اسلام آباد: وفاقی وزیراطلاعات پرویز رشید کہتے ہیں دھرنا منتخب حکومت کے خلاف سازش تھی۔
وفاقی وزیراطلاعات پرویز رشید نے کہا کہ ٹیپ نےدھرنےکی اصل حقیقت بے نقاب کردی، ٹیپ نے جاوید ہاشمی کے الزامات سچ ثابت کردئیے۔
پرویز رشید نے کہا کہ تحریک انصاف چوردروازےسےاقتدارحاصل کرناچاہتی ہے،پی ٹی وی پر حملے کے حوالے سے پی ٹی آئی کا نام شامل کرناچاہئے۔
ان کا کہنا تھا کہ وزیراعظم کےخلاف نازیبازبان کے استعمال پر ایکشن ہونا چاہئے۔
اسلام آباد: وفاقی وزیر اطلاعات و نشریات پرویز رشید کا کہنا ہے کہ آپریشن کے بعد کراچی کے امن میں بہتری آئی ہے ۔
میڈیا سے گفتگو میں وفاقی وزیر پرویز رشید نے کہا کہ گولی اور گالی کی سیاست ختم کریں گے۔
ان کا کہنا تھا کہ مجرم کا تعلق کسی بھی سیاسی جماعت سے ہو،مجرم ہی ہے، سیاسی بنیادوں پر بری الذمہ نہیں کیا جائے گا۔
پرویز رشید کا کہنا تھا کہ سیاست کی آڑ میں جرم کرنے کی اجازت نہیں دی جائے گی۔
انہوں نے کہا کہ کراچی میں رینجرز کا آپریشن جمہوری حکومت کے فیصلوں کے مطابق ہورہا ہے ۔
وفاقی وزیر پرویز رشید نےبتایا کہ کراچی آپریشن کے کپتان وزیراعلیٰ سندھ ہیں۔
اسلام آباد: حکومتی وزیرنےکپتان کوچیلنج کردیا کہتےہیں اس شخص کانام بتائیں جس نےسینٹ ٹکٹ کےلیےپندرہ کروڑکی بات کی، پرویزرشید نےکہا ورنہ وہ بتائیں گےپندرہ کروڑسےزیادہ کس نےکس کودیے۔
عمران خان نے کہا ہے سینیٹ کے ٹکٹ کی بولی پندرہ کروڑ تک جا پہنچی ہے، وفاقی وزیر اطلاعات پرویز رشید نے نام پوچھ لیا۔
اسلام آباد میں میڈیا سے بات کرتے ہوئے وفاقی وزیر اطلاعات و نشریات کا کہنا تھا کہ عمران خان کسی ثبوت کے بغیر ہی نام لے کر لوگوں پر بہتان لگاتے ہیں لیکن پہلی مرتبہ ان کے ہاتھ ایک گواہی آئی ہے کہ کسی نے ان کو سینیٹ کی ٹکٹ کے لئے 15 کروڑ روپے دینے کی پیشکش کی۔
انہوں نے یہ بات کہہ کر قوم کے سامنے ہر شخص کو مشکوک بنادیا ہے، اس لئے عمران خان اخلاقی جرات کا مظاہرہ کرتے ہوئے اس شخص کا نام لیں جس نے انہیں یہ پیشکش کی، دوسری صورت میں وہ اس شخص کا نام لیں گے جسے تحریک انصاف نے 15 کروڑ سے زیادہ رقم لےکر ٹکٹ دیا۔
تحریک انصاف کےرہنماعمران اسمعیل پرویزرشید کےالزام پرچراغ پاہوگئے، انہوں نے کہا کہ پرویز رشید کا معاملہ چور مچائے شور والا ہے۔
سینٹ الیکشن میں دوروزرہ گئےاورہارس ٹریڈنگ کےالزام زوروں پرہیں،آئینی ترمیم کےمعاملےپرحکومت اورپی ٹی آئی قریب آرہےتھے لیکن الزام تراشی نےدوریاں پھربڑھادیں۔
اسلام آباد: وفاقی وزیر اطلاعات پرویز رشید کا کہنا ہے عمران خان کو جہاں شکست نظرآتی ہے وہاں دھاندلی کا راگ الاپنے لگتے ہیں۔
اپنے ایک بیان میں پرویز رشید کا کہنا تھا عمران خان اپنے طالبان بھائیوں کی طرح قانون کے فیصلے نہیں مانتے، وہ جب چاہتے ہیں اپنی عدالت لگاگر بیٹھ جاتے ہیں۔
پرویز رشید کا کہنا تھا کہ عمران خان کےاصرارپرجوحلقہ بھی کھلاوہاں ان کی سخت سبکی ہوئی اب انہیں تسلیم کرلینا چاہیئے کہ انہیں عوام نے منتخب نہیں کیا۔
پرویز رشید کا کہنا تھا عمران خان پرانی باتیں بھلاکر دہشتگردی کےخلاف جنگ میں اپناکرداراداکریں۔
اسلام آباد: وزیراطلاعات پرویز رشید کہتے ہیں بھارت نے کشمیریوں سے وعدہ خلافی کی سلامتی کونسل کارکن نہیں بن سکتا۔
اسلام آباد میں کشمیریکجہتی کے موقع پر وزیراطلاعات پرویزرشید نےسیمینارسےخطاب میں کہا کہ بھارت نے کشمیریوں کوحق خودارادیت دینےکاوعدہ کیاتھا،اس نے وعدہ خلافی کی اس لیےسلامتی کونسل کامستقل رکن نہیں بن سکتا۔
پرویز رشید نے کہا کہ بھارت کشمیریوں سےوعدےپورےکرے،بھارت کو ہمسایہ ممالک سے تعلقات بہتر کرناہوں گے،امن کےلئے کشمیر کے مسئلے کا حل ضروری ہے کشمیریوں کی آزادی کےلئے پوری قوم متحد ہے۔
سیمینارسےخطاب میں جےیوآئی ف کےسربراہ مولانافضل الرحمان کاکہنا تھا کہ آئرلینڈمیں آزادی کےلیےریفرنڈم ہوسکتا ہے تومقبوضہ کشمیر میں کیوں نہیں ہوسکتا دوسرےمقررین کابھی یہی کہنا تھا کہ بھارت خواہ کتنےہی مظالم کیوں نہ کرلےاسے ایک نہ ایک دن مظلوم کشمیریوں کاحق دینا پڑے گا۔
بعد ازاں اسلام آباد میں نیوز کانفرنس سے خطاب کرتے ہوئے وفاقی وزیر اطلاعات و نشریات پرویز رشید نے کہا ہے کہ حکومت عوام دوست پالیسیوں پر یقین رکھتی ہے 2015 دہشت گردی کے خاتمے اور بڑے ترقیاتی منصوبوں کے آغاز کا سال ہے بحرانوں اور مسائل کے باوجود اقتصادی اشاریوں میں بہتری آئی ہے،دہشت گردی کے خاتمے کیلئے مثبت پیشرفت ہورہی ہے دہشت گردوں کو ان کے منطقی انجام تک پہنچائیں گے۔
وزیر اطلاعات کا کہنا تھا کہ دہشتگردی کے باوجود غیر ملکی سرمایہ کاری میں اضافہ ہوا ہے۔جی ڈی پی کی شرح میں ہدف سے زیادہ اضافہ متوقع ہے۔ انہوں نے کہا کہ پٹرولیم مصنوعات میں کمی کا فائدہ عوام تک پہنچ گیا۔عالمی مالیاتی اداروں کا اعتماد پاکستان پر بڑھا ہے۔
پرویز رشید کا کہنا تھا کہ معاشی مشکلات کے باوجود خطے میں پٹرول کی قیمت سب سے کم ہے۔رواں سال گیس کی قلت کا ہمیشہ کیلئے خاتمہ ہوجائے گا۔عوامی اعتماد کے باعث جمہوریت کے خلاف سازشیں ناکام ہوئی۔اب پٹرولیم مصنوعاعت سے صرف28ارب روپے حاصل ہوگا۔پہلے تیل سے قومی خزانے کو 88ارب روپے حاصل ہوتے تھے۔
اسلام آباد: پرویزرشید نے کہا ہے کہ وزیراعظم سمیت کسی لیگی کےپاس گمنام ملکیت نہیں ہے عمران خان بات کرنےسےپہلے اپناگریباں جھانکیں لیں۔
اسلام آباد میں پریس کانفرنس کرتے ہوئے پرویز رشید کا کہنا تھا کہ عمران خان اس انصاف کو مانتے ہیں جو چیئرمین تحریک انصاف کا ہوتا ہے اور وہ ایسے الزامات دہراتے رہیں گے جنہیں دنیا کی کوئی عدالت نہیں مانتی جب کہ جو فیصلہ ان کے حق میں آجائے اس پر خوشی مناتے ہیں اور جو حق میں نہ ہو اس کے خلاف عدالت پہنچ جاتےہیں۔
انہوں نے کہا کہ عمران خان 4 حلقے کھولنے کی بات کرتے تھے اور چاروں حلقے ٹریبونل میں کھل چکے ہیں لیکن 8 ماہ تک وہ عدالت میں پیش نہیں ہوئے تاہم جس ٹریبونل رپورٹ پر انہوں نے خوشی کا اظہار کیا اب اسی کے خلاف بھی درخواست دے دی ہے۔
ان کا کہنا تھا کہ عمران خان نے رمضان شوگر ملز کے بارے میں حقائق کے منافی باتیں کیں۔ عمران خان کو عوام کی سہولت کیلئے بنائی گئی ہر چیز پر اعتراض ہے۔ عمران خان کی سیاست یہ ہے کہ سڑک، کالج یا ہسپتال بنے تو اس پر اعتراض شروع کر دو۔ عمران خان عوام کی سہولت کیلئے بننے والے پلوں پر بھی اعتراض کرتے ہیں، انہوں نے بتایا کہ چنیوٹ میں پل نہ ہونے سے عوام کو مشکلات کا سامنا تھا۔
اسلام آباد: وفاقی وزیر اطلاعات پرویز رشید کہتے ہیں پاکستان صحافیوں کے لیے خطرناک ترین ملکوں کی فہرست میں شامل ہے، حکومت کارکن صحافیوں اور میڈیاہاوسزکوتحفظ فراہم کرنے کیلئےاقدامات کر رہی ہے۔
اسلام آباد میں میڈیا ہاؤسزکی سیکیورٹی سے متعلق بنائی گئی کمیٹی کی میٹنگ میں وفاقی وزیر پرویز رشید کا کہنا تھا دہشت گردی سے متعلق واقعات کو ابھارانہ جائے ، میڈیا دہشت گردوں کو عدالت میں پیش کیے جانے کی کوریج نہ کرے۔
ان کا کہنا تھا میڈیا جمہوریت اورریاست کی مضبوطی میں اپنا کردارادا کرے، پرویز رشیدکا کہنا تھا دہشت گردوں کی جانب سے میڈیا ہاؤسز اورصحافیوں پر حملے آزادی صحافت کیخلاف ہیں ۔
وفاقی وزیر اطلاعات پرویز رشید نے کہا ہے حکومت کی اولین ترجیح ہے کہ وہ صحافیوں کی حفاظت اورمیڈیا کی آزادی کیلئے تمام ترکوششیں کرے،
اسلام آباد: پرویزرشید کا کہنا ہےکہ عمران خان کے مطالبے پرچار حلقےکھول دیئے تاہم ہربارعمران خان کوہی خفت کا سامنا کرنا پڑا۔
وفاقی وزیراطلاعات ونشریات پرویزرشید کا کہنا تھا ک دھرنے سے دھرنا کنونشن کاسفرجھوٹ کی شکست ہے۔
انہوں نے کہا کہ عمران خان بتائیں کہ دہشت گردی کے خلاف جنگ میں خیبر پختونخواکی حکومت نےاب تک کیا کارکردگی دکھائی ہے۔
وفاقی وزیرکا کہنا تھا کہ یہ وقت جھوٹ اور سیاست کانہیں بلکہ دہشت گردی کےخلاف کچھ کردکھانے کاہے۔
ان کا کہنا تھاکہ عمران خان کے مطالبے پر چار حلقے کھولے لیکن ہربار عمران خان کو خفت کا سامنا کرنا پڑا۔
اسلام آباد: وزیراطلاعت و نشریات پرویز رشید نے کہا ہے کہ عمران خان فاسٹ باؤلر سے اب سپن ماسٹر بن چکے ہیں۔
عمران خان کی پریس کانفرنس پر ردعمل دیتے ہوئے پرویز رشید نے کہا کہ عمران خان عدالتی فیصلوں پر اثر انداز ہونے کیلئے دباؤ کا پروپیگنڈا کررہے ہیں ،،،اور وہ من مرضی کے فیصلے چاہتے ہیں۔
پرویز رشید نے کہا کہ عمران خان ٹریبونل کی سماعت کو کنٹرول کرنا چاہتے ہیں اور دباؤ کیلئے میڈیا ٹرائل کی مہم شروع کر رکھی ہے۔
انھوں نے کہاکہ وہ عمران خان سے اپیل کرتے ہیں سچ بولنا شروع کریں ،،عمران خان بتائیں کہ جہانگیر ترین دوبارہ گنتی میں بھی الیکشن ہار چکے ہیں جبکہ ایاز صادق بھی دوبارہ گنی میں عمران خان سے جیت چکے ہیں۔
حکومت کو اس وقت دہشت گردی اور توانائی کے مسائل کا سامنا ہے اس لیئے عمران خان حکومت کو پانچ سال پورے کرنے دیں اور ترقی کی راہ میں رکاوٹ نہ بنیں۔
اسلام آباد: پرویز رشید نے کہا ہے کہ جب بھی دہشت گرد وں کیخلاف کو ئی کا رروائی کیجا تی ہے عمران خا ن دہشت گردوں کے اسٹریجک پا رٹنر بن کر سامنے آجا تے ہیں۔
اسلام آباد میں میڈیا سے گفتگو میں وفاقی وزیر اطاعات پرویز رشید نے پاکستان تحریک انصاف کے چیئرمین عمران خان کو چیلنج دیتے ہوئے کہا کہ اگرکمیشن کی رپورٹ میں کہیں لفظ بوگس لکھاہوتومیں خوداسپیکرایازصادق سےاستعفیٰ لوں گا۔
ان کا کہنا ہے کہ عمران خان پہلے سے زیادہ اکثریتی ووٹ سے الیکشن ہارے، ایاز صادق کیلئے نکلے بیلٹ پیپرز کا فرانزک ٹیسٹ کروانے کو بھی تیار ہیں، بیلٹ پیپرز سرکاری نہ نکلے تو عمران کی جیت تسلیم کرونگا، میں خود اپنے ہاتھ سے آپ کے گلے میں ہار ڈالوں گا۔
وزیر اطلاعات نے مزید کہا کہ عمران خان آئیں جوڈیشل کمیشن کے پاس چلتے ہیں، تحریک انصاف خود جوڈیشل کمیشن نہیں بنوانا چاہتی، جہانگیر ترین کے حلقے میں تھیلے کھلے، 400 ووٹ مزید کم ہوئے، تم جتنے تھیلے کھولو گے ہر تھیلے سے شیر نکلے گا، ہمارا کیا قصور جہانگیر ترین نے 2 کروڑ کا وکیل لیا، صدیق بلوچ 2 لاکھ کا وکیل کرکے انتخابات جیت گئے، سعد رفیق کے حلقے میں سماعت کی تاریخییں حامد خان آگے لے جاتے ہیں۔
پرویز رشید نے تحریک انصاف کو دہشتگردوں کا اسٹرٹیجک پارٹنر قرار دیتے ہوئے کہا کہ آپریشن ضرب عضب شروع ہوا تو عمران خان نے دھرنا شروع کردیا، آج تخریب کاروں کو انجام تک پہنچانے کیلئے ملٹری کورٹس بنیں تو نیا مسئلہ لے آئے، تحریک انصاف کبھی کہتی تھی دہشتگردی کیخلاف جنگ ہماری نہیں، خان صاحب اور دہشتگردوں کی پسندیدہ تاریخ ایک کیوں ہوتی ہے، خان صاحب 16 دسمبر کو پاکستان بند کرانا چاہتے تھے، دہشت گردوں نے اسی روز اسکول پر حملہ کیا۔