Tag: وفاقی کابینہ کا اجلاس

اسلام آباد : وزیراعظم عمران خان نے سربراہان مملکت کے اخراجات کے تعین کیلئے بل لانے کی ہدایت کرتے ہوئے کہا قوم کی آمدن کومد نظر سربراہان کے اخراجات کا تعین ہونا چاہیے۔

تفصیلات کے مطابق وزیراعظم عمران خان کی زیرصدارت وفاقی کابینہ کا اجلاس ہوا، جس میں ملکی موجودہ سیاسی اور سلامتی کی صورت حال پر تبادلہ خیال
کیا گیا اور ملک میں مہنگائی کی صورت حال پرکابینہ میں کھل کربحث ہوئی۔

بعض وزرا نے بڑھتی مہنگائی پر اظہار تشویش کرتے ہوئے ہنگامی اقدامات کا مطالبہ کیا، مراد سعید،شیخ رشید، فیصل واوڈا اور دیگر وزرا نے مہنگائی کا معاملہ اٹھایا۔

وزیراعظم عمران خان نے مہنگائی میں کمی کیلئے ہنگامی اقدامات کی یقین دہانی کراتے ہوئے کہا مشاورت جاری ہےحکومت جلدایکشن پلان پر عمل شروع کرےگی۔

فیصل واوڈا نے سابق اعلی ٰحکومتی شخصیات سے مراعات کی واپسی کا مطالبہ کرتے ہوئے کہا سابق صدور،گورنر اور وزرائےاعلیٰ کودی گئی غیرضروری مراعات واپس لی جائیں، حکومت کفایت شعاری مہم پر عمل کر رہی ہے، سابق حکومتی شخصیات غیر ضروری مراعات کی مستحق نہیں۔

شیخ رشید نے کابینہ اجلاس میں داوؤں کی قیمتوں میں اضافے پر برہمی کا اظہار کرتے ہوئے کہا عوام میں جاتے ہیں تولوگ آوازےکستے ہیں، مہنگائی حکومت کی سب سےبڑی دشمن ہے،غریب پس رہاہے، آٹے گندم کا بحران ہوسکتا ہے، درآمد بڑھا کر سبسڈی دی جائے۔

کابینہ اجلاس میں وزیراعظم عمران خان نے بڑا فیصلہ کرتے ہوئے سربراہان مملکت کے اخراجات کے تعین کیلئے بل لانے کی ہدایت کردی اور کہا قانون سازی کے ذریعے صدر اور وزیراعظم کے اخراجات متعین کئے جائیں۔

وزیراعظم نے قانون سازی کیلئے مشیرپارلیمانی امور بابر اعوان کوذمہ داری سونپ دی اور کہا صدر اور وزیر اعظم کے اخراجات واجبی ہونے چاہییں، سابق سربراہان میں سے ایک نےصرف گھر کی چار دیواری پر 80 کروڑ لگایا، قوم کی آمدن کومد نظر سربراہان کے اخراجات کا تعین ہونا چاہیے۔

عمران خان کا کہنا تھا کہ قانون سازی کے ذریعے صدر اور وزیراعظم کے اخراجات متعین کئے جائیں، برطانوی شہزادہ جو اخراجات براداشت نہیں کر سکتا وہ عوام پرمسلط کرناظلم ہے۔

وزیراعظم نے بابراعوان اور شفقت محمود کوسابق وزرااور صدور کی مراعات دیکھنے کی بھی ہدایت کرتے ہوئے سابق سربراہان کےاخراجات کی مدمیں قومی خزانے سے خرچ پیسے کی تفصیلات طلب کرلیں۔

دوسری جانب کابینہ نے 12 نکاتی ایجنڈا پر بھی غور کیا اور متعدد نکات کی منظوری دے دی ، کابینہ کواسلام آباد میں تجاوزات ہٹانے سےمتعلق بریفنگ کیا گیا۔

ذرائع کے مطابق اجلاس میں امپورٹ ایکسپورٹ بینک آف پاکستان ایکٹ 2020 ، پی آئی اےبورڈکے لیے ڈائریکٹرز اور یوٹیلٹی اسٹورز کارپوریشن کےبورڈ آف ڈائریکٹرز کی تشکیل نو کی منظوری دے دی۔

سیلاب سےمتاثرہ افریقی ملک نائیجر کیلئے امدادی سامان بھیجنے اور سرکاری اداروں کےسربراہان کو ایڈیشنل چارج دینے کے معاملے پر غور کیا گیا جبکہ
نیشنل انفارمیشن ٹیکنالوجی بورڈ کیلئے کابینہ کمیٹی کے قیام اور سی ڈی اے کے بجٹ تخمینہ 2020-21 کی منظوری بھی دی گئی۔

اسلام آباد :وزیراعظم عمران خان کا کہنا ہے کہ ریپ کے ملزمان کے لئے سخت سزاؤں پر مبنی بل فوری طور پر کابینہ کمیٹی برائے قانون سازی میں لایا جائے، عورتوں اور بچوں سے جنسی جرائم میں ملوث مجرمان کو سخت سزائیں دیں گے۔

تفصیلات کے مطابق وزیراعظم عمران خان کی زیرصدارت وفاقی کابینہ کا اجلاس ہوا، اجلاس میں ملکی تازہ سیاسی،معاشی اورسلامتی کی صورتحال پرغورکیا گیا اور 14نکاتی ایجنڈے کا جائزہ لیتے ہوئے متعدد نکات کی منظوری دے دی۔

کابینہ اجلاس میں ایس ای سی پی ڈیٹالیک معاملے پر بھی بحث ہوئی ، وزرا نے وزیراعظم کو ڈیٹا لیک انکوائری رپورٹ پبلک کرنے کا مشورہ دے دیا۔

وفاقی وزیر فیصل واوڈا نے کہا کہ رپورٹ پبلک کی جائےتا کہ حقائق عوام کےسامنےآئیں، ظفرحجازی کے بیٹے سے متعلق بھی اہم انکشافات ہوئےہیں، جنگ گروپ کے لوگ بھی ڈیٹالیکس میں ملوث ہیں، کچھ حکومتی ارکان بھی اس کیلئے ہمدردی رکھتےہیں، ہمیں معاملے کے پس پردہ کرداروں کو سامنے لانا چاہئے۔

وزیراعظم نے رپورٹ پبلک کرنے کا عندیہ دیتے ہوئے کہا حقائق عوام کےسامنے لائے جائیں گے۔

وفاقی کابینہ میں ریپ کے ملزمان کے لئے سخت سزاؤں پر مبنی قوانین کا بھی جائزہ لیا گیا ، مشیر داخلہ شہزاد اکبر اور بابر اعوان نے مجوزہ مسودے پر کابینہ اراکین کو بریفنگ دی۔

وزیراعظم عمران خان نے کہا بل فوری طور پر کابینہ کمیٹی برائے قانون سازی میں لایا جائے، عورتوں اور بچوں سے جنسی جرائم میں ملوث مجرمان کو سخت سزائیں دیں گے۔

اجلاس کے دوران اسد عمر کی جانب سے شیری مزاری کے بعض بیانات پراعتراض کرتے ہوئے کہا گیا سب سے زیادہ شیریں مزاری بولتی ہیں جبکہ شیخ رشید کا کہنا تھا کہ شیریں مزاری بعض اوقات اپنے آپ کو امپوز کرتی ہیں۔

وزیراعظم نے وزرا کے بیانات کا سختی سے نوٹس لیتے ہوئے وزرا کو غیر ضروری بیانات دینے سے روک دیا ، وزیراعظم کا کہنا تھا کہ کوئی وزیر فضول بات نہ کرے، وزیر کی کوئی ذاتی رائے نہیں ہوتی، کوئی وفاقی وزیر حساس مذہبی معاملات پر بات نہیں کرے گا۔

عمران خان نے اسلام آباد میں گرین ایریا پرجیل کی تعمیر پربھی اظہار ناراضی کرتے ہوئے پاکستان موسمیاتی تبدیلیوں کا شکار ہے ، گرین ایریا کا تحفظ موجودہ حکومت کی ترجیح ہے۔

وزیراعظم نے چیئرمین سی ڈے اے کو معاملے کی فوری تحقیقات کی ہدایت کرتے ہوئے معاملہ سپریم کورٹ میں ہے، اٹارنی جنرل وفاقی حکومت کے مؤقف سےآگاہ کریں۔

وفاقی وزیر فیصل واوڈا نے وزیراعظم کو گاڑیوں کی درآمد پر پابندی ختم کرنے کی تجویز دیتے ہوئے کہا گاڑیوں کی درآمدسے پابندی ختم کی جائے تا کہ مقابلہ کی فضا بنے۔

عمران خان نے فیصل واوڈا کی تجویز سے اتفاق کرتے ہوئے کہا فیصل واوڈا کو زیادہ پتا ہے ان کے پاس گاڑیوں کی اچھی کلیکشن ہے۔