Tag: وفاقی پولیس

اسلام آباد : وفاقی پولیس سیکرٹری داخلہ اورچیف کمشنر اسلام آباد سے اسلام آباد ائیرپورٹ جانیوالی لاہور پشاور موٹر وے کلیئر کرنیکی اجازت مانگ لی۔

تفصیلات کے مطابق وفاقی پولیس نے سیکرٹری داخلہ اورچیف کمشنر اسلام آباد کو خط لکھ دیا ، جس میں اسلام آبادائیرپورٹ جانیوالی لاہورپشاورموٹروےکلیئر کرنیکی اجازت مانگی گئی ہے۔

خط میں کہا گیا کہ ایئر پورٹ آنے جانے والے راستےانتہائی اہمیت کےحامل ہیں ، آرٹیکل 97/149اور151ائیرپورٹ، اس کے راستوں کی حفاظت دیتا ہے۔

وفاقی پولیس کا کہنا ہے کہ اسلام آبادائیر پورٹ اورراستےانتظامی طورپرپنجاب کی حدود میں ہیں، دارالحکومت تک رسائی کیلئے سفارتکار اور غیرملکی شخصیات یہی راستہ استعمال کرتےہیں۔

خط کے متن میں کہا ہے کہ ائیرپورٹ پرناخوشگوارواقعہ ملک کیلئےبدنامی کاباعث بن سکتاہے، تمام وی وی آئی پیزکی نقل وحرکت اسی راستے سےہوتی ہے۔

وفاقی پولیس کا خط میں کہنا تھا کہ ٹھلیاں اور پشاورموٹروےرکاوٹیں بین الاقوامی مصائب کا شکارہوسکتی ہیں ، آئین کے تحت چیف سیکرٹری پنجاب اور پولیس چیف کو واضح ہدایات جانی چاہیے۔

خط کے متن کے مطابق اسلام آبادپولیس کومکمل اختیارات دیکرراستےخالی کرانے کا اختیار دیا جائے اور تمام صوبوں کو واضح ہدایات جانی چاہئیں کہ 3ٹول پلازوں تک رسائی دی جائے۔

اسلام آباد : چیئرمین تحریک انصاف عمران خان کی جانب سے لانگ مارچ کی کال کے پیش نظر وفاقی پولیس نے صوبوں سے 30 ہزار اہلکار مانگ لئے۔

تفصیلات کے مطابق پاکستان تحریک انصاف کے ممکنہ لانگ مارچ یا دھرنے کے پیش نظر وفاقی پولیس نے زور و شور سے تیاریاں شروع کر دیں۔

ذرائع نے بتایا ہے کہ وفاقی پولیس نے صوبوں سے پولیس ، ایف سی اور رینجرزکے 30 ہزار اہلکار مانگ لئے۔

ذرائع کا کہنا ہے کہ پنجاب سے 20ہزار،کےپی سے 4 ہزار جبکہ 6 ہزار نفری رینجرز مانگی گئی۔

ذرائع کے مطابق پولیس ، ایف سی اور رینجرز کے علاوہ سینکڑوں کینٹرز بھی لگائے جائیں گے اور داخلی راستوں پر کنٹینرزکے ساتھ خندقیں بھی کھودی جائیں گی۔

وفاقی پولیس کی جانب سے اضافی آنسوں گیس شیل اور شیل پھیکنے والے ڈرونزبھی منگوائے گئے۔

ذرائع کا کہنا تھا کہ ایف سی کے 3ہزار اہلکار اسلام آباد پہنچ بھی گئے ہیں تاہم پنجاب اور خیبر پختونخوا نے ابھی تک نفری دینے کا فیصلہ نہیں کیا۔

اسلام آباد: وفاقی پولیس نے گزشتہ ہفتے کی کارکردگی رپورٹ جاری کر دی، ایک ہفتے کے دوران پولیس نے 215 ملزمان گرفتار کر لیے۔

تفصیلات کے مطابق اسلام آباد پولیس نے ایک ہفتے کی کارکردگی رپورٹ جاری کرتے ہوئے کہا ہے کہ مختلف کارروائیوں میں دو سو سے زاید ملزمان گرفتار کر لیے گئے ہیں۔

رپورٹ کے مطابق گرفتار شدگان میں ڈکیتی، رہزنی، نقب زنی، چوری، کار اور موٹر سائیکل چوری و دیگر جرائم میں ملوث ملزمان شامل ہیں۔

گرفتار ملزمان سے 1 کروڑ 32 لاکھ 95 ہزار 720 روپے کا مالِ مسروقہ، اسلحہ اور منشیات برآمد کی گئی۔

پولیس کا کہنا ہے کہ 156 مقدما ت کی تفتیش مکمل کر کے ان کے چالا ن مجاز عدالتوں کو بھجوائے گئے

، جب کہ اشتہاریوں کے خلاف مہم کے دوران 14 اشتہاری گرفتار کیے گئے۔

دریں اثنا، اسلام آباد ٹریفک پولیس نے بھی معیاری طریقہ کار پر عمل در آمد شروع کر دیا ہے، ٹریفک اہل کار عوام کو پہلے سیلوٹ کرتے ہیں اور پھر دیگر خدمات انجام دیتے ہیں۔

خیال رہے کہ ایس اسی پی ٹریفک ڈویژن اسلام آباد نے احکامات جاری کیے تھے کہ ٹریفک اہل کار سب سے پہلے سیلوٹ کریں گے اس کے بعد دیگر کارروائی عمل میں لائیں گے۔