Tag: وفاقی کابینہ کااجلاس

اسلام آباد : وزیراعظم عمران خان نے وفاقی کابینہ کا اجلاس کل طلب کرلیا، اجلاس میں کابینہ 40 ہزار روپے مالیت کے پرائز بانڈز ختم کرنے کی منظوری دے گی اور اپوزیشن کے احتجاج سے نمٹنے کا پلان تیار کرے گی۔

تفصیلات کے مطابق وزیراعظم عمران خان کی زیر صدارت وفاقی کابینہ کااجلاس کل ہوگا، وفاقی کابینہ کے اجلاس کے لیے 11 نکاتی ایجنڈابھی جاری کردیا گیا ہے۔

اجلاس میں وفاقی کابینہ اپوزیشن کے احتجاج سےنمٹنے کاپلان تیار کرے گی اور وفاقی بجٹ، اثاثےظاہرکرنےکی اسکیم سمیت دیگر معاملات کاجائزہ لیا جائے گا۔

اجلاس میں کابینہ 40 ہزارروپے مالیت کے پرائز بانڈز ختم کرنے، وفاقی دارالحکومت کے لئے سینئر سٹیزن بل2019 اور بچوں کے حقوق کے لئے قومی کمیشن کے قیام کی منظوری دےگی۔

جنوبی کوریا کے شہریوں کو ورک ویزا جاری کرنے کی منظوری ، 17 ایو نیو میں توسیع کے لئے شہر اقتدار کے ماسٹر پلان میں تبدیلی کی منظوری ، کابینہ صوبوں سے اسپتالوں کی وفاق کو منتقلی کی منظوری ایجنڈے میں شامل ہیں۔

اجلاس میں پرائیویٹ پاور انفرا اسٹرکچر بورڈ کے منیجنگ ڈائریکٹر کی تقرری کی منظوری اور حج پلان 2019 کی منظوری دی جائے گی۔

وفاقی کابینہ کے اجلاس میں وفاقی حکومت کے احساس پروگرام پربریفنگ دی جائے گی اور گزشتہ فیصلوں پر عملدرآمد کا جائزہ لیا جائے گا۔

اسلام آباد : وزیراعظم عمران خان کی زیرصدارت وفاقی کابینہ کا اجلاس جاری ہے ، کابینہ 8 نکاتی ایجنڈے پر غورکر رہی ہے ، قمری کیلنڈر کابینہ کے ایجنڈے میں شامل نہ ہوسکا۔

تفصیلات کے مطابق وزیراعظم عمران خان کی زیرصدارت وفاقی کابینہ کا اجلاس جاری ہے ، کابینہ اجلاس کےایجنڈے میں مزید4نکات شامل کرلیےگئے ، جس کے بعد 8نکاتی ایجنڈے پر غور کیاجارہا ہے۔

قمری کیلنڈرکابینہ کےایجنڈےمیں شامل نہ ہوسکا، وزارت سائنس وٹیکنالوجی نے سائنسی بنیادوں پرقمری کلینڈر تیار کیا تھا، قوم کو عید کاچاند نظر آنے کا انحصار اب رویت ہلال کمیٹی پر کرنا ہوگا۔

بجٹ سیشن میں کھانا ملے گا یاصرف ہائی ٹی، کابینہ آج منظوری دے گی جبکہ شیخ زیداسپتال لاہورکوپنجاب وفاق کےحوالےکرنے، سی ڈی اےکےممبرٹیکنیکل کی برطرفی اور پاکستان کونسل آف ریسرچ ان واٹرریسورسزکی منتقلی کی منظوری کامعاملہ بھی ایجنڈے میں شامل ہیں۔

کونسل کو وزارت سائنس وٹیکنالوجی سےوزارت آبی وسائل منتقل کیاجائے گا۔

وفاقی کابینہ کے اجلاس میں مشیر خزانہ حفیظ شیخ بجٹ حکمت عملی ،2019-20 دستاویزات پر بریفنگ دیں گے جبکہ بجٹ کے نمایاں خدو خال بارے بھی کابینہ کو آگاہ کیا جائےگا۔

اجلاس میں تمام وزارتیں اور ادارے اپنے اثاثوں بارے کابینہ کو معلومات فراہم کریں گے جبکہ کابینہ کے فیصلوں پر عمل درامد کا جائزہ لیا جائے گا ۔

ذرائع کے مطابق کچی کینال کی تعمیر میں کرپشن کے حوالے سے مشترکہ مفادات کونسل کے فیصلے پر غور ہوگا جبکہ کابینہ امن و امان اور معاشی صورتحال پر بھی غور کرےگی۔

اسلام آباد :وزیراعظم عمران خان وفاقی کابینہ کے اجلاس میں پٹرول کی قیمتوں میں اضافے سے متعلق حتمی فیصلہ کریں گے جبکہ ملک کے موجودہ تعلیمی نظام پرتفصیلی بریفنگ اور پاور ڈویژن اورپٹرولیم کو 2 الگ وزارتیں بنانےکی منظوری بھی دی جائے گی۔

تفصیلات کے مطابق وزیراعظم عمران خان کی زیرصدارت وفاقی کابینہ کا اجلاس جاری ہے، اجلاس میں 13 نکاتی ایجنڈے پر غور کیا جارہا ہے جبکہ وزیراعظم پٹرول کی قیمتوں میں اضافے سے متعلق حتمی فیصلہ کریں گے۔

اجلاس میں وفاقی کابینہ ای سی سی کے فیصلوں کی توثیق کرے گی جبکہ کابینہ کو ملک کے موجودہ تعلیمی نظام پر تفصیلی بریفنگ دی جائےگی۔

پاور ڈویژن اور پٹرولیم کو 2 الگ وزارتیں بنانے کی منظوری ، پاکستان اور برازیل میں تکنیکی تعاون کے معاہدے کی منظوری، سعودی عرب میں مزدوروں سے متعلق معاہدے کی منظوری اور وزارت اوورسیز اور سعودی وزارت کے درمیان معاہدے کی منظوری دی جائے گی۔

زراعت میں پاکستان آذربائیجان میں معاہدے کی منظوری ، بیوروآف امیگریشن میں تبادلوں وتقرریوں کی منظوری ، چیئرمین ایکسپورٹ پروسیسنگ زونزاتھارٹی کیلئے ایڈیشنل چارج کی منظوری بھی ایجنڈے میں شامل ہیں۔

اجلاس میںکراچی کی کسٹم واینٹی اسمگلنگ عدالت میں جج میں تعیناتی کی منظوری اور اقبال اکیڈمی لاہورکی گورننگ باڈی کے خزانچی کی تعیناتی کی منظوری دی جائے گی۔

سیکیورٹی ایکسچینج کمیشن پاکستان کی سالانہ رپورٹ بھی کابینہ اجلاس میں پیش کی جائے گی۔