Tag: وفاقی وزیر سائنس و ٹیکنالوجی

اسلام آباد: وفاقی وزیر سائنس اینڈ ٹیکنالوجی فواد چوہدری نے اہم ملکی معاملات میں اپوزیشن کی جانب سے روا رکھے جانے والے رویے کو تنقید کا نشانہ بنایا۔

تفصیلات کے مطابق وزیر سائنس فواد چوہدری نے ٹویٹر پر اپنے پیغام میں اپوزیشن کے رویے پر بات کرتے ہوئے کہا کہ اپوزیشن کی جمہوریت اور پارلیمانی بالا دستی صرف پروڈکشن آرڈرز تک محدود ہے۔

فواد چوہدری نے ٹویٹ میں قومی اسمبلی کی ایک تصویر شیئر کرتے ہوئے لکھا کہ بجٹ اجلاس میں حکومتی دل چسپی کا اندازہ اس تصویر سے بہ خوبی لگایا جا سکتا ہے۔

بجٹ اجلاس میں حکومتی دلچسپی کا اندازہ آپ اس تصویر سے بخوبی لگا سکتے ہیں جہاں حکومتی اراکین اپنی نشستوں پر موجود ہیں وہاں تمام اپوزیشن نشستیں خالی ہیں، ان کی جمہوریت اور پارلیمانی بالا دستی صرف پروڈکشن آرڈرز تک محدود ہے۔ pic.twitter.com/l0gblQRAKE

— Ch Fawad Hussain (@fawadchaudhry) June 29, 2019

انھوں نے مزید لکھا کہ بجٹ اجلاس میں حکومتی اراکین تو اپنی نشستوں پر موجود رہے لیکن اجلاس کے دوران اپوزیشن کی تمام نشستیں خالی رہیں۔

یہ بھی پڑھیں:  قومی اسمبلی سے آئندہ مالی سال کا بجٹ منظور، اپوزیشن کی تمام ترامیم مسترد

خیال رہے کہ گزشتہ روز قومی اسمبلی نے اپوزیشن کی تمام ترامیم کو کثرت رائے سے رد کرتے ہوئے آیندہ مالی سال کے بجٹ کی منظوری دے دی۔

آیندہ مالی سال کے بجٹ کا مجموعی حجم 8238 ارب روپے ہے، بجٹ میں اپوزیشن کی جانب سے ترامیم پیش کی گئیں تھیں لیکن ایوان نے کثرتِ رائے سے انھیں مسترد کر دیا، اجلاس کے دوران اپوزیشن اراکین اپنی سیٹوں پر بھی موجود نہیں تھے۔

اسلام آباد: وفاقی وزیر برائے سائنس و ٹیکنالوجی فواد چوہدری نے کہا ہے کہ حریت رہنما یاسین ملک سے غیر انسانی سلوک نا قابل قبول ہے۔

تفصیلات کے مطابق فواد چوہدری نے ٹویٹر پر اپنے پیغام میں کہا ہے کہ بھارت کی جانب سے حریت لیڈر یاسین ملک سے غیر انسانی سلوک کیا جا رہا ہے جو نا قابل قبول ہے۔

وفاقی وزیر فواد چوہدری کا کہنا تھا کہ کشمیر پر بھارت کا قبضہ دنیا بھر میں نفرت کی علامت بن چکا ہے۔

وزیر برائے سائنس و ٹیکنالوجی نے کہا کہ کشمیر کمیٹی کے چیئرمین اور کمیٹی ارکان اس معاملے پر سستی نہ دکھائیں، بھارتی مظالم اجاگر کرنے کے لیے مؤثر آواز اٹھانے کی ضرورت ہے۔

یہ بھی پڑھیں:  یاسین ملک کی حالت تشویشناک، عالمی برادری سے نوٹس لینے کا مطالبہ

یاد رہے کہ آج آزاد کشمیر کے وزیر اعظم راجہ فاروق حیدر نے حریت رہنما یاسین ملک کی علالت پر تشویش کا اظہار کرتے ہوئے عالمی برادری سے مطالبہ کیا ہے کہ وہ یاسین ملک کی جیل منتقلی کا نوٹس لے، ان کا یہ بھی مطالبہ تھا کہ حریت رہنما کو علاج کے لیے پاکستان بھیجا جائے۔

Inhuman treatment to Kashmiri Leader #YaseenMalik is unacceptable, Indian occupation of Kashmir has become symbol of hatred around the World,I call upon Kashmir Committee chairman n members dont be a lacklustre, effective communication is needed to expose atrocities in Kashmir

— Ch Fawad Hussain (@fawadchaudhry) April 21, 2019

یاد رہے کہ 23 فروری کو مقبوضہ کشمیر کے حریت رہنما یاسین ملک کو بھارتی فورسز نے گرفتار کیا تھا، 10 اپریل کو یاسین ملک کی اہلیہ مشعال ملک نے کہا کہ بھارتی فوج نے گزشتہ رات یاسین ملک کو خفیہ طور پر تہاڑ جیل منتقل کر دیا ہے۔

ایک روز قبل میڈیا سے گفتگو کے دوران شوہر کی صحت سے آگاہ کرتے ہوئے مشعال ملک آب دیدہ ہوگئی تھیں۔ اُن کا کہنا تھا کہ یاسین ملک کی حالت تشویش ناک حد کت بگڑ گئی، بھارتی فوج نے انھیں تہاڑ جیل سے دہلی اسپتال منتقل کیا مگر وہاں علاج کی مکمل سہولیات فراہم نہیں کی جا رہیں۔