Tag: وفاقی وزیر اطلاعات فواد چوہدری

اسلام آباد: وفاقی وزیرِ اطلاعات فواد چوہدری نے بھارتی آرمی چیف کے شر پسندانہ بیان پر ردِ عمل ظاہر کرتے ہوئے کہا ہے کہ دنیا نے دیکھ لیا، کون امن اور کون جنگ کا خواہاں ہے۔

تفصیلات کے مطابق وزیرِ اطلاعات نے بھارتی آرمی چیف جنرل بپن راوت کے بیان کے جواب میں ٹویٹ کرتے ہوئے کہا کہ پاکستان جنگی جنونیت کو مسترد کرتا ہے۔

فواد چوہدری نے سماجی رابطوں کی ویب سائٹ پر اپنے ٹویٹ میں کہا کہ سب جانتے ہیں کہ بھارت میں انتخابات ہونے والے ہیں، پاکستان پر الزام تراشی کا مقصد نریندر مودی پر استعفے کے دباؤ کو کم کرنا ہے۔

We reject war mongering by ruling elite of India everyone know Indian Govt strategy is to use hate mongering against Pak basically to bail Pm Modi from call for resignation post French jets Rafael deal and divert attention of Indian public from this mega corruption scandal .

— Ch Fawad Hussain (@fawadchaudhry) September 22, 2018

انھوں نے کہا کہ ہم نے امن کے لیے ہاتھ آگے بڑھایا تھا، ہم اب بھی امن کے لیے کوششیں جاری رکھیں گے، پاکستان اور بھارت ایٹمی طاقتیں ہیں، جنگ نہیں ہوسکتی، پاکستان اور بھارت کے مسائل کا واحد حل مذاکرات ہیں۔

وفاقی وزیرِ اطلاعات کا کہنا تھا کہ بھارتی حکمران انتخابات میں فائدے کے لیے پاکستان مخالف پروپیگنڈا کر رہے ہیں، مودی کا چہرہ فرینچ جیٹ کرپشن میں سامنے آ گیا ہے، مودی بھارتی عوام کی توجہ کرپشن اسکینڈل سے ہٹانا چاہتا ہے۔

یہ بھی پڑھیں:  پاکستان جنگ کیلئے تیار ہے مگر امن چاہتا ہے، پاک فوج کا بھارت کو منہ توڑ جواب

فواد چوہدری نے کہا کہ بھارتی آرمی چیف کو سمجھنا چاہیے کہ وہ کسی پارٹی کے سربراہ نہیں، انھیں سیاسی بیان بازی سے گریز کرنا چاہیے، بھارتی آرمی چیف کسی سیاسی جماعت کے آلۂ کار نہ بنیں۔

وفاقی وزیرِ اطلاعات نے بھارتی آرمی چیف کے بیان کو انتہائی نامناسب قرار دیتے ہوئے کہا کہ پاکستان کی امن کی خواہش کو کم زوری نہ سمجھا جائے۔

اسلام آباد: وفاقی وزیرِ اطلاعات فواد چوہدری نے واضح کیا کہ ڈیل ہوگی نہ ڈھیل ہوگی، ہماری عوام کے ساتھ ڈیل ہے لوٹنے والوں کے ساتھ نہیں، نواز شریف اتنے اہم نہیں ہیں کہ سعودی عرب ان کے لیے ڈیل کرے۔

پریس کانفرنس کرتے ہوئے وزیرِ اطلاعات نے کہا کہ محمد بن سلمان عرب دنیا میں کرپشن کے خلاف جنگ لڑ رہے ہیں، وہ کہاں کرپٹ آدمی کو ریلیف دینے کا کہہ سکتے ہیں، نواز شریف کو عدالت نے ضمانت دی ہے، جن خامیوں کی وجہ سے ضمانت ہوئی ان کو ختم کیا جائے گا۔

انھوں نے کہا کہ ہر جگہ ڈیل نہیں ہوتی نہ عمران خان ڈیل والے آدمی ہیں، کسی ملک نے نواز شریف کے لیے کوئی بات نہیں کی، نیب آزاد ادارہ ہے ہم اسے کنٹرول نہیں کرتے۔

وفاقی وزیرِ اطلاعات نے کہا کہ نواز شریف صاحب کا اب جیل آنا جانا لگا رہے گا، کچھ لوگوں نے پوچھا تھا کہ نواز شریف کا نام ای سی ایل میں کیوں ڈالا، اب ان لوگوں کو سمجھ آ گئی ہوگی کہ نام کیوں ڈالا۔

یہ بھی پڑھیں:  نواز شریف، مریم اور کیپٹن (ر) صفدر جیل سے رہا، جاتی امرا پہنچ گئے

انھوں نے کہا ’خوشی ہوئی کل مسلم لیگ ن کے لوگوں نےعدالتوں کی تعریف کی، عجب منطق ہے کہ فیصلہ حق میں آئے تو عدالتیں صحیح خلاف آئے تو نظام غلط ہے، نواز شریف سے ہماری کوئی ذاتی لڑائی نہیں، چاہتے ہیں عوام کا لوٹا ہوا پیسا واپس پاکستان آئے۔‘

[bs-quote quote=”نواز شریف اور مریم نواز کو باہر جانے دیں گے نہ حسن اور حسین نواز کو باہر رہنے دیں گے” style=”style-7″ align=”right” color=”#dd3333″][/bs-quote]

فواد چوہدری نے مزید کہا ’نواز شریف اور مریم نواز کو باہر جانے دیں گے نہ حسن اور حسین نواز کو باہر رہنے دیں گے، اسحاق ڈار کو بھی لندن میں نہیں رہنے دیں گے، یو کے اور پاکستان میں تحویلِ ملزمان کا معاہدہ ہوا ہے، نواز شریف کو وہیں پہنچائیں گے جہاں وہ کچھ دن پہلے تھے۔‘

اسلام آباد: وفاقی وزیرِ اطلاعات فواد چوہدری نے کہا ہے کہ سابق وزیرِ اعظم نواز شریف کو اہلیہ کی تدفین کے سلسلے میں قانون کے مطابق 12 گھنٹے کے لیے عارضی رہائی مل سکتی ہے۔

تفصیلات کے مطابق لندن میں بیگم کلثوم نواز کے انتقال کے بعد نواز شریف کی پیرول پر رہائی کے معاملے پر بحث چھڑنے پر وزیرِ اطلاعات نے بیان جاری کیا ہے کہ قانون کے مطابق نواز شریف کو جو سہولت دی جاسکتی ہے وہ ضرور دی جائے گی۔

فواد چوہدری نے کہا کہ جب کلثوم نواز کے انتقال کی خبر آئی تو وزیرِ اعظم لوکل گورنمنٹ سے متعلق اجلاس کی صدارت کر رہے تھے، اجلاس میں وزیرِ اعظم اور شرکا نے بیگم کلثوم نواز کی وفات پر گہرے دکھ کا اظہار کیا، بیگم کلثوم بہادر خاتون تھیں۔

[bs-quote quote=”چینی حکام سے سی پیک میں تیسرے فریق کی شمولیت پر گفتگو ہوئی: وفاقی وزیر اطلاعات” style=”style-7″ align=”left” color=”#dd3333″][/bs-quote]

وفاقی وزیرِ اطلاعات نے اے آر وائی نیوز سے گفتگو کرتے ہوئے کہا کہ قانون میں رہ کر جو بھی سہولت ہوگی وہ نواز شریف کو دی جائے گی، وہ پیرول پر رہا ہوتے ہیں تو حکومت کو کوئی اعتراض نہیں ہوگا۔

فواد چوہدری نے واضح کیا کہ نواز شریف کی طرف سے درخواست پر قانونی کارروائی ہوگی، اگر انھیں پیرول پر رہائی ملی تو قانونی طریقۂ کار پر عمل در آمد کیا جائے گا، تاہم پیرول پر رہائی کے مطابق جیل کا عملہ ساتھ ہوتا ہے۔

دریں اثنا وزیرِ اعظم عمران خان کی زیرِ صدارت لوکل گورنمنٹ سے متعلق اجلاس منعقد ہوا، جس میں چاروں صوبوں کے نمائندگان شریک ہوئے، اجلاس میں لوکل گورنمنٹ سسٹم کے حوالے سے مختلف تجاویز پر غور کیا گیا، وزیرِ اعظم نے لوکل باڈیز کمیٹی کو سفارشات کو 48 گھنٹے میں حتمی شکل دینے کی ہدایت دی۔

بیگم کلثوم نوازکا جسد خاکی پاکستان لایا جائے گا، تدفین جاتی امرامیں ہوگی: خاندانی ذرائع

وزیرِ اطلاعات نے اجلاس کے سلسلے میں کہا کہ عمران خان کو اگر ملک کی بہتری کے لیے بڑے فیصلے کرنے پڑے تو وہ کریں گے، پی ٹی آئی حکومت کو جتنی حمایت ملک کے اندر حاصل ہے اتنی باہر بھی حاصل ہے۔

[bs-quote quote=”وزیرِ اعظم نے لوکل باڈیز کمیٹی کو سفارشات کو 48 گھنٹے میں حتمی شکل دینے کی ہدایت دی ہے: فواد چوہدری” style=”style-7″ align=”right” color=”#dd3333″][/bs-quote]

انھوں نے کہا چینی حکام سے سی پیک میں تیسرے فریق کی شمولیت پر گفتگو ہوئی، مغربی میڈیا سی پیک کے حوالے سے منفی پروپیگنڈا کر رہا ہے، رزاق داؤد کے بیان کو توڑ مروڑ کر پیش کیا گیا۔ پاکستان اپنے مفاد کے لیے تمام ممالک سے تعلقات میں توازن برقرار رکھے گا، معاشی سرگرمیوں کے فروغ سے روزگار کے مواقع بڑھیں گے۔

فواد چوہدری نے کہا کہ بھارت کو واضح کر دیا ہے کہ وہ ایک قدم آگے آئے گا تو ہم دو قدم بڑھائیں گے، بھارت میں ہندو انتہا پسندی پر ہمیں تشویش ہے، کشمیری عوام کی پاکستان کے ساتھ جذباتی وابستگی ہے۔

اسلام آباد: وفاقی وزیرِ اطلاعات فواد چوہدری نے ن لیگ کے رہنماؤں کی پریس کانفرنس پر ردِ عمل دیتے ہوئے شہباز شریف کے انتقامی کارروائیوں کے الزام کو حیران کن قرار دے دیا۔

فواد چوہدری نے میڈیا سے گفتگو کرتے ہوئے ن لیگی رہنماؤں کو یاد دلایا کہ نواز شریف اور مریم نواز مسلم لیگ (ن) ہی کی حکومت میں جیل گئے، شہباز شریف کا انتقامی کارروائیوں کا الزام حیران کن ہے۔

وفاقی وزیرِ اطلاعات نے کہا کہ تاریخ میں اتنے کم وقت میں کسی نے اتنا پیسا نہیں بنایا، پیسوں کے حساب سے یہ سزا اور پیشیاں انتہائی کم ہیں۔

فواد چوہدری نے دھاندلی کے الزامات کے جواب میں کہا ’اپوزیشن آج تک نہیں بتا سکی کہ دھاندلی کہاں ہوئی ہے، اپوزیشن کو یہ بھی نہیں پتا کہ پولنگ ایجنٹس کو کہاں سے نکالا گیا۔‘

سی پیک سے متعلق ان کا کہنا تھا کہ پی ٹی آئی حکومت سی پیک منصوبے کو آگے بڑھائے گی، سی پیک کے حوالے سے جو وعدے کیے گئے وہ پورے کیے جائیں گے۔

یہ بھی پڑھیں:  دھاندلی کے خلاف تحقیقاتی کمیشن بننے تک کوئی کام نہیں کرنے دیں گے: شہباز شریف

واضح رہے کہ شہباز شریف نے ن لیگی رہنماؤں کے ساتھ پریس کانفرنس کرتے ہوئے کہا تھا کہ الیکشن میں دھاندلی کی تحقیقات کے لیے کمیشن بنایا جائے، کمیشن کے قیام تک ہم کسی کارروائی کو آگے نہیں بڑھنے دیں گے۔

ان کا کہنا تھا ’ہم نے 3 روپے فی یونٹ بجلی کی قیمت کم کی تھی، حکومت نے 5 روپے فی یونٹ بجلی کی قیمت میں اضافہ کیا اور حکومت نے گیس کی قیمت میں بھی 40 فیصد اضافہ کردیا ہے۔‘