Tag: وفاقی پولیس

اسلام آباد: پاکستان تحریک انصاف کے 24 نومبر احتجاج کے دوران فائرنگ سے زخمی ہونے والا رینجرز اہلکار شہید ہوگیا۔

تفصیلات کے مطابق اسلام آباد تھانہ ترنول کی حدود میں رینجرز اہلکار مظاہرین کی فائرنگ سے زخمی ہوا تھا، رینجرز اہلکار لانس نائیک تنویر 3 ہفتے سے سی ایم ایچ میں زیر علاج تھا۔

وفاقی پولیس نے رینجر اہلکار کی شہادت کی تصدیق کر دی، جبکہ پولیس نے مقدمہ انسداد دہشتگردی ایکٹ کے تحت درج کر رکھا ہے۔

واضح رہے کہ تحریک انصاف کی 24 نومبر کو اسلام آباد کی جانب مارچ کی ’فائنل کال‘ کے بعد وزیراعلیٰ خیبرپختونخوا علی امین گنڈاپور اور سابق وزیراعظم عمران خان کی اہلیہ بشریٰ بی بی کی قیادت میں پی ٹی آئی کا مرکزی قافلہ اسلام آباد جانے کے لیے نکلا تھا۔

یہ قافلہ رکاوٹیں عبور کرتے ہوئے 26 نومبر کو اسلام آباد کے ڈی چوک پہنچا، تاہم بعدازاں سکیورٹی فورسز نے کریک ڈاؤن کرکے علاقے کو پی ٹی آئی کے کارکنوں سے خالی کروا لیا۔

اسلام آباد : وفاقی پولیس کے افسران و اہلکاروں کے سوشل میڈیا کے استعمال پر پابندی عائد کردی گئی اور پرنٹ میڈیا میں مضامین شائع کرنے، سوشل میڈیا پر رائے دینے سے بھی روک دیا گیا۔

تفصیلات کے مطابق وفاقی پولیس کے سوشل میڈیا کے استعمال پر پابندی عائد کردی گئی اور نوٹیفکیشن جاری کردیا گیا،.

نوٹیفکیشن میں کہا گیا کہ پولیس افسران و اہلکاروں کوسرکاری حیثیت میں عوامی فورمز پر بولنے پر پابندی عائد کی گئی اور پرنٹ میڈیا میں مضامین شائع کرنے، سوشل میڈیا پر رائے دینے سے بھی روک دیا گیا ہے۔

نوٹیفکیشن میں کہنا ہے کہ سرکاری احاطے،عمارتوں اور پولیس کی وردی کیساتھ ویڈیوز اور تصاوی ربنانے پر پابندی عائد کی گئی ہے۔

وفاقی پولیس کےافسران واہلکاروں پر ذاتی تشہیر گاڑیوں یا دیگر نجی جگہوں پر جانا ممنوع ہے جبکہ کسی قسم کی خفیہ یاسرکاری دستاویزات، تصاویر یا مواد اپ لوڈ نہیں کیا جائے گا۔

نوٹیفکیشن میں مزید کہا گیا کہ سوشل میڈیاپردستاویزات،پولیس افسران ذاتی،سیاسی یامذہبی خیالات شیئرنہیں کرسکتے۔

نوٹیفکیشن کے مطابق پولیس کی سرگرمیوں سےمتعلق سرکاری چینلزصرف پبلک ریلیشن برانچ سےچلائیں گے جبکہ افسران،اہلکاروں کوڈی آئی جی ہیڈکوارٹرز،سی پی اوسےباقاعدہ اجازت حاصل کرناہوگی

اسلام آباد : وفاقی پولیس کے ایف آئی اے طرز پر تمام صوبوں میں دفاتر بنانے پر غور کیا جارہا ہے،وزارت داخلہ اور وزرات قانون اس معاملے پر اپنی حتمی رائے دیں گے۔

تفصیلات کے مطابق وفاقی پولیس کا دائرہ کار ملک بھر میں بڑھانے پر غور شروع کردیا گیا، ذرائع نے کہا کہ ایف آئی اے طرز پر تمام صوبوں میں دفاتر بنانے پر غور کیا جارہا ہے۔

اس سلسلے میں وفاقی پولیس کی جانب سے وزرات داخلہ کو خط لکھنے پر بھی غور ہورہا ہے، ذرائع نے کہا ہے کہ اس حوالے سے قانونی مشاورت بھی کی جارہی ہے۔

ذرائع کا کہنا تھا کہ وزارت داخلہ اور وزرات قانون اس معاملے پر اپنی حتمی رائےدیں گے ، فیصلہ ہونے پر وفاقی پولیس اپنے کیسزکو دوسرےصوبوں میں بھی ڈیل کرسکے گے۔

اسلام آباد : وزارت داخلہ نے وفاقی پولیس کی تنخواہوں میں اضافے کی سمری وزارت خزانہ کو بھجوا دی، رواں ماہ کے آخر تک سمری منظور کئے جانے کا امکان ہے۔

تفصیلات کے مطابق وفاقی پولیس کی پنجاب پولیس کے برابر تنخواہیں کرنے کے معاملے پر وزارت داخلہ نے تنخواہوں میں اضافے کی سمری وزارت خزانہ کوبھجو ادی۔

ذرائع کا کہنا ہے کہ سمری وزیراعظم کی ہدایت پر بھجوائی گئی ہے ، سمری میں تنخواہیں پنجاب پولیس کے برابر کرنے کی درخواست کی گئی ہے۔

ذرائع نے کہا ہے کہ وزارت خزانہ کی جانب سے رواں ماہ کے آخر تک سمری منظور کئے جانے کا امکان ہے۔