Tag: وفاقی وزیر خارجہ شاہ محمود قریشی

ملتان: وزیر خارجہ شاہ محمود قریشی نے کہا ہے کہ مریم نواز کو منڈی بہاؤ الدین میں جلسے سے نہیں روکا گیا۔

تفصیلات کے مطابق ملتان میں وزیر خارجہ شاہ محمود قریشی نے میڈیا سے گفتگو کرتے ہوئے کہا کہ مریم نواز کو منڈی بہاؤ الدین میں جلسے سے نہیں روکا گیا، انھیں سیکورٹی وجوہ پر جلسے کی جگہ تبدیل کرنے کا کہا گیا۔

شاہ محمود قریشی کا کہنا تھا کہ جس ویڈیو کا ذکر ہو رہا ہے جج صاحب نے اس کی نفی کر دی ہے، تاہم ویڈیو کی فرانزک ہو جائے تو دودھ کا دودھ اور پانی کا پانی ہو جائے گا۔

یہ بھی پڑھیں:  سیکیورٹی خدشات کے باوجود مریم نواز منڈٰی بہاالدین میں جلسہ کرنے پر بضد

وزیر خارجہ نے کہا کہ ن لیگ کی مزید ویڈیوز کی بات مفروضوں پر مشتمل ہے، اس لیے اس پر بات نہیں کروں گا، جج کے بیان کے بعد ویڈیو کی کوئی حیثیت نہیں رہی۔

خیال رہے کہ گزشتہ روز منڈی بہاؤالدین انتظامیہ نے سیکورٹی خدشات پر ن لیگ کو قائد اعظم اسٹیڈیم جلسے کی اجازت دینے سے انکار کر دیا تھا جب کہ مریم نواز نے ہر صورت جلسہ منعقد کرنے کا اعلان کیا تھا۔

یہ بھی پڑھیں:  مریم نواز احتساب عدالت کے جج کی مبینہ ویڈیو سامنے لے آئیں

مریم نواز کی جانب سے جاری کردہ احتساب عدالت کے جج ارشد ملک کی مبینہ ویڈیو میں کہا گیا تھا کہ نواز شریف کے ساتھ زیادتی اور نا انصافی ہوئی۔ یہ مبینہ ویڈیو جج ارشد ملک اور ناصر بٹ نامی شخص کی ہے۔

اسلام آباد: وزیرِ خارجہ شاہ محمود قریشی نے چیئرمین جوائنٹ چیف آف اسٹاف کمیٹی جنرل زبیر محمود حیات سے ملاقات کی۔

تفصیلات کے مطابق وزیرِ خارجہ مخدوم شاہ محمود قریشی کی چیئرمین جوائنٹ چیف آف اسٹاف کمیٹی جنرل زبیر محمود حیات سے جوائنٹ اسٹاف ہیڈ کوارٹرز میں ملاقات ہوئی۔

[bs-quote quote=”ملاقات میں خطے کی مجموعی صورتِ حال اور داخلی سلامتی کے امور پر تبادلۂ خیال کیا گیا۔” style=”style-7″ align=”left” color=”#dd3333″][/bs-quote]

جنرل زبیر محمود حیات نے وزیرِ خارجہ شاہ محمود کا اسٹاف ہیڈ کوارٹر پہنچنے پر استقبال کیا۔

وزیرِ خارجہ نے کہا کہ ملاقات میں خطے کی مجموعی صورتِ حال اور داخلی سلامتی کے امور پر تبادلۂ خیال کیا گیا۔

شاہ محمود قریشی نے جنرل زبیر محمود حیات کو خطے میں قیام امن کے حوالے سے اپنے حالیہ دوروں اور ان کے نتیجے میں سامنے آنے والی پیش رفت سے بھی آگاہ کیا۔

شاہ محمود کا کہنا تھا کہ انھوں نے علاقائی صورتِ حال کے ساتھ ساتھ داخلی سیکورٹی کے معاملات پر بھی گفتگو کی۔

خیال رہے کہ آج اسلام آباد میں پریس کانفرنس کرتے ہوئے شاہ محمود قریشی نے کہا تھا کہ وزیرِ اعظم عمران خان کی کاوشوں سے سعودی عرب کے ساتھ پاکستان کے تعلقات نئے دور میں داخل ہو رہے ہیں۔

یہ بھی پڑھیں:  وزیراعظم کی کاوشوں سے سعودی عرب پاکستان تعلقات نئے دور میں داخل ہو رہے ہیں: وزیر خارجہ

وزیرِ خارجہ نے کہا کہ سعوی عرب نے مشکل وقت میں ہمیشہ پاکستان کی کھل کر امداد کی ، سعودی عرب نے پاکستان کو 3 ارب ڈالر کی خطیر رقم دی، وزیر خارجہ نے کہا کہ سعودی ولی عہد ہفتہ سولہ فروری کو پاکستان آئیں گے۔

اسلام آباد: وفاقی وزیرِ خارجہ شاہ محمود قریشی نے قومی اسمبلی میں اظہارِ خیال کرتے ہوئے کہا کسی سرکاری افسر کو تحفظ نہیں دیا جائے گا، جے آئی ٹی کے مطابق سمجھتے ہیں خلیل کی فیملی کو قتل کیا گیا۔

انھوں نے کہا کہ ماضی میں حکومتیں چیزیں دبانے کی کوشش کرتی تھیں، ہماری حکومت نے ایسا نہیں کیا، کسی سرکاری افسر کو تحفظ دینے کا مقصد تھا نہ ہوگا۔

[bs-quote quote=”پردہ پوشی نہیں چاہتے، میڈیا کو ان کیمرا بریفنگ دینے کو بھی تیار ہیں، حقائق سامنے آئیں گے تو پتا چلے گا کون ذمہ دار ہے۔” style=”style-7″ align=”left” color=”#dd3333″ author_name=”شاہ محمود قریشی” author_job=”وزیرِ خارجہ”][/bs-quote]

شاہ محمود نے کہا کہ وزیرِ اعظم نے کہا جو قصور وار ہے اسے کٹہرے میں کھڑا کر کے سزا دی جائے گی، حکومت کا کسی قصور وار کو تحفظ دینے کا ارادہ تھا نہ ہے۔

وزیرِ خارجہ کا کہنا تھا کہ ساہیوال واقعے کے حقائق ایوان میں رکھیں گے اور ذمہ داروں کو سزا دی جائے گی، جے آئی ٹی نے صرف ذیشان سے متعلق مزید تحقیقات کے لیے وقت مانگا ہے۔

ان کا کہنا تھا کہ پردہ پوشی نہیں چاہتے، میڈیا کو ان کیمرا بریفنگ دینے کو بھی تیار ہیں، حقائق سامنے آئیں گے تو پتا چلے گا کون ذمہ دار ہے، اور ان کے خلاف کیا کارروائی ہونی چاہیے۔

انھوں نے کہا کہ ساہیوال واقعے کا مقدمہ انسدادِ دہشت گردی کورٹ میں چلایا جائے گا، ایف آئی آر اور انویسٹی گیشن کے نتیجے میں افسران کے خلاف کارروائی کی گئی، حکومت نے اختیارات سے تجاوز کرنے والےافسران کو تحفظ نہیں دیا۔

یہ بھی پڑھیں:  سانحہ ساہیوال: شہباز شریف کا وزیراعظم اور وزیراعلیٰ سے استعفیٰ کا مطالبہ

شاہ محمود نے کہا کہ ساہیوال واقعے پر 2 دن سے ایوان میں بحث ہو رہی ہے، وزیرِ اعلیٰ پنجاب منتخب نمائندے ہیں، ان کے بارے میں اپوزیشن لیڈر شہباز شریف کے الفاظ مناسب نہیں، منتخب نمائندگان کی تضحیک کریں گے تو جمہوری روایات کی خدمت نہیں ہوگی۔

انھوں نے کہا کہ جے آئی ٹی اس نتیجے پر پہنچی کہ خلیل کی فیملی بے گناہ تھی، والد، والدہ اور 13 سال کی بچی بے گناہ اور معصوم شہری تھے۔

دریں اثنا وزیرِ خارجہ کے خطاب کے دوران اپوزیشن ارکان نے شور شرابا کرتے ہوئے ایوان سر پر اٹھایا، اور اسمبلی ہال مچھلی بازار کی صورت پیش کرتا رہا۔

اسلام آباد: وفاقی وزیرِ خارجہ شاہ محمود قریشی نے کہا ہے کہ وزیرِ اعظم کے دورۂ قطر سے تعلقات کو مزید وسعت دینے میں مدد ملے گی، پاک قطر تعلقات میں وسعت کی بے پناہ گنجائش موجود ہے۔

تفصیلات کے مطابق وزیرِ خارجہ شاہ محمود قریشی نے وزیرِ اعظم عمران خان کے ہم راہ قطر روانگی سے قبل میڈیا سے گفتگو کرتے ہوئے کہا کہ اس دورے سے باہمی تعلقات میں وسعت آئے گی۔

[bs-quote quote=”قطر میں فٹ بال ورلڈ کپ کے انعقاد پر افرادی قوت درکار ہے۔” style=”style-7″ align=”left” color=”#dd3333″ author_name=”وزیر خارجہ”][/bs-quote]

شاہ محمود نے کہا ’قطر میں پاکستانیوں کی بڑی تعداد برسرِ روزگار ہے، وزیرِ اعظم مزید پاکستانی افرادی قوت بھجوانے پر بات کریں گے۔‘

وزیرِ خارجہ کا کہنا تھا کہ قطر میں فٹ بال ورلڈ کپ کے انعقاد پر افرادی قوت درکار ہے، نئی تعمیرات اور دیگر سرگرمیوں کے لیے بھی افرادی قوت درکار ہے، آئی ٹی سمیت مختلف شعبوں کے ہنر مند افراد قطر بھجوانے پر بات ہوگی۔

شاہ محمود قریشی کا کہنا تھا کہ گزشتہ 6 ماہ میں قطر کے ساتھ پاکستان کی تجارت میں اضافہ ہوا ہے، قطر سے تجارت میں مزید اضافے کے امکانات بھی موجود ہیں، قطر سے پاکستان کی ایل این جی کی ضروریات پوری ہوتی ہیں، مزید سہولیات اور بہتر شرائط کار پر بات چیت ہوگی۔

یہ بھی پڑھیں:  قوم کو یقین دلاتا ہوں قطرسےواپس آکر ساہیوال واقعے کے قصورواروں کوعبرت ناک سزا دی جائے گی،وزیراعظم

انھوں نے کہا ’پاکستان افغانستان میں مصالحتی عمل میں قطر کے کردار کو سراہتا ہے، دورۂ قطر میں وہاں کی قیادت سے افغان امن عمل سے متعلق بات چیت ہوگی۔‘

وزیر خارجہ کا کہنا تھا کہ خطے کو پہلے سے زیادہ مستحکم اور پُر امن بنانے کے لیے مزید امکانات کا جائزہ لیں گے، جب کہ قطر حکام سے اسلامی دنیا میں مفاہمت، غلط فہمیوں کو دور کرنے میں پاکستانی کردار پر بھی بات ہوسکتی ہے۔

اسلام آباد: وزیرِ خارجہ مخدوم شاہ محمود قریشی نے وزارتِ خارجہ میں سائنسی سفارت کاری اجلاس سے خطاب کرتے ہوئے کہا ہے کہ حکومت سائنسی سفارت کاری کی جانب گام زن ہے۔

تفصیلات کے مطابق شاہ محمود قریشی نے سائنسی سفارت کاری اجلاس سے خطاب کرتے ہوئے کہا کہ وزیرِ اعظم کی ہدایت پر معاشی سفارت کاری کا آغاز کیا تھا، آج سائنسی سفارت کاری کی طرف گام زن ہیں۔

[bs-quote quote=”پاکستان کو اسموگ اور پانی کی کمی سمیت بہت سے ماحولیاتی چیلنجز کا سامنا ہے۔” style=”style-7″ align=”left” color=”#dd3333″ author_name=”وزیرِ خارجہ”][/bs-quote]

شاہ محمود قریشی کا کہنا تھا کہ بد قسمتی سے ہمارے ہاں صحت اور تعلیم پر کم توجہ دی جاتی رہی ہے، حالاں کہ ہمارے پاس بہترین لوگ ہیں جو ملک کے لیے سود مند ثابت ہو سکتے ہیں۔

وزیرِ خارجہ نے کہا ’ہم نے ایڈوائزری کونسل برائے خارجہ امور میں ماہرین کو شامل کیا ہے، اپنے اہداف کے حصول کے لیے مشاورت اور باہمی تعاون کو جاری رکھنا چاہیے۔‘

شاہ محمود قریشی کا کہنا تھا کہ ماحولیاتی تبدیلی کے مسئلے کی طرف توجہ کرنے اور اس کے اثرات سے نمٹنے کے لیے مشترکہ لائحہ عمل کی ضرورت ہے ۔

یہ بھی پڑھیں:  پالیسی سازی میں عالمی شہرت یافتہ سابق سفارت کاروں سے استفادہ کریں گے: شاہ محمود

وزیرِ خارجہ نے کہا کہ پاکستان کو اسموگ اور پانی کی کمی سمیت بہت سے ماحولیاتی چیلنجز کا سامنا ہے، مسائل سے نمٹنے کے لیے ہم نے سائنسی سفارت کاری کے پلیٹ فارم کو مؤثر اور نتیجہ خیز بنانا ہے۔

خیال رہے کہ گزشتہ روز بھی وزیرِ خارجہ نے عالمی شہرت یافتہ سابق سفارت کاروں کے تجربات سے ملکی پالیسی سازی میں استفادے کی بات کرتے ہوئے کہا تھا کہ ریٹائرڈ خارجہ سیکریٹریز سے مشاورت کا عمل جاری ہے، خارجہ پالیسی کے لیے ماہرین کی سفارشات پر عمل کیا جائے گا۔

اسلام آباد: وفاقی وزیرِ خارجہ شاہ محمود قریشی نے کہا ہے کہ پالیسی سازی میں ماہرین کی مشاورت اہم ہوتی ہے، سابق سفارت کار عالمی شہرت کے حامل ہیں، ان سے استفادہ کریں گے۔

تفصیلات کے مطابق شاہ محمود قریشی نے ایک تقریب سے خطاب کرتے ہوئے کہا ہے کہ پالیسی سازی میں عالمی شہرت یافتہ سابق سفارت کاروں سے استفادہ کیا جائے گا۔

[bs-quote quote=”ملک کو معاشی چیلنجز درپیش ہیں، اگلے کچھ سال میں پاکستان کی سمت کا سوچنا ہوگا۔” style=”style-7″ align=”left” color=”#dd3333″ author_name=”شاہ محمود”][/bs-quote]

وزیرِ خارجہ کا کہنا تھا کہ ریٹائرڈ خارجہ سیکریٹریز سے مشاورت کا عمل جاری ہے، خارجہ پالیسی کے لیے ماہرین کی سفارشات پر عمل کیا جائے گا۔

وزیرِ خارجہ شاہ محمود قریشی نے کہا ’پاکستان کو متعدد چیلنجز کا سامنا ہے، مؤثر خارجہ پالیسی کے لیے لائحہ عمل کے ساتھ آگے بڑھیں گے، ملکی مسائل کے پائیدار حل کے لیے طویل مدتی منصوبہ بندی درکار ہے۔‘

انھوں نے مزید کہا کہ آگے بڑھنے کے لیے قومی سطح پر اتفاق رائے بھی ناگزیر ہے، حکومتیں آتی جاتی ہیں، ملک کو معاشی چیلنجز درپیش ہیں، اگلے کچھ سال میں پاکستان کی سمت کا سوچنا ہوگا۔

یہ بھی پڑھیں:  ملائیشین وزیراعظم 23 مارچ کو پاکستان آئیں گے، شاہ محمود قریشی

یاد رہے چار دن قبل وزیرِ خارجہ شاہ محمود قریشی نے اطلاع دیتے ہوئے کہا تھا کہ ملائیشین وزیرِ اعظم 23 مارچ کو سرمایہ کاری وفد کے ہمراہ پاکستان آ رہے ہیں۔

وزیرِ خارجہ نے کہا کہ محاذ آرائی ہماری پالیسی نہیں ہے، جو مقدمات عدالت میں ہیں ان میں سے ایک بھی پی ٹی آئی کا بنایا ہوا نہیں ہے یہ سب مقدمات ماضی کی حکومتوں کے ادوار میں بنائے گئے ہیں۔

تہران: وفاقی وزیرِ خارجہ شاہ محمود قریشی اپنے سرکاری دورے کے تیسرے مرحلے کے لیے تہران سے بیجنگ روانہ ہو گئے ہیں۔

تفصیلات کے مطابق شاہ محمود قریشی ایران کے دورے کے بعد چین کے لیے روانہ ہو گئے، جہاں وہ چین کی قیادت سے اہم ملاقاتیں کریں گے۔

[bs-quote quote=”چینی حکام کے ساتھ دو طرفہ اقتصادی تعاون اور ترقی کے فروغ سے متعلق بات بات چیت کی جائے گی۔” style=”style-7″ align=”left” color=”#dd3333″][/bs-quote]

عوامی جمہوریہ چین میں ملاقاتوں میں علاقائی و بین الاقوامی صورتِ حال پر تبادلۂ خیال ہوگا، دو طرفہ اقتصادی تعاون اور ترقی کے فروغ سے متعلق بات بات چیت کی جائے گی۔

قبل ازیں وزیرِ خارجہ شاہ محمود قریشی نے کابل میں افغان صدر اشرف غنی سے ملاقات کی جس میں دو طرفہ تعلقات کو بہتر بنانے سمیت دیگر اہم امور پر تبادلۂ خیال کیا گیا۔

شاہ محمود قریشی نے افغان پارلیمانی انتخابات کے انعقاد کے لیے نیک تمناؤں کا اظہار کیا جب کہ افغان صدر اشرف غنی نے افغان امن عمل کے لیے بھرپور کردار ادا کرنے پر شکریہ ادا کیا۔

یہ بھی پڑھیں:  وزیرخارجہ شاہ محمودقریشی کی افغان صدراشرف غنی سے ملاقات

وزیرِ خارجہ شاہ محمود قریشی نے کہا کہ افغانستان میں امن واستحکام دونوں ممالک اور خطے کے لیے بہتری کا موجب ہوگا۔

شاہ محمود قریشی کابل کا دورہ مکمل کرنے کے بعد تہران روانہ ہو گئے تھے جہاں انھوں نے ایرانی اعلیٰ حکام سے اہم ملاقاتیں کیں اور اقتصادی تعاون کے سلسلے میں بات چیت کی۔

اسلام آباد: وفاقی وزیرِ خارجہ شاہ محمود قریشی نے خطے میں پاک بھارت معاملات کے حوالے سے کہا ہے کہ دو ایٹمی طاقتیں حادثاتی جنگ بھی برداشت نہیں کرسکتیں، پاکستان اور بھارت کے پاس مذاکرات کے علاوہ کوئی آپشن نہیں ہے۔

سینیٹ اجلاس سے خطاب کرتے ہوئے شاہ محمود قریشی نے کہا کہ جب مجھے سینیٹ میں طلب کیا جاتا ہے تو میں حاضر ہو جاتا ہوں، پارلیمنٹ کی اہمیت کو سمجھتا ہوں۔

[bs-quote quote=”بھارت نے کولڈ وار اسٹارٹ کرایا جو حماقت ہے، بھارت کی جانب سے سرجیکل اسٹرائیک کا ڈراما بھی کیا گیا۔” style=”style-7″ align=”left” color=”#dd3333″ author_name=”وزیرِ خارجہ”][/bs-quote]

وزیرِ خارجہ نے کہا کہ 2 ایٹمی قوت پڑوسی دہائیوں سے جاری اپنے مسائل کو سمجھتے ہیں، کئی معاملات پر مذاکرات کر چکے ہیں لیکن ابھی بھارت کی طرف سے تعطل آ گیا ہے، ہر پارٹی نے بھارت سے مذاکرات کا پرچار کیا، الزام تراشی سےگریز کیا جائے تو مذاکرات ہو سکتے ہیں۔

شاہ محمود قریشی نے کہا ’بھارت نے کولڈ وار اسٹارٹ کرایا جو حماقت ہے، بھارت کی جانب سے سرجیکل اسٹرائیک کا ڈراما بھی کیا گیا، ہمیں امن مشرقی و مغربی دونوں سرحدوں پر درکار ہے، بھارت میں پاکستان سے زیادہ غربت ہے، پاکستان اور بھارت کو مل کر بیٹھنے کی ضرورت ہے۔‘

انھوں نے کہا کہ بھارتی وزیرِ خارجہ سشما سوراج نے اقوامِ متحدہ سائیڈ لائن ملاقات کے فیصلے پر از خود نظرِ ثانی کی تھی، وفاقی وزیر اپنے طور پر نہیں وزیرِ اعظم کی نمائندگی کرتے ہیں، پاک بھارت معاملات پر کوئی اپنے طور پر بیان نہیں دے سکتا۔

شاہ محمود نے کہا کہ قائدِ اعظم کی سوچ تھی کہ ملک آزاد ہو جائے گا تو سب مذاہب کو آزادی ہوگی، پاکستان میں مذہبی آزادی پر کوئی پابندی نہیں، امن ہماری خواہش اور ضرورت ہے، ہمیں پُر امن اور مستحکم ہم سائے چاہئیں تاکہ آگے بڑھ سکیں۔ پاکستان نے دہشت گردی کی جو قیمت ادا کی بھارت کو اس کا احساس ہونا چاہیے۔

افغانستان

وزیرِ خارجہ نے کہا کہ مغربی سرحد پر دہشت گردوں کو شکست کا کریڈٹ پاک فوج کو جاتا ہے، عمران خان اور پی ٹی آئی نے مسلسل کہا کہ افغانستان کا حل گفت و شنید ہے، پیپلز پارٹی اور ن لیگ دور میں بھی ہم نے یہی بات کی، پاکستان نے ہمیشہ افغان حکام کی قیادت سے مذاکرات کی حمایت کی، طالبان کو تسلیم نہ کرنے والا امریکا بھی ان سے اب مذاکرات کر رہا ہے۔

[bs-quote quote=”چین، امریکا، قطر، سعودی عرب سب مذاکرات کے ایشو پر ایک پیچ پر ہیں۔” style=”style-7″ align=”right” color=”#dd3333″][/bs-quote]

شاہ محمود قریشی نے کہا ’17 سال خون کی ہولی کھیلی گئی، نقل مکانیاں ہوئیں، 30 لاکھ افغان شہری آج بھی پاکستان میں موجود ہیں، امریکا کی پالیسی میں بہت بڑی تبدیلی آئی ہے، فریقین اب اس بات پر متفق ہوگئے ہیں کہ مذاکرات مسئلے کا حل ہے، ہم صرف فریقین کو بٹھا سکتے ہیں، اور یہ کردار ہم ادا کر رہے ہیں، ملکی مفاد میں کچھ چیزیں یہاں شیئر نہیں کی جا سکتیں، ابوظبی میں ہونے والی میٹنگ پر ایوان کو اعتماد میں لیں گے۔‘

انھوں نے کہا ’سعودی عرب، یو اے ای، قطر کو اعتماد میں لیاگیا، سارے عمل میں وہ ہمارے ہم نوا ہیں، خطے کے اہم ملک ایران کے وزیرِ خارجہ کے ساتھ 2 نشستیں ہوئیں، معاملات پر ایک پیچ پر ہیں، چین بھی آن بورڈ ہے۔ چین، امریکا، قطر، سعودی عرب سب اس ایشو پر ایک پیچ پر ہیں۔‘

یمن کے معاملے پر پاکستان نیوٹرل رہے گا

شاہ محمود نے کہا ’یمن کے تنازعے پر پیش رفت کا بھی آغاز ہو چکا ہے، اس معاملے پر تعلقات میں تھوڑا تعطل آیا تھا، اب سعودی عرب اور پاکستان کے تعلقات کو ری سیٹ کر دیا ہے، یو اے ای کے ساتھ تعلقات کو از سرِ نو استوار کیا ہے، یمن کے معاملے پر پاکستان نیوٹرل رہے گا۔‘

[bs-quote quote=”سالانہ 3 ارب ڈالر کے تیل کے پیکج کے لیے پیپلز پارٹی اور ن لیگ نے کوشش کی تھی لیکن ان کو نہیں ملا۔” style=”style-7″ align=”center” color=”#dd3333″][/bs-quote]

سعودی عرب

وزیرِ خارجہ نے کہا کہ بیلنس آف پیمنٹ کے تناظر میں سالانہ 3 ارب ڈالر کے تیل کا پیکج ملا، پیپلز پارٹی اور ن لیگ نے کوشش کی تھی لیکن ان کو نہیں ملا، یہ 9 بلین ڈالر کا پیکج سعودی عرب نے ہماری حکومت کو دیا ہے، سعودی عرب نے نئی آئل ریفائنری میں سرمایہ کاری کا وعدہ کیا ہے۔

انھوں نے کہا ’فروری 2019 میں سعودی عرب کا اعلیٰ سطح وفد پاکستان آئے گا، کچھ دن میں یو اے ای پاکستان کے لیے پیکج کا اعلان کر دے گا، امریکا جو پہلے پیچھے ہٹ گیا تھا اب ساتھ کھڑا ہے۔‘