورٹ نے ملزم کو رہا کردیا، تاہم سابق چیف جسٹس میاں ثاقب نثار نے اس پر از خود نوٹس لے لیا۔

اسلام آباد: وفاقی وزیرِ اطلاعات فواد چوہدری نے وزیرِ اعظم عمران خان کے خلاف ہیلی کاپٹر استعمال کیس پر نیب پر تنقید کی ہے، دوسری طرف انھوں نے ملک میں گیس بحران کا ذمہ دار ن لیگی حکومت کو قرار دے دیا۔

تفصیلات کے مطابق فواد چوہدری نے اے آر وائی نیوز کے پروگرام پاور پلے میں گفتگو کرتے ہوئے کہا کہ ملک کے وزیرِ اعظم کے خلاف ڈیڑھ سال سے کیس لٹکانا نیب کی توہین ہے۔

[bs-quote quote=”پچاس ارب کی گیس چوری نہ ہو رہی ہوتی اور معاملات ٹھیک ہوتے تو گیس بحران نہ ہوتا۔” style=”style-7″ align=”left” color=”#dd3333″ author_name=”فواد چوہدری” author_job=”وفاقی وزیرِ اطلاعات”][/bs-quote]

انھوں نے کہا کہ نیب نے وزیرِ اعظم پر 27 لاکھ روپے کا ہیلی کاپٹر استعمال کرنے پر کیس بنا رکھا ہے، عمران خان منصوبوں کے افتتاح کے لیے گئے تو نیب نے ریفرنس بنا دیا۔ 

فواد چوہدری کا مؤقف تھا کہ نیب ڈیڑھ سال تک کیس رکھ کر بیٹھے گا تو اس سے پاکستان کی بےعزتی ہوگی، نیب کی ترجیح درست ہونی چاہیے۔‘

گیس بحران پر وفاقی وزیر اطلاعات نے کہا کہ 2013 میں گیس پر کوئی بھی قرضہ نہیں تھا، شاہد خاقان آئے تو گیس پر قرضہ چڑھ گیا، اب حال یہ ہے کہ سالانہ 57 ارب گیس چوری کا سامنا ہے، محمد زبیر شاہد خاقان عباسی سے پوچھیں کہ گیس کیوں نہیں آرہی؟

یہ بھی پڑھیں:  کراچی کو پھر گیس بحران نے جکڑ لیا، چولھے ٹھنڈے پڑ گئے

انھوں نے کہا ’سوئی گیس میں لگائے گئے دونوں ایم ڈیز انھی کے لگائے ہوئے تھے، ن لیگ 5 سال میں نظام خراب کر کے 157 ارب کا قرضہ چھوڑ کر گئی، اربوں کی گیس چوری نہ ہو رہی ہوتی اور معاملات ٹھیک ہوتے تو گیس بحران نہ ہوتا۔‘

فواد چوہدری نے مزید کہا کہ ہمیں ن لیگ کی حکومت سے جان چھوٹنے کا شکر ادا کرنا چاہیے، موجودہ دورِ حکومت میں ہر ماہ حالات بہتر ہوں گے۔

اسلام آباد: وفاقی وزیرِ اطلاعات فواد چوہدری نے ولی عہد ابوظبی محمد بن زید النہیان کی اچانک روانگی کی خبروں کی تردید کر دی ہے۔

تفصیلات کے مطابق ابوظبی کے ولیٔ عہد محمد بن زید النہیان وزیرِ اعظم عمران خان کی دعوت پر پاکستان آئے تھے، کام یاب دورے کے بعد وہ واپس وطن روانہ ہوئے۔

[bs-quote quote=”جس نے زندگی میں فارن آفس نہیں دیکھا وہ بھی خارجہ پالیسی کا ماہر رپورٹر ہے۔” style=”style-7″ align=”left” color=”#dd3333″ author_name=”فواد چوہدری”][/bs-quote]

وزیرِ اطلاعات نے سماجی رابطوں کی ویب سائٹ ٹویٹر پر لکھا کہ ولیٔ عہد کی اچانک روانگی کی خبر ایک ایسے صحافی نے دی ہے جو دفترِ خارجہ تک گیا ہی نہیں۔

انھوں نے لکھا کہ جس نے زندگی میں فارن آفس نہیں دیکھا وہ بھی خارجہ پالیسی کا ماہر رپورٹر ہے، ولی عہد تین دن سے پاکستان میں ہیں آج واپسی اسلام آباد سے ہوئی۔

ابوظہبی نے افغانستان میں مذاکرات کیلئے جو کردار ادا کیا، بیلنس آف پیمنٹ کیلئے جو ساتھ دیا اور اب عرب دینا میں پاکستان جہاں کھڑا ہے خبر سے پہلے کچھ تحقیق ہی کر لینی چاہئے روزانہ ایک جعلی خبر کی اختراع ہوتی ہے میڈیا کی آزادی کو اصل خطرہ عطائ صحافیوں سے ہے https://t.co/ye4ixMKFQe

— Ch Fawad Hussain (@fawadchaudhry) January 6, 2019

فواد چوہدری نے کہا کہ ولیٔ عہد کی ابوظبی سے 2 گھنٹے کے لیے پاکستان آنے کی اطلاع بھی درست نہیں، دورے کی تفصیل پہلے سے طے ہوتی ہیں، آج کا دورہ تسلسل میں ہے۔

یہ بھی پڑھیں:  ولی عہد محمد بن زید النہیان کے دورہ پاکستان پر وفاقی حکومت کا اعلامیہ جاری

وزیرِ اطلاعات نے کہا کہ خبر سے پہلے کچھ تحقیق ہی کر لینی چاہیے، روزانہ ایک جعلی خبر کی اختراع ہوتی ہے، میڈیا کی آزادی کو اصل خطرہ ان عطائی صحافیوں سے ہے۔

وفاقی وزیرِ اطلاعات فواد چوہدری نے کہا کہ ابوظبی نے افغان مذاکرات کے لیے کردار ادا کیا ہے، ابوظبی نے بیلنس آف پیمنٹ کے لیے ہمارا ساتھ دیا۔

اسلام آباد: وفاقی وزیرِ اطلاعات فواد چوہدری نے شہباز شریف کی پبلک اکاؤنٹس کمیٹی کی چیئرمین شپ پر سوال اٹھایا ہے کہ وہ ن لیگی دور کا حساب کیسے کریں گے؟

تفصیلات کے مطابق وزیرِ اطلاعات نے کہا ہے کہ شہباز شریف کو چیئرمین پی اے سی نہیں بنانا چاہیے تھا، شہباز شریف ن لیگ کے دور کا آڈٹ کیسے دیکھیں گے۔

[bs-quote quote=”وزیرِ اعظم عمران خان کسی قسم کا این آر او نہیں دیں گے۔” style=”style-7″ align=”left” color=”#dd3333″ author_name=”وزیرِ اطلاعات”][/bs-quote]

فواد چوہدری نے سوال اٹھایا کہ شہباز شریف لیگی دور کا حساب کیسے کریں گے؟ وفاقی وزیرِ اطلاعات نے کہا کہ اپوزیشن کے ساتھ کوئی ڈیل نہیں ہوئی۔

ان کا کہنا تھا کہ وزیرِ اعظم عمران خان کسی قسم کا این آر او نہیں دیں گے، مریم اورنگزیب کی پارٹی کہتی ہے کہ این آر او، ہمارا جواب ہے نہ رو۔

خیال رہے کہ گزشتہ روز اپوزیشن لیڈر شہباز شریف کی زیرِ صدات پبلک اکاؤنٹس کمیٹی کا اجلاس منعقد ہوا تھا جس میں آڈیٹر جنرل پاکستان نے بریفنگ دیتے ہوئے کہا کہ گزشتہ مالی سال میں 160 ارب روپے ریکور کیے گئے ہیں۔

یہ بھی پڑھیں:  شہبازشریف کی زیرصدارت پبلک اکاؤنٹس کمیٹی کا اجلاس

آڈیٹر جنرل نے بریفنگ میں کہا کہ ان کے دائرہ اختیار میں سالانہ 47 ہزار شعبہ جات اور منصوبے آتے ہیں اور ان میں سے محض 20 فی صد کا آڈٹ ہو پاتا ہے۔ 2016-17 میں ادارے نے 70 ارب 92 کروڑ 86 لاکھ ریکور کیے۔ گزشتہ آٹھ سال میں آڈیٹر جنرل کے پاس 18043 آڈٹ اعتراضات زیر التوا ہیں، زیادہ مالی سال 18-2017 کے 3098 آڈٹ اعتراضات زیر التوا ہیں۔

لاہور: وفاقی وزیرِ اطلاعات فواد چوہدری نے کہا ہے کہ اس وقت سب کی نظریں عدالت پر لگی ہوئی ہیں، فیصلے ہونے میں 15 ماہ لگے ہیں۔

تفصیلات کے مطابق وزیرِ اطلاعات فواد چوہدری نے لاہور میں میڈیا سے گفتگو کرتے ہوئے کہا کہ سیاست کا پرانا نظام دفن ہوگا تو ملک میں بہتری آئے گی۔

[bs-quote quote=”نواز شریف، زردرای اتحاد کا نام ٹی او پی یعنی ٹھگز آف پاکستان ہے۔ ٹھگز آف پاکستان اتحاد بری طرح فلاپ ہوگا۔” style=”style-7″ align=”left” color=”#dd3333″ author_name=”فواد چوہدری” author_job=”وفاقی وزیر اطلاعات”][/bs-quote]

فواد چوہدری نے کہا ’شریف فیملی کو معلوم ہی نہیں کہ ان کے پاس پیسا کہاں سے آیا، کل احتساب عدالت سے العزیزیہ اور فلیگ شپ ریفرنس کا فیصلہ آنا ہے، سب کی نظریں عدالت پر لگی ہیں، ملک میں قانون سازی مسئلہ نہیں بلکہ عمل کرانا اصل مسئلہ ہے۔‘

وزیرِ اطلاعات نے کہا ’یہاں سب معصوم ہیں تو بد معاش کون ہیں، زرداری، نواز شریف، شہباز شریف، سعد رفیق کہتے ہیں کہ وہ معصوم ہیں، ان سب سے ملک لوٹ لیا اور پھر بھی معصوم ہیں، اس اتحاد کا نام ٹی او پی رکھ لیں، یعنی ٹھگز آف پاکستان۔ ٹھگز آف پاکستان اتحاد بری طرح فلاپ ہوگا۔‘

فواد چوہدری نے مزید کہا ’جس عمر میں پاکستان میں بچوں کے شناختی کارڈ نہیں بنتے، نواز شریف کے بچوں کے اکاؤنٹ میں پیسے آ جاتے ہیں، وہ ارب پتی بن گئے، مان رہے ہیں جائیدادیں ان کی ہیں، لیکن یہ نہیں بتا رہے کہ پیسے کہاں سے آئے۔‘

[bs-quote quote=”جیسے جیسے ہم آگے جائیں گے پرانا نظام ٹوٹے گا اور چیخیں اس کی مثال ہیں۔” style=”style-7″ align=”right” color=”#dd3333″ author_name=”وزیرِ اطلاعات”][/bs-quote]

انھوں نے کہا کہ نواز شریف، زرداری کی سیاست ختم ہو چکی ہے، عمران خان کے دل میں لوگوں کے لیے ہم دردی ہے اس لیے یہاں موجود ہیں، یہ وقت پاکستان کی معیشت میں بہتری کا ہے، معیشت کی بہتری کے لیے ڈیڑھ ہفتے میں مزید اعلانات ہوں گے، جیسے جیسے ہم آگے جائیں گے پرانا نظام ٹوٹے گا اور چیخیں اس کی مثال ہیں۔

فواد چوہدری نے کہا ’کیا وقت آ گیا ہے کہ زرداری صاحب سندھ کے لوگوں کو کہہ رہے ہیں مہم چلائیں، نواز شریف بھی جائیدادیں بچانے کے لیے لوگوں سے کہہ رہے ہیں باہر نکلیں، عوام بے وقوف نہیں کہ ان کی جائیدادیں بچانے کے لیے باہر نکلیں۔‘

یہ بھی پڑھیں:  نواز شریف کے خلاف نیب ریفرنسز کے فیصلے سے قبل جڑواں شہروں کا سیکیورٹی پلان ترتیب

انھوں نے کہا ’یہ کیا منطق ہے کہ بڑے بھائی کا آڈٹ چھوٹا بھائی، باپ کا آڈٹ بیٹا کرے گا، پارلیمنٹ میں مہنگائی میں کمی اور معیشت کی بہتری جیسے عوامی مسائل پر بات نہیں ہو رہی، اپوزیشن چاہتی ہے پارلیمنٹ میں صرف ان کے کیسز پر بات کریں، یہ بلیک میلرز کا گروپ ہے۔‘

فواد چوہدری نے کہا کہ سانحہ ماڈل ٹاؤن پر نئی جے آئی ٹی فوری بننی چاہیے، عمل درآمد ہونا چاہئے، جہاں جہاں قانون پر عمل درآمد ہو رہا ہے وہاں چیخیں نکل رہی ہیں، سانحہ ماڈل ٹاؤن کے مرکزی کردار سوٹ ٹائی لگا کر اسمبلیوں میں بیٹھےہیں، ہم حکومت میں ہیں، بادشاہ نہیں، ضابطوں کے پابند ہیں۔

وزیرِ اطلاعات کا کہنا تھا کہ سرمایہ کاروں کے لیے ویزہ پالیسی میں نظرِ ثانی کا سوچ رہے ہیں، یواے ای کی جانب سے اعلان پر مخالفین کی سانس اکھڑ گئی۔