ARYNews.tv | Urdu – Har Lamha Bakhabar

Tag: وفاقی وزیر مواصلات

  • عمران خان کا مشن نوجوانوں کو اپنے پاؤں پہ کھڑا کرنا ہے، مراد سعید

    عمران خان کا مشن نوجوانوں کو اپنے پاؤں پہ کھڑا کرنا ہے، مراد سعید

    اسلام آباد: وفاقی وزیر مواصلات مراد سعید نے کہا ہے کہ عمران خان کا مشن نوجوانوں کو اپنے پاؤں پہ کھڑا کرنا ہے، نوجوانوں کو نہ صرف ہنر بلکہ روزگار کے مواقع بھی ملیں گے۔

    تفصیلات کے مطابق وزیراعظم عمران خان کی ہدایت پر حکومت نے پہلا یوتھ انٹرن شپ پروگرام شروع کردیا۔ وفاقی وزیر مراد سعید نے پاکستان پوسٹ سے پروگرام کا باقاعدہ آغاز کر دیا۔

    حکومت پاکستان کے پہلے یوتھ انٹرن شپ پروگرام کے تحت منتخب 4 ہزار نوجوان آج سے پاکستان پوسٹ میں ہنر سیکھیں گے، ای کامرس، پوسٹل لائف انشورنس، فرنچائز مینجمنٹ کی ٹریننگ دی جائے گی۔

    وفاقی وزیر نے کہا کہ نوجوانوں کا زیادہ تر رجحان ای کامرس کے شعبے میں ہے، عمران خان کا مشن نوجوانوں کو اپنے پاؤں پہ کھڑا کرنا ہے، دونوں وزارتیں مشن کی تکمیل میں بھرپور معاونت کریں گی۔

    مراد سعید نے کہا کہ نوجوانوں کو تربیت کے ساتھ بہترین ماحول بھی مہیا کیا گیا ہے، نوجوانوں کو نہ صرف ہنر بلکہ روزگار کے مواقع بھی ملیں گے۔

    وفاقی وزیر نے مزید کہا کہ کامیاب جوان پروگرام کے لیے اپنا پراجیکٹ سامنے لانے کا موقع دیں گے، پاکستان کی اصل طاقت نوجوان کو خود کفیل بنانے کا مشن جاری رکھیں گے۔

    یاد رہے کہ گزشتہ روز  وزیراعظم نے ضرورت مند طلبہ کے لیے ملکی تاریخ کے سب سے بڑے اسکالر شپ پروگرام کا آغاز کیا تھا، عمران خان کا کہنا تھا کہ تعلیم اور روزگار نہ ملے تو نوجوان منشیات اور جرائم کا راستہ اختیار کرتے ہیں۔

  • چوروں کے احتساب کا مینڈیٹ قوم نے دیا، کسی طور دستبردار نہیں ہوں گے، مراد سعید

    چوروں کے احتساب کا مینڈیٹ قوم نے دیا، کسی طور دستبردار نہیں ہوں گے، مراد سعید

    اسلام آباد: وفاقی وزیر مواصلات مراد سعید نے کہا ہے کہ چوروں کے احتساب کا مینڈیٹ قوم نے دیا ہے اس سے کسی طور دستبردار نہیں ہوں گے۔

    تفصیلات کے مطابق وفاقی وزیر مواصلات مراد سعید نے بلاول بھٹو کی پریس کانفرنس پر ردعمل دیتے ہوئے کہا ہے کہ روٹی، کپڑا اور مکان کا جھوٹا نعرہ لگانے والے ہماری سادگی مہم کے خلاف نکل آئے ہیں۔

    انہوں نے کہا کہ ہمارا وسائل کا ضیاع روکنا قومی خزانہ لوٹنے والوں کے لیے ناقابل برداشت ہے، ابو کی لوٹ مار بچانے کے لیے ہاتھ پاؤں مارنے والے کے پاس کوئی کام نہیں ہے۔

    مراد سعید نے کہا کہ پارلیمان کو مجرموں کا ڈیبیٹنگ کلب بنانے کی اجازت نہیں دی جاسکتی، پبلک اکاؤنٹس کمیٹی کی چیئرمین شپ کے لے بھی پارلیمان کو یرغمال بنایا گیا۔

    مزید پڑھیں: اسپیکر قائمہ کمیٹی کے اجلاس منسوخ کرنے کا فیصلہ واپس لیں: بلاول بھٹو زرداری

    وفاقی وزیر نے کہا کہ اپوزیشن نے ایک دن بھی سنجیدگی سے پارلیمانی کارروائی میں حصہ نہیں لیا، اخراجات میں کمی کے فیصلے پر کاربند رہ کر چوروں سے لوٹ کا مال نکلوائیں گے۔

    واضح رہے کہ پیپلزپارٹی کے چیئرمین بلاول بھٹو کا کہنا تھا کہ پارلیمان کے اندر سے ہی آج پارلیمان پر حملہ ہورہا ہے، اسپیکر قومی اسمبلی قائمہ کمیٹی کے اجلاس منسوخ کرنے کا فیصلہ واپس لیں۔

    بلاول بھٹو کا کہنا تھا کہ اسپیکرڈپٹی اسپیکر سرکاری خرچے پر بیرون ملک ہیں، انسانی حقوق کے بہت سے مسائل پر آج اجلاس میں بات کرنا تھی، سینیٹ کمیٹیوں کے اجلاس تو چل رہے ہیں، اسپیکر قوانین کے تحت اسمبلی کمیٹیوں کو محدود نہیں رکھ سکتے. کمیٹیوں کے اجلاس منسوخ کرنا غیرجمہوری قدم ہے۔

  • بھارت کو بتانا چاہتے ہیں ہمیں تکلیف پہنچائی تمہیں بھی پہنچائیں گے، مراد سعید

    بھارت کو بتانا چاہتے ہیں ہمیں تکلیف پہنچائی تمہیں بھی پہنچائیں گے، مراد سعید

    اسلام آباد:‌ وفاقی وزیر مواصلات مراد سعید کا کہنا ہے کہ  بھارت کوبتاناچاہتے ہیں ہمیں تکلیف پہنچائی تمہیں بھی پہنچائیں گے، ہم پاکستان کے ایک ایک انچ کا  تحفظ کرناجانتے ہیں، بھارت یاد رکھے باز نہ آیا تو لال قلعہ پر پرچم لہرائیں گے۔

    تفصیلات کے مطابق وفاقی وزیر مواصلات مراد سعید نے قومی اسمبلی اجلاس میں بھارتی جارحیت پر اظہار خیال کرتے ہوئے کہا ہمیں مودی کے بیانات اور بھارت کے سیاسی رہنماؤں کی تقریروں کا اس ایوان میں حوالہ دینا ہوگا، ہم مقبوضہ کشمیر میں مظالم سہنے والے کشمیری بھائیوں کے ساتھ ہیں، ہم پاکستان کے ایک ایک انچ کا تحفظ کرنا جانتے ہیں، آپس میں اختلافات ہوسکتے ہیں مگرملک کیلئے سب ایک ہیں۔

    مراد سعید کا کہنا تھا اب مودی کو بھارت میں اپنا انجام نظر آرہا ہے، مقبوضہ کشمیر میں بھارتی مظالم سے شہید ہونے والے پاکستانی پرچم میں دفن ہوتے ہیں، مودی کا اپنے جنون میں ہر منظر الٹا ہی نظر آرہاہے۔

    اب مودی کو بھارت میں اپنا انجام نظر آرہا ہے

    وفاقی وزیر نے کہا بھارت کو پاکستانی سرحد عبور کرنے کی جرات نہیں ہوسکتی، پاکستان کا ہر بوڑھا، جوان اور بچہ بھارت کے خلاف کھڑا ہے، ترکی، سعودی عرب ، یو اے ای اور دیگرممالک پاکستان کے ساتھ ہیں، ہمیں عالمی محاذ پر بھارتی پروپیگنڈے کو ختم کرنا ہوگا۔

    ان کا کہنا تھا کہ مقبوضہ کشمیر میں بھارت پوری طرح بے نقاب ہوچکا ہے، ہم جنگوں میں پلے بڑھے ہیں بھارت ہمارامقابلہ نہیں کرسکتا، پاکستان کو تنہا کرنے کی کوشش میں بھارت خود تنہاہوگیا ہے۔

    بھارت میں مودی ہاررہاتھاجس کی وجہ سےاس نےیہ حرکت کی

    مراد سعید نے کہا بھارت کو بتاناچاہتے ہیں ہمیں تکلیف پہنچائی تمہیں بھی پہنچائیں گے، بھارت میں مودی ہاررہاتھاجس کی وجہ سےاس نےیہ حرکت کی، بھارت یاد رکھے باز نہ آیا تو لال قلعہ پر پرچم لہرائیں گے۔

    وفاقی وزیر کا کہنا تھا کہ کلبھوشن کیس میں بھارت بےنقاب ہوگیا، ہم نےان دیکھےدشمن کامقابلہ کیاتم توصاف نظرآرہے ہو۔

  • ملتان سکھر موٹروے میں ن لیگ کے بڑے گھپلوں کےثبوت موجود ہیں، مرادسعید

    ملتان سکھر موٹروے میں ن لیگ کے بڑے گھپلوں کےثبوت موجود ہیں، مرادسعید

    اسلام آباد: وفاقی وزیر مواصلات مراد سعید کا کہنا ہے کہ ملتان سکھر موٹروے میں ن لیگ نےقومی خزانے کوساٹھ سے ستر ارب روپے کا نقصان پہنچایا، جس کے ثبوت موجود ہیں، ثبوتوں کے ساتھ لوٹے گئے پیسے واپس لیں گے۔

    تفصیلات کے مطابق وزیرمواصلات مرادسعید نے میڈیا بریفنگ میں کہا ملتان سکھرموٹروےمنصوبے میں ن لیگ کی کارکردگی باعث تشویش ہے، نوازشریف،احسن اقبال،جاویدصادق نےکمپنی سےمعاہدہ کیا، ن لیگ نے بڑے منصوبےکمیشن کےحصول کیلئےشروع کئے اور حکومت کی بدانتظامی کی وجہ سےمنصوبےکی لاگت بڑھی۔

    ن لیگ حکومت نے ملتان سکھر موٹروے میں ن لیگ نےقومی خزانے کو کم از کم ساٹھ سے ستر ارب روپے کا نقصان پہنچایا، بڑے گھپلے کے ثبوت موجود ہیں، گھپلے کے مرکزی کردار احسن اقبال اور جاوید صادق ہیں، ن لیگ نے جاوید صادق کو فرنٹ مین کی حیثیت سے رکھا۔

    وزارت مواصلات نے5ماہ میں 4ارب33 کروڑ کی وصولی کی، پاکستان کے پیسے کو بے دردی سے لوٹاگیا، نیب کے پاس جانے والے مقدمات کی تفصیلات جانناچاہتے ہیں۔

    خیال رہےسابق دور حکومت میں کرپشن کا ایک اور بڑا اسکینڈل سامنے آیا، جس میں نواز شریف شہباز شریف، اور احسن اقبال کے ملوث ہونے کا انکشاف ہوا تھا ۔

    مزیدپڑھیں : ایک اور بڑا کرپشن اسکینڈل: نواز شریف، شہباز شریف کے ملوث ہونے کا انکشاف

    حکومتی ذرائع کا کہنا تھاکہ غیر ملکی انجینئرنگ کنسٹرکشن کمپنی اور جاوید صادق کی ڈیلز کی اہم دستاویزات سامنے آ گئیں ہیں ، جس میں نواز شریف کی جگہ دستخط کرنے والے لیگی وزیر احسن اقبال بھی ملوث ہے جبکہ نواز شریف اور شہباز شریف کا فرنٹ مین کون تھا؟ سابق لیگی وزیر احسن اقبال نے غیر ملکی کمپنی سے معاہدے کیسے کئے؟

    ذرائع کے مطابق ایسے منصوبوں کا آغاز کیا گیا جو وفاقی کابینہ اور لاء ڈیپارٹمنٹ سے منظور نہیں ہوئے، منصوبے کا پی سی ون 257 ارب کا تیار ہوا مگر بڈنگ 406 ارب روپے میں کی گئی۔

    کومتی ذرائع کا کہنا تھا کہ حکومت نے نجی ہوٹلز میں ہونے والی اہم ملاقاتوں کی تفصیلات بھی حاصل کر لیں، فرنٹ مین کے ذریعے قومی خزانے کو کم از کم 60 ارب روپے کا نقصان پہنچایا گیا۔

  • آصف زرداری بلاول کو سیاست سکھا دو، ہمیں معاف کرو، مراد سعید

    آصف زرداری بلاول کو سیاست سکھا دو، ہمیں معاف کرو، مراد سعید

    اسلام آباد: وفاقی وزیر برائے مواصلات مراد سعید نے کہا ہے کہ آصف زرداری کہتے ہیں آؤ سیاست سکھاتا ہوں، ان کو کہنا چاہتا ہوں بلاول بھٹو کو سکھادو ہمیں معاف کردو۔

    تفصیلات کے مطابق وفاقی وزیر برائے مواصلات مراد سعید نے قومی اسمبلی اجلاس میں اظہار خیال کرتے ہوئے کہا کہ اپوزیشن کے دور میں امریکا سے ڈو مور کی خبریں آتی تھیں، عمران خان آئے تو امریکا کہتا ہے ہماری مدد کرو۔

    مراد سعید نے کہا کہ پیپلزپارٹی اور مسلم لیگ ن کا قوم کے خلاف مک مکا ہے، آئی جی سندھ نے سپریم کورٹ میں رپورٹ دی، سید کلیم امام کہتے ہیں 12 ہزار اہلکار خود جرائم میں ملوث ہیں۔

    وفاقی وزیر نے کہا کہ چور کی آوازیں وہ لگا رہے ہیں جن کا لیڈر کوٹ لکھپت جیل میں قید ہے، پاکستان کا ایک ایک روپیہ واپس لائیں گے روک سکتے ہو تو روک لو۔

    انہوں نے کہا کہ تھر میں ایک سال میں 175 بچے غذائی قلت سے انتقال کرگئے، سندھ حکومت تھر میں غذائی قلت پر قابو پانے میں ناکام رہی ہے۔

    مزید پڑھیں: اپوزیشن عوام کے ایشوز پر اکٹھی ہوتی تو بات سمجھ میں آتی: مراد سعید

    مراد سعید نے کہا کہ ان کے سامنے پاکستان ترقی کرے گا، روک سکو تو روک لو، ماڈل ٹاؤن کے ذمہ داروں کو کیفر کردار تک پہنچایا جائے گا۔

    وفاقی وزیر مراد سعید کی تقریر کے دوران اپوزیشن کا شور شرابہ جاری رہا اور تقریر پر اپوزیشن نے بطور احتجاج ایجنڈے کی کاپیاں پھاڑ دیں۔

    واضح رہے کہ اس سے قبل قومی اسمبلی اجلاس میں مراد سعید کا کہنا تھا کہ بلاول بھٹو اور مسلم لیگ ن کو مبارک باد پیش کرتا ہوں جس نے کہا تھا گلیوں میں نہ گھسیٹا تو نام بدل دینا، آج دونوں ایک ساتھ ہیں، عوام کے ایشوز پر اکٹھے ہوتے تو بات سمجھ میں آتی۔