Tag: وفاقی وزیر توانائی

اسلام آباد : وفاقی وزیر توانائی اویس لغاری کا کہنا ہے کہ  آئی پی پیز کے ساتھ معاہدوں کو یکطرفہ ختم یا تبدیل نہیں کریں گے تاہم و ماہ میں آئی پی پیز پر قوم اچھی خبر سنے گی۔

تفصیلات کے مطابق وفاقی وزیر توانائی اویس لغاری نے وائس آف امریکا کو انٹرویو‌ میں کہا کہ "آئی پی پیز کی پالیسی مہنگی بجلی کی وجہ نہیں ہے، بجلی کی زیادہ قیمت کسی حکومت یا ماضی کی پالیسیوں کی وجہ سے نہیں ہے بلکہ ملک کی خراب معاشی حالت کا نتیجہ ہے۔

وفاقی وزیر توانائی کا کہنا تھا کہ بجلی کی قیمتوں پر سب سے زیادہ اثر روپے کی قدر میں کمی سے ہوا ہے جس کی وجہ سے صرف 8 روپے فی یونٹ اضافہ ہوا ہے۔

آئی پی پیز کا دفاع کرتے ہوئے انھوں نے کہا کہ آئی پی پیز کے ساتھ معاہدوں کو یکطرفہ ختم یا تبدیل نہیں کریں گے، حکومت آئی پی پیز کو نئی شرائط پر آمادہ کررہی ہے.

وفاقی وزیر نے بتایا کہ باہمی رضامندی سے آئی پی پیز معاہدوں پر نظرثانی کی جارہی ہے ، دو ماہ میں آئی پی پیز پر قوم اچھی خبر سنے گی.

ان کا مزید کہنا تھا کہ آئی پی پیز معاملے پر بینڈ باجا زیادہ نہیں بجا سکتے، جس سے جومعاہدہ کیا ہے اس سے ہٹانہیں جاسکتا.

وزیر توانائی نے کہا کہ ملک میں بجلی کی پیداواری قیمت زیادہ نہیں ہے، بجلی گھروں کا کرایہ فی یونٹ بجلی کو مہنگا بنا رہا ہے، چین کے بجلی کارخانے مقامی کوئلہ پر منتقل ہوں گے.

بانی پی ٹی آئی کے حوالے سے سوال پر ان کا کہنا تھا کہ پاکستان کے آئین میں فوجی عدالت کا کردار دیا گیا ہے، دائرہ کار میں آئے توبانی پی ٹی آئی پر مقدمہ فوجی عدالت میں چلے گا۔

ار

اسلام آباد : وفاقی وزیر توانائی مصدق ملک نے کہا کہ عوام کی سہولت حکومت کی اولین ترجیح ہے ، سحر و افطار میں بجلی اور گیس کی فراہمی یقینی بنائی جائے گی۔

تفصیلات کے مطابق وفاقی وزیر مصدق ملک نےوزارت توانائی کاچارج سنبھال لیا ، سیکرٹری پٹرولیم اوردیگرحکام نے دفتر آمد پر وزیر توانائی کااستقبال کیا۔

وفاقی وزیرتوانائی مصدق ملک نے کہا کہ عوام کی سہولت حکومت کی اولین ترجیح ہے ، سحر و افطار میں بجلی ، گیس کی فراہمی یقینی بنائی جائے گی۔

مصدق ملک کا کہنا تھا کہ گردشی قرضے کے پائیدار حل کیلئےتجاویز پر کام شروع کر دیا ،گیس و معدنیات کے شعبے میں سرمایہ کاری کیلئےسہولت کاری کی جائے گی۔

وفاقی وزیرتوانائی نے مزید کہا کہ مشکل حالات کے باوجود حکومتی پالیسیوں کامحور صرف عوام ہیں۔

اسلام آباد : وفاقی وزیر توانائی انجینئر خرم دستگیر نے کہا ہے کہ چاروں صوبوں میں نگراں حکومت کی موجود گی میں اکتوبر میں الیکشن ہونا ہیں۔

اسلام آباد میں میڈیا سے گفتگو کرتے ہوئے وفاقی وزیر توانائی انجینئر خرم دستگیر نے کہا 2018 کے انتخابات میں بد ترین مداخلت کے ذریعے ن لیگ کو ٹارگٹ کیاگیا، 2018 سینیٹ انتخابات میں ہمارے امیدواروں سے انتخابی نشان بھی چھین لیاگیا الیکشن والے دن بدترین دھاندلی ہوئی آرٹی ایس بٹھایاگیا جس کے بعد عمران دور میں مخالفین کو بدترین انتقام کا نشانہ بنایا گیا۔

خرم دستگیر کا کہنا تھا کہ  چاروں صوبوں میں ایک وقت میں انتخابات کی قرارداد منظور ہوچکی ہے دو صوبوں میں انتخابات کی کوشش مزید انارکی اور انتشارکو جنم دے گی، 2023 کا انتخاب ایسا ہوگا جو ملک کو آگے لیکر جائے گا۔

انہوں نے کہا کہ آئین کہتا ہے چاروں صوبوں کو ساتھ لیکر چلنا ہے، آئین کہتا ہے نئی مردم شماری پھر اسکی بنیاد پر حلقہ بندیاں پھر انتخابات ہوں، موضوع بحث ہےکہ سپریم کورٹ کا فیصلہ 4،3کا ہے، 4 فاضل جج صاحبان کے باقائدہ فیصلے ہمارے پاس موجود ہیں ان 4 فاضل جج صاحبان نے ازخود کے اختیار کو غلط قرار دیا ہے۔

وفاقی وزیر کا کہنا تھا کہ جج صاحبان نے صرف یہ نہیں کہا کہ فیصلہ 4،3کا تھا، ججز نے قانونی مہارت کیساتھ بہت اہم ریمارکس استعمال کیے، ایک جج صاحب نے یہ بھی کہا ون مین شو فرسودہ ہو چکا بلکہ برائی بھی ہے۔

وفاقی وزیر خرم دستگیر کا کہنا تھا کہ چاروں صوبوں میں نگراں حکومت کی موجود گی میں اکتوبر میں الیکشن ہونا ہیں، پی ڈی ایم کی مخلوط حکومت مرکز میں موجود ہے، 2018 کے انتخابات میں ان جماعتوں کو دوتہائی سے زیادہ ووٹ ملے تھے، آج جو فیصلےکر رہے ہیں وہ عوام کے ووٹوں کی دوتہائی سے زائد طاقت ہے۔

انہوں نے کہا کہ بہت سارے معاملات کی بنیاد 2017 میں رکھی گئی جو آج  تک بھگت رہے ہیں، عدالت اپنے معاملات بھی اسی شفافیت سے چلائے جس طرح دیگر معاملات دیکھتے ہیں، صوابدیدی اختیار مکمل صوابدید نہیں اسے کسی ضابطے میں استعمال ہونا ہے، عدالت سے استدعا ہے چیف جسٹس کے صوابدیدی اختیار اسٹرکچر کے ذریعے استعمال ہوں۔

 خرم دستگیر کا مزید کہنا تھا کہ ججز فل کورٹ میں بیٹھیں پھر اجتماعی دانش سے آئینی بحران پر فیصلہ دیں قبول ہوگا، آئین کی مختلف شق مختلف احکامات اور سب مقدس ہیں، آئین کہتا ہے قومی اسمبلی کی خالی نشستوں پر60  دن میں الیکشن ہوں، جب عدالتیں اسٹے دے کر 6 دن کے حکم کو رد کردیں تو تاخیر کا اطلاق کہیں اور کیوں نہیں۔

خرم دستگیر کا مزید کہنا تھا کہ اکتوبر میں ہم عام انتخابات کی طرف جا رہے ہیں، 2023 کا انتخاب پاکستان کے مستقبل کیلئے بہتر، جمہوری انتخاب ثابت ہوگا، ہم ملک میں ڈسکہ جیسا الیکشن نہیں چاہتے۔

وفاقی وزیر کا مزید کہنا تھا کہ جب ن لیگ کی حکومت گئی تو پاکستان کا قرضہ 30 ہزار ارب  تھا، عمران خان نے پونے 4 سال میں 71 سالوں کا 90 فیصد قرضہ مزید بڑھا دیا جو 57 ارب تک پہنچ گیا ہے، قرضوں کی واپسی کے بوجھ نے ہمارے ہاتھوں کو باندھا ہوا ہے۔