اسلام آباد : وفاقی کابینہ کے ارکان نے جرمنی واقعے کیخلاف حرمت پرچم مہم شروع کردی، جس میں قومی پرچم کے ساتھ تصاویر سوشل میڈیا پر جاری کیں۔
تفصیلات کے مطابق جرمنی واقعہ کیخلاف وفاقی کابینہ کے ارکان کی جانب سے حرمت پرچم مہم کا آغاز کردیا گیا۔
وفاقی وزرانےپاکستانی پرچم کےہمراہ تصاویرسوشل میڈیا پر جاری کر دیں اور قومی پرچم سے والہانہ محبت کے پیغامات بھی تحریر کئے۔
نائب وزیراعظم ووزیرخارجہ اسحاق ڈار ، وفاقی وزرااویس لغاری، عبدالعلیم خان نے قومی پرچم کیساتھ تصاویرجاری کیں جبکہ راناتنویر،عطاتارڑسمیت دیگروزرا نے بھی قومی پرچم کیساتھ تصاویر جاری کردیں۔
وفاقی وزیر عطاتارڑ نے پیغام میں کہا کہ چاند روشن چمکتا ستارہ رہے، سب سے اونچا یہ جھنڈا ہمارا رہے،پاکستان کا پرچم ہماری قومی شناخت اور خودمختاری کی علامت ہے اور قوم کے اتحاد اور یکجہتی کی نمائندگی کرتا ہے۔