Tag: وفاقی وزیر خارجہ شاہ محمود قریشی

  • امریکا سے محاذ آرائی نہیں چاہتے، ان کا ریکارڈ درست کرنا ضروری ہے، شاہ محمود قریشی

    امریکا سے محاذ آرائی نہیں چاہتے، ان کا ریکارڈ درست کرنا ضروری ہے، شاہ محمود قریشی

    اسلام آباد: وفاقی وزیرِ خارجہ شاہ محمود قریشی نے کہا ہے کہ امریکا سے محاذ آرائی نہیں چاہتے لیکن ان کا ریکارڈ درست کرنا ضروری ہے۔

    تفصیلات کے مطابق امریکی صدر ڈونلڈ ٹرمپ کے بیان پر وزیرِ خارجہ نے کہا ہے کہ دہشت گردی کے خلاف جنگ میں ہم تعاون نہ کرتے تو امریکا کو مزید نقصان ہوتا۔

    [bs-quote quote=”پچھلی حکومت میں ملک کا کوئی وزیرِ خارجہ نہ ہونے سے جو نقصان ہوا اس کا ازالہ کر رہے ہیں۔” style=”style-7″ align=”left” color=”#dd3333″ author_job=”شاہ محمود قریشی”][/bs-quote]

    شاہ محمود کا کہنا تھا کہ امریکا کو دہشت گردی کے خلاف پاکستان کی قربانیوں کا علم ہے مگر وہ اعتراف نہیں کرتا۔

    وزیرِ خارجہ نے پاکستانی مؤقف پر کہا کہ اس سے محاذ آرائی اور الجھنا مقصد نہیں، امریکا کے ساتھ اچھے سفارتی تعلقات کے خواہاں ہیں۔ ہم نے اپنا مؤقف پیش کیا اور آئندہ بھی کرتے رہیں گے۔

    انھوں نے کہا کہ بھارت سے تعلقات کی بہتری کا عندیہ دیا تو اُن کا مثبت جواب نہیں آیا، جن ممالک کے دورے کیے ان سے مضبوط تعلقات ہیں، پچھلی حکومت میں ملک کا کوئی وزیرِ خارجہ نہیں تھا۔ وزیرِ خارجہ کے نہ ہونے سے جو نقصان ہوا اس کا ازالہ کر رہے ہیں۔

    شاہ محمود قریشی نے مزید کہا کہ خارجہ سطح پر اقدامات کے نتائج کچھ عرصے میں عوام دیکھیں گے، پاکستان کے مفادات کو مدِ نظر رکھ کر خارجہ پالیسی بنائی جائے گی۔


    یہ بھی پڑھیں:  اب ہم وہی کریں گے، جو ملک کے لئے بہترہوگا: وزیراعظم کا ڈونلڈ‌ ٹرمپ کو دوٹوک جواب


    ان کا کہنا تھا کہ دنیا کو بتانا ہے کہ دہشت گردی کے خلاف ہم نے کیا قربانیاں دی ہیں، وزیرِ اعظم عمران خان نے بھی اس سلسلے میں ٹویٹ میں اپنا وضاحتی بیان دیا ہے۔

    واضح رہے کہ امریکی صدر نے کہا تھا کہ ہم نے پاکستان کی امداد اس لیے بند کی کیوں کہ پاکستان نے ہمارے لیے کچھ نہیں کیا، پاکستان کو افغانستان میں دہشت گردی روکنے کے لیے کہا، لیکن اس میں بھی کوئی پیش رفت نہ ہو سکی۔

  • شاہ محمود قریشی کو نارویجن ہم منصب کی دورۂ ناروے کی دعوت

    شاہ محمود قریشی کو نارویجن ہم منصب کی دورۂ ناروے کی دعوت

    اسلام آباد: وزیرِ خارجہ شاہ محمود قریشی کو نارویجن ہم منصب اینا ایرکسن سورادے نے ملاقات میں دورۂ ناروے کی دعوت دے دی۔

    تفصیلات کے مطابق وزیرِ خارجہ شاہ محمود قریشی نے نارویجن ہم منصب سے ملاقات کی، ملاقات میں پاک افغان تعلقات سمیت باہمی دل چسپی کے علاقائی اور عالمی امور پر گفتگو کی گئی۔

    [bs-quote quote=”ناروے کی وزیرِ خارجہ نے ناروے میں مقیم پاکستانی کمیونٹی کے مثبت کردار کو سراہا۔” style=”style-7″ align=”left” color=”#dd3333″][/bs-quote]

    متحدہ عرب امارات میں منعقدہ صیر بنی یاس فورم کے موقع پر پاک ناروے وزرائے خارجہ ملاقات میں افغانستان میں امن و امان کی صورتِ حال پر تفصیلی گفتگو کی گئی۔

    دونوں وزرائے خارجہ نے معیشت، تجارت، سرمایہ کاری، تعلیم اور ثقافت کے شعبوں میں باہمی تعاون کو مزید مضبوط بنانے پر اتفاق کیا۔

    ناروے کی وزیرِ خارجہ اینا ایرکسن سورادے نے ناروے میں مقیم پاکستانی کمیونٹی کے مثبت کردار کو بھی سراہا۔


    یہ بھی پڑھیں:  شاہ محمودقریشی کی یواے ای کے وزیرخارجہ شیخ عبداللہ بن زید النہیان سے ملاقات


    قبل ازیں وزیرِ خارجہ شاہ محمود قریشی نے یواے ای کے وزیرِ خارجہ شیخ عبداللہ بن زید النہیان سے بھی ملاقات کی، جس میں باہمی دل چپسی اور تعاون کے امور اور خطے کی صورتِ حال پر تبادلۂ خیال کیا گیا۔

    یاد رہے گزشتہ روز وزیرِ خارجہ 2 روزہ دورے پر متحدہ عرب امارات پہنچے تھے جہاں انھوں نے منعقدہ ’’صیر بنی یاس فورم‘‘ کے نویں اجلاس میں شرکت کی اور فورم میں شریک رہنماؤں سے ملاقاتیں کیں۔

  • شاہ محمود کو کینیڈین ہم منصب کا فون، سپریم کورٹ کے فیصلے کو سراہا

    شاہ محمود کو کینیڈین ہم منصب کا فون، سپریم کورٹ کے فیصلے کو سراہا

    اسلام آباد: وزیرِ خارجہ شاہ محمود قریشی کو کینیڈین ہم منصب کرسچیا فری لینڈ نے گزشتہ روز فون کیا، دونوں رہنماؤں کے مابین مختلف امور پر تبادلہ خیال کیا گیا۔

    وزارتِ خارجہ کے ترجمان ڈاکٹر محمد فیصل نے سماجی رابطوں کی ویب سائٹ ٹویٹر پر لکھا کہ گزشتہ روز کینیڈا کی وزیرِ خارجہ کرسچیا فری لینڈ نے وزیرِ خارجہ شاہ محمود کو فون کیا۔

    ٹویٹ میں کہا گیا ہے کہ دونوں رہنماؤں کے درمیان ہونے والی گفتگو میں آسیہ بی بی سمیت مختلف امور پر تبادلۂ خیال کیا گیا۔

    ترجمان دفترِ خارجہ کے مطابق کینیڈا کی وزیرِ خارجہ نے سپریم کورٹ کے فیصلے کو سراہا، انھوں نے اس سلسلے میں وزیرِ اعظم کی مثبت تقریر کی بھی تعریف کی۔

    ترجمان نے مزید کہا کہ وزیرِ خارجہ شاہ محمود قریشی نے کہا کہ آسیہ بی بی پاکستانی شہری ہیں، ان کے قانونی حقوق کا احترام ہے۔


    یہ بھی پڑھیں: آسیہ کیس کا فیصلہ آئین کے مطابق ہوا، پاکستان کا دستور قرآن و سنت کے تابع ہے، عمران خان


    یاد رہے کہ وزیرِ اعظم عمران خان نے کہا تھا کہ آسیہ بی بی کیس کا فیصلہ سپریم کورٹ کے ججز نے آئین کے مطابق کیا، پاکستان کا دستور قرآن و سنت کے تابع ہے، ریاست عوام کے جان و مال کی حفاظت یقینی بنائے گی۔

  • بھارت نہتے شہریوں پر فائرنگ کر رہا ہے، شاہ محمود قریشی

    بھارت نہتے شہریوں پر فائرنگ کر رہا ہے، شاہ محمود قریشی

    ملتان: وزیرِ خارجہ شاہ محمود قریشی نے میڈیا سے گفتگو کرتے ہوئے کہا کہ بھارت سیز فائر معاہدے کی خلاف ورزی کرتے ہوئے نہتے شہریوں پر فائرنگ کر رہا ہے۔

    تفصیلات کے مطابق وزیرِ خارجہ نے کہا کہ پاکستان ایل او سی پر بھارتی فائرنگ کی مذمت کرتا ہے، بھارت میں انتخابات کے باعث ایسا ماحول پیدا کیا جا رہا ہے، مقبوضہ کشمیر کی قیادت کو بھی پابندِ سلاسل کیا گیا۔

    [bs-quote quote=”عافیہ صدیقی کی جو سزا رہ گئی وہ پاکستان میں پوری کی جائے تو فیملی کو آسانی رہے گی” style=”style-7″ align=”left” color=”#dd3333″ author_name=”شاہ محمود قریشی” author_job=”وفاقی وزیر خارجہ”][/bs-quote]

    شاہ محمود قریشی نے عافیہ صدیقہ کے حوالے سے گفتگو کرتے ہوئے کہا کہ عافیہ کے لیے سفارتی سطح پر جو کچھ کر سکیں کریں گے، وہ قوم کی بیٹی ہے، عافیہ صدیقی کی جو سزا رہ گئی وہ پاکستان میں پوری کی جائے تو فیملی کو آسانی رہے گی۔

    انھوں نے مزید کہا کہ امریکا کو کہا ہے عافیہ صدیقی کو جائز قانونی حق دیا جائے، امریکی قوانین کو سامنے رکھ کر آگے بڑھنا ہوگا، شکیل آفریدی کے بارے میں پاکستان کا ٹھوس مؤقف ہے، اس کو ٹھوس شواہد پر سزا ملی ہے، ایسے سودے بازیاں نہیں ہوتیں۔

    وزیرِ خارجہ کا کہنا تھا کہ افغانستان میں امن لانے کی کوشش کر رہے ہیں، جو امداد کر سکتے ہیں کر رہے ہیں، مذاکرات کا بھی آغاز ہو گیا، افانستان میں اشرف غنی، عبد اللہ عبد اللہ سے مذاکرات ہوئے، ہر اس کوشش کا ساتھ دیں گے جو افغانستان میں امن میں مدد گار ثابت ہو۔ کوشش کر رہے ہیں خطے کی دیگر قوتوں کا بھی تعاون حاصل کیا جائے، ریجنل اپروچ کے ساتھ بڑھنا چاہتے ہیں، روس خطے کا اہم ملک ہے۔


    یہ بھی پڑھیں:  ایل او سی: بھارتی فائرنگ سے چار شہری شدید زخمی، پاک فوج کا بھرپور جواب


    انھوں نے کہا ’ایران پر پابندیاں لگ رہی ہیں جو تیل پیدا کرنے والا ملک ہے، مسلم ممالک میں کشیدگی کم کرنا چاہتے ہیں، یمن میں امن چاہتے ہیں، مشرقِ وسطیٰ میں امن بہت ضروری ہے۔‘

    [bs-quote quote=”بھارت میں دھان کی فصل جلائے جانے کی وجہ سے لاہور میں اسموگ خطرناک حد تک بڑھی۔” style=”style-7″ align=”right” color=”#dd3333″ author_job=”شاہ محمود”][/bs-quote]

    شاہ محمود قریشی نے کہا ’نیب آزاد ادارہ ہے، اس پر اثر انداز نہیں ہو سکتے، نیب انکوائری کیسز اختتام کے قریب ہیں، جن کے خلاف ہیں ان کو دفاع کا مکمل حق ہے، دفاع کریں، ن لیگ، پیپلز پارٹی ذات و مفاد سے اوپر اٹھ کر سوچیں، جنوبی پنجاب صوبہ بنانے میں ہماری غیر مشروط مدد کریں۔‘

    انھوں نے کہا کہ لاہور میں اسموگ خطرناک حد تک بڑھ چکی ہے، بھارت میں دھان کی فصل کو جلایا جاتا ہے، ماحول پر پہلے بالکل توجہ نہیں دی گئی۔

  • پاک چین سرمایہ کار دو طرفہ سرمایہ کاری میں دل چسپی رکھتے ہیں: شاہ محمود قریشی

    پاک چین سرمایہ کار دو طرفہ سرمایہ کاری میں دل چسپی رکھتے ہیں: شاہ محمود قریشی

    شنگھائی: وفاقی وزیرِ خارجہ شاہ محمود قریشی نے شنگھائی میں سرمایہ کاری کانفرنس سے خطاب کرتے ہوئے کہا کہ پاک چین سرمایہ کار دو طرفہ سرمایہ کاری میں دل چسپی رکھتے ہیں۔

    شاہ محمود کا کہنا تھا کہ پاکستان اور چین منفرد رشتے میں جڑے ہم سایہ ممالک ہیں، پاک چین اقتصادی راہ داری نے ہمارے رشتے کو نیا مطلب دے دیا ہے۔

    [bs-quote quote=”تجارتی شراکت دار ممالک میں تعینات سفیروں کو سرمایہ کاری اور تجارت کے اہداف دیں گے” style=”style-7″ align=”left” color=”#dd3333″ author_name=”وزیر خارجہ شاہ محمود قریشی” author_job=”شنگھائی میں سرمایہ کاری کانفرنس سے خطاب”][/bs-quote]

    وزیرِ خارجہ نے کانفرنس میں کہا کہ اقتصادی راہ داری سے دو طرفہ تعاون، تجارت اور باہمی روابط کو فروغ ملا ہے، اس منصوبے سے پورے خطے کو فائدہ ہوگا۔

    ان کا کہنا تھا کہ چینی سرمایہ کار بھی پاکستان میں سرمایہ کاری میں دل چسپی رکھتے ہیں اور پاکستانی سرمایہ کار بھی چین میں سرمایہ کاری کرنا چاہتے ہیں، ہمیں مکمل تیاری کے ساتھ اس موقع سے بھرپور فائدہ اٹھانا ہوگا۔

    شاہ محمود قریشی نے کہا ’چین، روس، ویتنام کے سربراہان نے نمائش میں جن 8 پویلین کا دورہ کیا ان میں پاکستانی پویلین بھی شامل ہے، وزیرِ اعظم نے ملاقاتوں میں چینی قیادت سے دو طرفہ تعلقات کو مضبوط کرنے پر تبادلۂ خیال کیا۔‘


    یہ بھی پڑھیں:  چین پاکستان کے لیے مثالی ماڈل ہے، وزیرِ اعظم عمران خان


    وفاقی وزیرِ خارجہ نے مزید کہا کہ خارجہ پالیسی مرتب کرتے ہوئے معاشی سفارت کاری کو اہمیت دی جائے گی، تجارتی شراکت دار ممالک میں تعینات سفیروں کو سرمایہ کاری اور تجارت کے اہداف دیں گے۔

    ان کا کہنا تھا کہ معاشی بحالی کے لیے وزارتِ خارجہ، خزانہ اور تجارت کی وزارتوں کی مدد کرے گی، وزیرِ اعظم ملک میں روزگار کے نئے مواقع، سرمایہ کاری، ترقی اور استحکام چاہتے ہیں، معاشی اور سیاسی استحکام ایک دوسرے سے منسلک ہیں۔

  • آزاد عدلیہ اور ایک آزاد ادارے کے فیصلے کا احترام سب کو کرنا ہوگا، شاہ محمود قریشی

    آزاد عدلیہ اور ایک آزاد ادارے کے فیصلے کا احترام سب کو کرنا ہوگا، شاہ محمود قریشی

    اسلام آباد: وفاقی وزیرِ خارجہ شاہ محمود قریشی نے کہا ہے کہ آزاد عدلیہ اور ایک آزاد ادارے کے فیصلے کا احترام سب کو کرنا ہوگا، نیب خود مختار ادارہ ہے، شہباز شریف کو تحقیق کے بعد گرفتار کیا گیا۔

    تفصیلات کے مطابق وزیرِ خارجہ نے اسلام آباد میں پریس کانفرنس کرتے ہوئے کہا کہ شہباز شریف کی گرفتاری عدالتی عمل ہے، ان پر مقدمہ تحریکِ انصاف نے نہیں بنایا، شہباز شریف کو قانونی جنگ لڑنے کا پورا حق ہے۔

    [bs-quote quote=” افسوس ہے اس وقت مسلم امہ میں وہ اتفاق نہیں جو ہونا چاہیے: وزیرِ خارجہ” style=”style-7″ align=”left” color=”#dd3333″][/bs-quote]

    شاہ محمود نے واضح کیا کہ وہ امداد کے لیے امریکا نہیں گئے، انھوں نے کہا ’میرے دورے کا مقصد پیسوں کا مطالبہ نہیں تھا، ہماری حکومت آنے سے پہلے دوسری قسط روکنے کا فیصلہ امریکا کر چکا تھا، اتحادی سپورٹ فنڈ امداد نہیں سپورٹ فنڈ ہے۔‘

    انھوں نے کہا افسوس ہے اس وقت مسلم امہ میں وہ اتفاق نہیں جو ہونا چاہیے، مسلم امہ بکھری ہوئی ہے، یہ جتنی تقسیم ہوگی اتنی ہماری آواز کم زور ہوگی، مسئلہ کشمیر اور گستاخانہ خاکوں پر مسلم امہ کو ایک ہونا چاہیے، یہ دونوں معاملے او آئی سی رابطہ گروپ اجلاس میں اٹھائے۔


    یہ بھی پڑھیں:  کرپشن کیس: نیب نے شہبازشریف کو گرفتار کرلیا


    وزیرِ خارجہ نے کہا کہ خارجہ پالیسی میں ہمیشہ ملکی مفاد کو مقدم رکھیں گے، امریکا میں افغان ایشوز سمیت تمام مسائل پر بات کی، مائیک پومپیو سے ملاقات کے بعد امریکی مؤقف میں تبدیلی آئی۔

    [bs-quote quote=”پاکستان کو افغان تناظر اور بھارتی چشمے سے دیکھنا مناسب نہیں: شاہ محمود” style=”style-7″ align=”right” color=”#dd3333″][/bs-quote]

    وزیرِ خارجہ شاہ محمود نے کہا کہ واشنگٹن میں امریکی حکام سے ملاقاتیں کیں، امریکا سے تعلقات پر جو تعطل تھا اسے آگے بڑھانے کے لیے بات ہوئی، دہشت گردی کے خلاف جنگ میں قربانیوں کا اعتراف ہونا چاہیے، امریکا گزشتہ 2 سال سے مسلسل نکتہ چینی کر رہا تھا، پاکستان کا مؤقف اچھے طریقے سے اقوام متحدہ میں پیش کیا۔

    انھوں نے کہا ’اقوامِ متحدہ اجلاس میں پاکستان کی نمائندگی کی، تقریر سراہنے پر پاکستانیوں کا مشکور ہوں، میری تقریر ایک جماعت اور حکومت کی نہیں پاکستانیوں کی آواز تھی، واضح کیا کہ پاکستان کو افغان تناظر اور بھارتی چشمے سے دیکھنا مناسب نہیں۔‘

    وزیرِ خارجہ نے کہا کہ خارجہ پالیسی میں ہمیشہ ملکی مفاد کو مقدم رکھیں گے، امریکا میں افغان ایشوز سمیت تمام مسائل پر بات کی، مائیک پومپیو سے ملاقات کے بعد امریکی مؤقف میں تبدیلی آئی۔

  • شاہ محمود کی امریکی ہم منصب مائیک پومپیو سے ملاقات: تعلقات از سرِ نو استوار کرنے پر گفتگو

    شاہ محمود کی امریکی ہم منصب مائیک پومپیو سے ملاقات: تعلقات از سرِ نو استوار کرنے پر گفتگو

    واشنگٹن: وفاقی وزیرِ خارجہ شاہ محمود قریشی نے امریکی ہم منصب مائیک پومپیو سے ملاقات کی، ملاقات میں دو طرفہ تعلقات کو از سرِ نو استوار کرنے کے سلسلے میں گفتگو کی گئی۔

    تفصیلات کے مطابق امریکی محکمہ خارجہ میں شاہ محمود قریشی اور ان کے امریکی ہم منصب مائیک پومپیو کے درمیان ہونے والی ملاقات میں خطے کی صورتِ حال پر تفصیلی تبادلہ خیال کیا گیا۔

    [bs-quote quote=”پاکستان کے قبائلی علاقوں میں ہونے والی ترقی خود دیکھی: امریکی سینیٹر” style=”style-7″ align=”right” color=”#dd3333″][/bs-quote]

    امریکی وزیرِ خارجہ نے شاہ محمود قریشی کو دورے کی دعوت دی تھی، امریکی وزیرِ خارجہ نے بھی ستمبر کے اوائل میں پاکستان کا دورہ کیا تھا۔

     

    قبل ازیں وزیرِ خارجہ شاہ محمود قریشی نے امریکی مشیر برائے قومی سلامتی جان بولٹن اور امریکی سینیٹر کوری بوکر سے بھی علیحدہ علیحدہ ملاقاتیں کیں۔

    امریکی سینیٹر لینڈ سے گراہم سے ملاقات

    وزیرِ خارجہ شاہ محمود قریشی نے سینیٹر لینڈ سے گراہم سے بھی واشنگٹن میں ملاقات کی، ملاقات میں دو طرفہ تعلقات اور افغان صورتِ حال کے حوالے سے تبادلہ خیال کیا گیا۔

    امریکی سینیٹر نے اس موقع پر کہا کہ میں جب پچھلی بار پاکستان دورے پر گیا تھا تو خود قبائلی علاقوں میں ترقی کا مشاہدہ کیا، جلد ایک وفد کے ہم راہ پاکستان کا دورہ کروں گا۔


    اے پی ایس اور مستونگ حملوں کے دہشت گردوں کو بھارت کی پشت پناہی حاصل تھی: شاہ محمود قریشی


    یاد رہے کہ گزشتہ دنوں وزیرِ خارجہ شاہ محمود قریشی نے اقوامِ متحدہ کی جنرل اسمبلی میں قومی زبان میں‌ خطاب کیا تھا۔ انھوں نے عالمی برادری کو مخاطب کرتے ہوئے متنازع خاکوں کا مسئلہ اٹھایا۔ وزیرِ خارجہ نے امریکی صدر ڈونلڈ ٹرمپ سے بھی ایک مختصر ملاقات کی۔

  • اے پی ایس اور مستونگ حملوں کے دہشت گردوں کو بھارت کی پشت پناہی حاصل تھی: شاہ محمود قریشی

    اے پی ایس اور مستونگ حملوں کے دہشت گردوں کو بھارت کی پشت پناہی حاصل تھی: شاہ محمود قریشی

    نیویارک : وزیرِ خارجہ شاہ محمود قریشی نے اقوامِ متحدہ کی جنرل اسمبلی کے اکہتر ویں اجلاس سے خطاب کرتے ہوئے کہا کہ پاکستان پڑوسی ممالک کے ساتھ برابری کی سطح پر تعلقات چاہتا ہے۔

    شاہ محمود قریشی نے کہا کہ پاکستان اپنی خود مختاری اور قومی مفادات پر سمجھوتا نہیں کرے گا، پاکستان قومی مفادات اور سلامتی کے تحفظ پر کسی سودے بازی کا متحمل نہیں ہو سکتا۔

    [bs-quote quote=”دہشت گردی کی آڑ میں بھارت کشمیر میں مزید مظالم نہیں ڈھا سکتا، خطے کے امن کی راہ میں مسئلہ کشمیر سب سے بڑی رکاوٹ ہے، بھارت کو ہمارے صبر کا امتحان نہیں لینا چاہیے: بھارت کو منہ توڑ جواب” style=”style-7″ align=”center” color=”#dd3333″][/bs-quote]

    پاک بھارت تعلقات کے حوالے سے انھوں نے کہا کہ بھارتی وزیرِ اعظم مودی نے سیاست کو امن پر فوقیت دی، خطے کے امن کی راہ میں مسئلہ کشمیر سب سے بڑی رکاوٹ ہے، مسئلہ کشمیر کے حل کے بغیر امن قائم نہیں ہوسکتا، دہشت گردی کی آڑ میں بھارت کشمیر میں مزید مظالم نہیں ڈھا سکتا۔

    انھوں نے مزید کہا کہ بھارتی قابض افواج نہتے شہریوں پر چڑھائی کرتے آئی ہیں، بھارت کو ہمارے صبر کا امتحان نہیں لینا چاہیے، آزاد جموں کشمیر میں کمیشن کو خوش آمدید کہیں گے، رپورٹ کی سفارشات پر جلد عمل درآمد کی سفارش کرتے ہیں، یہ رپورٹ پاکستان کے مؤقف کی تائید کرتی ہے۔

    [bs-quote quote=”افغانستان میں داعش کی عمل داری باعثِ تشویش ہے: شاہ محمود قریشی” style=”style-7″ align=”right” color=”#dd3333″][/bs-quote]

    انھوں نے کہا کہ بھارتی ایما پر پاکستان میں دہشت گردوں کی مالی معاونت اور منصوبہ بندی کی گئی، اے پی ایس اور مستونگ حملے کے دہشت گردوں کو بھارتی پشت پناہی تھی۔

    شاہ محمود نے اردو میں خطاب کیا،  بھارت کا مکروہ چہرہ بے نقاب کرتے ہوئے کہا کہ کلبھوشن نے بھارتی حکومت کی ایما پر پاکستان میں دہشت گردی کی پلاننگ کی، ہم تمام واقعات کے ثبوت بھارت اور اقوام متحدہ سے شیئر کرنا چاہتے تھے، پاکستان اسلحے کی دوڑ کم کرنے کے لیے بھارت سے بات کرنے کے لیے تیار ہے۔


    یہ بھی پڑھیں:  اقوام متحدہ مسئلہ کشمیر کےحل کےلیےاپنا کردارادا کرے‘ شاہ محمود قریشی


    شاہ محمود قریشی نے افغانستان میں داعش کی عمل داری کو باعثِ تشویش قرار دیتے ہوئے کہا کہ پاکستان اور افغانستان کافی عرصے سے بیرونی قوتوں کی غلط فہمیوں کا نشانہ بنتے آ رہے ہیں، پاکستان طویل عرصے سے غیر ملکی پناہ گزینوں کی میزبانی کرتا آیا ہے۔

    [bs-quote quote=”توہین آمیز خاکے بنانے کے منصوبے سے تمام مسلمانوں کی دل آزاری ہوئی: وزیر خارجہ” style=”style-7″ align=”left” color=”#dd3333″][/bs-quote]

    وزیر خارجہ نے یو این اجلاس میں تقریر کرتے ہوئے کہا ’آج دنیا ایک دوراہے پر کھڑی ہے، آج عالمی اصول متزلزل دکھائی دیتے ہیں، تجارتی جنگ کے گہرے بادل افق پر نمودار ہیں، مشرقِ وسطیٰ کے حالات تشویش ناک ہیں، مسئلہ فلسطین آج بھی اپنی جگہ موجود ہے۔

    شاہ محمود قریشی نے مزید کہا کہ خاکے بنانے کے منصوبے سے تمام مسلمانوں کی دل آزاری ہوئی، ناموسِ رسالت پر مسلم امہ کو شدید ٹھیس پہنچی۔

    وفاقی وزیر خارجہ نے کہا کہ موسمیاتی تبدیلی ایک سنگین مسئلہ ہے ، آلودگی میں پاکستان کا حصہ بہت کم ہے، پیرس سمجھوتے کو صنعتی مفادات کی بھینٹ نہیں چڑھنے دیا جائے گا، پاکستان میں 5 سال کے دوران 10 ارب درختوں کی پلاننگ کی گئی ہے۔

    [bs-quote quote=”وزیر خارجہ نے عالمی اصولوں کو تنقید کا نشانہ بناتے ہوئے کہا کہ مشرقِ وسطیٰ کے حالات تشویش ناک اور مسئلہ فلسطین آج بھی اپنی جگہ موجود ہے۔” style=”style-7″ align=”right” color=”#dd3333″][/bs-quote]

    انھوں نے کہا کہ پاکستان سلامتی کونسل میں اصلاحات کی کوشش کرتا رہے گا، پاکستان عالمی امن مشن میں حصہ لینے والا ملک ہے، پاکستان آزادی سے لے کر اب تک اقوامِ متحدہ کے منشور کا پاس دار ہے۔

    انھوں نے مزید کہا کہ پاکستانی عوام نے ایسے پاکستان کے حق میں فیصلہ سنایا جو امن پسند ہے، پاکستانی عوام نے تبدیلی اور اصلاح پسندی کو ووٹ دیا، عمران خان کی قیادت میں نئے پاکستان کی داغ بیل ڈالی جا رہی ہے، پاکستان اقوام عالم کے ساتھ مل کر کام کرنا چاہتا ہے۔

  • سارک ممالک کی ترقی میں بھارت بڑی رکاوٹ ہے،  شاہ محمود قریشی

    سارک ممالک کی ترقی میں بھارت بڑی رکاوٹ ہے، شاہ محمود قریشی

    نیویارک: سارک ممالک کے وزرائے خارجہ کی سائیڈ لائن کانفرنس سے خطاب کرتے ہوئے وفاقی وزیرِ خارجہ شاہ محمود قریشی نے کہا کہ بھارت سارک ممالک کی ترقی میں ایک بڑی رکاوٹ ہے۔

    شاہ محمود نے بھارت کے رویے کو نا مناسب قرار دیتے ہوئے کہا کہ بھارت کے 1 ارب 80 کروڑ عوام کو فیصلہ کرنا ہے کہ انھیں خطے میں امن چاہیے یا نہیں۔

    وزیرِ خارجہ نے کانفرنس سے خطاب میں سارک ممالک کی ترقی میں بھارت کو رکاوٹ قرار دیا، انھوں نے پاک بھارت وزرائے خارجہ کی ملاقات کے حوالے سے کہا ’بھارت کا رویّہ نا مناسب ہے۔‘

    [bs-quote quote=”تجزیہ کاروں نے کانفرنس میں سشما سوراج کا رویہ سفارتی آداب کے منافی قرار دیا” style=”style-7″ align=”left” color=”#dd3333″][/bs-quote]

    شاہ محمود قریشی نے کہا کہ ہمیں خطے کی ترقی کے لیے آگے بڑھنا ہوگا، آگے بڑھنے کا راستہ ملاقاتیں ہیں، بھارتی رویے میں تبدیلی تک سارک ممالک اہداف حاصل نہیں کر سکتے۔

    دریں اثنا نیویارک میں منعقدہ سارک ممالک کے وزرائے خارجہ کی سائیڈ لائن کانفرنس میں بھارتی وزیرِ خارجہ سشما سوراج نے اپنا بیان دیا اور کانفرنس سے چلی گئیں۔


    یہ بھی پڑھیں:  وزیرِ خارجہ عالمی برادری کے سامنے پاکستان کا مقدمہ پیش کر رہے ہیں، ملیحہ لودھی


    سشما سوراج نے پاکستانی وزیرِ خارجہ کا بیان سننے کی زحمت تک نہیں کی۔ تجزیہ کاروں کا کہنا ہے کہ بھارتی وزیرِ خارجہ کی حرکت سفارتی آداب کے منافی ہے۔

    سارک ممالک کے وزرائے خارجہ کی سائیڈ لائن کانفرنس میں سشما سوراج تھوڑی دیر رہیں، انھوں نے سفارتی آداب کے منافی رویہ اختیار کرتے ہوئے بھارتی میڈیا کو بھی لفٹ نہ کرائی۔

  • وزیرِ خارجہ عالمی برادری کے سامنے پاکستان کا مقدمہ کامیابی سے پیش کر رہے ہیں، ملیحہ لودھی

    وزیرِ خارجہ عالمی برادری کے سامنے پاکستان کا مقدمہ کامیابی سے پیش کر رہے ہیں، ملیحہ لودھی

    نیویارک: اقوامِ متحدہ میں پاکستانی سفیر ملیحہ لودھی نے کہا ہے کہ وزیرِ خارجہ شاہ محمود قریشی کا دورۂ نیویارک کام یابی سے جاری ہے، وہ عالمی برادری کےسامنے پاکستان کا مقدمہ پیش کر رہے ہیں۔

    تفصیلات کے مطابق ملیحہ لودھی نے اقوامِ متحدہ کے دورے پر گئے وزیرِ خارجہ کے حوالے سے کہا کہ وہ آج روسی ہم منصب سے بھی اہم ملاقات کریں گے، ان کا دورہ کام یابی سے جاری ہے۔

    قبل ازیں نیویارک میں وزیرِ خارجہ شاہ محمود قریشی نے زلمے خلیل زاد سے ملاقات کی، ملاقات میں پاک افغان تعلقات پر تفصیلی تبادلۂ خیال کیا گیا۔ زلمے خلیل زاد کو امریکا نے افغانستان کے لیے خصوصی نمائندہ مقرر کیا ہے۔

    سفارتی ذرائع کا کہنا ہے کہ زلمے خلیل زاد جلد پاکستان کا دورہ کریں گے، وزیرِ خارجہ شاہ محمود اور زلمے خلیل زاد نے افغان مفاہمتی عمل کو کام یاب بنانے پر اتفاق کیا۔


    یہ بھی پڑھیں:  خطے میں قیام امن کیلئے پاکستان کلیدی کردار ادا کررہا ہے: ملیحہ لودھی


    ملیحہ لودھی نے کہا کہ پاک بھارت وزرائے خارجہ کی ملاقات منسوخ ہونا قابلِ افسوس ہے، پاکستان کے ساتھ مذاکرات بھارت کے پاس اہم موقع تھا، پاکستان تمام پڑوسی ممالک سے دوستانہ تعلقات چاہتا ہے۔

    پاکستانی سفیر کا کہنا تھا کہ کشمیر سے متعلق قراردادوں پر عمل نہ ہونے سے اقوامِ متحدہ کی ساکھ متاثر ہو رہی ہے، ہم اقوامِ متحدہ کی سیکورٹی کونسل میں اصلاحات کے خواہش مند ہیں۔