Tag: وفاقی کابینہ

کراچی: ترجمان ایم کیو ایم نے ایم کیو ایم پاکستان کی وفاقی کابینہ میں واپسی کی خبروں کی تردید کرتے ہوئے کہا کہ کابینہ میں واپس نہیں جا رہے۔

تفصیلات کے مطابق ترجمان ایم کیو ایم پاکستان نے وفاقی کابینہ میں واپسی کی خبروں کی تردید کرتے ہوئے کہا کہ ایم کیو ایم نے کابینہ میں دوبارہ شمولیت کا کوئی مطالبہ نہیں کیا۔

ترجمان نے کہا کہ ایم کیوایم پاکستان کو وزارتوں کی ضرورت نہ پہلے تھی نہ اب ہے، مسائل ترجیحی بنیادوں پر حل ہونے تک کابینہ میں واپسی بےمعنی ہوگی۔

ایم کیو ایم رہنما عامر خان نے کہا کہ ایم کیو ایم کی کابینہ سےعلیحدگی کا فیصلہ عوامی مسائل حل نہ ہونے پر ہے، ایم کیوایم نے کسی بھی مزید وزارت کی کوئی شرط نہ رکھی ہے نہ رکھے گی۔

انہوں نے مزید کہا کہ ایم کیو ایم کا مسئلہ وزارت نہیں بلکہ عوام کے مسائل حل نہ ہونا ہے۔

ایم کیو ایم کو خدمت کرنے کے لیے وزارت کی ضرورت نہیں،خالد مقبول صدیقی

یاد رہے کہ دو روز قبل ایم کیو ایم پاکستان کے رہنما خالد مقبول صدیقی کا کہنا تھا کہ عوام کی خدمت ہماری سیاست کی بنیاد ہے، ہےایم کیو ایم کو خدمت کرنے کے لیے وزارت کی ضرورت نہیں ہے۔

اسلام آباد: وزیراعظم عمران خان نے وفاقی کابینہ کا اجلاس 31 دسمبر کو طلب کرلیا، اجلاس میں 8 نکاتی ایجنڈے پر غور کیا جائے گا۔

تفصیلات کے مطابق وزیراعظم عمران کی زیر صدارت وفاقی کابینہ کا اجلاس 31 دسمبر کو ہوگا۔ اجلاس میں کابینہ 8 نکاتی ایجنڈے پر غور کرے گی۔

وفاقی کابینہ کے اجلاس میں ملکی معاشی اور سیاسی صورت حال پر غور ہوگا، نیشنل کالج آف آرٹس انسٹیٹیوٹ کے بل کا مسودہ کابینہ میں پیش ہوگا۔ اجلاس میں اسٹیٹ بینک مالی اسٹیٹمنٹ برائے سال 2018 کے اجرا کی منظوری دی جائی گی۔

وزیراعظم کی زیر صدارت اجلاس میں ناروے کے شہری کی پاکستان سے حوالگی کا معاملہ بھی زیر غور آئے گا، وزارت داخلہ کی سہیل احمد کو برطانیہ کے حوالے کرنے کی درخواست پرغور ہوگا۔

اجلاس میں اسمال اینڈ میڈیم انٹرپرائزرکے سی ای او کی منظوری بھی دی جائے گی۔ وفاقی کابینہ کو اہم معاشی اعدادوشمار پر بھی بریفنگ دی جائے گی۔

پرانے سسٹم سے پیسہ بنانے والے مافیا کے لیے 2020 مشکل سال ہوگا، وزیراعظم

یاد رہے کہ گزشتہ دنوں وزیراعظم عمران خان کا کہنا تھا کہ پرانے سسٹم سے پیسہ بنانے والے مافیا کے لیے 2020 مشکل سال ہوگا، 2020 میں عوام کو بہتر تبدیلی نظر آئے گی۔

وزیراعظم پاکستان کا کہنا تھا کہ 2019 میں ہم نے معیشت کو مستحکم کیا، انشا اللہ 2020 ہماری ترقی اور روزگار کی فراہمی کا سال ہوگا، 2020 سال میں ملک ترقی کرے اور خوشحالی آئے گی۔

اسلام آباد : وزیراعظم عمران خان نے وفاقی کابینہ کا اجلاس کل طلب کرلیا، جس میں 15 نکاتی ایجنڈے پر غور کیا جائے گا۔

تفصیلات کے مطابق وزیراعظم عمران خان کی زیر صدارت وفاقی کابینہ کا اجلاس کل ہوگا ، اجلاس میں ملکی سیاسی اور معاشی صورت حال پر غور کیا جائے گا جبکہ وفاقی کابینہ 15 نکاتی ایجنڈے پر غور کرے گی۔

ذرائع کا کہنا ہے کہ اجلاس میں مریم نواز کانام ای سی ایل سے نکالنے سے متعلق فیصلہ کیا جائے گا۔ دواؤں کی زیادہ سے زیادہ قیمت کے فروخت کے تعین کی منظوری ایجنڈے کا حصہ ہے۔

اجلاس میں کابینہ اقتصادی رابطہ کمیٹی کے اجلاس کے فیصلوں کی توثیق کرے گی، فیڈرل لینڈ کمیشن کے سینئر رکن کی تعیناتی اور فرسٹ ویمن بینک اورایگزیم بینک کےسی ای اوز کی تعیناتی کی منظوری ایجنڈے میں شامل ہے۔

وفاقی کابینہ اسپورٹس بورڈ ایگزیکٹو کمیٹی، بورڈ کی تشکیل نو اور قانون میں ترمیم، نیشنل کمیشن فار ہیومن رائٹس کی چیئرپرسن اور اراکین کی تقرری کی منظوری دے گی۔

وزیراعظم کی زیرصدارت اجلاس میں ایل او سی کے قریب بسنے والوں کے لیے بی آئی ایس پی کے تحت خصوصی ریلیف کی منظوری سمیت کراچی پورٹ ٹرسٹ کےجی ایم آپریشنز کی پاک بحریہ سے ڈیپوٹیشن کا معاملہ زیرغور آئے گا۔

نیشنل پاور پارک مینجمنٹ آف کمپنیز کے بورڈ آف ڈائریکٹرز کی تشکیل بھی کابینہ اجلاس کے ایجنڈے کا حصہ ہے۔

اسلام آباد: معاون خصوصی برائے اطلاعات فردوس عاشق اعوان نے کہا کہ وزرات قانون کو ہدایت دی ہے کہ معاشرے کو تباہی سے بچائیں، جھوٹ اور سچ میں تفریق سے ہی معاشرہ ترقی کرسکتا ہے۔

تفصیلات کے مطابق وفاقی دارالحکومت اسلام آباد میں پریس کانفرنس کے دوران فردوس عاشق اعوان نے بتایا کہ وفاقی کابینہ نے آج 6 نکاتی ایجنڈے کی منظوری دی، وزیراعظم کی زیر صدارت اجلاس کا ایجنڈا 12 نکاتی تھا۔

فردوس عاشق اعوان نے کہا کہ کابینہ میں 15 ماہ کی حکومتی کارکردگی کا جائزہ لیا گیا، عوام کو درپیش مسائل کے حل میں رکاوٹیں ہیں، مسائل حل کرنے کے لیے رکاوٹیں دورکریں گے۔

انہوں نے کہا کہ وزارت توانائی کی جانب سے کابینہ کو بریفنگ دی گئی، گردشی قرضوں کی رقوم کو کم کر کے 12 ارب تک لایا گیا، حکومت نے گھریلوصارفین کو 242 ارب کی سبسڈی دی، زرعی شعبے کو 100ارب کی سبسڈی دی جا رہی ہے۔

معاون خصوصی برائے اطلاعات نے کہا کہ حکومت نے گیس کی مد میں کھاد پر10 ارب کی سبسڈی دی، صنعتوں کو 29 ارب روپے کی سبسڈی دی گئی ہے، وزارت پانی وبجلی نے لائن لاسز کو کم کیا۔

فردوس عاشق اعوان نے کہا کہ وزرات قانون کو ہدایت دی ہے کہ معاشرے کو تباہی سے بچائیں، جھوٹ اورسچ میں تفریق سے ہی معاشرہ ترقی کرسکتا ہے۔

انہوں نے کہا کہ وفاق کے اسپتال کی سہولتوں کو بہتر کیا جائے گا، مریضوں کو ریلیف دینے کے لیے اقدامات کیے جائیں گے، ورکرز ویلفیئربورڈ کی تنظیم نو کی منظوری دی گئی۔

معاون خصوصی برائے اطلاعات ڈاکٹر فردوس عاشق اعوان نے کہا کہ قوم کو لوٹ کرمیڈیا پرمسیحا بننے والوں کے خلاف قانون بنانے کا کہا گیا ہے۔

اسلام آباد: وزیراعظم عمران خان کی زیرصدارت اجلاس میں وفاقی کابینہ نے بھارت سے مختلف اشیاء درآمد کرنے کی تجویزمسترد کر دی۔

تفصیلات کے مطابق وزیراعظم عمران خان کی زیرصدارت وفاقی کابینہ کا اجلاس وزیراعظم آفس میں ہوا۔ کابینہ کے اجلاس میں 16 نکاتی ایجنڈے پرغور کیا گیا۔ وفاقی کابینہ نے متعدد نکات کی منظوری دے دی۔

ذرائع کے مطابق بھارت سے کیڑے مار دوا، پولیو مہم کے لیے فنگر مارکر کی درآمد کی تجویز دی گئی تھی۔ کابینہ نے بھارت سے اشیاء درآمد کرنے کی اجازت نہیں دی۔

ذرائع کا کہنا ہے کہ کابینہ نے عالمی ادارہ خوراک کو کراچی سے کابل گاڑیوں کے اسپیئرپارٹس لے جانے کی اجازت دے دی۔ اجلاس میں پی ٹی وی کے ایم ڈی عمار منظور کی تعیناتی، تنخواہ ومراعات کی منظوری دی گئی۔

ذرائع کا کہنا ہے کہ کابینہ نے این پی او کے چیف ایگزیکٹیو کی تعیناتی کی منظوری دے دی۔ ایم پی او کے بورڈ آف ڈائریکٹرز کی بھی منظوری دے دی گئی۔

وفاقی وزیر شفقت محمود ساڑھے 5 بجے پریس کانفرنس کے دوران وفاقی کابینہ کے اہم فیصلوں سے متعلق آگاہ کریں گے۔

اسلام آباد: وزیراعظم عمران خان نے وفاقی کابینہ کا اجلاس کل طلب کرلیا، جس میں وفاقی کابینہ ملکی سیاسی، معاشی وسیکورٹی صورت حال کا جائزہ لے گی۔

تفصیلات کے مطابق وزیراعظم عمران خان کی زیرصدارت وفاقی کابینہ کا اجلاس کل صبح ساڑھے 11 بجے وزیراعظم آفس میں ہوگا۔ اجلاس میں وفاقی کابینہ ملکی سیاسی، معاشی وسیکورٹی صورت حال کا جائزہ لے گی۔

وفاقی کابینہ کے اجلاس کا 16 نکاتی ایجنڈاجاری کردیا گیا، کابینہ اقتصادی رابطہ کمیٹی کے فیصلوں کی توثیق کرے گی۔ اجلاس میں کابینہ چیئرمین آرڈننس فیکٹریز بورڈ کی تقرری کی منظوری دے گی۔

کے پی، فاٹا اور پاٹا سے متعلق مالی امور کے حوالے سے فیصلے، عامر منظورکی پی ٹی وی ایم ڈی تعیناتی کی شرائط کی منظوری اور پاکستان اکادمی ادبیات کے چیئرمین کی تقرری کی منظوری بھی کابینہ اجلاس کے ایجنڈے میں شامل ہے۔

اجلاس میں ہیلتھ کیئرریگولیشنز ایکٹ کے تحت بورڈ آف اتھارٹی کے ارکان کی نامزدگی اور ہیلتھ کئیر فیسیلیٹیزمینجمنٹ ایکٹ 2019 کی منظوری دی جائے گی۔

وزیراعظم کی زیرصدارت اجلاس میں 3 سال کے دوران حج پالیسی کی تیاری میں درپیش مشکلات کا جائزہ لیا جائے گا۔ پوسٹل لائف انشورنس کو پبلک پرائیویٹ کمپنی بنانے کی منظوری بھی اجلاس کے ایجنڈے کاحصہ ہے۔