اسلام آباد : چیئرمین سینیٹ میاں رضا ربانی نے کہا ہے کہ 5 ریگولیٹری باڈیز کو لائن حاضر کیا گیا ہے، ایوان کو بتایا جائے کہ کس قانون کے تحت ریگولیٹری اتھارٹیز کی خود مختاری ختم کی گئی؟

تفصیلات کے مطابق چیئرمین سینیٹ میان رضا ربانی نے حکومتی وزراء سے سوال کیا کہ کس قانون کے تحت نیپرا، پیپرا، اوگرا، سمیت 5 ریگولیٹری اتھارٹیز کو وزارتوں کےماتحت کیا گیا ہے ؟

انہوں نے مزید کہا کہ اس حوالے سے ایوان کو اعتماد میں لیا جائےاور بتایا جائے کہ سی سی آئی کو فیصلہ سازی کے وقت کیوں نظر انداز کیوں کیا گیا ہے؟

اس موقع پر وفاقی وزیر قانون زاہد حامد نے چیئرمین سینیٹ کے استفسار پر ایوان کو بتایا کہ ریگولیٹری باڈیز کو وزارتوں کے ماتحت کرنے کا اقدام غیر معمولی نہیں ہے اور نہ ہی پہلی مرتبہ ہوا ہے۔

انہوں نے مزید کہا کہ ایسے اقدامات وفاقی حکومتیں پہلی بھی کرتی آئی ہیں اور اس سے قبل بھی کئی ادوار میں یہ ریگولیٹری اتھارٹیز متعلقہ وزارتوں کے ماتحت کام کرتی رہی ہیں۔

واضح رہے کہ وفاقی حکومت کی جانب سے دو روز قبل اوگرا، نیپرا، پیپرا، پی ٹی اے اور ایف اے بی کو متعلقہ وزارتوں کے ماتحت کرنے کا اعلامیہ جاری کیا تھا جس کے تحت یہ پانچوں ریگولیٹری اتھارٹی اب خود مختار ادارے نہیں رہے بلکہ متعلقہ وزارتوں کے ماتحت کام کریں گے۔

اسلام آباد : وفاقی وزیر خزانہ اسحاق ڈار نے کہا ہے کہ کرپشن کے خلاف تحقیقات کے لئے نیا قانون قومی اسمبلی میں پیش کر دیا ہے اور نئے قانون کے تحت ملک لوٹنے والوں کا احتساب ہو گا۔

اسلام آباد میں وفاقی وزیر قانون زاہد حامد اور دیگر وزراءکے ہمراہ پریس کانفرنس کرتے ہوئے ان کا کہنا تھا کہ ہماری قیادت کا نام پاناما لیکس میں نہیں ہے اپوزیشن سینٹ میں بل پیش نہ کرتی توہم بھی بل نہ لاتے اپوزیشن نے پاناما لیکس کیلئے اپنے ٹی او آر بنائے جب کہ حکومت صرف پاناما لیکس پر نہیں بلکہ قرضوں کی معافی سمیت سب معاملات پر قانون سازی چاہتے ہیں۔

وفاقی وزیر خزانہ اسحاق ڈار کا مزید کہنا تھا کہ حکومت نے اپنے ٹی او آر میڈیا میں پیشن نہیں کیے ،بہتر ہوتا کہ ایک میٹنگ کر کے معاملات حل کر لیے جاتے،اپوزیشن کے مطابلے پر ٹی او آر کمیٹی کا کوئی چیئرمین نہ بن سکا۔

انہوں نے اس تاثر کو غلط قرار دیا کہ حکومت اس بل کے ذریعے کوئی استثنیٰ چاہتی ہے بلکہ نئے قانون کے تحت چار سو افراد کے خلاف بلا امتیاز کارروائی ہو گی، سقوط ڈھاکہ سے ایبٹ آباد واقعے تک تمام کمیشن 1956 کے قانون کے تحت ہی بنے ہیں۔

اس موقع پر وفاقی وزیر نے اعتراف کیا سانحہ کوئٹہ کے بعد اپوزیشن کیساتھ بات آگئے نہ بڑھ سکی تھی تا ہم اب بھی حکومت پوری نیک نیتی کے ساتھ اس معاملے کے حل کے لیے کوشاں ہے۔

پریس کانفرنس میں وفاقی زیر خزانہ کے ہمراہ وفاقی وزیر قانون زاہد حامد بھی موجود تھے انہوں نے نے کہا کہ اپوزیشن کے بل سے ہمارا بل بہتر ہے ، نیا قانون بہتر بنا کر قومی اسمبلی میں پیش کیا ہے۔

بل کی تفصیلات سے آگاہ کرتے ہوئےانہوں نے مزید کہا کہ 2016 کے بل میں 1956 کے ایکٹ کے اختیارات شامل کیے ہیں جبکہ حکومتی بل میں اپوزیشن کی تجاویز کے مطابق تبدیلی بھی کی گئی ہے،انکوائری کمیشن کو غیر ملکی اداروں سے مدد لینے کا اختیار ہوگا جب کہ اس بل میں کمیشن کی ضرورت کے مطابق اور بھی اختیارات تفویض کیے جا سکتے ہیں۔