Tag: وفاقی کابینہ

اسلام آباد : وفاقی کابینہ نے پانچ وزارتوں کے ذیلی اداروں میں ڈاؤن سائزنگ اوررائٹ سائزنگ کا فیصلہ کرلیا۔

تفصیلات کے مطابق وزیراعظم شہباز شریف کی زیر صدارت وفاقی کابینہ کا اجلاس ہوا ،اجلاس میں وزارتوں میں رائٹ سائزنگ اور ڈاؤن سائزنگ سے متعلق امور پرغور کیا گیا۔

وزیر خزانہ محمد اورنگزیب کی ترجیحی وزارتوں سے متعلق تفصیلی بریفنگ دی ، ایسے محکمہ جو کارآمد نہیں رہے، ان پروزیر خزانہ نے بریفنگ دی۔

وزیراعظم نے سخت معاشی حالات میں کفایت شعاری پلان پر کام تیز کرنے کی ہدایت کردی۔

کابینہ میں وزارتوں اور محکموں کو ختم کرنے کا پلان پیش کردیا گیا اور وزیراعظم کی طرف سے قائم انسٹیٹیوشنل ریفارمزسیل نے رائٹ سائزنگ پررپورٹ پیش کی۔

پانچ وفاقی وزارتوں سے کمیٹی کی سفارشات کابینہ اجلاس میں پیش کردی گئیں ، جس میں وزارت آئی ٹی ،کشمیر افیئرز،وزارت سیفران، صنعت و پیداوار اور وزارت ہیلتھ سروسزشامل ہیں۔

اجلاس میں 5 وزارتوں کے ذیلی اداروں کی ڈاؤن سائزنگ اور رائٹ سائزنگ کا فیصلہ کیا گیا۔

وزیراعظم کی بجلی بلوں پرریلیف فوری فراہم کرنے اور وزارتوں کو سولر ٹیوب ویلز پر تیزی سے کام کرنے کی ہدایت کردی۔

اجلاس میں ادویات کی ٹی وی، ریڈیو، پرنٹ میڈیاپراشتہارات چلانے کی منظوری دے دی گئی۔

اسلام آباد: وزیراعظم شہباز شریف سمیت کابینہ اراکین نے رضاکارانہ طور پر تنخواہیں اور مراعات نہ لینے کا فیصلہ کرلیا۔

تفصیلات کے مطابق وزیراعظم شہباز شریف کی زیر صدارت وفاقی کابینہ کا اجلاس ہوا، جس میں وزیراعظم سمیت کابینہ اراکین کارضاکارانہ طور پر تنخواہیں،مراعات نہ لینے کا فیصلہ کیا ہے۔

کا بینہ اراکین کاتنخواہیں اور مراعات نہ لینے کا فیصلہ کفایت شعاری کی ترویج کے تناظر میں لیا گیا ہے۔

اجلاس میں وزیر خزانہ محمد اورنگزیب نے کابینہ کو آئی ایم ایف کیساتھ اسٹاف لیول ایگریمنٹ پرتفصیلی بریفنگ
میں کہا کہ آئی ایم ایف کیساتھ معاہدے سےمعیشت میں بہتری آئے گی ، جس سے سرمایہ کاروں کے اعتماد میں مزید اضافہ متوقع ہے۔

کابینہ نے پاکستان انٹرنیشنل ایئرلائنزہولڈنگ کمپنی تشکیل کرنے کی منظوری دے دی، پاکستان انٹرنیشنل ایئرلائنز ہولڈنگ کمپنی پی آئی اے کی نجکاری کی طرف اہم پیشرفت ہے۔

وفاقی کابینہ نے میرعلی دہشت گرد حملے کے شہداکو خراج عقیدت پیش کیا اور فاتحہ خوانی کی ساتھ ملک سے دہشت گردی کے مکمل خاتمے کے عزم کا اظہار کیا۔

اسلام آباد : وفاقی کابینہ کے 19 ارکان نے حلف اٹھالیا، صدرمملکت آصف علی زرداری نے وفاقی وزرا سے حلف لیا۔

تفصیلات کے مطابق ایوان صدر میں نو منتخب وزرا کی حلف برداری تقریب ہوئی ، تقریب میں وزیراعظم شہبازشریف،ارکان پارلیمنٹ اور سینیٹرز نے شرکت کی۔

ایوان صدرمیں وفاقی کابینہ کے ارکان نے حلف اٹھایا ، صدر مملکت آصف علی زرداری نے وفاقی وزرا سے حلف لیا۔

وفاقی کابینہ کے 19ارکان نے حلف لیا، جس میں خواجہ آصف،احسن اقبال ، راناتنویر نے وفاقی وزیر کےعہدے کا حلف اٹھایا جبکہ اعظم نذیرتارڑ،چوہدری سالک، عبدالعلیم خان حلف اٹھانیوالوں میں شامل ہیں۔

اس کے علاوہ جام کمال، امیر مقام ،اویس لغاری ،عطاتارڑ , خالدمقبول،قیصر احمد شیخ ،ریاض پیر زادہ ،اسحاق ڈار، مصدق ملک ، محمد اورنگزیب ، احدچیمہ اور محسن نقوی نے بھی وفاقی وزیر کا حلف اٹھایا جبکہ شزہ فاطمہ نے وزیرمملکت کے عہدے کا حلف لیا۔