اسلام آباد: وزیر اطلاعات پرویز رشید نے کہا کہ جہانگیر ترین نے ان کے الزامات کا جواب نہیں دیا۔
انہوں نے اپنے بیان میں کہا کہ جہانگیر ترین بتائیں کے جے ڈبلیو ڈی شوگر ملز کی اڈٹ رپورٹ وی ائی پی اخراجات سے متعلق کیوں خاموش ہے انہوں نے کہا کہ کیا عمران خان اور پرویز رشید نے ٹیکس ریٹنز میں وی ائی پی اخراجات کا ذکر کیا انہوں نے کہا کہ کیا جے ڈبلیو بورڈ کی جانب سے ان اخراجات کی منطوری دی گئی وہ ان جوابات کے ابھی تک منتظر ہیں۔
اسلام آباد: وزیر اطلاعات و نشریات پرویز رشید نے الزام عائد کیاہے کہ عمران خان غیر قانونی طور پر ایک پبلک لمیٹڈ کمپنی کے طیارے کو استعمال کر کے چوری کی رقم سے جلسوں میں شرکت کرتے ہیں ۔
میڈیا سے پریس کانفرنس کرتے ہوئے پرویز رشید نے کہا کہ یہ طیارہ جے ڈی ڈبلیو شوگر ملز کا ہے جس میں پی ٹی آئی کے سیکرٹری جزل جہانگیر ترین کے صرف 29 اعشاریہ 76 فیصد حصص ہیں جبکہ 70 اعشاریہ 24فیصد حصص دیگر لوگوں کے ہیں اور عمران خان یہ جہاز اپنی ملکیت سمجھ کر استعمال کرتے ہیں یہ عمل غیر قانونی اور جرم ہے اس پر کمپنی کے ڈائریکٹر کو سزاہو سکتی ہے۔
وزیر اطلاعا ت نے کہا کہ کمپنی کی آڈٹ رپورٹ میں بھی جہاز کے اخراجات کا ذکر نہیں، ان کا کہنا تھا کہ آج پی آئی اے کی پرواز میسر تھی لیکن عمران خان گوجرانولہ جلسہ میں حصوصی طیارے میں گئے،انہوں نے عمران خان کو چیلنج کیا اورکہا کہ وہ جواب دیں کہ اپنی سیاسی مہم پر وہ عوام کی رقم کیوں خرچ کرتے ہیں۔
پرویز رشید نے کہا کہ عمران حان کے وی آئی پی پووٹوکول پر کروڑوں روپے خرچ کئے جاتے ہیں اور وہ چند روز میں عمران خان کی بڑی بڑی چوریاں بے نقاب کریں گے،انہوں نے کہا کہ عمران خان کو روز ایک سفیر کو وضاخت پیش کرنی پڑتی ہیں،گزشتہ زوز انہوں نے امریکی سفیر جبکہ آج چین کے سفیر کے آگے وضاحتیں پیش کر تے رہے۔
اسلام آباد: وفاقی وزیر اطلاعات کا کہنا ہے کہ لندن پلان نواز اور زرداری نے نہیں بلکہ عمران اور قادری نے بنایا تھا۔
وفاقی وزیر اطلاعات پرویز رشید نے تحریک انصاف کے چیئرمین عمران خان کو شدید تنقید کا نشانہ بناتے ہوئے کہا کہ حکومت اپنے پانچ سال پورے کرے گی اور عمران خان روتے رہیں گے،وزیر اطلاعات کا کہنا تھا کہ عمران خان پاکستان کو تاریک کرکے اپنی سیاست چمکانا چاہتے ہیں، ان کا کہنا تھا کہ لندن پلان نواز شریف اور آصف زرداری نے نہیں بنایا تھا بلکہ عمران اور قادری مل کر یہ پلان ترتیب دیا تھا۔
اسلام آباد: وزیراطلاعات پرویزرشید کہتے ہیں کہ عمران خان اشتہاری ہیں عدالت میں پیش ہوں۔
وفاقی وزیر اطلاعات پرویز رشید کا کہنا ہے عمران خان کاضرب غضب شروع ہوگیا وہ میڈیاکےبجائے عدالت میں اپنامقدمہ لڑیں، انہوں نے کہا کہ تحریک انصاف کے سربراہ اپنے آپ کو دہشت گردی کے کلچر سے بھی دور رکھیں۔
طاہرالقادری کےاشاروں پرچلنےوالےآج قانون کےخوف سے پرانا تعلق توڑرہےہیں، جبکہ مسلم لیگ ن پر دھرنوں کی ناکامی کا الزام دھرنا ناکامی چھپانے کے مترادف ہے، پرویز رشید نےچیف الیکشن کمشنر کی تقرری کے بارے میں کہاکہ اس معاملے پرخورشیدشاہ کی واپسی کےبعد بات ہوگی۔
اسلام آباد: وزیر اطلاعات پرویز رشید کے چیف الیکشن کمشنر کے تقرر پر سیاسی رہنمائوں سے رابطے، ایم کیو ایم نے ناصر اسلم زاہد اور رانا بھگوان داس سمیت چار نام دے دئے۔
وفاقی وزیر اطلاعات پرویز رشید کے سیاسی جماعتوں سے رابطوں کے بعد ایم کیو ایم انےجسٹس ناصر اسلم زاہد، جسٹس رانا بھگوان داس ،جسٹس غوث محمد، اورجسٹس تصدق حسین جیلانی کے نام وفاقی حکومت کو پیش کرنے کا فیصلہ کیا ہے، ایم کیو ایم کے قائد الطاف حسین نے فیصلے کی توثیق کر دی ہے۔
اس سے قبل ملک میں چیف الیکشن کمشنر کے تقرر پر سیاسی جماعتوں کی سرگرمیوں کے بعد وزیر اعظم نواز شریف نے بھی پرویز رشید کو اپوزیشن سیاسی رہنمائوں سے رابطوں کا ٹاسک دے دیا، پرویز رشید نے حکم ملتے ہی ٹیلیفون کھڑکھڑانے شروع کر دئے اور جماعت اسلامی کے امیر سراج الحق، جے یو آئی فے کے امیر مولانا فضل الرحمن،حاصل بزنجو اورقومی وطن پارٹی کے سربراہ آفتاب شیر پاؤا ور متحدہ قومی موومنٹ کے رہنما بابر خان غوری اور اے این پی کے حاجی عدیل سے رابطہ کیا اور انہیں چیف الیکشن کمشنر کے تقرر پر بریفنگ دی۔ بعض رہنمائوں نےماضی میں انتخابی دھاندلی کے حوالے سے شکوہ بھی کیا۔
اسلام آباد: عمران خان اور ڈاکٹر طاہرالقادری کی جانب سے انتخابی دھاندلیوں کے الزامات کے جواب میں حکومت نے حقائق نامہ جاری کر دیا ہے۔
وفاقی وزیر برائے اطلاعات و نشریا ت پرویز رشید ، وزیر خزانہ اسحاق ڈار ، وزیر مملکت برائے آئی ٹی انوشہ رحمان نے مشترکہ پریس کانفرنس میں بیالیس صفحات پر مشتمل حقائق نامہ کی تفصیلات پیش کرتے ہوئے کہا کہ عالمی سازش کے تحت2015 تک ملک کو کمزور کرنے کیلئے دو لوگوں کو تلاش کیا گیا،ان کاکہناتھاکہ منصوبہ بندی کے تحت دھاندلی کی سازش کے الزامات پر انہیں تحفظات ہیں اور عمران خان کی طر ف سے لگائے گئے الزامات کسی بھی قومی اوربین الاقوامی مبصرین کی رپورٹ میں شامل نہیں۔
پرویز رشید نے عمران خان کو بہتان خان کے نام سے منصوب کرتے ہوئے کہاکہ تیس دنوں میں انھوں نے ایک سو بیس تقاریر کیں اور جھوٹ کا سہار ا لیتے ہوئے انتخابی نظام کو ناکام بنانے کی کوشش کی دوسری جانب ایک شخص کنٹینر پر کھڑے ہو کر قرآن و حدیث کے حوالے دیکر غیبت اور بہتان ترازی کرتے ہیں۔
ان کاکہناتھاکہ عمران خان پارلیمنٹ سے بھاگے ہیں انہوں نے غلط بیانی سے کام لیتے ہوئے کہاکہ دھاندلی سے متعلق رپورٹ الیکشن کمشین کی ہے، پرویز رشید نے چیلنج کیا کہ عمران خان اپنا پینل بیٹھائیں اور مبصرین کی رپورٹ کی ایک ایک سطر پیش کریں گےاور وہ ثابت کریں کہ ان کے الزامات رپورٹ کا حصہ ہیں ۔
اس موقع پر اسحاق ڈار نے کہا کہ عمران خان تمام پارلیمنٹ ختم کرنا چاہتے ہیں جبکہ عام انتخابات کے بعد چند درجن لوگوں نے ٹرائیبونل سے رابطہ کیا، انہوں نے کہاکہ 55 حلقوں میں پی ٹی آئی کی انتخابی ضمانتیں ضبط ہوئیں جبکہ دس حلقوں میں انھوں نے امیدوار کھڑے نہیں کیئے ۔ پی ٹی آئی کی صرف تیس انتخابی عزرداریاں تھیں پنجاب میں 15 ، انتخابی مقدمات میں مسلم لیگ نواز کے حوالے سے صرف دو نشستیں تھیں، انہوں نے کہاکہ پی ٹی آئی کی انتخابات میں ہارنے کی اصل وجہ پارٹی کی اندرونی کمزوریاں تھیں، ان کاکہناتھاکہ دھرنوں کی وجہ سے معیشت کو ناقابل تلافی نقصان پہنچ رہا ہے اب تک 2.4 ارب ڈالر کا نقصان ہو چکا ہے،اسحاق ڈار نے کہاکہ کپتان جی جانے دو معیشت کو بڑھانے دو۔
انوشہ رحمان نے کہاکہ پی ٹی آئی کے چودہ میں سے بارہ مطالبات پر معاملات طے ہو چکے تھے تمام بڑی مبصر ٹیموں نے عام انتخابات کی تعریب کی اور ماضی میں ہونے والے انتخابات کے معاملے میں ان انتخابات کو بہتر قرار دیا، ایک سوال کے جواب میں اسحاق ڈار نے کہاکہ سول ملٹری تعلقات بہترین ہیں جبکہ دھرنوں کے قائدین کی ہٹ دھرمی کے باعث مزاکراتی عمل ناکام ہوا۔
اسلام آباد: پرویزرشید کا کہنا ہے کہ عمران خان جمہوریت کو ڈی ریل کرنے کے منصوبے بنارہے ہیں اور ان کا کراچی کا جلسہ ایم کیو ایم کے ساتھ مک مکا ہے۔
وفاقی وزیراطلاعلات پرویزرشید کا کہنا تھا کہ عمران خان دنیا کو یہ تاثر دے رہے ہیں کہ پاکستان میں لاقانونیت ہے۔ جس سے دوست ممالک کےسربراہ بھی پاکستان میں آنےسے ہچکچا رہے ہیں، وہ خود بجلی کے بل کو نذر آتش کرتے،ٹیکس نہیں دیتے لیکن قانون کا پرچار کرتے ہیں۔
ان کا کہنا تھا کہ عمران خان کا دھرنا آپریشن ضرب عضب اور سیلاب متاثرین سے توجہ ہٹانے کی سازش ہے، خیبرپختوانخوا میں انقلاب تو نہ لا سکے نیا پاکستان کیسے بنائیں گے، انہوں کہا کہ عمران خان ملک میں صرف انتشار کی سیاست کو فروغ دے رہے ہیں اور ان کا کراچی کا جلسہ ایم کیو ایم کے ساتھ مک مکا ہے۔
اسلام آباد: مسلم لیگ ن کے رہنما پرویز رشیدکا کہنا ہے کہ لانگ مارچ ہائیکورٹ کے فیصلے کی خلاف ورزی ہے، سعد رفیق کہتے ہیں دونوں کے مطالبات سیاسی برادری کے سامنے رکھے جائیں گے۔
وفاقی وزیراطلاعات پرویز رشید نے کہا ہے لانگ مارچ ہائی کورٹ کے فیصلے کی خلاف ورزی ہے، عمران خان کا لانگ مارچ غیر آئینی مطالبات کےلئے ہے، ایسا ہی کچھ کہنا تھا وفاقی وزیر ریلوے سعد رفیق کا اے آروائی کی خصوصی ٹرانسمیشن میں گفتگو کرتے ہوئے ان کا کہنا تھا کہ عدالت نے عمران خان اور طاہرالقادری کو مارچ کی اجازت نہیں دی۔
سعد رفیق کا کہنا تھا قادری اور عمران خان کے مطالبات سیاسی برادری کے سامنے رکھے جائیں گے، خواجہ سعد رفیق کا کہنا تھا کہ ماورائے آئین کوئی بھی مطالبہ قبول نہیں کیا جائے۔
لاہور : وزیراطلاعات پرویز رشید نےآئی ایس آئی کےسابق سربراہ پر طنز کرتے ہوئے کہا اسپائی ماسٹر عمران خان کی تربیت کررہے ہیں۔
لاہور میں پریس کانفرنس سے خطاب کرتے ہوئے وزیر اطلاعات پرویز رشید نے سابق آئی ایس آئی سربراہ جنرل احمد شجاع پاشا پر طنز کرتے ہوئے کہا کہ سابق اسپائی ماسٹر خان صاحب کی تربیت کررہے ہیں، مسلم لیگ ن کے رہنما احسن اقبال کا کہنا تھا کہ کے پی کے کی حکومت کو ناکام کرنے کی ذمہ داری عمران خان پر ہے ،احسن اقبال کا کہنا تھا کہ عمران خان اپنی ذاتی خواہشات پر پاکستان کو آگ میں جھونکنے پر تیار ہیں ۔
اسلام آباد : وزیراطلاعات پرویزرشیدکاکہناہے عمران خان دہشت گردوں کے خلاف جنگ میں حصہ لیں،پاکستان کے مستقبل کی جنگ وزیرستان میں لڑی جارہی ہے۔
وفاقی وزیر اطلاعات نے عمران خان کو مخاطب کرتے ہوئے کہا کہ پی ٹی آئی چیئرمین دہشتگردی کیخلاف جنگ پر توجہ دیں اور طالبان کی دہشت گردی کے خلاف جہاد میں حصہ لیں اُن کا کہناتھا کہ وزیرستان میں پاکستان کے مستقبل کی جنگ لڑی جارہی ہے۔