اسلام آباد: وفاقی وزیرِ اطلاعات فواد چوہدری نے کہا ہے کہ پی ٹی آئی کی حکومت میڈیا ورکرز کے ساتھ کھڑی ہے، حکومت نے ویج بورڈ ایوارڈ تشکیل دے دیا ہے۔
تفصیلات کے مطابق وزیرِ اطلاعات فواد چوہدری سے آر آئی یو جے کے وفد نے ملاقات کی، پی ایف یو جے ورکرز گروپ کے صدر پرویز شوکت نے انھیں مسائل سے آگاہ کیا۔
[bs-quote quote=”ویج بورڈ کے سلسلے میں پہلا اجلاس 27 دسمبر کو ہوگا۔” style=”style-7″ align=”left” color=”#dd3333″ author_name=”فواد چوہدری” author_job=”وفاقی وزیرِ اطلاعات”][/bs-quote]
فواد چوہدری نے کہا کہ صحافیوں کے مسائل کے حل کے لیے بھرپور تعاون کریں گے، حکومت آزادیٔ اظہار رائے کے حق پر کامل یقین رکھتی ہے۔
وزیرِ اطلاعات کا کہنا تھا کہ آزاد اور ذمہ دار میڈیا کے فروغ کے لیے سہولتیں فراہم کریں گے، آزاد میڈیا ریگولیٹری اتھارٹی کے قیام پر کام جاری ہے۔
ریگولیٹری اتھارٹی کے قیام کا مقصد وَن ونڈو آپریشن کے ذریعے میڈیا اور عوام کو سہولیات فراہم کرنا ہے، اتھارٹی کا بورڈ مکمل طور پر آزاد ہوگا جس میں نجی شعبے کے افراد بھی شامل ہوں گے۔
وزیرِ اطلاعات فواد چوہدری نے مزید کہا کہ ویج بورڈ کے سلسلے میں پہلا اجلاس 27 دسمبر کو ہوگا، صحافیوں کی پیشہ ورانہ استعدادِ کار بڑھانے کے لیے کورسز کی تجویز بھی زیرِ غور ہے۔
یاد رہے کہ 17 دسمبر کو پارلیمنٹ ہاؤس کے احاطے میں نواز شریف کے اسکواڈ نے 2 کیمرا مینوں پر تشدد کیا تھا، جس سے ایک ٹی وی کیمرا مین بے ہوش ہو گیا تھا، جس پر وزیرِ اطلاعات فواد چوہدری نے شدید مذمت کرتے ہوئے کہا کہ حکومت ختم ہو گئی مگر مغلیہ سوچ ختم نہ ہوئی۔
فواد چوہدری نے کہا کہ حکومت آزادیٔ اظہارِ رائے پر کامل یقین رکھتی ہے، میڈیا ورکرز کے ساتھ ہیں۔
اسلام آباد: وفاقی وزیرِ اطلاعات فواد چوہدری نے کہا ہے کہ آصف زرداری امریکا میں ایک اپارٹمنٹ کے مالک ہیں، اثاثے چھپانے پر ان کے خلاف ریفرنس دائر کیا جائے گا۔
تفصیلات کے مطابق پی ٹی آئی حکومت نے پاکستان پیپلز پارٹی کے شریک چیئرمین آصف علی زرداری کو بھی کرپشن کیس میں گھیرنے کی تیاری کر لی ہے، وزیرِ اطلاعات نے پریس کانفرنس میں تفصیلات بتا دیں۔
[bs-quote quote=”آصف زرداری امریکا میں اپارٹمنٹ کے مالک ہیں، نواز شریف اور آصف زرداری کا سیاست میں اب کوئی مستقبل نہیں رہا۔” style=”style-7″ align=”left” color=”#dd3333″ author_name=”وزیرِ اطلاعات”][/bs-quote]
فواد چوہدری نے کہا کہ آصف زرداری مین ہیٹن، امریکا میں ایک عمارت میں اپارٹمنٹ کے مالک ہیں، تاہم انھوں نے امریکا میں اپارٹمنٹ کا اثاثوں میں ذکر نہیں کیا، اثاثے چھپانے پر ان کے خلاف ریفرنس دائر کیا جائے گا۔
وزیرِ اطلاعات نے بتایا کہ خرم شیر زمان کو ہدایت کی گئی ہے کہ آصف زرداری کے خلاف نا اہلی ریفرنس دائر کر دیں۔
فواد چوہدری کا کہنا تھا کہ سندھ میں آصف زرداری کے معاملات کی تفصیلات جمع ہو رہی ہیں، کچھ دستاویز میڈیا پر سرکولیٹ ہونے کی وجہ سے تفصیل بتا رہے ہیں، نواز شریف اور آصف زرداری کا سیاست میں اب کوئی مستقبل نہیں رہا۔
انھوں نے کہا کہ دیکھنا ہے دونوں جماعتیں اپنے سیاسی معاملات کو کیسے لے کر چلیں گی، ان لوگوں کے خلاف تحقیقات کا آغاز ان کی ہی حکومتوں میں ہوا تھا، لیکن تحقیقات آگے اس لیے نہیں بڑھ رہی تھیں کہ اداروں کو روکا جا رہا تھا۔ پی ٹی آئی حکومت میں اداروں کو کام کرنے کی مکمل آزادی دی گئی ہے۔
فواد چوہدری نے مزید کہا ’نام نہاد قوتیں آگے چل کر آپس میں مل بھی جائیں تو کوئی فرق نہیں پڑے گا، صفر جمع صفر صفر ہی ہوتا ہے، پی ٹی آئی نے شفاف احتساب کا وعدہ کیا تھا۔‘
وزیرِ اطلاعات کا کہنا تھا ’وزیرِ اعظم سمجھتے ہیں کہ قومی خزانے کو لوٹنے والوں کو انجام تک پہنچانا ضروری ہے، یہ لوگ روزانہ ایک پی ٹی آئی ممبر پکڑ کر بیٹھ جاتے ہیں، کہتے ہیں فلاں بندے کا احتساب نہیں ہوا۔‘
[bs-quote quote=”حامد انصاری کو جذبۂ خیر سگالی کے طور پر رہا کیا، اس پر ہالی ووڈ، بالی ووڈ فلمیں بن سکتی ہیں۔” style=”style-7″ align=”right” color=”#dd3333″ author_name=”فواد چوہدری”][/bs-quote]
انھوں نے کہا ’ماحول تبدیل ہو رہا ہے، غیر ملکی سرمایہ کار بھی صورتِ حال دیکھ رہے ہیں، وہ مطمئن دکھائی دے رہے ہیں، پاکستان میں سرمایہ کاری کا ماحول بن رہا ہے، پرتگال نے پاکستان کے لیے اپنی ٹریول ایڈوائزری تبدیل کر دی ہے، بڑے پیمانے پر غیر ملکی سرمایہ کاری آ رہی ہے۔‘
فواد چوہدری نے مزید کہا ’غیر ملکی اخبار عمران خان کی تعریف کر رہے ہیں، کہتے ہیں عمران خان رحم اور غریب کی بات کر رہے ہیں، ریاستِ مدینہ کی اساس کو فالو کیا جا رہا ہے۔‘
وزیرِ اطلاعات نے کہا کہ گزشتہ روز بھارتی شہری حامد انصاری کو جذبۂ خیر سگالی کے طور پر رہا کیا گیا، اس رہائی پر ہالی ووڈ، بالی ووڈ فلمیں بن سکتی ہیں۔
انھوں نے فیصل واوڈا کے سلسلے میں کہا کہ ان کی جائیدادگوشواروں میں ظاہر کی جا چکی ہے، ایک شخص رات کی تاریکی میں عجیب کپڑے پہن کر عجیب باتیں کر رہا ہے، فیصل واوڈا نے الیکشن گوشواروں میں کچھ نہیں چھپایا، سب ظاہر کیا ہے، جو دستاویز فیصل واوڈا نے ظاہر کیں عابد شیر علی وہی اٹھائے گھوم رہے ہیں۔
اسلام آباد: وفاقی وزیرِ اطلاعات فواد چوہدری نے کہا ہے کہ سانحہ اے پی ایس کے احترام میں چینلز نے اپنے کامیڈی پروگرام منسوخ نہیں کیے۔
تفصیلات کے مطابق سانحہ اے پی ایس پر وفاقی وزیرِ اطلاعات فواد چوہدری نے توجہ دلاؤ ٹویٹ کیا، کہا اس سانحے کے احترام میں کسی ایک چینل نے بھی کامیڈی پروگرام منسوخ نہیں کیے۔
[bs-quote quote=”خدارا ٹی وی چینلز اپنی ذمہ داری محسوس کریں۔” style=”style-7″ align=”left” color=”#dd3333″ author_name=”فواد چوہدری”][/bs-quote]
فواد چوہدری نے ٹویٹر پر اپنے پیغام میں کہا کہ توجہ دلاتے ہیں تو کہا جاتا ہے وزیرِ اطلاعات میڈیا کے خلاف ہے۔
وزیرِ اطلاعات فواد چوہدری نے لکھا کہ خدارا ٹی وی چینلز اپنی ذمہ داری محسوس کریں، کچھ غم مشترکہ ہیں، قوم کے ہیں سیاسی جماعتوں کے نہیں۔
قبل ازیں وزیرِ اطلاعات چوہدری فواد حسین نے سانحہ اے پی ایس کے شہدا کو خراج عقیدت پیش کیا، کہا قوم دہشت گردی کے خلاف شہدائے اے پی ایس کی عظیم قربانی کو کبھی فراموش نہیں کرے گی۔
کسی ایک چینل نے بھی اپنے کامیڈی پروگرام سانحہ APS کے احترام میں منسوخ نہیں کئے جب آپ توجہ دلاتے ہیں تو کہا جاتا ہے وزیر اطلاعات میڈیا کے خلاف ہے۔۔ خدارا کچھ اپنی ذمہ داری بھی محسوس کریں ، کچھ غم ہمارے مشترکہ ہیں قوم کے ہیں سیاسی جماعتوں کے نہیں ۔۔۔
خیال رہے کہ وزیرِ اعظم عمران خان نے سانحہ آرمی پبلک اسکول کے شہدا کی چوتھی برسی پر اپنے پیغام میں کہا کہ 16 دسمبر ہمیں ایک سیاہ دن کی یاد دلاتا ہے، معصوم جانوں نے لہو کا نذرانہ دے کر قوم کو سفاک دشمن کے خلاف متحد کیا۔
اسلام آباد: وفاقی وزیرِ اطلاعات فواد چوہدری نے سماجی رابطوں کی ویب سائٹ ٹویٹر پر کہا کہ لگتا نہیں کہ بریفنگ کر پاؤں گا کیوں کہ کابینہ اجلاس ختم ہونے کے کوئی آثار نظر نہیں آ رہے ہیں۔
تفصیلات کے مطابق فواد حسین چوہدری نے وفاقی کابینہ کے خصوصی اجلاس کے حوالے سے ٹویٹ کرتے ہوئے کہا کہ سو دن کی کارکردگی کے حوالے سے وزرا کی بریفنگ جو ساڑھے گیارہ بجے شروع ہوئی تھی اب بھی جاری ہے۔
سو دن کی کارکردگی کے حوالے سے وزراء کی بریفنگ جو 1130 شروع ہوئ اب بھی جاری ہے، وزیر اعظم جس محنت،صبر اور تحمل سے تمام وزراء کی کارکردگی جانچ رہے ہیں یہ انھیں کا خاصہ ہے۔ سو دن میں وزارتوں میں جو کام ہوئے ہیں پچھلے دس سال میں اس کا تصور بھی نہیں ہو سکتا تھا۔
اس تفصیلی ٹویٹ کے کچھ دیر بعد وزیرِ اطلاعات نے ایک ٹویٹ کے جواب میں کہا کہ ’لگتا نہیں کہ بریفنگ کر پاؤں گا کیونکہ ابھی میٹنگ ختم ہونے کے کوئی آثار نظر نہیں آ رہے۔‘
واضح رہے کہ اسلام آباد میں وزیرِ اعظم کی زیرِ صدارت وفاقی کابینہ کا اجلاس گزشتہ 9 گھنٹے سے مسلسل جاری ہے، وزرا، وزرائے مملکت، مشیران اور معاونینِ خصوصی 11 بجے سے وزیرِ اعظم آفس میں موجود ہیں۔
لندن: وفاقی وزیرِ اطلاعات فواد چوہدری نے کہا ہے کہ ان کی وزارت کے بارے میں بہتر فیصلہ وزیرِ اعظم ہی کریں گے، یہ وزارت وزیرِ اعظم کی طرف سے اعتماد کا نام ہے۔
تفصیلات کے مطابق وفاقی وزیرِ اطلاعات فواد چوہدری لندن میں اے آر وائی نیوز سے خصوصی گفتگو کر رہے تھے، انھوں نے کہا کہ وزیرِ اعظم جسے چاہیں وزیرِ اطلاعات بنائیں، یہ ان کی صوابدید ہے۔
[bs-quote quote=”میں یہاں تک پی ٹی آئی اور وزیرِ اعظم عمران خان کی مہربانی سے پہنچا ہوں۔” style=”style-7″ align=”left” color=”#dd3333″ author_job=”وفاقی وزیرِ اطلاعات”][/bs-quote]
فواد چوہدری نے وزارت کی تبدیلی کی افواہوں پر کہا کہ وزیرِ اعظم ہی فیصلہ کریں گے، جسے وہ بہتر سمجھیں گے، وزارتِ اطلاعات کا قلم دان سونپیں گے۔
وزیرِ اطلاعات کا کہنا تھا کہ اگر مجھے وزیرِ اعظم کا یہ اعتماد حاصل ہو کہ میں ٹھیک کام کر رہا ہوں تو اپنی ذمہ داریوں کو جاری رکھوں گا۔
فواد چوہدری نے کہا ’میں یہاں تک پی ٹی آئی اور وزیرِ اعظم عمران خان کی مہربانی سے پہنچا ہوں، اگروہ چاہیں گے تو بہ طور ممبر کام جاری رکھنے میں میرے لیے کوئی عار نہیں۔‘
خیال رہے کہ وزیرِ ریلوے شیخ رشید نے وزارتِ اطلاعات کا قلم دان سنبھالنے کی خبروں کی تردید کر دی ہے، فواد چوہدری کی جانب سے سامنے آنے والے ٹویٹ کے بعد شیخ رشید نے اے آر وائی نیوز سے خصوصی گفتگو کرتے ہوئے کہا کہ مجھ سے منسوب باتیں بے بنیاد ہیں، فواد چوہدری میرا بھائی ہے۔
وزیر ریلوے شیخ رشید نے کہا کہ فواد چوہدری کو فون کر کے کہا ہے کہ واپس آجائیں، سوال ہی پیدا نہیں ہوتا کہ فواد چوہدری کی جگہ لوں۔
یاد کہ برطانیہ کے دورے پر موجود فواد چوہدری نے اپنی ٹویٹ میں کہا تھا کہ شیخ رشید کے لیے اپنی وزارت چھوڑنے پر خوشی ہوگی۔
لاہور: وفاقی وزیرِ اطلاعات فواد چوہدری نے کہا ہے کہ 18 ویں ترمیم کی وجہ سے تعلیم اور صحت کا معیار گرا ہے، اس میں بہت سی چیزیں ایسی ہیں جنھیں بہتر بنایا جا رہا ہے۔
ان خیالات کا اظہار وہ اے آر وائی نیوز کے پروگرام سوال یہ ہے میں کر رہے تھے، انھوں نے کہا کہ زرداری صاحب 18 ویں ترمیم کو سیاسی ایشو بنا رہے ہیں، حالاں کہ اتفاق کے بغیر اس میں کوئی ترمیم نہیں ہو سکتی۔
[bs-quote quote=”وزیرِ اعظم عمران خان آئندہ اسمبلی اجلاس میں شرکت کریں گے۔” style=”style-7″ align=”left” color=”#dd3333″ author_name=”فواد چوہدری” author_job=”وفاقی وزیر اطلاعات”][/bs-quote]
فواد چوہدری نے کہا ’18 ویں ترمیم میں صوبوں کو اختیارات ملنا اچھی بات ہے، تاہم اب کئی اختیارات ضلعی اور تحصیل کی سطح پر بھی جانے چاہئیں۔‘
انھوں نے بتایا کہ وزیرِ اعظم عمران خان آئندہ اسمبلی اجلاس میں شرکت کریں گے، جتنی ذمہ داری حکومت کی ہے اتنی ہی اپوزیشن کی بھی ہے، لیکن اپوزیشن طے کر کے آتی ہے کہ پارلیمنٹ کا بزنس نہیں چلنے دینا، پارلیمنٹ میں کسی معاملے کو بحث سے نہیں روکا جا سکتا۔
تحریکِ لبیک ایشو
وزیرِ اطلاعات نے کہا کہ کئی بار ایسا ہوتا ہے کہ معاہدے ہو جاتے ہیں لیکن پھر ٹوٹ بھی جاتے ہیں، تحریکِ لبیک والوں سے بھی بات چیت ہوئی تھی، اگر یہ بات چیت کام یاب ہو جاتی تو گرفتاریوں کی نوبت نہ آتی، آئین و قانون سے خود بالا تر سمجھنے والوں کے خلاف قانون ضرور حرکت میں آئے گا۔
فواد چوہدری نے کہا ’سوسائٹی میں بغاوت نہیں چلتی، حکومت نے تمام فیصلے سوسائٹی کے مفاد میں کیے ہیں، پاکستان کی تاریخ میں کبھی اداروں کے خلاف ایسی بات نہیں کی گئی، ہم نے کبھی آئین توڑنے یا پارلیمنٹ پر حملوں کی حمایت نہیں کی۔‘
پی اے سی معاملہ
فواد چوہدری نے کہا کہ کمیٹیاں نہ بننے کے ذمہ دار ن لیگ والے ہیں، پبلک اکاؤنٹس کمیٹی کے چیئرمین کے لیے ن لیگ کا مؤقف غیر اخلاقی ہے، ن لیگ کو چیئرمین پبلک اکاؤنٹس کمیٹی کے مطالبے سے پیچھے ہٹنا چاہیے۔
[bs-quote quote=”نیب کے معاملات سے ہمارا کوئی تعلق نہیں، نیب میں ہم نے تو ایک چپڑاسی بھی بھرتی نہیں کرایا۔” style=”style-7″ align=”right” color=”#dd3333″ author_job=”وزیرِ اطلاعات”][/bs-quote]
انھوں نے مزید کہا کہ نواز شریف کے منصوبوں کو آڈٹ شہباز شریف کیسے کر سکتے ہیں؟ جب ہماری حکومت ختم ہوگی تو ہمارے منصوبوں کا آڈٹ کوئی اور کر لے، تاہم اب آئندہ اجلاس تک پرویز خٹک کمیٹیوں کا معاملہ حل کر لیں گے۔
وزیرِ اطلاعات نے کہا ’خیبر پختونخوا کا قانون دیگر حصوں سے مختلف ہے، کے پی اسمبلی کا اسپیکر پی اے سی کا چیئرمین ہوتا ہے، یہ قانون 30 سال سے ہے، اپوزیشن کو کے پی اسمبلی میں قانون سازی پر مسئلہ ہے تو آ کر بات کر لیں۔‘
قومی احتساب بیورو
فواد چوہدری نے کہا کہ وزیرِ اعظم عمران خان نے نیب پر عدم اعتماد کا اظہار نہیں کیا، نیب کے معاملات سے ہمارا کوئی تعلق نہیں، نیب میں ہم نے تو ایک چپڑاسی بھی بھرتی نہیں کرایا، نیب کی وجہ سے ہمارے وزیر بابر اعوان کو استعفیٰ دینا پڑا۔
ان کا کہنا تھا ’نیب نے پی ٹی آئی پر ہاتھ ہلکا نہیں رکھا، پی ٹی آئی رہنما نیب کے ساتھ تعاون کر رہے ہیں، زلفی بخاری 6 سے 7 پیشیاں بھگت چکے ہیں، کسی وزیر یا مشیر کے خلاف ریفرنس فائل ہوگا تو وہ استعفیٰ دے گا، پی ٹی آئی رہنماؤں کے خلاف نیب کی انکوائریز بیلنسنگ ایکٹ ہیں۔‘
[bs-quote quote=”آئی جی اسلام آباد معاملے پر میری نظرمیں اعظم سواتی درست ہیں۔” style=”style-7″ align=”left” color=”#dd3333″ author_job=”فواد چوہدری”][/bs-quote]
وزیرِ اطلاعات نے کہا کہ سیاسی شور شرابے پر نیب دوسروں کے خلاف انکوائری شروع نہیں کرتی، اپوزیشن ترمیم کے ذریعے نیب کو غیر مؤثر کرنا چاہتی ہے، نیب کے دانت توڑنا چاہتی ہے، تاہم نیب کے لیے اپوزیشن ترامیم کی تجویز دے گی تو ان پر غور کریں گے۔
انھوں نے مزید کہا ’نیب کی کرپٹ افراد کو سزا دلانے کی شرح بہت کم ہے، ملائیشیا میں ہر 100 میں سے 90 کرپٹ افراد جیل جاتے ہیں، ہم ترمیم کے ذریعے نیب کے اختیارات بڑھانا چاہتے ہیں، جسٹس (ر) جاوید اقبال کے آنے سے نیب میں بہتری آئی ہے۔‘
آصف زرداری، اعظم سواتی اور ڈالر
وزیرِ اطلاعات نے کہا کہ آصف زرداری اندرون سندھ کی چھوٹی سی جماعت کے سربراہ ہیں، نواز شریف پر 300 ارب روپے کا الزام تھا، جس پر استعفے کا مطالبہ کیا گیا، خواجہ آصف پر دبئی میں 16 لاکھ روپے ماہانہ تنخواہ پر کام کا الزام تھا۔
فواد چوہدری نے کہا ’اعظم سواتی والا معاملہ 2 خاندانوں میں جھگڑا تھا جسے حل کر لیا گیا، لیکن بیوروکریسی تعاون نہیں کرے گی تو انارکی پھیلے گی، اعظم سواتی کیس میں سپریم کورٹ جو فیصلہ کرے گی قبول ہوگا، اس معاملے پر جے آئی ٹی سے مطمئن نہیں ہوں، آئی جی اسلام آباد معاملے پر میری نظرمیں اعظم سواتی درست ہیں۔‘
انھوں نے کہا کہ ماضی میں ڈالر کے اتار چڑھاؤ سے لوگوں نے بہت پیسے بنائے، ڈالر کے اتار چڑھاؤ کو کنٹرول ہونا چاہیے، گزشتہ حکومت نے 5 ارب ڈالر صرف ڈالر کی قیمت کو کنٹرول کرنے پر خرچ کیے، ڈالر کو مصنوعی طریقے سے روکنے پر معیشت کو بہت نقصان ہوا ہے۔
اسلام آباد: وفاقی وزیرِ اطلاعات فواد چوہدری نے کہا ہے کہ پیپلز پارٹی کے رہنما خورشید شاہ کو ایگرو اکانومی کے موجودہ رجحانات کی خبر نہیں ہے۔
تفصیلات کے مطابق وزیرِ اطلاعات فواد چوہدری نے رہنما پیپلز پارٹی خورشید شاہ کے بیان پر ردِ عمل ظاہر کرتے ہوئے کہا کہ عوام کا مال لوٹنے والے پی ٹی آئی کے ایجنڈے سے تکلیف میں ہیں۔
[bs-quote quote=”خورشید شاہ کا یہ جملہ ’آؤ مل کر بیٹھتے ہیں‘ دراصل این آر او کی دعوت ہے۔ ” style=”style-7″ align=”left” color=”#dd3333″ author_name=”فواد چوہدری” author_job=”وفاقی وزیرِ اطلاعات”][/bs-quote]
وزیرِ اطلاعات نے کہا کہ شاہ جی اور ان کے لیڈرز نے قومی خزانے کو سونے کی مرغی سمجھ کر حلال کیا، پیپلز پارٹی کب تک اپنی کرپشن بھٹو صاحب کے پیچھے چھپائے گی۔
وزیرِ اطلاعات نے مزید کہا کہ ملک کے عوام کا مال لوٹنے والوں کے مقدر میں اب مرغی ہے نہ انڈہ، ان کے مقدر میں صرف جیل کی دال ہے۔
فواد چوہدری کا کہنا تھا کہ ذوالفقار بھٹو نے پاکستان کو ایٹمی طاقت بنایا، لیکن شاہ جی اور ان کے لیڈروں نے کرپشن کی بنیاد رکھی۔
انھوں نے کہا کہ خورشید شاہ کا یہ جملہ ’آؤ مل کر بیٹھتے ہیں‘ دراصل این آر او کی دعوت ہے۔ خیال رہے کہ پی پی رہنما نے کہا تھا ’آؤ مل کر بیٹھتے ہیں پھر دیکھیں کیسے ملک آگے بڑھتا ہے، ہم نے ہر وقت یہ بات کی کہ ہم ساتھ مل کر چلنا چاہتے ہیں۔‘
وزیرِ اطلاعات نے کہا کہ شاہ جی کے جملے ’آؤ مل کر بیٹھتے ہیں‘ پر شاہ صاحب سے پیار سے عرض کرتا ہوں کہ ’ہم معذرت خواہ ہیں۔‘
فواد چوہدری کا کہنا تھا کہ عمران خان روایتی وزیرِ اعظم نہیں ہیں جو عوام کو اپنا غلام سمجھے، عوام نے عمران خان کو وزیرِ اعظم منتخب کر کے لٹیروں کے خلاف اعلانِ جنگ کیا۔
جہلم: وفاقی وزیرِ اطلاعات فواد چوہدری نے کہا ہے کہ پنجاب کے اضلاع پر ان سے لیے جانے والے ٹیکس کے مطابق پیسا خرچ کیا جائے۔
وزیرِ اطلاعات نے ڈومیلی میں ورکرز کنونشن سے خطاب کرتے ہوئے کہا کہ جہلم کروڑوں روپے ٹیکس کی مد میں دیتا ہے لیکن اس پر اس حساب سے پیسا نہیں خرچ کیا جا رہا۔
[bs-quote quote=”میں جب کہتا ہوں کہ ڈاکوؤں کو نہیں چھوڑنا تو اپوزیشن واک آؤٹ کر جاتی ہے۔” style=”style-7″ align=”left” color=”#dd3333″ author_name=”فواد چوہدری” author_job=”وفاقی وزیرِ اطلاعات”][/bs-quote]
فواد چوہدری نے کہا کہ اربوں کھربوں کا روپیا جو دس سال میں آیا وہ کہاں گیا، ہمیں یہاں دو اہم چیزیں سوچنی ہیں، اربوں روپے کہاں گئے، اور یہ کہ سرکار کا خزانہ عام آدمی تک پہنچ جائے گا؟
انھوں نے کہا کہ وزیرِ اعظم عمران خان عام آدمی کی بات کرتے ہیں، ہمیں ایسا نظام بنانا ہے جس میں پیسا عام آدمی کے لیے لگ سکے، ہمارے تعلیمی اداروں میں بچوں کو انگریزی پڑھانے والے استاد موجود نہیں، عوام کو پینے کا پانی میسر نہیں اور گزشتہ حکمران میٹرو بناتے رہے۔
فواد چوہدری نے کہا ’میں جب کہتا ہوں کہ ڈاکوؤں کو نہیں چھوڑنا تو اپوزیشن واک آؤٹ کر جاتی ہے، جب کرپشن کی طرف توجہ دلائی جاتی ہے تو اپوزیشن واک آؤٹ کر جاتی ہے۔ جب ہم ان سے سوال کرتے ہیں تو یہ سر پر ہاتھ رکھ لیتے ہیں، کہتے ہیں میں پارلیمنٹ نہیں چلنے دے رہا، اگر اس طرح پارلیمنٹ چلائی تو ملک نہیں چلے گا۔‘
وزیرِ اطلاعات نے کہا ’جہلم اور چکوال کے لوگ پاکستان کی سرحدوں پر پہرا دیتے ہیں، ہم اپنا حق لاہور اور اسلام آباد سے لے کر آئیں گے، چوروں اور ڈاکوؤں سے پاکستان کا پیسا واپس لیں گے، عوام سے کیا ہوا وعدہ پورا کریں گے۔‘
اسلام آباد: وفاقی وزیرِ داخلہ فواد چوہدری نے کہا ہے کہ نواز شریف کے پراجیکٹس پر شہباز شریف کو چیئرمین کیسے لگا سکتے ہیں، جب تک نواز شریف کے پراجیکٹس کا آڈٹ چل رہا ہے پی اے سی چیئرمین ہمارا ہونا چاہیے۔
فواد چوہدری اے آر وائی نیوز کے پروگرام الیونتھ آور میں گفتگو کر رہے تھے، انھوں نے کہا کہ شہباز شریف جیل سے باہر ہوئے تو انھیں چیئرمین پی اے سی لگا دیجیے، جب ہمارے منصوبوں کا آڈٹ ہو تو بلاول یا شہباز شریف کو چیئرمین لگا دیں۔
[bs-quote quote=”اپوزیشن پارلیمنٹ میں قبرستان کی خاموشی چاہتی ہے، عافیہ صدیقی کا معاملہ پیچیدہ ہے ہم مثبت پیش رفت چاہتے ہیں، افغانستان کے ساتھ بہت سے سرحدی مقامات پر باڑ لگ گئی ہے۔” style=”style-7″ align=”left” color=”#dd3333″ author_name=”فواد چوہدری” author_job=”وفاقی وزیرِ اطلاعات”][/bs-quote]
وزیرِ داخلہ کا کہنا تھا کہ اپوزیشن پارلیمنٹ میں قبرستان کی خاموشی چاہتی ہے، پارلیمنٹ کو قبرستان نہیں بننا چاہیے، مشاہد اللہ خان سے ہماری ذاتی لڑائی نہیں ہے، اپوزیشن چاہتی ہے ہم یہ باتیں نہ کریں تو ماحول ٹھیک رہے گا، چیئرمین سینیٹ بھی اپوزیشن کی باتوں کو زیادہ اہمیت دیتے ہیں۔
خورشید شاہ نے 1996 کی پچھلی تاریخوں سے ایک لاکھ 63 ہزار لوگ مختلف اداروں میں بھرتی کیے، اس کا اثر یہ ہوا کہ اداروں میں لوگ ایک دن بھی دفتر نہیں آئے مگر اب پنشن لے رہے ہیں، لوگوں کو نہیں بتا سکتے انھوں نے کیا کیا اور ان کے ساتھ کیا ہونا چاہیے۔
فواد چوہدری نے کہا کہ عافیہ صدیقی کا معاملہ پیچیدہ ہے، ہم مثبت پیش رفت چاہتے ہیں، حکومت سنبھالی تھی تو امریکا سے تعلقات بہت خراب تھے اب بہتر ہو رہے ہیں۔ پاکستان کا عالمی دنیا میں لیڈر شپ کا کردار بڑھتا جا رہا ہے، یمن کے معاملے پر بھی آفیشل سطح پر بات چیت آگے بڑھ چکی ہے۔
وزیرِ اطلاعات نے کہا کہ کے پی کے پولیس آفیسر طاہر داوڑ کے معاملے پر وزارتِ خارجہ حکام سے بات چیت ہوئی ہے، ان کی شہادت پر سینیٹ میں واضح پالیسی مؤقف جائے گا، پاکستان کے کسی بھی اہل کار یا سفارت کار کی حفاظت افغانستان کی ذمہ داری ہے۔ نظام میں خامیاں رہی ہیں، بہت سے سرحدی مقامات پر باڑ لگ گئی ہے۔
آسیہ بی بی کیس کے سلسلے میں فواد چوہدری نے کہا کہ اس معاملے پر ریویو پٹیشن سپریم کورٹ میں ہے، وہ جو فیصلہ کرے حکومت آئین کے تحت عمل در آمد کی پابند ہے، آسیہ کا نام ای سی ایل میں نہیں، وہ چاہیں توملک سے باہر جا سکتی ہیں، چوں کہ معاملہ ابھی عدالت میں ہے اس لیے عدالت کے فیصلے کو دیکھا جائے گا۔
اسلام آباد: سینیٹ کے اجلاس میں وزیرِ اطلاعات فواد چوہدری نے ایک بار پھر اپوزیشن پر سخت تنقید کی، کہا معاشی دہشت گردی کا ذمہ دار معلوم کرنے کے لیے ایک کمیٹی تشکیل دی جائے۔
تفصیلات کے مطابق فواد چوہدری نے ایک بار پھر اپوزیشن کو اپنے نشانے پر رکھا، پارلیمانی کمیٹی کی تشکیل کے سلسلے میں چیئرمین سینیٹ نے انھیں یقین دہانی کرائی کہ وہ اس سلسلے میں اسپیکر سے بات کریں گے۔
[bs-quote quote=”اپوزیشن کا فواد چوہدری کی تقریر پر ایوان سے واک آؤٹ” style=”style-7″ align=”left” color=”#dd3333″][/bs-quote]
فواد چوہدری نے کہا کہ بتایا جائے بلوچستان کے مسائل جوں کے توں کیوں ہیں، محمود خان اچکزئی اینڈ کمپنی نے اس ملک کے ساتھ کیا کیا؟ یہ ذمہ داری محسوس نہیں کرتے، پاکستان مخالف بات کرتے ہیں۔
وزیرِ اطلاعات نے پوچھا کہ بلوچستان کے 42 ٹریلین کہاں ہیں، بلوچستان میں جن کی حکومت تھی وہ جواب دیں، ہمارے سارے وسائل پر ایک مافیا بیٹھا ہے، انھوں نے بابا فرید گنج شکر کی زمین کو بھی نہیں بخشا۔
فواد چوہدری کا کہنا تھا کہ ماحول یہ ہوچکا ہے کہ بس کرپشن کی بات نہیں کرنی، اگر اپوزیشن کے لیڈر سے متعلق باتیں کرنا چھوڑ دیں تو ایوان ٹھیک چلے گا، یہ لوگ اتنے بلین کھا کر بیٹھے ہیں ان کا نام لینا ضروری ہے۔
انھوں نے مزید کہا کہ یہ روزانہ کہتے ہیں کہ وزیرِ اعظم بھیک مانگ رہے ہیں، دس سالوں میں جو کچھ کیا گیا ہے اس کے بعد کیا کریں؟
دریں اثنا اپوزیشن نے فواد چوہدری کی تقریر پر ایوان سے واک آؤٹ کیا، چیئرمین سینیٹ نے انھیں کہا کہ اپنی تقریر جلد ختم کریں اور ماحول سازگار رہنے دیں۔
