ARYNews.tv | Urdu – Har Lamha Bakhabar

Tag: وفاقی وزیر خزانہ اسحاق ڈار

  • چیئرمین پی سی بی کی اسحاق ڈار سے ملاقات، ایشیا کپ کی میزبانی پر تبادلہ خیال

    چیئرمین پی سی بی کی اسحاق ڈار سے ملاقات، ایشیا کپ کی میزبانی پر تبادلہ خیال

    اسلام آباد: وفاقی وزیر خزانہ اسحاق ڈار سے پاکستان کرکٹ بورڈ کے وفد نے چیئرمین محمد ذکا اشرفکی سربراہی میں ملاقات کی ہے۔

    تفصیلات کے مطابق پاکستان کرکٹ بورڈ (پی سی بی) کے ایک وفد نے چیئرمین محمد ذکا اشرف کی سربراہی میں وفاقی وزیر خزانہ محمد اسحاق ڈار سے آج فنانس ڈویژن میں ملاقات کی جس کا اعلامیہ جاری کردیا گیا۔

    اعلامیے کے مطابق ملاقات میں وزیراعظم کے معاون خصوصی برائے ریونیو ڈویژن طارق محمود پاشا، فنانس کے سینئر افسران اور پی سی بی ٹیم نے اجلاس میں شرکت کی۔

    ویڈیو: ایشیا کپ ٹرافی کی رونمائی کردی گئی

    چیئرمین پی سی بی محمد ذکاء اشرف نے وزیر خزانہ اسحاق ڈار کو پی سی بی اور مینز کے ون ڈے ایشیا کپ 2023 کی میزبانی سے متعلق معاملات سے آگاہ کیا۔

    وزیر خزانہ اسحاق ڈار نے ملک بھر میں کھیلوں کی سرگرمیوں بالخصوص کرکٹ کی حوصلہ افزائی کے لیے حکومت پاکستان کی حمایت اور تعاون کا اعادہ کیا۔

    وزیر خزانہ اسحاق ڈار کا کہنا تھا کہ پی سی بی کے ساتھ بھر پور تعاون کریں گے، پاکستان ایشیا کپ کا کامیاب انعقاد چاہتا ہے۔

    وزیر خزانہ اسحاق ڈار کا کہنا تھا کہ ایشیا کپ پاکستان اور سری لنکا مل کر منعقد کر رہے ہیں، حکومت کھیلوں کی سرگرمیوں کو فروغ دینا چاہتی ہے۔

  • وفاقی وزیر خزانہ اسحاق ڈار قطر کے 2 روزہ دورے پر روانہ

    وفاقی وزیر خزانہ اسحاق ڈار قطر کے 2 روزہ دورے پر روانہ

    اسلام آباد : وفاقی وزیر خزانہ اسحاق ڈار توانائی ، تجارت اور سرمایہ کاری امور پر مذاکرات کے لئے قطر روانہ ہوگئے ، قطر کراچی اور اسلام آباد ایئرپورٹ کیلئے سرمایہ کاری میں دلچسپی رکھتا ہے۔

    تفصیلات کے مطابق وفاقی وزیر خزانہ اسحاق ڈار قطر کے 2 روزہ دورے پر روانہ ہوگئے ، جہاں وہ قطر سے توانائی ،تجارت،سرمایہ کاری امور پر مذاکرات کریں گے۔

    ذرائع نے بتایا ہے کہ حکومت بھکی ،حویلی بہادر شاہ پاور پلانٹس کو قطر کو فروخت کرنا چاہتی ہے اور قطر کراچی،اسلام آباد ایئرپورٹ کیلئے سرمایہ کاری میں بھی دلچسپی رکھتا ہے۔

    ذرائع وزارت خزانہ کا کہنا تھا کہ وزیر خزانہ اسحاق ڈار کل وطن واپس پہنچیں گے۔

    خیال رہے حکومت نے ایئر پورٹ آؤٹ سورسنگ میں دوست ممالک کو ترجیح دینے فیصلہ کیا ہے، سعودی عرب، متحدہ عرب امارات، قطر، چین اور ترکی کی کمپنیز کو ترجیحی بنیاد پر مدعو کیا جائے گا۔

    سول ایوی ایشن نے اسلام آباد، کراچی اور لاہور ایئر پورٹس کو آؤٹ سورس کرنے کے فریم ورک کو حتمی شکل دے دی ہے۔

  • اسحاق ڈار کے ناقابل ضمانت وارنٹ گرفتاری، غیرحاضری پرمچلکے ضبط ہوں گے

    اسحاق ڈار کے ناقابل ضمانت وارنٹ گرفتاری، غیرحاضری پرمچلکے ضبط ہوں گے

    اسلام آباد : احتساب عدالت کے جج محمد بشیر نے وفاقی وزیر خزانہ اسحاق ڈار کے ناقابل ضمانت وارنٹ گرفتاری سے متعلق تحریری حکم نامہ جاری کردیا.

    تفصیلات کے مطابق احتساب عدالت کے جج محمد بشیر نے 3 صفحات پرمشتمل حکم نامہ جاری کیا ہے جس میں کہا گیا ہے کہ اسحاق ڈار کی صحت سے متعلق میڈیکل رپورٹ پیش نہیں کی گئی پہلے ڈاکٹر کرسٹوفر بیکر اور پھر ڈاکٹررنجیت کی رپورٹس جمع کرائی گئی ہیں.

    جس میں سے ایک رپورٹ انجیوگرافی اور دوسری رپورٹ دل کی شریان سے متعلق تھی جب کہ 6 نومبر کو تیار ہونے والی بھارتی ڈاکٹر رنجیت کی جمع کرائی گئی رپورٹ بھی نئی نہیں ہے.

    احتساب عدالت جج نے کہا کہ ان حقائق کو مد نظر رکھتے ہوئے وفاقی وزیر خزانہ اسحاق ڈار کی حاضری سے استثنیٰ کی درخواست کو تسلیم نہیں کیا جاسکتا، ملزم جان بوجھ کرعدالت کے سامنے پیش نہیں ہو رہا چنانچہ اسحاق ڈار کے ناقابل ضمانت وارنٹ گرفتاری جاری کردیئے گئے ہیں.

    حکم نامے کے متن کے مطابق ضامن نے آئندہ سماعت پر ملزم کو پیش نہ کیا تو مچلکے ضبط ہوں گے جب کہ پراسیکیوٹر نیب نے وفاقی وزیر اسحاق ڈار کو اشتہاری قرار دینے کی کارروائی شروع کرنے کی استدعا بھی کی ہے.

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • براہ راست سرمایہ کاری میں 150 فیصد اضافہ ہوا، اسحاق ڈار

    براہ راست سرمایہ کاری میں 150 فیصد اضافہ ہوا، اسحاق ڈار

    اسلام آباد : وزیر خزانہ اسحاق ڈار نے کہا ہے کہ سیکیورٹی معاملات اور معاشی صورت حال بہتر ہو رہی ہے اور رواں سال نومبر دسمبر تک لوڈ شیڈنگ کا خاتمہ ہوجائے گا۔

    وزیر خزانہ اسحاق ڈار پریس کانفرنس کر رہے تھے، انہوں نے بتایا کہ 18 گھنٹے کی لوڈ شیڈنگ کے باوجود سرکلر ڈیٹ 503 ارب روپے تھا اور خوش آئند بات یہ ہے کہ اس سال کے آخر تک ملک سے لوڈ شیڈنگ کا مکمل خاتمہ بھی ہوجائے گا۔

    انہوں نے بتایا کہ گردشی قرضوں کا حجم 400 ارب سے کم ہے، براہ راست سرمایہ کاری 150 فیصد اضافے کے ساتھ رواں دواں ہے اور انتھک محنت کر کے اقتصادی ترقی کی شرح کو 3.5 فیصد سے 5.7 فیصد پر پہنچایا جب کہ ورلڈ بینک بھی پاکستان سے متعلق جاری اپنے اعداد و شمار درست کرے گا۔

    وفاقی وزیر نے کہا کہ کنفیوژنہ ہوں، ہمیں مزید محنت کی بہت ضرورت ہے چنانچہ معاشی صورت حال میں سب نے اپنا حصہ ڈالنا ہے اس لیے منفی باتوں کی ضرورت نہیں بلکہ محنت کرنا ہوگی،عالمی اداروں نے بھی پاکستان کی معیشت کے مستحکم ہونے کا اعتراف کیا ہے۔

     ملک کنگال ہوچکا، معاشی ایمرجنسی لگائی جائے، زرداری

    وزیرخزانہ اسحاق ڈار نے کہا کہ معیشت ترقی کے مراحل میں ہیں صورت حال بہتر ہو رہی ہے اور یہ ملک سب کا ہے اور ہمیں اس کو آگے لے کر جانے کی کوشش کرنی چاہیے نہ کہ منفی تنقید کر کے ترقی کے سفر کو روک دیا جائے۔

     خیال رہے کہ ملکی معیشت کی بدحالی کی جانب سے اشارہ کرتے ہوئے آرمی چیف قمر باجوہ اور ڈی جی آئی ایس پی آر کی جاب سے بھی معاشی خوشحالی کے لیے مزید کام کرنے کی ضرورت پر زور دیا گیا تھا جس کے ملک کی دیگر سیاسی جماعتوں کی جانب سے بھی معاشی ایمرجنسی کے نفاز اور اسحاق ڈار کی تبدیلی کا مطالبہ کیا جا رہا ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • آئندہ بجٹ میں جی ڈی پی کا ہدف 6 فیصد رکھیں گے، اسحاق ڈار

    آئندہ بجٹ میں جی ڈی پی کا ہدف 6 فیصد رکھیں گے، اسحاق ڈار

    اسلام آباد : وفاقی وزیر خزانہ اسحاق ڈار نے کہا ہے کہ آئندہ بجٹ میں جی ڈی پی کا ہدف 6 فیصد رکھیں گے اور مالی اقدامات پر مبنی پالیسیاں متعارف کرائیں گے۔

    وفاقی وزیر اسحاق ڈار نے جاپانی میگزین کو دیئے گئے اپنے ایک انٹرویو میں پاکستان میں معیشت کی بحالی اور تجارتی سرگرمیوں میں اضافے کے لیے کیے گئے حکومتی اقدامات کی تفصیلات سے آگاہ کیا۔

    انہوں نے کہا کہ آئندہ مالی سال میں مالی اقدامات پر مبنی پالیسیاں متعارف کرائیں گے جب کہ جی ڈی پی کا ہدف 6 فیصد تک رکھنے کا فیصلہ کیا گیا ہے۔

    وفاقی وزیر خزانہ اسحاق ڈار نے بتایا کہ آئی ایف سی سے انفرا اسٹرکچر بینک کے قیام کا معاہدہ کیا ہے جس سے ملک کی معیشت پر گہرے اثرات پڑنے کی امید ہے۔

    توانائی کے بحران پر قابو پانے کے حوالے سے پوچھے گئے ایک سوال کے جواب میں اسحاق ڈار کا کہنا تھا کہ ملک میں 25 ہزار میگا واٹ کے بجلی منصوبوں پر کام جاری ہے جن کے نظام میں شامل ہونے کے بعد لوڈ شیڈنگ کا خاتمہ ممکن ہو پائے گا۔

    انہوں نے مزید کہا کہ 10 ہزار میگا واٹ بجلی مارچ 2018 تک سسٹم میں شامل ہوجائے گی جس کے لیےگیس درآمد کر رہے ہیں جس کے بعد توانائی کا بحران ختم ہوجائے گا۔

  • غیر ملکی قرضوں میں کمی آئی ہے، اسحاق ڈار

    غیر ملکی قرضوں میں کمی آئی ہے، اسحاق ڈار

    اسلام آباد : وفاقی وزیر خزانہ اسحاق ڈار نے کہا ہے کہ رواں مالی سال کے پہلے 6 ماہ میں محصولات کی وصولی میں 125 ارب کی کمی کا سامنا ہے۔

    یہ بات انہوں نے فیڈریشن آف پاکستان چیمبرز آف کامرس اینڈ انڈسٹری (ایف پی سی سی آئی) میں صنعت کاروں سے خطاب میں کہی انہوں نےبتایا کہ مشرف دور میں قرضہ دگنا ہوگیا تھا جب کہ پیپلزپارٹی کے گزشتہ دور میں قرضہ ساڑھے چھ ٹریلین سے پندرہ ٹریلین تک پہنچ گیا تھا۔

    وفاقی وزیر خزانہ اسحاق ڈار نے فخریہ انداز میں کہا کہ ہمارے دورِ حکومت میں قرض کی صورت حال بہت بہتر ہوئی ہے، اور ملک ترقی کی شاہراہ پر گامزن ہوچکا ہے یہی وجہ کہ بیرون ملک سے بھی سرمایہ کاری پاکستان آ رہی ہے۔

    انہوں نے کہا کہ کراچی سرکلر کو سی پیک میں شامل کر کے حکومت نے کراچی سے خصوصی توجہ کو ظاہر کیا ہے جس کی تکمیل کے بعد ملک کا معاشی حب مزید مستحکم اور خوشحال ہوگا جس کے باعث ہزاروں لوگوں کو روزگار ملے گا۔

    قبل ازیں ایف پی سی سی آئی کے صدر زبیر طفیل نے تقریب سے خطاب کرتے ہوئے کہا کہ حکومت کی جانب سے َٹیکسٹائل پیکیج پر شکریہ ادا کرتے ہوئے کہا کہ موجودہ پیکیج کی بدولت بر آمدات میں اضافہ ہو گا۔

    اس موقع پر انہوں نے تجویز دی کہ اب بر آمدکنندگان کو بھی ٹیکسٹائل سہولت سے فائدہ اٹھانے کی ضرورت ہے تا کہ ایکسپورٹ ٹارگٹ کا حصول ممکن ہو سکے۔

  • پیٹرول کی قیمت میں ایک روپے 77 پیسے کا اضافہ

    پیٹرول کی قیمت میں ایک روپے 77 پیسے کا اضافہ

    اسلام آباد : وفاقی وزیر خزانہ اسحاق ڈار نے کہا کہ رواں مہینے کے لیے پیٹرول کی قیمتوں میں ایک روپے 77 پیسے اور ڈیزل کی قیمتوں میں 2 روپے فی لیٹر کا اضافہ ہوگا۔

    یہ بات انہوں نے میڈیا سے گفتگو کرتے ہوئے کہی انہوں نے بتایا کہ لائٹ ڈیزل اورمٹی کےتیل کی قیمت میں اضافہ نہیں ہوگا جب کہ پیٹرول 1 روہے 77 پیسے اور ڈیزل میں 2 روپے فی لیٹر اضافے کا فیصلہ کیا گیا ہے، نئی قیمتوں کا اطلاق کل سے 31 جنوری تک ہوگا۔

    پیٹرول اور ڈیزل کی قیمتوں میں اضافے کے بعد اب پیٹرول 68 روپے 4 پیسے اور ڈیزل 77 روپے 22 پیسے فی لٹر دستیاب ہوگا۔

    واضح رہے وفاقی حکومت کی جانب سے اوگرا سمیت پانچ ریگولیٹری اتھارٹیز کو متعلقہ وزارتوں کے ماتحت کردیا گیا تھا جس کے باعث پیٹرولیم مصنوعات کی قیمتوں میں ہونے والے ردوبدل کا اعلان یکم تاریخ کے بجائے قدرے دیر سے کیا گیا ہے۔

  • کرپشن کے مرتکب کو عمر بھر کیلئے نااہل قرار دیا جائے گا، اسحق ڈار

    کرپشن کے مرتکب کو عمر بھر کیلئے نااہل قرار دیا جائے گا، اسحق ڈار

    اسلام آباد : وفاقی وزیرخزانہ اسحاق ڈار نے کہا کہ حکومت نے احتساب قوانین کو مزید سخت کرنے کا فیصلہ کیا ہے جس کے تحت آج نیا احتساب آرڈریننس جاری کیا جائے گا۔

    یہ بات وفاقی وزیرخزانہ اسحاق ڈار نے قوانین جائزہ کمیٹی کے ہمراہ پریس کانفرنس کرتے ہوئے کہی۔ انہوں نے بتایا کہ حکومت نے نیب قوانین میں ترمیم کا فیصلہ کرلیا ہے اور اس حوالے سے آج نیا احتساب آرڈیننس جاری کیا جائے گا۔

    *پڑھیئے : اربوں‌ روپے کا کرپشن کیس 2 ارب روپے کے عوض بند کرنے کی منظوری

    انہوں نے کہا کہ سپریم کورٹ نے شق 25 اے کے تحت پلی بارگین سے متعلق حکومت کا موقف مانگا تھا اس سلسلے میں آج رات 12 بجے سے پہلے احتساب آرڈیننس جاری ہوگا جسے وزیراعظم کی منظوری کے بعد فوری طور پر نافذ العمل کردیا جائے گا۔

    * یہ بھی پڑھیں : مشتاق رئیسانی کے گھرسے کروڑوں مالیت کی کرنسی و زیورات برآمد

    اسحاق ڈار کا کہنا تھا کہ نے حکومت نے بد عنوانی سے متعلق سزاﺅں کو مزید سخت کرنے کی بھی تجویز دیتے ہوئے کرپشن میں ملوث سرکاری عہدے دار کوقید و بند کی سزا کے ساتھ ساتھ کسی بھی عہدے کے لیے تاحیات نااہل قرار دینے کی بھی سفارش کی گئی ہے۔

    *اسی سے متعلق : نیب نے سیکرٹری خزانہ بلوچستان مشتاق احمد رئیسانی کو گرفتارکرلیا

    اسحاق ڈارکا کہنا تھا کہ حکومت کرپشن کے معاملے پر زیرو ٹالرینس کی پالیس اپنائی ہوئی ہے جس کا اظہار نئے احتساب بل میں واضح نظر آئے گا جس میں کرپشن کرنے والوں سرکاری اہلکاروں اور افسران سمیت عوامی نمائندگان کے خلاف بھی بلا امتیاز کارروائی کی استدعا کی گئی ہے۔

    * یہ خبر بھی پڑھیں : مشیر خزانہ بلوچستان میرخالد لانگو کو عدالت سے گرفتار کر لیا گیا

    اس موقع پر وفاقی وزیر قانون زاہد حامد نے بتایا کہ نئے احتساب آرڈیننس کے تحت پلی بارگین کی شق کو مزید سخت بناتے ہوئے پلی بارگین کو عدالت کی اجازت سے مشروط کردیا گیا ہے۔

    واضح رہے مشہور زمانہ مشتاق رئیسانی کرپشن کیس میں نیب کی جانب سے سابق سیکرٹری خزانہ بلوچستان مشتاق رئیسانی کے ساتھ پلی بارگین کرنے کا انکشاف کیا تھا جس کے بعد سپریم کورٹ نے ایکشن لیتے ہوئے حکومت سے پلی بارگین کے حوالے سے وضاحت طلب کی تھی۔

    یاد رہے سابق سیکرٹری خزانہ بلوچستان مشتاق رئیسانی کے گھر سے اربوں روپے کی مالیت رقم اور زیورات برآمد کی گئی تھی اس کے علاوہ کراچی میں مزید بینک اکاؤنٹس اور جائداد کا بھی انکشاف ہوا تھا جس کے بعد مشیر خزانہ بلوچستان خالد لانگو بھی مستعفی ہو گئے تھے ۔

  • حکومت ملک کی تعمیر میں اور کنٹینر والےتخریب میں مصروف ہیں،اسحاق ڈار

    حکومت ملک کی تعمیر میں اور کنٹینر والےتخریب میں مصروف ہیں،اسحاق ڈار

    اسلام آباد : وفاقی وزیر خزانہ اسحاق ڈار نے کہا ہے کہ آج پاکستان کےزرمبادلہ کےذخائرساڑھے19 ارب ڈالر تک پہنچ گئے ہیں،ملک ترقی کی راہ پر گامزن ہو چکا ہے اور کچھ لوگوں کو یہ بات ہضم نہیں ہو رہی ہے۔

    اسلام آباد میں ایک تقریب سے خطاب کرتے ہوئے وفاقی وزیر خزانہ اسحاق ڈار نے کہا ہے کہ ملک ترقی کی راہ پر گامزن ہیں اور یہ ترقی کنٹینر پر چڑھنے والے کو ہضم نہیں ہورہی ہے 2013 کے بعد سے ملک جس سمت جا رہا ہے وہ کسی سے ڈھکا چھپا نہیں ہے۔

    وفاقی وزیر کا کہنا تھا کہ جب 2013 میں اقتدار سنبھالا تو تین بڑے چیلیجیز کا سامنا تھا ملک دہشت گردی کی لپیٹ میں تھا،ملک پر اندھیرے بادل چھائے ہوئے تھے اور معشیت دم توڑ رہی تھی لیکن ہم نے بہترین پالیسی اپناتے ہوئے ملک کو دہشت گردی کے عفریت سے آزاد کیا،لوڈ شیڈنگ کو تاریخ کی کم ترین سطح تک لائے اور معیشت کو دوبارہ اپنے پاؤں پر کھڑا کیا۔

    یہی وجہ ہے کہ ،آج دنیا پاکستان کی معیشت کی جانب دیکھ رہی ہے ،آکسفورڈ یونیورسٹی سمیت بین الاقوامی ادارے پاکستان کی معاشی صورتحال کی بہتری کی جانب گامزن ہونے کے اشارے دے رہے ہیں۔

    اسحاق ڈار کا کہنا تھا کہ مسلم لیگ احتساب سے نہیں ڈرتی نہیں نہ ہی عدالتی کارروائی سے بھاگے گی لیکن انتشار کی سیاست کرنے والے ملک کا بھلا نہیں چاہتے اسی لیے تین سال سے کہہ رہا ہوں کہ سیاست کو معیشت سے علیحدہ کردیں تاکہ ملک کی معاشی صورتحال تیزی سے بہتری کی جانب گامزن ہو سکے۔

    وفاقی وزیر خزانہ اور تجارت اسحاق ڈار نے مزید کہا کہ میر ے لیے اس ملک کی خدمت عین عبادت ہے جسے پوری ایمانداری کے ساتھ سر انجام دے رہا ہوں اور الحمد اللہ حکومت نے ایمانداری کے ساتھ کام کرتے ہوئے پرانے اور پچیدہ مسائل پر جلد ہی قابو پالیا ہے۔

     

  • عالمی بینک نے اسحاق ڈار کو ایشیاء کا بہترین وزیرخزانہ قرار دے دیا

    عالمی بینک نے اسحاق ڈار کو ایشیاء کا بہترین وزیرخزانہ قرار دے دیا

    واشنگٹن: عالمی بینک اور آئی ایم ایف نے اسحاق ڈار کو سال 2016ء کے لیے جنوبی ایشیا کا بہترین وزیر خزانہ قرار دیتے ہوئے ایوارڈ دینے کا اعلان کیا ہے۔

    وفاقی محمکہ برائے اطلاعات و نشریات سے جاری کردہ اعلامیے کے مطابق عالمی بینک اور آئی ایم ایف نے وفاقی وزیر خزانہ اسحاق ڈار کو جنوبی ایشیاء کا بہترین وزیر خزانہ قرار دیتے ہوئے ایوارڈ دینے کا اعلان کردیا، یہ ایوارڈ انہیں آئی ایم ایف اور عالمی بینک کے سالانہ اجلاس کے موقع پر دیا جائے گا۔

    لائن آف کنٹرول پر کشیدہ صورتحال اور جوائنٹ سیشن کے باعث اسحاق ڈار نے اپنا دورہ واشنگٹن مسنوخ کیا، سالانہ تقریب کے موقع پر وفاقی وزیر خزانہ کا ایوارڈ امریکا میں متعین سفیر جلیل عباس جیلانی وصول کریں گے۔

    یاد رہے کہ اسحاق ڈار مسلم لیگ ن کے اقتدار میں آنے کے بعد سے وزیر خزانہ مقرر کیے گئے تھے، وہ آئی ایم ایف اور ورلڈ بینک سے قرضوں کی ادائیگی اور حصول کے سلسلے میں مسلسل رابطے میں رہتے ہیں۔

    حالیہ دنوں اسمبلی کے جوائنٹ سیشن کے موقع پر قائد حزب اختلاف سید خورشید علی شاہ نے حکمراں جماعت کو تجویز دی تھی کہ موجودہ صورتحال میں وزیر خارجہ کی عدم موجودگی کے باعث پاکستان دنیا میں تنہا ہوگیا ہے، حکومت کو اس خامی پر فوری قابو پانے کے لیے اسحاق ڈار کو وزیر خارجہ تعینات کردینا چاہیے کیونکہ وہ بہت محنتی ہیں‘‘۔