Tag: وفاقی وزیر برائے ہوا بازی

اسلام آباد: وفاقی وزیر برائے ہوا بازی غلام سرور خان کا کہنا ہے کہ ماضی کی حکومتیں 35 سال میں جو نہ کرسکیں وہ ہم 35 ماہ میں کر رہے ہیں۔

تفصیلات کے مطابق وفاقی وزیر برائے ہوا بازی غلام سرور خان نے پریس کانفرنس کے دوران کہا کہ راولپنڈی کے 2 بڑے میگا پراجیکٹس ہیں،کوشش ہوگی اسی مالی سال میں یہ پراجیکٹس آن گراؤنڈ ہوں گے۔

وفاقی وزیر کا کہنا تھا کہ لئی ایکسپریس اور رنگ روڈ دونوں شہروں کے لیے بڑے پراجیکٹ ہیں،دونوں پراجیکٹس100 ارب سےزائد کے ہیں۔

غلام سرور خان کا کہنا تھا کہ ماضی کی حکومتیں 35 سال میں جو نہ کرسکیں وہ ہم 35 ماہ میں کر رہے ہیں۔

یاد رہے کہ رواں ماہ فروری کو وفاقی وزیر برائے ہوا بازی غلام سرور خان کا کہنا تھا کہ راولپنڈی رنگ روڈ منصوبے پر اسی سال کام کا آغاز کر دیا جائے گا، اس منصوبے کی تکمیل سے جڑواں شہروں میں ٹریفک دباؤ میں نمایاں کمی ہوگی۔

وفاقی وزیر کا کہنا تھا کہ راولپنڈی کی نو یونین کونسلوں کو چہان ڈیم سے پینے کا صاف پانی فراہم کیا جائے گا اور چراہ ڈیم، پاپین ڈیم،کہوٹہ اور ددوچھہ ڈیم جلد تعمیر کیے جائیں گے۔

لاہور: وفاقی وزیر برائے ہوا بازی غلام سرور خان کا کہنا ہے کہ عوام نے چوہدری نثار کو ٹھکرا دیا،اب ان کے آرام کا وقت ہے۔

تفصیلات کے مطابق لاہور میں میڈیا سے گفتگو کرتے ہوئے وفاقی وزیربرائے ہوا بازی غلام سرور خان نے کہا کہ تمام ائیر پورٹس پر اسکرینگ کی سہولیات فراہم کر دی گئیں۔

غلام سرور خان کا کہنا تھا کہ جس مریض میں علامت ہے اس کو چیک کیا جاتا ہے صورت حال قابو میں ہے، ملتان میں جو مریض رپورٹ ہوئے ان کی تحقیق جاری ہے۔

وفاقی وزیر کے مطابق ایوی ایشن پالیسی کے مطابق نئی ائیر لائنز آنا چاہ رہی ہیں، گلف، آذربائیجان سمیت لفتھنزا ائیر لائن سے بات چیت جاری ہے، ہم نے اپنی ائیر لائن کو بحال کرنا ہے اسی سال 5 جہاز آ رہے ہیں۔

غلام سرور خان کا کہنا تھا کہ نہ چوہدری نثار آ رہے ہیں نہ میں کہیں جا رہا ہوں، عوام نے انہیں ٹھکرا دیا ہے اب ان کے آرام کا وقت ہے وہ آرام کریں۔

انہوں نے کہا کہ حکومت نہیں جا رہی یہ سیاسی بیان نہیں اتحادی ہمیں چھوڑ کر نہیں جا رہا ہے، یہ سال 2019 سے بہتر سال ہوگا،سیاسی ومعاشی بہتری آئے گی۔

وفاقی وزیر کا مزید کہنا تھا کہ ہماری پارٹی میں یہ روایت موجود ہے کھل کر ہر ایشو پر بات کی جاتی ہے، ٹرانسپیرنسی انٹرنیشنل کی رپورٹ کو پڑھناچاہئیے تھا، جنہوں نے اعتراض اٹھایا وہ رپورٹ تو پڑھ لیتے۔