Tag: وفاقی وزیر خزانہ اسحاق ڈار

اسلام آباد : پراپرٹی کی قیمتوں کے تعین کے لیے حکومت اور رئیل اسٹیٹ کے نمائندگوں کے درمیان مذاکرات کامیاب ہو گئے ہیں،باہمی رضامندی سے کیے گئے معاہدے کے تحت زمین کی قیمتوں کا تعین اید بی آر کرے گی۔

رئیل اسٹیٹ کی نمائندہ ےنظیموں سے کامیبا مزاکرات کے بعد وفاقی وزیر خزانہ اسحاق ڈار کا کہنا تھا کہ اتفاق رائےسےکیے گئے فیصلوں کے تحت اب زمینوں کی قیمتوں کا تعین ایف بی آر کرے گا، تین سال سے پہلے جائیداد فروخت کرنے پر ٹیکس لگے گا،ود ہولڈنگ ٹیکس بھی 30لاکھ کے بجائے 40لاکھ سے زائد مالیت کی جائیداد پر ہی لگے گا،3سال سے پہلے بیچنے پر 5فیصد ٹیکس ادا کرنا ہو گا،ایک سال میں بکنے والی پراپرٹی پراب 10فیصدٹیکس لاگوہوگا اور 2سال کاہاکنگ پیریڈ5سال تک بڑھادیاگیاہے۔

انہوں نے کہا کہ پراپرٹی ڈیلرز نے اپنے مسائل اور تجاویز حکومت کے سامنے پیش کیں جس کے بعد طویل مشاورت اور باہمی رضامندی کے بعد یہ فیصلے کیے گئے ہیں جن پرعمل درآمد کےلیےقانون سازی کریں گے اور اس معاملے کو قانونی شکل دینے کے لیے آرڈیننس لانے پربھی غورکریں گے۔

اس موقع پر وفاقی وزیر خزانہ نے مذاکرات میں شریک تمام افرادکاشکریہ ادا کرتے ہوئے کہا کہ اوورسیزپاکستانی بھی ملک میں پراپرٹی میں سرمایہ کاری کرتےہیں،بینک ٹرانزکشن ود ہولڈنگ ٹیکس اگست میں بھی 0اعشاریہ4 فیصد برقراررہے گا،پراپرٹی کی قیمتوں پرکسی کوبلیک میل ہونےکی ضرورت نہیں،اپنا کام مکمل کرنے کے بعد صوبوں سے بات کریں گے۔

بعد ازاں میڈیا سے بات کرتے ہوئے صدرایف پی سی سی آئی عبدالرؤف عالم نے بھی وزیر خزانہ کا شکر ادا کیا اور رئیل اسٹیٹ انڈسٹری کی جانب سے ہر ممکن تعاون کی یقین دہانی کرائی،اُن کا کہنا تھا کہ وزیر خزانہ اسحاق ڈار نےہماری گزارشات غورسےسنیں اور ان پر عمل بھی کیا۔

اسلام آباد : سینیٹر اعظم سواتی کی جانب سے پوچھے گئے سوال کے جواب میں سینیٹ کو تحریری طور پر بتایا گیا ہے کہ گذشتہ تین سالوں میں 280 ارب سے زائد کے قرضے معاف کیے گئے۔

تفصیلات کے مطابق پاکستان تحریک انصاف سے تعلق رکھنے والے سینیٹر اعظم سواتی نے وقفہ سوالات کے لیے اپنی جانب سے وزراتِ خزانہ کے لیے ایک اہم سوال سینیٹ سیکریٹیریٹ میں جمع کرایا گیا تھا،سوال مین پوچھا گیا تھا کہ موجودہ دور حکومت میں اب تک کس کس نے کتنے قرضے بینکوں سےمعاف کروائے ہیں،جس کا تحریری جواب آج وزراتِ خزانہ کی جانب سے سینیٹ میں پیش کیا گیا۔

سینیٹر اعظم سواتی کی جانب سے پوچھے گئے سوال کے تحریری جواب میں سینیٹ کو تحریری طور پر بتایا گیا  کہ گذشتہ 30 سالوں میں ایک ہزار  سے زائد نجی کمپنیوں نے بینکوں سے قرضے معاف کروائے ہیں جب کہ گزشتہ تین سالوں مین مسلم لیگ ن  کی حکومت کے دوران 280 ارب روپے کے قرضے معاف کرائے گئے ہیں۔

وزیر خزانہ نے سوال کے جواب میں کہا ہے کہ اس وقت دو قوانین موجود ہیں جن کے تحت مالیاتی ادارے قرضے کی جلد وصولی کے لیے بینکنگ کورٹس میں مقدمہ دائر کر سکتے ہیں تا ہم قرضے کی جلد وصولی کے لیے سٹیٹ بینک نے تمام اسٹیک ہولڈرز کے ساتھ مشاورت کے بعد ان قوانین میں ترمیم تجویز کی ہے  یہ ترامیم قومی اسمبلی نے منظور کر لی ہیں جس کے بعد یہ ترامیم سینیٹ میں منظوری کے لیے بھیجی گئی ہیں۔

تحریری جواب میں سینیٹ کو گزشتہ تین سالوں میں قرضے معاف کروانے والی 400 نجی کیمپنیوں کی فہرست پیش کی گئی،فہرست میں ان کمپنیوں کا ذکر ہے جنہوں سے 5 کروڑ سے زائد قرضہ معاف کروایا ہے جب کہ ضمنی سوال کے جواب مین سینیٹ کو بتایا گیا کہ سب سے زیادہ قرضہ 2015 میں معاف کروائے گئے۔

تحریری جواب میں درج اعداد و شمار کے مطابق کے مطابق 2013 میں 6 ارب روپے، 2014 میں 4.4 ارب اور 2015 میں 270 ارب روپے کے قرضے معاف کیے گئے، ان میں نیشنل بینک آف پاکستان نے 129 کمپنیوں کے قرضے معاف کیے، حبیب بینک لمیٹڈ نے 239 اور یونائیٹڈ بینک نے 179 کمپنیوں کے قرضے معاف کیے۔

اسلام آباد: حکومت اور اپوزیشن نے چاروں صوبوں الیکشن کمیشن ممبران کی تقرری کے لیے اپنی اپنی جانب سے تین تین نام دے دیے ہیں کل یہ نام اسپیکر آفس کو دیے جائیں گے الیکشن کمیشن سے متعلق پارلیمانی کمیٹی کا اجلاس پیرکوساڑھے10بجے طے ہوا ہے،

تفصیلات کے مطابق الیکشن کمیشن تمام اراکین 13 جون 2016 کو ریٹائرڈ ہوگئے تھے جس کے بعد سے الیکشن کمیشن ٍغیرفعال ہے،آئینی طور پر اراکین کی تقرری 45 دن کے اندر اندر حکوت اور اپوزیشن کی مشاورت کے بعد کر لینا ضروری ہے تا ہم 39 دن ہونے کو آئے ہیں اب تک الیکشن کمیشن کے اراکین کی تقرری نہیں کی جا سکی ہے تا ہم اب حکومت اور اپوزیشن نے چاروں صوبوں کے اراکین کے لیے تین تین ناموں کو فائنل کرکے کل اسپیکر آفس میں جمع کرانے کا عندیہ دے دیا ہے

مزید جانیے : الیکشن کمیشن کے چاروں ممبران ریٹائرڈ ،الیکشن کمیشن عملی طور پر غیر فعال

اس حوالے سے وفاقی وزیر خزانہ اسحاق ڈار اور قومی اسمبلی میں قائد حزب اختلاف خورشید شاہ نے اسلام آناد میں مشرکہ طور پر میڈیا سے بات کرتے ہوئے تفصیلات بتائیں اس موقع پر خورشید شاہ کا کہنا تھا کہ الیکشن کمیشن کے اراکین کی تقرری ایک بڑی ذمہ داری ہے اور ہم نے کوشش کی ہے کہ امانت میں خیانت نہ ہو ہم نے چاروں صوبوں کے لیے تین تین نام دیے ہیں جن میں ٹیکنو کریٹس اور بیروکریٹس بھی شامل ہیں یہ تمام لوگ اپنے اپنے شعبے کے ماہر اور ایماندار شخصیت ہیں کوشش کی ہے کہ منتخب ہونے والے اراکین غیر سیاسی ہوں۔

وفاقی وزیر خزانہ اسحاق ڈار نے کہا کہ اراکین الیکشن کمیشن کی تقرری آئین کی 22 ویں ترمیم کے مطابق 45 دن میں ہونا ضروری ہے بحکومت اور اپوزیشن کے نام کل اسپیکر تک پہنچ جائینگے حکومت اور اپوزیشن مل کر الیکشن کمیشن کے ممبران کے نام پر متفق ہوں گے ہر پارلیمانی جماعت کی جانب سے نام آگئے ہیں،حتمی منظوری پارلیمانی کمیٹی دے گی، پیر کے روز اُن کا اجلاس 10:30 بجے ہوگی اور اسی دن یعنی 25 جولائی کو نوٹیفیکشن کے طریقہ کار کو پورا کرنے کی کوشش کریں گے۔

تجویز کردہ اراکین کے ناموں سے متعلق پوچھے گئے سوال پر وفاقی وزیر کا کہنا تھا کہ چار اراکین کے لیے تجویز کردہ 24 نام سربمہر لفافوں میں موجود ہیں جو 24 جولائی کو کمیٹی کے اجلاس میں کھلے جائیں گے اور تب ہی ان ناموں کا پتہ چل سکے گا۔