ARYNews.tv | Urdu – Har Lamha Bakhabar

Tag: وفاقی وزیر خزانہ

  • مالی سال کے لیے دفاعی بجٹ میں 900 ارب روپے منظور کرنے کا فیصلہ

    مالی سال کے لیے دفاعی بجٹ میں 900 ارب روپے منظور کرنے کا فیصلہ

    اسلام آباد: حکومت پاکستان نے آئندہ مالی سال کے لیے دفاعی بجٹ کی مد میں 900 ارب سے زائد رقم مختص کرنے کا فیصلہ کرلیا ہے۔

    تفصیلات کے مطابق وفاقی وزیر خزانہ کے ذرائع نے اس بات کی تصدیق کی ہےکہ آرمی ہیڈکوارٹر کی جانب سے دفاعی بجٹ کی مد میں آئندہ مالی سال کے فنڈ کے لیے بجٹ مختص کرنے کے مذاکرات کامیاب ہوگئے ہیں۔

     گزشتہ سال وفاقی حکومت کی جانب سے دفاعی بجٹ کی مد میں 788  ارب روپے مختص کیے گئے تھے، تاہم آئندہ مالی سال کے لیے دفاعی بجٹ کی مد میں 900 ارب روپے سے زائد رقم مختص کی جائیگی، جو گزشتہ سال کے مقابلے میں 11.1 فیصد سے زیادہ ہے۔

    اس کے علاوہ پاکستان نیوی اور پاکستان ائیرفورس کے بجٹ میں بھی 10 سے 15 فیصد اضافے کا امکان ہے۔

    ذرائع نے اس بات کی بھی تصدیق کی ہے کہ اس بجٹ میں ملک بھر میں جاری دہشت گردی کے خلاف آپریشن کے اخراجات کو شامل نہیں کیا گیا اس کے اخراجات وفاقی حکومت خود برداشت کرے گی۔

    پاک فوج نے داخلی سیکورٹی الاؤنس کی مد میں وفاقی حکومت سے 3 ارب روپے کے بقایاجات بھی طلب کرلیے ہیں۔

    انہوں نے مزید بتایاکہ اگلے مالی سال کے لیے دفاع کو مضبوط بنانے کے لیے گولہ بارود کی خریداری کے لیے رقم کی ضرورت ہے، یہ رقم پاکستان آرمی کو ڈالر کی صورت میں کی جائیگی۔

  • وفاقی بجٹ کی تیاری، ٹیکس وصولی میں اضافے کا عندیہ

    وفاقی بجٹ کی تیاری، ٹیکس وصولی میں اضافے کا عندیہ

    اسلام آباد : حکومت نے آئندہ مالی سال کے بجٹ کی تیاریاں شروع کردیں ہیں۔اس سلسلے میں وفاقی وزیر خزانہ کا کہنا ہے کہ آئندہ دوسال میں مراعاتی ایس آر اوز کو ختم کر دیا جائے گا۔

    ان خیالات کا اظہار  وفاقی وزیر خزانہ اسحاق ڈار  نے اسلام آباد میں تاجر برادری، ایف بی آر اوراوور سیزچیمبر کےممبران سے ملاقات کے دوران کیا۔

    اس موقع پر میڈیا سےگفتگو کرتے ہوئے وزیر خزانہ کا کہنا تھا کہ ملکی اخراجات کو پورا کرنے کیلئے ٹیکس وصولیوں میں اضافہ ضروری ہے۔اس لئے آئندہ دو سال میں مراعاتی ایس آر اوز کا خاتمہ کر دیا جائے گا۔

    انھوں نے مزید کہا کہ پیٹرولیم مصنوعات اور اس جیسے دیگر ضروری ایس آر اوز کو جاری رکھا جائے گا۔ اسحاق ڈار کا کہنا تھا کہ حکومت تاجر برادری کی تجاویز کو مد نظر رکھ کر اور ان کے ساتھ مل کر بجٹ بنانا چاہتی ہے۔

    اسحاق ڈار نےمزید بتایا کہ مشاورتی کونسل کی تجاویز کوبھی بجٹ کا حصہ بنایا جائےگا۔ ایک سوال کے جواب میں ان کا کہنا تھا کہ تاجر برادری سے مشاورت کیلئےمزیداجلاس بھی بلائیں گے۔

  • شناختی کارڈ ہی ہرشہری کا ٹیکس نمبربھی ہوگا، اسحاق ڈار

    شناختی کارڈ ہی ہرشہری کا ٹیکس نمبربھی ہوگا، اسحاق ڈار

    اسلام آباد: وزیر خزانہ اسحا ق ڈار کا کہنا ہے این ٹی این نمبر اب صرف کمپنیوں کوملیں گے،قومی شناختی نمبر ہی ہرشہری کا ٹیکس نمبر ہوگا۔

     قومی اسمبلی کا اجلاس اسپیکر ایاز صادق کی صدارت میں ہوا وزیر خزانہ اسحاق ڈار نے کہا کہ ایوان کی خود مختاری پر کوئی سودے بازی نہیں کی جائے گی ٹیکسوں کے نفاذ کا حکومت حق رکھتی ہے پیپلز پارٹی کے دور میں بھی اسیے فیصلے کیئے گئے۔

     انہوں نے کہا کہ اس وقت زر مبادلہ کے ذخائر سولہ ارب ڈالر ہیں پٹرول کی قیمتوں میں اضافہ ہوا تو جی ایس ٹی کم کر دیا جائے گا۔

    وزیر خزانہ کا کہنا تھا کہ یکم جولائی سے شناختی کارڈنمبرٹیکس نمبرہوگا، انفرادی نیشنل ٹیکس نمبر ختم کیاجارہا ہے، انہوں نے بتایا کہ این ٹی این نمبر اب صرف کمپنیوں کو دیئے جائیں گے قومی شناختی کارڈ ہی عام شہری کا ٹیکس نمبر ہوگا ۔

    انہوں نے کہا کہ 46ارب روپے کے اضافی ٹیکس لگائے ہیں اشیا پر ریگولیٹری ڈیوٹی 5سے 10 فیصد کردی گئی ہے جبکہ چاکلیٹس،کاسمیٹکس،الیکٹرانکس پر سیلز ٹیکس بڑھایا گیا۔

    اپوزیشن لیڈر خورشید شاہ نے کہا کہ حکومت ماضی کی روایات تبدیل کرے حکمران پورا وقت ملک کو دیں تو کوئی غریب نہ رہے ۔

    سید نوید قمر نے کہا کہ وزیر خزانہ کے اعداد و شمار سے اتفاق نہیں کرتے شیخ رشید احمد ،رشید گوڈیل صاحبزادہ طارق اللہ نے بھی ٹیکسوں کے نفاذ پر تنقید کی۔

     وزیر داخلہ چودھری نثار نے ایوان کو تحریری طور پر بتایا کہ گزشتہ پانچ سال میں ملک بھر میں 638دہشت گرد مارے گئے سب سے زیادہ کے پی کے میں304دہشت گردوں کو ہلاک کیا گیا ٹیکسوں کے نفاذ پر اپوزیشن نے قومی اسمبلی اجلاس سے واک اوٹ کیا قومی اسمبلی کا اجلاس جمعہ کی صبع ساڑھے دس بجے دو بارہ ہو گا۔

  • بھابی نے چاہا توعمران خان کے ساتھ معاملات طےہوجائیں گے، اسحاق ڈار

    بھابی نے چاہا توعمران خان کے ساتھ معاملات طےہوجائیں گے، اسحاق ڈار

     اسلام آباد: اسحق ڈار نے ریحام خان سے درخواست کی ہے کہ وہ عمران خان کو جوڈیشل کمیشن کے قیام کے لئے حکومتی شرائط پر راضی کریں۔

    جوڈیشل کمیشن کے حوالے سے وزیرخزانہ اسحاق ڈار نے کہا کہ اگر بھابھی نے چاہا تو عمران خان کے ساتھ سارے معاملات آدھے گھنٹے میں طےہوجائیں گے۔

    اسحاق ڈار نے کہا کہ عمران خان انتخابات اور دیگر چیزوں پر سیاست کر لیں لیکن قومی معیشت پر سیاست نہ کریں۔ دہشت گردی کی طرح معیشت پر بھی نیشنل ایکشن پلان بننا چاہئے۔

    وزیر خزانہ نے کہا کہ انتخابی دھاندلی کی تحقیقات سے متعلق جوڈیشل کمیشن کے قیام کیلئے سازش یا بائی ڈیزائن کے الفاظ شامل کرنا پڑیں گے، اگر کمیشن کے قواعدو ضوابط میں یہ الفاظ لکھ دیئے جائیں کہ انتخابات میں کسی سازش کے زریعے منظم دھاندلی کی گئی تو وزیراعظم کمیشن کے قیام سے متعلق آرڈیننس جاری کرنے کے حق میں ہیں۔

  • آپریشن ضربِ عضب پراب تک دو ارب ڈالرز خرچ ہوئے،اسحاق ڈار

    آپریشن ضربِ عضب پراب تک دو ارب ڈالرز خرچ ہوئے،اسحاق ڈار

    اسلام آباد: وفاقی وزیر خزانہ اسحاق ڈار نے کہا ہے کہ شمالی وزیرستان میں دہشت گردوں کے کیخلاف ملٹری آپریشن ضربِ عضب میں دو ارب ڈالرز کے اخراجات آئے ہیں۔

    وزیر خزانہ اسحاق ڈار نے وزیراعظم سیکریٹریٹ میں بین الاقوامی ڈونرز کانفرنس میں غیرملکی سفیروں، بین الاقوامی مالیاتی اداروں اور فلاحی تنظیموں کے نمائندوں کو بتایا کہ شمالی وزیرستان کے آئی ڈی پیز کی بحالی میں مدد بین الاقوامی براداری کا فرض ہے ۔

    انہیں سیلاب زدگان کی بحالی میں بھی مدد کرنی چاہئے۔ انہوں نے کہاکہ سیلاب سے ہونے والے نقصان کی ابتدائی رپورٹ تیار کرلی گئی ہے جبکہ ان کی بحالی کے لیے رقم کا تخمینہ اکتوبر تک لگا لیا جائے گا۔

    کانفرنس میں پنجاب حکومت کے حکام نے بتایا کہ سیلاب سے تین ہزار چار سو پچاس دیہات اور پانچ لاکھ افراد متاثر ہوئے، انہوں نے کہا کہ پیتیس ہزار متاثرین کو پچیس ہزار روپے فی کس دیئے گئے ہیں اور جاں بحق افراد کے لواحقین کو سولہ لاکھ روپے دیئے گئے ہیں۔

    چیئرمین این ڈی ایم اے سعید علیم نے اس موقع پر بتایا کہ سیلاب سے پنجاب کے تئیس گللگت کے پانچ اور آزاد کشمیر کے دس اضلاع متاثر ہوئے ہیں۔

  • اچھی تجاویزپربجٹ میں تبدیلی ہوسکتی ہے، وزیرخزانہ

    اچھی تجاویزپربجٹ میں تبدیلی ہوسکتی ہے، وزیرخزانہ

    ishaq

  • وفاقی وزیرخزانہ کل قومی اقتصادی سروےکی تفصیلات کا اعلان کریں گے

    وفاقی وزیرخزانہ کل قومی اقتصادی سروےکی تفصیلات کا اعلان کریں گے

    ishaq

  • پاک افواج کو کسی ملک میں نہیں بھیج رہے،اسحاق ڈار

    پاک افواج کو کسی ملک میں نہیں بھیج رہے،اسحاق ڈار

    ishaq

  • وفاقی وزیرخزانہ مختلف وزارتوں اور سیکرٹریز پر برہم

    وفاقی وزیرخزانہ مختلف وزارتوں اور سیکرٹریز پر برہم

    وفاقی وزیر خزانہ اسحاق ڈار مختلف وزارتوں اور سیکرٹریز پر برہم ہوگئے، ان کا کہنا تھا کہ وزارتوں کے بارے میں خبریں چلنے پر انھیں وضاحت دینا پڑتی ہے۔

    اقتصادی رابطہ کمیٹی کے اجلاس کی صدارت کے دوران وزیر خزانہ اسحاق ڈار نے کہا کہ وزارتوں کے حوالے سے خبریں چلتی ہیں تو انھیں وضاحت کرنا پڑتی ہے، اس بارے میں متعلقہ وزارتیں چوبیس گھنٹے کے اندر ہر سوال کا جواب دیں۔

    وزیر خزانہ کا کہنا تھا کہ سیکرٹریز اجلاس میں غلط سمریاں لے کر آتے ہیں اور باہر جا کر سیاست کرتے ہیں، انہوں نے بتایا کہ ستمبر دوہزار سولہ کے بعد پاکستان آئی ایم ایف کی شرائط کا پابند نہیں ہوگا۔

    وزیر خزانہ نے یوریا کی قیمتوں میں فی بیگ ایک سو پچاس روپے اضافے کو بلاجواز قرار دیتے ہوئے کھاد کی کمپنیوں کا اجلاس طلب کرلیا ہے، اسحاق ڈار نے وزارت پیٹرولیم کو عالمی مارکیٹ میں قیمتوں کا موازنہ پیش کرنے کی ہدایت کی ہے۔

    اقتصادی رابطہ کمیٹی نے لکی سیمنٹ کو چار کروڑ ڈالر واپس جمع کرنے کی ہدایت کی ہے، جو اس نے کونگو میں سیمنٹ پلانٹ لگانے کیلئے لی تھی، اجلاس میں پٹ کوک بھارت سے واہگہ کے ذریعے درآمد کرنے کی منظوری بھی دی گئی۔
       

  • وفاقی وزیر خزانہ مختلف وزارتوں کے سیکرٹریز پر برس پڑے

    وفاقی وزیر خزانہ مختلف وزارتوں کے سیکرٹریز پر برس پڑے

    وفاقی وزیر خزانہ اسحاق ڈار مختلف وزارتوں اور سیکرٹریز پر برس پڑے ان کا کہنا تھا وزارتوں کے حوالے سے خبریں چلتی ہیں وضاحت مجھے دینا پڑتی ہیں۔

    اقتضادی رابطہ کمیٹی کے اجلاس کی صدارت کے دوران وزیر خزانہ اسحاق ڈارنے کہا کہ وزارتوں کے حوالے سے خبریں چلتی ہیں وضاحت مجھے دینی پڑتی ہے متعلقہ وزارتیں چوبیس گھنٹے کے اندر ہر سوال کا جواب دیں ۔سرکاری امور میں قوائد و ضوابط پر عمل کریں ۔

    وزیر خزانہ کا کہنا تھا کہ سیکرٹریز اجلاس میں غلط سمریاں لے کر آتے ہیں اور باہر جا کر سیاست کرتے ہیں، انہوں نے بتایا کہ ستمبر دوہزار سولہ کے بعد پاکستان آئی ایم ایف کی شرائط کا پابند نہیں ہوگا۔