Tag: وفاقی وزیر داخلہ شیخ رشید

اسلام آباد : وفاقی وزیر داخلہ شیخ رشید  نے نواز شریف کو پیشکش کی ہے کہ  اگر  نوازشریف صبح آنے کا اعلان کریں میں یہاں سے چارٹر طیارہ بھیجنے کیلئے تیار ہوں۔

تفصیلات کے مطابق وفاقی وزیر داخلہ شیخ رشید نے پریس کانفرنس کرتے ہوئے کہا کل شام 7بجےلال حویلی سےپی ٹی آئی کی جیت کااعلان کروں گا، پی ٹی آئی ایک ہی نشست سے اپنی حکومت بنائےگی۔

شیخ رشید نے اپوزیشن پر تنقید کرتے ہوئے کہا ان لوگوں نے پہلےہی ہارکوتسلیم نہ کرنےکی قسم کھائی ہوئی ہے، میں کسی خاتون کےخلاف نازیبازبان استعمال نہیں کروں گا۔

وفاقی وزیر کا کہنا تھا کہ نوازشریف اب کیوں واویلاکررہےہیں، نوازشریف صبح آنے کااعلان کریں میں یہاں سے جہاز بھیجوں گا، شریف خاندان بوٹ چاٹ کر یہاں تک پہنچا،نوازشریف اور مریم نواز کی زبان ان کی سیاست تباہ کررہی ہے۔

انھوں نے کہا کہ 3سال ہوگئےہیں اب تو ان لوگوں کوالیکشن کی تیاری کرنی چاہیے، جہاں لاکھوں ووٹ ہوں وہاں الیکشن تیاری کےلیےسال چاہیے، 4 سے 6 مہینے اہم ہیں،بھارت اوراسرائیل نے ہائبرڈوار شروع کررکھی ہے۔

افغان سفیر کی بیٹی کے اغوا کے حوالے سے شیخ رشید کا کہنا تھا کہ افغان سفیرکی بیٹی اغوانہیں ہوئی ،گمشدگی تھی، بتاسکتاہوں گمشدگی کہاں اورلاپتہ کہاں تھی، بیٹیاں سانجھی ہوتی ہیں ایسی بات نہیں کرنی چاہیے۔

وفاقی وزیر نے مزید کہا کہ سیاست اب صرف میڈیاتک محدودہوگئی ہے، اگرمیڈیاریٹنگ سےلیڈربنناہےتومیں سب سےبڑالیڈرہوں، وزیراعظم پاکستان کی معیشت کو مزید6 ماہ میں اورٹھیک کریں گے۔

ان کا کہنا تھا کہ کشمیریوں نےفیصلہ کرنا ہےکہ انہوں نےکیاکرناہے، ہم نےاقوام متحدہ کی قراردادوں کی پابندی کرنی ہے۔

بلاول کے حوالے سے شیخ رشید نے کہا میرادل کا جانی بلاول بھی کہتا ہے میں آرہا ہوں، بلاول کہےکشمیرآرہاہوں تواس کاراستہ کون روک سکتا ہے ، بلاول اورمریم کہہ سکتےہیں کہ حکومت بنانےجارہےہیں تومیں بھی کہہ سکتاہوں کہ کل پی ٹی آئی کی جیت کااعلان کروں گا۔

شہباز شری سے متعلق وفاقی وزیر کا کہنا تھا کہ شہبازشریف تولاپتہ ہی ہے،وہ بھائی سےڈراہواہے،مریم سیاست کررہی ہے، نوازشریف کی پارٹی کاکوئی سیاسی مستقبل نہیں دیکھ رہا،ان کاسیاسی مستقبل نہ ہونےکی وجہ ان کی زبان ہے۔

لاہور : وفاقی وزیر داخلہ شیخ رشید کا کہنا ہے کہ آزاد کشمیر میں بلا جیتے گا اور اگلے الیکشن میں بھی قوم عمران خان کوووٹ دے گی ، بلاول دل کاجانی ہے اس کیخلاف کوئی بات نہیں سن سکتا۔

تفصیلات کے مطابق وفاقی وزیر داخلہ شیخ رشید نے تقریب سے خطاب کرتے ہوئے کہا تحریک انصاف آزادکشمیر میں کامیابی حاصل کرےگی، آزاد کشمیر انتخابی مہم میں تحریک انصاف کیساتھ ہیں، عمران خان کشمیر جارہے ہیں، تحریک انصاف آزادکشمیر میں حکومت بنائے گی۔

پاک افغان بارڈر کے حوالے سے شیخ رشید کا کہنا تھا کہ طورخم بارڈر پر پھنسے پاکستانیوں کیلئے لائحہ عمل بنارہے ہیں، ستر سال میں پاکستان میں داخل ہونے والے پچاس ہزارافراد کا کوئی اتا پتا نہیں ، وزارت داخلہ نے تمام غیرملکیوں کو رجسٹرڈ کرنے کافیصلہ کیاہے.

وفاقی وزیر نے کہا کہ افغان جعلی کارڈرکھنے والے پکڑے ہیں، اگر کسی کا ویزہ ختم ہوجائےتووزارت داخلہ سےرابطہ کرسکتےہیں، تمام ویزاآن لائن کردیا گیاہے، جوپاکستانی مڈل ایسٹ ،سعودیہ جاناچاہتےتھےوہ طورخم بارڈرپرہیں، این سی اوسی کے مشورے پر طورخم بارڈر پاکستانیوں کیلئےکھول رہے ہیں،ستر سال میں پاکستان میں داخل ہونے والے پچاس ہزارافراد کا کوئی اتا پتا نہیں.

تحریک لبیک کے حوالے سے ان کا کہنا تھا کہ ٹی ایل پی کافیصلہ اس ہفتےکابینہ میں چلاجائے گا، ٹی ایل پی رپورٹ اس کابینہ میٹنگ میں بھیج رہےہیں۔

شیخ رشید نے مزید کہا بلاول دل کاجانی ہے اس کیخلاف کوئی بات نہیں سن سکتا ، اگلےالیکشن میں بھی عمران خان کوقوم ووٹ دےگی، اس کیلئےہمیں اپنی پر فارمنس مزیدبہترکرنا ہوگی۔

منشیات کی سپلائی کے حوالے سے وزیر داخلہ کا کہنا تھا کہ منشیات کیخلاف بڑے پیمانے پر کارروائی کرنے جارہےہیں، اسلام آباد میں منشیات کا بڑا زور ہے، پاکستان سے منشیات باہرنہیں جارہی جتنی باہرسےآرہی ہے میڈیسن، کیپسول سب باہرسے آرہےہیں۔

برہانی وانی کے حوالے سے برہان وانی کی شہادت پرآج جوکچھ ہواحکومت اسکی مذمت کرتی ہے، بھارت نےجوالزام لگائےڈرون کےان کی تردیدکرتا ہوں ، جب تک بھارت اگست والےاقدام کوواپس نہیں لیتاکوئی بات نہیں ہوگی۔

کراچی : وفاقی وزیر داخلہ شیخ رشید کا کہنا ہے کہ کراچی میں ایسے حالات نہیں کہ آپریشن ہو، عمران خان دور میں کوئی آپریشن نہیں ہوگا نہ گورنرراج آئے گا لیکن سندھ سے ڈاکو راج ختم کرکے دم لیں گے۔

تفصیلات کے مطابق وفاقی وزیر داخلہ شیخ رشید نے کراچی میں میڈیا سے گفتگو کرتے ہوئے کہا وزیراعلیٰ مرادعلی شاہ سے آج صبح ملاقات ہوئی ہے، طے ہواکہ صوبہ اور مرکز مل کر ڈاکوؤں سے نمٹےگا، سندھ حکومت چاہے تو پورے صوبے میں رینجرز مہیا کرنے کو تیار ہیں، سندھ حکومت کی صوابدید ہےجہاں چاہیں رینجرز کو استعمال کرسکتے ہیں۔

وزیرداخلہ کا کہنا تھا کہ تاوان،اغوا،قتل پر ڈاکوؤں کیخلاف دہشتگردی کےمقدمات ہوں گے ، رینجرز کی طرف سے پولیس کو اسلحہ اور ڈرونز بھی دینےکیلئے تیار ہیں، سندھ سے ڈاکو راج ختم کرکے دم لیں گے۔

شیخ رشید نے کہا کہ شکارپور صورتحال سے سندھ حکومت خودنمٹناچاہتی ہے مگررینجرزالرٹ ہے، نادرا نے ایسے لوگوں کے بھی کارڈ بنائے جوبعدمیں دہشتگردی میں ملوث پائےگئے، نادراکے کچھ لوگوں کو گرفتار بھی کیاگیا ہے، نادرامیں کرپٹ لوگوں کیخلاف کراچی میں جھاڑو پھیریں گے۔

گورنرراج کے حوالے سے ان کا کہنا تھا کہ نہ گورنرراج کی بات ہوئی نہ وزیراعظم سندھ میں مداخلت کرناچاہتےہیں، کچے کےعلاقے میں بعض ایسے لوگ ملوث ہیں جن کی سیاسی دلچسپی ہے، سوشل میڈیا پر چلنے والی خبریں بے بنیاد ہیں، وزیراعلیٰ سندھ نے کہا ڈی آئی جی اورایس ایس پی کو تبدیل کیا ہے، میں خود بھی کچے کے علاقے کا دورہ کروں گا۔

وفاقی وزیر نے کہا ڈاکوؤں کیخلاف تمام ادارےایک پیج پر ہیں ، سندھ پولیس کو مطلوب اسلحہ فراہم کریں گے، تمام ادارےشکار پور اور جیکب آباد سے ڈاکو راج کاخاتمہ چاہتے ہیں۔

شیخ رشید کا مزید کہنا تھا کہ سندھ میں پی ٹی آئی کو شکایت ہیں وزیراعظم کو بتاؤں گا تاہم جہانگیر ترین کے معاملے کے بارے میں مجھے کوئی علم نہیں۔

عمران خان کی حکومت سے متعلق انھوں نے کہا عمران خان 5سال مکمل کرینگے میں ساتھ کھڑاہوں، اگلے الیکشن میں بھی کوشش کرینگے عمران خان کی حکومت آئے۔

اپوزیشن کے حوالے سے وزیر داخلہ کا کہنا تھا کہ کیا آپ کو اس وقت نون سے شین نکلی ہوئی نظرنہیں آرہی، شاہدخاقان نے کہا پیپلز پارٹی واپس آئی تو استعفیٰ دےدوں گا۔

لاپتہ افراد سے متعلق شیخ رشید نے کہا ہم مسنگ پرسن کیلئے قومی اسمبلی میں قانون لارہے ہیں، بجٹ کیساتھ مسنگ پرسن کا قانون بھی اسمبلی لارہے ہیں۔

فوجی اڈا دینے خبر کے حوالے سے ان کا کہنا تھا کہ عمران خان کی موجودگی میں کسی کو کوئی فوجی اڈا نہیں دیاجائے گا ، کوئی ایئر بیس نہیں دیا جا رہا،پاکستان ایک ذمہ دار ملک ہے، افغانستان میں امریکا،چین،روس ،ایران اور پاکستان متفقہ میکنزم رکھیں گے۔

وفاقی وزیر نے مہنگائی سے متعلق کہا کہ اس میں کوئی شک نہیں مہنگائی ہوئی ہے پوری دنیا میں ہوئی ہے، سرکاری ہویا نجی ، تنخواہ دارلوگوں کی تنخواہیں بڑھنی چاہئیں۔

گفتگو میں کراچی کے حالات سے متعلق شیخ رشید کا کہنا تھا کہ 18ویں ترمیم کےتحت سندھ حکومت کے اختیارات کیخلاف نہیں جائیں گے، کراچی میں ایسے حالات نہیں کہ آپریشن ہو، عمران خان دور میں کوئی آپریشن نہیں ہوگا نہ گورنرراج آئے گا۔

انھوں نے مزید کہا کہ جو شناختی کارڈ بلاک ہیں وہ کسی وجہ سے ہی بلاک ہیں، جو لوگ پیسے لیکر شناختی کارڈ بناتے ہیں ان کو نہیں چھوڑیں گے، میں کراچی بلڈرز کیلئے نہیں سیاسی معاملات دیکھنے آیاہوں، جب تک وزیرداخلہ ہے کرپشن کاکیس کبھی ٹھنڈا نہیں ہوگا۔

اسلا آباد: وفاقی وزیر داخلہ شیخ رشید کا کہنا ہے کہ جو شخص قانون ہاتھ میں لے گاقانون اسے ہاتھ میں لےگا، ریاست کی رٹ قائم ہے، کسی کےدباؤ میں نہیں آئیں گے ، ٹی ایل پی کے پاس30دن کاحق ہے وہ کالعدم قرار دینے کےخلاف درخواست دےسکتےہیں۔

تفصیلات کے مطابق وفاقی وزیر داخلہ شیخ رشید نے پریس کانفرنس کرتے ہوئے کہا کہ قومی اسمبلی کا خصوصی اجلاس کل بلایا گیا تھا، جس میں فرانسیسی سفیر کو ملک سےنکالنے کی بحث کامطالبہ شامل تھا۔

وزیراعظم نے تمام مسلم ممالک کے سربراہان کو خطوط لکھے،22کروڑ کا نعرہ ایک ہےمگر یہ نہ سمجھا جائے اسلام آباد ،لاہور میں کوئی اور بیٹھےہیں، معاہدے میں طے پایا کہ ان کے گرفتار افراد کو رہا کیاجائےگا، گرفتار 669لوگوں کو رہا کردیا گیا ہے۔

شیخ رشید نے بتایا کہ 20اپریل کو7گھنٹےمذاکرات کےبعدٹی ایل پی سےمعاملات طےپاگئے، اس سےپہلےبھی انہیں گلہ تھاکہ غلط کہا ہے کہ میرے انکی شوریٰ سےمذاکرات ہوتےتھے، ظاہرہےشوریٰ سےمذاکرات ہوتے تھے اس کے بعد ہی دستخط ہوئے، طے پایا کہ 20اپریل کو قرارداد قومی اسمبلی میں پیش کریں گے۔

وفاقی وزیر کا کہنا تھا کہ 22کروڑمسلمانوں میں کوئی بھی ایسانہیں جولبیک یارسول اللہﷺکانعرہ نہ لگاتاہو، 22 کروڑ لوگوں کا نعرہ اسلام کا ہے اسلام آباد کا نہیں لبیک یارسول اللہﷺہمارےدین کانعرہ ہےکسی جماعت کانہیں۔

انھوں نے کہا کہ سعد رضوی کیس سمیت 210ایف آئی آرقانونی طریقہ کار سے گزریں گی، احتجاج کے دوران 20 گاڑیاں جلی ہیں اور 5 گاڑیاں واپس کردیں، جولوگ انہوں نےیرغمال بنائےتھے بھی واپس کردیے، مقدمات میں 302 کیساتھ 7 اے ٹی اے کی دفعہ بھی شامل ہے۔

شیخ رشید کا کہنا تھا کہ 30 دن میں کالعدم قرار دینے کےخلاف اپیل دائر ہونا ہے، 30دنوں کے اندرانہوں نےجواب دینا ہے، پھرکمیٹی بنےگی جوکیس کافیصلہ کرےگی ، ریاست کی رٹ قائم ہے،کسی کےدباؤ میں نہیں ہے، جو شخص قانون ہاتھ میں لے گاقانون اسے ہاتھ میں لے گا۔

وفاقی وزیر داخلہ نے مزید کہا کہ وزیراعظم خود مسلم ممالک کواعتمادمیں لینےجارہےہیں ، ایسی سوچ پائی جارہی ہےکہ مشترکہ لائحہ عمل طےکیاجائے، ناموس رسالت کی اربوں مسلمانوں کےاندراہمیت ہے۔

ان کا کہنا تھا کہ ملک دشمن قوتیں ملک سےباہربیٹھ کرپروپیگنڈا کررہی تھیں، ملکی تاریخ میں پہلی بار کسی احتجاج میں700کےقریب اہلکارزخمی ہوئے، ٹی ایل پی نےبھی خوشگوارماحول میں اس کام کوپائےتکمیل تک پہنچایا۔

نواز شریف کے حوالے سے شیخ رشید نے کہا کہ برطانوی ہائی کمشنر سے نوازشریف کو ڈیپورٹ کرنے کیلئے کہاہے، برطانوی ہائی کمشنرسےملاقات ہوئی مگر انھوں نے مثبت جواب نہیں دیا۔

وفاقی وزیر کا کہنا تھا کہ قراردادمیں لکھاہےبین الاقوامی معاملات ریاست طے کرے گی، کوئی فرد یا جماعت اس حوالےسےبےجاغیرقانونی دباؤنہیں ڈال سکتا، ٹی ایل پی نےکسی کی رہائی کی بات نہیں کی، ہماراکہناتھاکہ ایم پی او کے تحت لوگوں کوچھوڑیں گے۔

شاہد خاقان عباسی کے بیان کے حوالے سے انھوں نے کہا کہ شاہدخاقان نے جو زبان استعمال کی وہ میری سیاسی زندگی کی بدترین زبان ہے ، شاہدخاقان کے رویے سے لگا کہ وہ کبھی وزیراعظم ہی نہیں تھے۔

شیخ رشید نے بتایا کہ سعدرضوی پردفعہ302اور7اےٹی اےعائدہےاس پر ابھی فیصلہ نہیں ہوا،ایساقانون چاہتے ہیں کہ کسی فرقےکوچھیڑانہ جائے اوراپنا چھوڑانہ جائے، ابھی توٹی ایل پی کےپاس30دن کاحق ہےوہ بھی درخواست دے سکتے ہیں۔

وزیر داخلہ کا کہنا تھا کہ کوشش ہرطرف سےبہت ہوئی، لمبے لمبے مذاکرات ہوئے مگر کسی نتیجے پرنہیں پہنچے، جو پولیس اہلکار شہید ہوئے، انہیں شہیداوراسپیشل پیکج دے رہے ہیں اور جوپولیس اہلکارزخمی ہوئے انہیں نقدانعام ، سرٹیفکیٹ دے رہےہیں، زخمی پولیس اہلکاروں نقدانعام کے طورپر 4 کروڑ بانٹے جائیں گے۔

انھوں نے مزید کہا کہ کوئی سیاستدان بتائیں جس نے اقوام متحدہ میں ختم نبوت پر بات کی ہو، صرف عمران خان ہیں جس نے ختم نبوت پر بات کی ہے۔

شیخ رشید کا کہنا تھا کہ موجودہ دورمیں سوشل میڈیا کےکردار کاسخت جائزہ لیاجارہاہے ، دشمن کااصل مقصدپاکستان کےاستحکام کوتباہ کرناہے، پاکستان کی عظیم فوج ہمارے ساتھ شانہ بشانہ کھڑی تھی، رینجرزبھی فوج کاحصہ ہے، رینجرز اور پولیس نے زبردست کام کیا۔

وفاقی وزیر نے کہا کہ انشااللہ ہماراوزیراعظم پوری دنیاسےاسلاموفوبیاپربات کررہاہے، ناموس رسالت ﷺ پرعمران خان بات کررہاہے، جس ملک کاوزیرداخلہ ختم نبوت کاوکیل ہو اسکی جمہوریت کوکوئی خطرہ نہیں۔

اسلام آباد: وفاقی وزیر داخلہ شیخ رشید کا کہنا ہے کہ سورج مشرق سےمغرب میں نکل سکتا ہے مگر ن لیگ اور پیپلزپارٹی ایک نہیں ہوسکتے،ن لیگ نے جو بےعزتی کی اس پر معافی مانگنی چاہئے۔

تفصیلات کے مطابق پیپلز پارٹی کی جانب سے پی ٹی ایم کے تمام عہدوں سے استعفیٰ کے اعلان کے بعد وفاقی وزیر داخلہ شیخ رشید نے اے آر وائی نیوز سے گفتگو کرتے ہوئے کہا کہ پی ڈی ایم ٹوٹ چکی ہے ، پی ڈی ایم میں پیپلزپارٹی کی ن لیگ نے تذلیل کی ہے۔

وفاقی وزیر داخلہ کا کہنا تھا کہ عمران خان کی خوش نصیبی ہے جو ایسی نالائق اپوزیشن ملی، اس اپوزیشن کو کچھ نہیں ملنا یہ صرف میڈیا میڈیا کھیلیں گے، اپوزیشن نے حکومت کو اب تک ایک دن بھی ٹف ٹائم نہیں دیا۔

بلاول کی جانب سے معافی کے مطالبے پر شیخ رشید نے کہا جس طرح پیپلزپارٹی کو شوکاز ملا اس طرح تو جاگیردار تو مزاروں کو بھی نہیں دیتے، شوکاز نوٹس پر معافی تو کیا انھیں کان پکڑوانے چاہئیں، ن لیگ نے ثابت کیا کہ ان میں اپوزیشن کرنے کی صلاحیت ہی نہیں۔

ان کا مزید کہنا تھا کہ سورج مشرق سےمغرب میں نکل سکتا ہے مگر ن لیگ اور پیپلزپارٹی ایک نہیں ہوسکتے، سیاسی طورپر بھائی بہن بنے ہوئےتھے میراخیال ہے اب ختم ہوگئی بات، ن لیگ میں اتناشعور ہوتا تو آج اس مقام پر نہ ہوتی۔

یاد رہے چیئرمین پیپلزپارٹی بلاول بھٹو نے پی ڈی ایم کے تمام عہدوں سے مستعفی ہونے کا اعلان کرتے ہوئے مطالبہ کیا ہے کہ شوکاز نوٹس پر پیپلزپارٹی اور عوامی نیشنل پارٹی سے غیرمشروط معافی مانگی جائے۔

اسلام آباد: وفاقی وزیر داخلہ شیخ رشید کا کہنا ہے کہ کل عمران خان کو کہا آئندہ بجٹ میں عوام کو ریلیف دیا جائے گا ، عوام کے مسائل کو حل کرنا اولین ترجیح ہے۔

تفصیلات کے مطابق وفاقی وزیر داخلہ شیخ رشید نے پارلیمنٹ ہاؤس کے باہر میڈیا سے گفتگو کرتے ہوئے کہا اپوزیشن کو آج کے اجلاس میں شریک ہونا چاہیے، لوگوں میں جرات ہونی چاہیے، جنہوں نے ووٹ نہیں دیا سامنےآئیں،شیخ رشید

عدم اعتماد کی تحریک کے حوالے سے شیخ رشید کا کہنا تھا کہ عدم اعتماد کی تحریک آتی تو اپوزیشن کو نمبرز پورا کرنے کی ضرورت تھی، اپوزیشن لانگ مارچ ضرور کرے گی۔

سینیٹ انتخابات کے حوالے سے وفاقی وزیر نے کہا سینٹ الیکشن میں ایک سیٹ کے گرد اپوزیشن نے گھیرا تنگ کیا، ایک سیٹ کے ہارنے سےوزیراعظم نےاعتمادکاووٹ لینےکافیصلہ کیا، سینیٹ الیکشن میں اسٹیبلشمنٹ نیوٹرل تھی۔

شیخ رشید کا مزید کہنا تھا کہ کل عمران خان کوکہا ہے آئندہ بجٹ میں عوام کو ریلیف دیا جائے گا ، عوام کے مسائل کو حل کرنا اولین ترجیح ہے۔

خیال رہے وزیراعظم عمران خان آج قومی اسمبلی سے اعتماد کا ووٹ لیں گے، اس سلسلے میں ارکان اسمبلی کی پارلیمنٹ ہاؤس آمد
کا سلسلہ جاری ہے۔

پارلیمنٹ ہاؤس میں بینرز پہنچا دیے گئے ہیں ، جس پر "نوٹ کو عزت دو” کے نعرے درج ہے جبکہ نوازشریف اور آصف زرداری کی تصاویر آویزاں ہیں، ارکان بینرزکے ساتھ ایوان میں داخل ہوں گے۔