Tag: وفاقی کابینہ کا اجلاس

اسلام آباد: وزیراعظم عمران خان  نے وفاقی کابینہ اجلاس میں عالمی معاشی درجے میں بہتری پر معاشی ٹیم کو شاباش دیتے ہوئے کہا
قوم کو معاشی میدان میں مزید خوشخبریاں ملیں گی۔

تفصیلات کے مطابق وزیراعظم عمران خان کی زیر صدارت وفاقی کابینہ کا اہم اجلاس ہوا، وفاقی کابینہ کوپاکستان کی معاشی صورتحال میں بہتری پربریفنگ دی گئی۔

وفاقی کابینہ نے 10 نکاتی ایجنڈے کی منظوری دے دی ، وزیراعظم اور کابینہ نے عالمی معاشی درجےمیں بہتری پرمعاشی ٹیم کوشاباش دی ، عمران خان نے کہا قوم کو معاشی میدان میں مزید خوشخبریاں ملیں گی، موڈیزکی رپورٹ کامعاملہ عوام میں اٹھایاجائے۔

ذرائع کے مطابق کابینہ کو چیف الیکشن کمشنر اور الیکشن کمیشن ممبران کےتقررپربریفنگ دی گئی جبکہ اجلاس میں اقتصادی رابطہ کمیٹی کے 27 اور 28 نومبر کے فیصلوں کاجائزہ لیا اور کمیٹی برائے نجکاری کے فیصلوں کی توثیق کی گئی۔

وفاقی کابینہ نے واپڈا کے ممبر پاور، ممبرواٹر کی تقرری ، اسلام آبادمیں کم عمربچوں کی خصوصی عدالت کےقیام اور چیئرمین اکادمی ادبیات کی تقرری کی منظوری دے دی جبکہ وفاقی کابینہ کویوٹیلٹی اسٹورزکارپوریشن کی کارکردگی پربریفنگ دی گئی۔

ذرائع کے مطابق دوسری جانب وفاقی کابینہ کے اجلاس کے بعد کابینہ کا زیرو آور شروع ہوگیا ہے ، جس میں ملکی سیاسی صورتحال پرغورہوگا، دوسرے سیشن میں آرمی ایکٹ میں ترمیم پر قانون سازی ، چیف الیکشن کمشنر اور ممبران کی تقرری پرمشاورت ہوگی۔

یاد رہے گذشتہ کابینہ اجلاس ایجنڈے میں نیشنل ٹیرف اور قابل تجدید توانائی پالیسی سمیت 8 نکات کی منظوری دی گئی تھی۔

اسلام آباد : وزیراعظم عمران خان کی زیر صدارت وفاقی کابینہ اجلاس میں لاہور،ملتان،کراچی اور پشاور میں کثیرمنزلہ عمارتوں کی تعمیر کی پالیسی کی منظوری دے دی گئی۔

تفصیلات کے مطابق وزیراعظم عمران خان کی زیر صدارت وفاقی کابینہ کا اہم ترین اجلاس وزیراعظم آفس میں ہوا، کابینہ میں خارجہ شاہ محمود قریشی کی مرحوم ہمشیرہ ، شہریار آفریدی کی ہمشیرہ اور ،اسدقیصرکے چچا کےایصال ثواب کیلئے دعا کی گئی۔

وفاقی وزیر داخلہ اعجاز شاہ نے امن و امان سے متعلق بریفنگ دیتے ہوئے کہا مقبوضہ کشمیر کےحالات کے بعد سےپورے ملک میں ہائی الرٹ ہے، دارالحکومت سمیت پورے ملک میں امن کےمؤثر اقدامات کررکھے ہیں جبکہ جے یو آئی ف کے آزادی مارچ کے معاہدے پر بھی کابینہ کو اعتماد میں لیا گیا۔

وفاقی کابینہ نے17 میں سے 14 نکات کی منظوری دے دی اور 3 نکات مؤخر کردیئے جبکہ لاہور،ملتان،کراچی اورپشاور میں کثیرمنزلہ عمارتوں کی تعمیرکی پالیسی کی منظوری دی۔

کابینہ نے سول ایوی ایشن سمیت متعلقہ اداروں کو فوری ایس اوپیزتیارکرنے کی ہدایت کرتے ہوئے کہا ایس او پیز میں سی اےاےاپنےاعتراضات بھی دور کرے جبکہ وزارتوں اور ڈویژنوں میں ایم ڈیز اور سی ای اوز کی خالی پوسٹوں پر فوری بھرتی کی ہدایت کی۔

ذرائع کے مطابق اینٹی منی لانڈرنگ ایکٹ کے تحت خصوصی کمیٹی بنانے کی منظوری بھی دی گئی اور ایف اے ٹی ایف سیکرٹریٹ بنانے پر بھی اصولی اتفاق کیا گیا ، وفاقی وزیرحماد اظہر ایف اےٹی ایف سیکرٹریٹ کےسربراہ ہوں گے۔

اجلاس میں اسلام آباد ہیلتھ کیئر فیسلیٹیز منیجمنٹ ایکٹ 2019 کے مسودے کی منظوری، سوئی سدرن کےبورڈآف ڈائریکٹرز کی تنظیم نو ، پاکستان ایل این جی لمیٹڈ کےبورڈ آف ڈائریکٹرز کی تنظیم نو اور گورنمنٹ ہولڈنگ کمپنی لمیٹڈ کےبورڈآف ڈائریکٹرز کی منظوری دی گئی۔

پاکستان اورروس میں مالیاتی کلیمز کا کئی دہائی پرانا تنازع ختم کرنے کے معاہدے، داسوہائیڈروپاورپراجیکٹ اسٹیج ون حصول اراضی کی لاگت میں نظرثانی کی بھی منظوری دے دی گئی۔

مزید پڑھیں : رہبر کمیٹی سے مذاکرات کی حتمی رپورٹ پرویز خٹک کل کابینہ میں پیش کریں گے

خیال رہے ذرائع کا کہنا تھا  کہ پرویزخٹک نے رہبر کمیٹی سے مذاکرات کی رپورٹ بھی تیار کرلی ہے، رپورٹ کے نکات میں کہا گیا تھا کہ آزادی مارچ ایک معاہدے کے تحت ہورہا ہے، رہبرکمیٹی میں تمام جماعتوں سے رابطے ہوئے، آزادی مارچ والوں کو معاہدے کے نکات کی پابندی کرنا ہوگی۔

پرویز خٹک کی رپورٹ کے نکات میں بتایا گیا  کہ حکومت نے آزادی مارچ میں اب تک کوئی رکاوٹ نہیں ڈالی، معاہدے کے تحت آزادی مارچ جلسہ گاہ تک محدود رہے گا۔

اسلام آباد : وزیراعظم کی زیر صدارت وفاقی کابینہ کے اجلاس میں چھ نئے قوانین آرڈیننس کے ذریعے نافذ کرنے، نیب ترمیمی آرڈیننس اور بے نامی ٹرانزیکشن ایکٹ2017 کے ترمیمی آرڈیننس کی منظوری دے دی گئی۔

تفصیلات کے مطابق وزیراعظم عمران خان کی زیر صدارت وفاقی کابینہ کا اجلاس ختم ہوگیا ، اجلاس میں 12 نکاتی ایجنڈا پر غور کیا گیا اور اپوزیشن کے آزادی مارچ ،حکومتی مذاکراتی کمیٹی سمیت اہم امور پر مشاورت ہوئی اور وفاقی کابینہ کو دورہ سعودی عرب میں پیش رفت پر اعتماد میں لیا گیا۔

اجلاس میں مقبوضہ کشمیر کی تازہ صورتحال اور دفاعی امور کا جائزہ لیا گیا جبکہ علاقائی امن و سلامتی اور عالمی حالات پر بات ہوئی اور مہنگائی اور معاشی صورتحال کا جائزہ لیا گیا۔

کابینہ نے 6 نئےقوانین آرڈیننس کے ذریعے نافذ کرنے، نیب ترمیمی آرڈیننس اور بےنامی ٹرانزیکشن ایکٹ 2017 کے ترمیمی آرڈیننس کی منظوری دے دی۔

اجلاس میں خواتین کووراثت میں حقوق فراہم کرنےکےآرڈیننس ، لیگل ایڈاینڈجسٹس اتھارٹی کےقیام کے آرڈیننس اور وراثتی سرٹیفکیٹ، اعلیٰ عدلیہ کے کوڈ آف کنڈکٹ آرڈیننس کی بھی منظوری دی گئی۔

گذشتہ کابینہ اجلاس میں وزیر اعظم عمران خان نے اشیائے ضروریہ کی قیمتوں کے لیے پلاننگ منسٹر کو ہدایت تھی جبکہ کابینہ نے اقتصادی رابطہ کمیٹی اور کابینہ کمیٹی برائے قانون سازی کے فیصلوں کی توثیق کی اور جان بچانے والی ادویات کی قیمتوں پر نظر رکھنے کی ہدایت کی گئی۔

اجلاس میں رئیل اسٹیٹ ریگولیٹری اتھارٹی کے قیام , سی ڈی اے کی ری اسٹرکچرنگ اور سیکٹر جی 6 میں پائلٹ پروجیکٹ کے طور پر کام کی بھی منظوری دی گئی تھی۔

کابینہ نے لنگر خانوں کے قیام کی پالیسی کی بھی منظوری دی تھی، لنگر خانے پبلک پرائیویٹ پارٹنر شپ کے تحت چلائے جائیں گے۔

وزیر اعظم نے کابینہ کو چین اور ایران کے دوروں پر اعتماد میں لیا تھا ،کابینہ نے چین کے ساتھ تعلقات پر اطمینان کا اظہار کیا جبکہ اجلاس میں ایران اور سعودی عرب میں تعلقات میں بہتری کی کوششوں سے بھی آگاہ کیا۔

اسلام آباد : وزیر اعظم عمران خان کی زیر صدارت وفاقی کابینہ اجلاس میں اقتصادی رابطہ کمیٹی کے فیصلوں کی توثیق کی گئی ہے، کابینہ کا کہنا ہے کہ معاشی بہتری کے لیے اقدامات سے عوام کو آگاہ رکھا جائے گا۔

تفصیلات کے مطابق کابینہ اجلاس کو اشیائے خورد و نوش کی قیمتوں پر بریفنگ دی گئی، وزیر اعظم عمران خان نے کہا کہ اشیائے خورد و نوش کی قیمتوں میں اضافے کی اجازت نہیں دی جا سکتی۔

وفاقی کابینہ نے ریئل اسٹیٹ آرڈیننس 2019 کے تحت ریگولیٹری اتھارٹی کے قیام اور سی ڈی اے کی تعمیر نو کے پلان کی منظوری دی، ڈاکٹر عصمت طاہرہ کو ایم ڈی نیشنل فرٹیلائزر تعینات کرنے، مسعود نقوی کو ممبر ایس ای سی پی پالیسی بورڈ، اور اسلام آباد ہیلتھ کیئر ریگولیشن ایکٹ 2018 کے بورڈ ممبران کی تعیناتی کی منظوری بھی دی گئی۔

کابینہ کو ملک میں توانائی کی صورت حال پر بریفنگ دی گئی، جس میں کہا گیا کہ متبادل توانائی کا منصوبہ تیار ہے، آیندہ اجلاس میں پیش کیا جائے گا۔

وزیر اعظم عمران خان نے متروکہ وقف املاک کے سلسلے میں کہا کہ وقف املاک کی اراضی کو استعمال میں لانے کا منصوبہ بنایا جائے، صحت کے شعبے سے متعلق انھوں نے کہا کہ جان بچانے والی ادویات کی فراہمی کو بھی یقینی بنایا جائے۔